شاهد شاف كل حاجة:الانصار يا ولدى مسكوا الخواجه تكو وضبحوا شخخخخخ..

[بابكر مخير]

المشاركة الأصلية كتبت بواسطة فتحي مسعد حنفي

هذا فراق بيني وبينك ويبدو انني كنت أنفخ في قربة مقطوعة
ويبدو ان هدفك كان يتلخص في استغلال الفرصة للاساءة لشوقي بدري ولو كنت تقف أمام شوقي بدري لما تجرأت لقول كلمة واحدة من ما كتبته عنه هنا وقلة الأدب هو ما أوردته أنت ولعلمك شوقي بدري مؤدب أكثر من كل حزب الأمة بما فيهم زعماء الأنصار وعلي رأسهم الصادق المهدي وشوقي بدري مكانو معلوم أمشوا أضربوهو لو فيكم راجل بيقدر وردي دا مفروض تفهم منو انو قلة الأدب ما بتجيب غير قلة أدب وثق تماما ان شوقي بدري لن يرد عليك لأنك أقل شأنا من أن تستحق الرد عليك وأنا أعلم تماما اسلوبك العاجز في الاساءة لمن هم بعيدين عنك ولن أبرد لك بطنك بالرد عليك مهما كتبت وان كان هناك عقلاء في حزب الأمة لصدر أمر بمنعك من الكتابة باسم الحزب حتي لا تتسبب في اساءات هم في غني عنها..

أخي الحبيب وعزيز توحة
لا أعتقد أن حجر الرأي هو إسلوب عملت به لحظة في حياتك وثماره هاهي عيان بيان
فلذت كبدك تمتعنا بكتاباتها العذبة الحلوة وتثيرنا بمواضيعها الساخنة التي تطرحها
شقيقك الأصغر وجد في قلوبنا مكانة عالية وسامية لسطوره التي يخطها
إذن أنت الذي أعرفه تؤمن بحرية الكلمة
قال الحبيب محمد ود العمدة ما قال وهذا جاء نتاج غبن مشروع، فشوقي (لا أذكر إسمه مجردا، لعدم الرضاء عنه ولكن لضيق المساحة أن أكتب وصفه عندي، فهو فوق كل ما يمكن أن يوصف به الحبيب والصديق والشقيق) كتب وقال وحدث ما يحلو له ويسعد البعض إلا أنه تغاضي عن النظر لما يغضب الأخرين.
الحبيب توحة
أهو برضك بطبن الكلام
(((وشوقي بدري مكانو معلوم أمشوا أضربوهو لو فيكم راجل بيقدر)))
هدو نفسكم
الدنيا أيام معدودة ما بناخد منها التكتحا لكن بنخلي فيها كل شئ،،، تعالو نعمل أن نخلي فيها الجميل والذكرى الحسنة
حبي الا محدود

[imported_Hassan Farah]

بعدين ياخ البكتبو شوقي بدري ده ما تاريخ دي قلة ادب وخوض في عرض الناس ونسبهم وتستوجب الضرب شرعا لانها خوض في العرض فهمت يا اخ
نعم فهمت يا محمد حسن العمدة--وانا فاهم من زمان-- من عام 54 ان هذه هى اساليبكم-- شوقى بدرى لا يحتاجنى لكى ادافع عن ما قاله --أسأل الناس حولك قبل ان تنفعل--أسأل الاحيإ منهم الذين استشهد بهم--اما اذا قررتم اللجؤ للعنف فهذا ليس بشئ جديد منكم--روحوا وجربوا اذا كنتم رجال- لكن وفى نظرى قمة قلة الادب ان يتجاسرالواحد على رجل فى عمر ابوهو ويصفه بقليل الادب لسماعه حقائق لم تعجبه-

[بابكر مخير]

المشاركة الأصلية كتبت بواسطة Hassan Farah

وانا فاهم من زمان-- من عام 54 ان هذه هى اساليبكم--

????????????????????????????????

