ياناس أمدرمان لماذا كل هذه العنصرية؟

فتحي مسعد حنفي · 26-11-2007, 07:28 PM

الكلمات التالية كانت ردا على الأستاذ المرحوم عبد الله محمد زين في الفترة التي كنا نتحاور فيها على صفحات جريدة الخرطوم عندما ادعى بأن كلمات أغنيتي الحقيبة وجه القمر سافر والناعسات عيونن من نظم الشاعر العظيم المرحوم صالح عبد السيد أبو صلاح وليستا من كلمات والدي المرحوم مسعد حنفي.
والأستاذ عبد الله محمد زين هو شاعر أغنية أنا امدرمان وهو من عشاق امدرمان المتعصبين لها. فكتبت هذه الكلمات رافضا عنصريته وتعصبه لمدينة أمدرمان.فقلت:
وزي ما قال عادل امام ماحنا كمان جدعان أوي

=================
يا عبدا لله ود الزين زمان سويت أنا امدرمان
نسيت باقي الوطن كله والخرطوم نسيتا كمان
نسيت بحري ونسيت شمبات كأن البقعة هي السودان

دحين أسمع كلامي الجاي كلام أخوان و كلو حنان
أنا البعشق تراب بلدي أنا الخلوة أنا الحيشان
أنا الحلفاية والجيلى أنا سواكن وبور سودان
أنا الفاشر أنا نيالا وجزور الغابة في شيكان
أنا توريد وأنا ملكال أن نيمولى وكمان جيزان
أنا خرطة وطن كامل أنا العزة أنا السودان
تغيب عنى وترجع لي تلاقيني ديمه بيك فرحان
تلاقى صغاري في الخلوة بيقروا ويحفظوا القرآن
كفاك البركة في ترابي و قراية الفقرا في أم ضبان
أنا خير الأرض كله بلد ما فيها زول جيعان
وكان جنياتي ضلوا سبيل بيرجعوا تانى يبقوا حنان
(فتحي)

فتحي مسعد حنفي · 26-11-2007, 07:49 PM

ياحبايب ما تزعلو الكلام دا مقصود بيهو ناس معينين هسع بجوني ناطين سالين لسناتم دايرين
يشاكلو لكن انا طبعا حأزوغ واسيبهم يتهروا بي غيظم
بالمناسبة انا من بحري لكين 90% من اصحابي من أم در وأهل أمي من بيت المال ونسايبي ناس موللة الصياغ من حي العرب يعني نص انتماء لكن المشكلة ناس بحري وامدرمان مكجنين بعض بدون سبب
وأنا ما معاهم في دي لكن العنصرية الزايدة مرفوضة وأنا ردودي حتكون بس علي الناس الما قاصدم بي كلامي الفات لكين القاصدم احسن من هسع ما يتعبوا روحم ويريحوا الكيبوردات

omrashid · 26-11-2007, 08:12 PM

والله يا فتحي انت عزيز علينا معزة ناس امدرمان --وتابعت انذاك حوارك مع المرحوم عبدالله محمد زين --ويا خوي امسحا فينا

بس حقيقي ناس امدر ما عنصريين بس بنحب بعض شديد

واناريو طلع تلاته ارباعك مننا وعشان كدا الظرف دا كلو --

مع الود

فتحي مسعد حنفي · 26-11-2007, 08:37 PM

ما قلت ليكم هسع بجو ناطين لكن انا اتعلمت اني ما احرج الجنس اللطيف ولذلك استثنيت أم راشد من القرار0 فضلوا. الباقيين ومافي استثناءات تاني0

بابكر مخير · 26-11-2007, 11:13 PM

اقتباس:

المشاركة الأصلية كتبت بواسطة فتحي مسعد حنفي

ياحبايب ما تزعلو الكلام دا مقصود بيهو ناس معينين هسع بجوني ناطين سالين لسناتم دايرين

تلقاها عند الغافل

فتحي مسعد حنفي · 27-11-2007, 01:19 AM

شفتو ما قلت ليكم برضو ما قدر يصبر وعامل فيها شيطان ودخل بي ضحكتين وكلمتين

فتحي مسعد حنفي · 27-11-2007, 01:22 AM

شفتو ما قلت ليكم برضو ما قدر يصبر وعامل فيها شيطان ودخل بي تلاتة ضحكات وتلاتة كلمات حسبتها في الاول غلط

فيصل سعد · 27-11-2007, 08:23 AM

اشوف نعيم دنيتى و سعودا
إمتى أرجع لى ام در و اعودا
أشوف حبيبتي و انظر خدودها
عساها ترحم و تكون ودوده
إمتى أرجع لى ام در و اعودا

نحن نحب السودان كله دون فرز، و نعشق امدر على وجه الخصوص فقط لا غير دون كراهية اي جهة ثانية، فخلوا روحكم رياضية و ما تغيروا من غير ذنب و اسباب.