شوقى بدرى لا يحتاجنى لكى ادافع عن ما قاله --أسأل الناس حولك قبل ان تنفعل--أسأل الاحيإ منهم الذين استشهد بهم--اما اذا قررتم اللجؤ للعنف فهذا ليس بشئ جديد منكم--روحوا وجربوا اذا كنتم رجال- لكن وفى نظرى قمة قلة الادب ان يتجاسرالواحد على رجل فى عمر ابوهو ويصفه بقليل الادب لسماعه حقائق لم تعجبه-

ود الخال الحبيب
1954 مالها، دي السنة الفيها طالبنا بي إستقلالنا من مصر وبرطانيا
والحمد لله أن تم ذلك في 1965
طبعن حسب مشروع قدمو واحد من الإستقلالين
حليلنا من 54 و56 و64 والإنتفاضة

بعدين الحبيب،، إتا وشوقي وأنا والكتيريين عارفين أنو شوقي في كتير من قصصو البيكتبها منقولة عن روايات بيحكوها ليهو ناس، والموضوع دا إتكلمنا عنو كتير.

كلام الحبيب ود العمدة فيهو زعلة وإنفعال وغلط
يا أخوانا واجب وحقنا على بعض أنو بيناتنا نترفع عن الكلام المامناسب،
من الجميع، أتمنى أن نتقيد بشعار!!! حلو الحديث بيكسب أصدقاء والكلام الشين بيكتر الأعداء
ربنا يهدي الجميع

[imported_Hassan Farah]

الحبيب بابكر مخير--انا مقدر مدى المك ومعاناتك لكن يا اخى زولكم دا فقد اتزانوواعلن افلاسو-- لو عندو حجة فليقدمها للناس -- شنو نازل فى الناس شتيمة وتهديد بالضرب-- الاخت الفوق قبيل مش نصحته ياخد حربته ويغادر المنبر---انصحوهوا يا اخى ربنا يهديهو

[imported_فتحي مسعد حنفي]

المشاركة الأصلية كتبت بواسطة Babiker Mukhayer

ود الخال الحبيب
1954 مالها، دي السنة الفيها طالبنا بي إستقلالنا من مصر وبرطانيا
والحمد لله أن تم ذلك في 1965
طبعن حسب مشروع قدمو واحد من الإستقلالين
حليلنا من 54 و56 و64 والإنتفاضة

بعدين الحبيب،، إتا وشوقي وأنا والكتيريين عارفين أنو شوقي في كتير من قصصو البيكتبها منقولة عن روايات بيحكوها ليهو ناس، والموضوع دا إتكلمنا عنو كتير.

كلام الحبيب ود العمدة فيهو زعلة وإنفعال وغلط
يا أخوانا واجب وحقنا على بعض أنو بيناتنا نترفع عن الكلام المامناسب،
من الجميع، أتمنى أن نتقيد بشعار!!! حلو الحديث بيكسب أصدقاء والكلام الشين بيكتر الأعداء
ربنا يهدي الجميع

الحبيب بابكر اولا انا في غاية الأسف لانسياقي وراء غضبي وتصرفي بنفس الاسلوب الذي رفضته من ود العمدة الذي يعلم الله اني أعزه دون أن أعرفه شخصيا والدليل علي ذلك دفاعي عنه كشخص في أكثر من بوست.الا أني قد أعماني الغضب بعد أن قرأت مداخلة ود العمدة التي عاد فيها للاساءة مرة أخري بطريقة شخصية الي شوقي الذي تعرف العلاقة التي تربطني به بعد أن كنت قد اعتبرت ان الموضوع قد انتهي في وقتها.خاصة وأن شوقي قد كتب هذا الموضوع قبل الخلاف بينه وبين ود العمدة في المرة الأولي..
كان من الممكن أن يرد ود العمدة بموضوعية ويكتفي بقوله ان كلام شوقي منقول عن آخرين منهم من هم أحياء ومنهم من قضي نحبه وكنا سنحترم رأيه ولكنه عاد وبدأ في اتباع نفس الاسلوب الأول الذي طلبنا منه أن يتركه وقام هو مشكورا بتنفيذ طلبنا وتوقف عن اسلوب الاساءات الشخصية فأنت حينما تقول لي انعل أبوك يمكنني ان أرد عليك بانعل أبوك انت ويمكنني أن أقول لك عيب وألله يسامحك والرد الثاني أكيد أقوي من الرد الأول ويجعل من بدأ بالاساءة في موقف الضعيف ونكون قد رددنا عليه وأريناه خطأه أمام الجميع وكسبنا تعاطفهم ولكن أن نعود مرة أخري لنفس الاسلوب فهذا ولله خطأ وهو ما اخرجني عن طوري..
أنا يابابكر عندما حدث موضوع السر بادي كنت في غاية الغضب واعتبرت ما حدث من اساليب البلطجة المرفوضة ودخلت في مشاكل جعلتني أذهب في يوم من اللأيام الي داخلية بودولي حيث قمت بضرب ابراهيم موسي وعبد العظيم زمراوي الذين أقحما نفسيهما في الموضوع دفاعا عن الشيوعيين وقمت بضرب أمين محمد أحمد لنفس السبب بعد أن تم الاعتداء علي المرحوم فارس رغم انو فارس شقيق يونس الذي اعتدي علي السر بادييابابكر الشيوعيين ليسوا ملائكة ولهم أخطائهم وهي كثيرة ولكن لا يعني هذا أن أشيل سكينتي وأسن لساني للدخول في حرب بسبب قلة جاهلة لا يستحقون في الاصل أن ينسبوا الي الحزب الشيوعي..
أما هجومي علي ود العمدة فقد كان لاثبات ان الاساءة لا ينتج عنها الا اساءة مثلها أو أكثر منها وعلي الباغي تدور الدواير..وقد اسئت اليه والي أشخاص لا علاقة لهم كرد فعل لاساءته لشوقي علي الرغم من أني لم أتدخل اطلاقا في كلام شوقي ولم أقل بأني أصدق علي ما قاله وبل علي العكس كنت قد قمت بتغليط شوقي وهو لم يأتي بجديد وكل ما ذكره سبق وسمعته منذ زمن بعيد بل سمعت أكثر منه ومن أطراف لا علاقة لشوقي بهم وهذا هو حال السياسة في السودان وهو شيئ مؤسف ...وأنا أقولها هنا بكل شجاعة اني آسف علي ما وجهته لود العمدة ولقيادات الأنصار من اساءات ما جاءت الا كرد فعل علي ما كتبه ردا علي شوقي وبالمناسبة الموضوع الذي نزل تحت عنوان محن سودانية8 هو موضوع قديم كان قد توقف بعد أن اتخذ الموضوع منحني آخر نتج عنه الخلاف بين ود العمدة وشوقي وخالد الحاج ولا أعلم لماذا نزل هذا البوست الآن ومن الذي أنزله وأنت تعلم ان شوقي لا يكتب مداخلاته بنفسه في المنتدي بل يعطي ويكلف أحد الأصدقاء بالكتابة علي الكمبيوتر نيابة عنه بعد أن يعطيه المادة كاملة وأنا علي يقين من أن شوقي لم يطلب من هذا الصديق انزال هذه الحلقة في هذا الوقت بالذات..
يابابكر مشكلة شوقي انه يكتب بعفوية تامة دون أن يحسب ردود الأفعال ويعطي ما يكتبه لجهة لا تتجرأ علي انتقاده أو نصحه قبل أن يقوم بالنشر وهذا هو أس البلاء..
أرجو أن أكون قد وفقت في شرح وجهة نظري والحمدلله ان ردي عليك قد جاء قبل أن يرد ود العمدة حتي أبين وجهة نظري قبل أن أن يمارس حقه المشروع في رد اساءاتي له ولغيره وأنت تعلم تماما ان أسلوب البحث عن المشاكل ليس اسلوبي..
دمت يا صديق أقرب الي قلبي من شقيق

[imported_محمد حسن العمدة]

الا أني قد أعماني الغضب بعد أن قرأت مداخلة ود العمدة التي عاد فيها للاساءة مرة أخري بطريقة شخصية الي شوقي الذي تعرف العلاقة التي تربطني به

طيب انت يا عم فتحي ما تكون حقاني وتراعي للعلاقة البتربطني انا والامام الصادق المهدي

خت نفسك في مكاني ويجي واحد زي شوقي بدري يشكك في نسب اعز انسان الى نفسك واقرب العالمين الى قلبك فترضى انت ؟؟

زي ما اديت نفسك الحق تهاجمني لردي علي شوقي بدري

كمان اديني انا الحق اهاجم شوقي بدري

بعدين اخير تقول علي قليل ادب من تشكك في نسبي ولا شنو ؟؟

مالكم كيف تحكمون


انت لا تشعرون بالام الاخرون يا سيدي

قولو ما تشائون لكن

ثق تماما سوف تجدون ما لا تشتهون

قول اي كلام فكري ولا سياسي

وشوف لو في زول اتعرض ليك بكلمة

لكن ان تشتم الاخرين وتسبهم وتشكك في نسبهم فهل تنتظر منا التصفيق والمدح ؟؟

بل وياتي امثال المدعو حسن فرح ليتبختر بما يكتب شوقي بدري ويصفه بالتاريخ !!

اذا كان شوقي بدري في مقام ابي

فالامام الصادق المهدي في مقام نبي

ولا اعتقد انك تذكرني بفارق العمر !!

وهل الصادق المهدي يا ايها المدعو حسن فرح نديدك ولا رفيق دراستك ؟؟

احترم نفسك قبل ان تطالب الاخرين باحترامك

انني اعلم جيدا ان الخوض في مثل هذا الحديث يؤذينا ويؤذي الامام نفسه
ولكن لم تتركوا لنا حلولا وسطى
ياخي الخوض في نسب وعرض الاخرين ده كلام قبيح فارحمونا وارحمو انفسكم يا هؤلاء

أليس فيكم من رجل رشيد ؟؟؟؟؟؟؟؟؟؟؟؟؟

[imported_محمد حسن العمدة]

ويبدو ان هدفك كان يتلخص في استغلال الفرصة للاساءة لشوقي بدري

اتحين في شنو وعشان شنو يا عم فتحي ؟؟!!!

البوست بتحدث عن احداث مارس 1954

المدعو حسن فرح هو اللي جاب خرافات شوقي بدري

يبقى كيف انا بتحين ومتين اتحينت في البوست ده ؟؟؟

انت لو غضبان اغضب براحتك وروق براحتك لكن كان تابعت مين السبب في الحديث عن شوقي بدري وقلة ادبو وتلفيقو لاكاذيبه كان عرفت من بدا ومن اخطا

حب من تشاء فهذا حقك

ولكن لا تسبو من نحب نحن

دي كتيرة دي ؟؟

اذا انت بترى انو شوقي بدري صادق في كلامو وانو الامام نسبو غير حقيقي فانا لا احترمك ولا انتظر منك ان تنفخ في قدرة مقدودة ولا معفنة ومافيش حد طلب منك تنفخ

اما اذا كنت بتشوف انو شوقي غلطان وما عندو حقو في التعرض لاعراض الاخرين فستجد منا كل الاحترام والتقدير وواصل نفخك

لكن لا تنتظر منا بغير المعاملة بالمثل انا لا اجامل في علاقاتي بالاخرين ابدا

[imported_Hassan Farah]

وهل الصادق المهدي يا ايها المدعو حسن فرح نديدك ولا رفيق دراستك ؟
من المدعو حسن فرح الى المدعى محمد حسن العمدة---
يا زول انت ما بك--- حسع انت شفتنى جبت سيرة الصادق المهدى-- انت مالك بقيت تهضرب --يا زول عيب عليك الله يهديك--- ؟

[imported_أمير الشعراني]

[frame="7 80"] الاعزاء دوما ليس لى تعليق عن المداخلات الجانبية فقط اريد ان اقول فى الحكى ساعة اخرى لمزيد من التوثيق ... [/frame]

[imported_محمد حسن العمدة]

المشاركة الأصلية كتبت بواسطة Hassan Farah

وهل الصادق المهدي يا ايها المدعو حسن فرح نديدك ولا رفيق دراستك ؟
من المدعو حسن فرح الى المدعى محمد حسن العمدة---
يا زول انت ما بك--- حسع انت شفتنى جبت سيرة الصادق المهدى-- انت مالك بقيت تهضرب --يا زول عيب عليك الله يهديك--- ؟

من المدعو محمد حسن العمدة الى المدعو حسن فرح

وقت الناس تكتب كلام ما تنكرو .. اوكي ؟؟

انت وقت كتبت فوق مقال شوقي بدري المهبب ما كنت بكامل وعيك ؟؟

ياهو دي مداخلتك كتبتها بيدك الا اذا كنت بتسلف زول الباسوورد حقك

ولكن كما يقال ان الشينة منكورة

شوف يا المدعو حسن فرح انا لا اعادي انسان من فراغ ابدا
انت اعدت كتابة مقال شوقي بدري وعليك تحمل تبعات ذلك

[بابكر مخير]

المشاركة الأصلية كتبت بواسطة أمير الشعراني

[frame="7 80"] الاعزاء دوما ليس لى تعليق عن المداخلات الجانبية فقط اريد ان اقول فى الحكى ساعة اخرى لمزيد من التوثيق ... [/frame]

الحبيب أمير
درس ورا درس
درستنا معنى التوثيق وفنو وعظمتو

شكرن ليك على محاولاتك الجاهدة أن تعلمنا فن الحوار
لكن للأسف يبدو أننا دواخلنا ما إرتقت مستوى فنك وحسك وقدراتك

كواحد من المتداخليين الفضولين، الطفوليين (كلام رباطاب،،، حاسدين تب) الغيرو في جمال بوستك وشوهو عظمتو

بعتذر مليون دشليون مرة، ليك ولكل القراء الأحباء
ومن خلالك بشكر شوقي على فهم وعظمتو أنو إختار المعاينة دون الخوض في جدال وبناشد الحبيب ود العمدة وود الخال أبو فرح، نقفل باب (ما عارف أسميهو شنو؟؟؟)
ونديك الفرصة عشان تكمل لينا
لك المحبة وللأحباء كل المودة

[imported_محمد حسن العمدة]

عم فتحي لك الود والتحية

خالص محبتي

بس كدي ركب النضارة

[imported_Hassan Farah]

المشاركة الأصلية كتبت بواسطة Babiker Mukhayer

الحبيب أمير
درس ورا درس
درستنا معنى التوثيق وفنو وعظمتو

شكرن ليك على محاولاتك الجاهدة أن تعلمنا فن الحوار
لكن للأسف يبدو أننا دواخلنا ما إرتقت مستوى فنك وحسك وقدراتك

كواحد من المتداخليين الفضولين، الطفوليين (كلام رباطاب،،، حاسدين تب) الغيرو في جمال بوستك وشوهو عظمتو

بعتذر مليون دشليون مرة، ليك ولكل القراء الأحباء
ومن خلالك بشكر شوقي على فهم وعظمتو أنو إختار المعاينة دون الخوض في جدال وبناشد الحبيب ود العمدة وود الخال أبو فرح، نقفل باب (ما عارف أسميهو شنو؟؟؟)
ونديك الفرصة عشان تكمل لينا
لك المحبة وللأحباء كل المودة

قريبى الحبيب بابكر مخيرالسلام عليكم-- ىا اخى نحن نفسنا طويل وعشنا وشفنا الكتير--وتحملنا الظلم من حكامنا مقادير ومقادير--وكان باستطاعتى ان اسطر اول بوست فى سودانيات عن معاناتى والظلم الذى وقع على منذ عهد الوزير زياده ارباب وعبر عهود العساكر الاول وعهد الصادق الاول والنميرى والصادق الثانى والانقاذ-- لكنى اكتم الالم فى قلصف---خوفا من ان اوصف بالانانية والنرجسية وهناك من قدم حياته دفعا للظلم ودفاعا عن حقوق الشعب--- كان يمكننى ان اواصل-- فقط تقديرا لك وللاخوة والاحوات فى المنبر اقفل الباب-

[imported_فتحي مسعد حنفي]

المشاركة الأصلية كتبت بواسطة Hassan Farah

قريبى الحبيب بابكر مخيرالسلام عليكم-- ىا اخى نحن نفسنا طويل وعشنا وشفنا الكتير--وتحملنا الظلم من حكامنا مقادير ومقادير--وكان باستطاعتى ان اسطر اول بوست فى سودانيات عن معاناتى والظلم الذى وقع على منذ عهد الوزير زياده ارباب وعبر عهود العساكر الاول وعهد الصادق الاول والنميرى والصادق الثانى والانقاذ-- لكنى اكتم الالم فى قلصف---خوفا من ان اوصف بالانانية والنرجسية وهناك من قدم حياته دفعا للظلم ودفاعا عن حقوق الشعب--- كان يمكننى ان اواصل-- فقط تقديرا لك وللاخوة والاحوات فى المنبر اقفل الباب-

بارك الله فيك ياحسن ودا قرار صحيح للغاية لأن المستفيد من ما يحدث هو عدونا المشترك وللعلم أنا الليلة كنت علي المسنجر لأكتر من ساعة مع ولدنا ود العمدة وهو برضو حيقفل الباب ولعلمك هو انسان في غاية الظرف والأدب لكن احنا هبشناهو في حتة ما قدر يسيطر فيها علي غضبو وفي النهاية دا برضو ولدنا ياراجل يا عجوز

[imported_جلال محمد جلال]

المشاركة الأصلية كتبت بواسطة خالد الحاج

البوست ده بجيب الشبهة
سلامو عليكم

نقشتها يا مفتح !!
حاوي إنتا ؟؟