لك كامل الحب يا ود بحري يا خواجة

و زي ما قال صاحبك، تلقاها عند القافل جوكر في كرتين

فتحي مسعد حنفي · 27-11-2007, 09:50 AM

يافيصل ياخوي هو في حاجة جابت السودان لا ورا غير الكشاتين دي واحنا ذاتنا بقينا جواكر

فيصل سعد · 27-11-2007, 10:13 AM

اقتباس:

المشاركة الأصلية كتبت بواسطة فتحي مسعد حنفي

يافيصل ياخوي هو في حاجة جابت السودان لا ورا غير الكشاتين دي واحنا ذاتنا بقينا جواكر

[align=center]كويس البقيت جوكر ما بقيت مفرمل؟؟

و نهديك" لحميد" :

والله عالم بنا وعارف الميضنة
ساسها مما إنبنى ماها لي ربنا
ميضنة بشتنة والرسول كجنة
ميضنة كشتنة والله قد لجَّنا
من مياضن الدمار الله هوي نجَّنا
وأبني فينا الوقار لي جنا الكم جنا
إنت فارج الكروب للبطولبو العنا
يا مخارج الدروب من متاه الضنا
حكمتك في القلوب بس ندور نتْبِنَا
إنت ياك طبَّنا وياك خلاص قلبنا
من دواس شعبنا سو رصاص حربنا
فاس لقى وعبَّنا بالصلاح رضّنا
لي فلاح أرضنا نبني للميضنة
التبر فرضنا التصون عرضنا
وما تضر بعضنا "
إنها السودنة منّها الهودنة
ويبقى يا حاكمين كلمة العالمين
مافي من يلكنة
وحكمة الآدمين مافي من يسجنة
ولاَّ ماب ننكتم
ننهزم .. ننهزم
إلاَّ ماب ينحكم بالضلال شعبنا
فنم لا تهم كشكشة كوزنة
والبغُش الغبش ماب يغش ربنا
حزب من كذب ماب يقوِّم بناء
وبناء منخرب ماب يعمِّر بنا [/align]

فتحي مسعد حنفي · 27-11-2007, 10:35 AM

يا فيصل ياخوي

الله يجيب دعواتك ويودر خوفك قول يامين0كلام ظريف ومرتب ذكرني ميضنة جامع ود نوباوي
وما تخاف كل أول وليهو آخر واحنا المقعدنا علي الكي بورد شنو غير قلة الشغلة ولو ما عملنا كدا ببقي حالنا زي الكتبتو ليك في البوست الهديتك ليهو وخايف تخش تعاين

مهند الخطيب · 28-11-2007, 01:16 PM

عمنا فتحي ،،،،،،،،، لك التحية عذبة نقية

والتحية موصولة للناعسات عيونن ...

أم درمان ربما ارتبطت بالقومية السودانية لذلك قد ترى مايشبه التعصب من أهلها ولكنه لم يصل الى حد العنصرية ،أنا ياعم فتحي من مواليد هذه المدينة العظيمة ولا أخفيك سرا أننا أصبحنا نحيا على النوستاليجا ..
لك العتبى حتى ترضى ولمدينة بحري الجميلة (في بحري سر الهوى وغير بحري مالينا دوا) ...

تخريمة باليمين:

اقتباس:

واحنا ذاتنا بقينا جواكر

ياعم فتحي نحنا بقينا بايظ

فتحي مسعد حنفي · 28-11-2007, 10:00 PM

اقتباس:

المشاركة الأصلية كتبت بواسطة الرباطابي

عمنا فتحي ،،،،،،،،، لك التحية عذبة نقية

والتحية موصولة للناعسات عيونن ...

أم درمان ربما ارتبطت بالقومية السودانية لذلك قد ترى مايشبه التعصب من أهلها ولكنه لم يصل الى حد العنصرية ،أنا ياعم فتحي من مواليد هذه المدينة العظيمة ولا أخفيك سرا أننا أصبحنا نحيا على النوستاليجا ..
لك العتبى حتى ترضى ولمدينة بحري الجميلة (في بحري سر الهوى وغير بحري مالينا دوا) ...

تخريمة باليمين:
ياعم فتحي نحنا بقينا بايظ

ياولدي الله يحفظك من البوظان وبعدين انت ما قالو ليك الناس القدرنا بزعلو من عمي وخالي دي واحنا ما معترضين علي قومية امدرمان لدرجة اننا زورنا التاريخ لما قلنا ما لان فرسان لنا بل فر جمع الطاغية!!!!! كيف فر جمع الطاغية واحنا انهزمنا في كرري وانتهي عهد المهدية000
والناعسات عيونن أنا سألت الوالد الله يرحمو قلت ليهو دي منو لكنو أبا يقول لي وفي الحقيقة أنا ما فاهم السر في حب الناس للناس العيونن نعسانة

أظنهم راجينهن ينومو

Hassan Farah · 29-11-2007, 01:08 PM

اقتباس:

المشاركة الأصلية كتبت بواسطة الرباطابي

عمنا فتحي ،،،،،،،،، لك التحية عذبة نقية

والتحية موصولة للناعسات عيونن ...

أم درمان ربما ارتبطت بالقومية السودانية لذلك قد ترى مايشبه التعصب من أهلها ولكنه لم يصل الى حد العنصرية ،أنا ياعم فتحي من مواليد هذه المدينة العظيمة ولا أخفيك سرا أننا أصبحنا نحيا على النوستاليجا ..
لك العتبى حتى ترضى ولمدينة بحري الجميلة (في بحري سر الهوى وغير بحري مالينا دوا) ...

تخريمة باليمين:
ياعم فتحي نحنا بقينا بايظ

فى البداية ارحب بالاخ فتحى سعد فى هذه الدار-- شرفت ونورت يا استاذ- واضم صوتى اليك-- بعض ناس امدرمان عنصريين--اها يا ود اخوى الرباطابى-- عمك جابو للقراية فى الاحفاد من الرباطاب د وعمره 6 سنين--واول جملة سمعها- ها العربى دا-- هذه العنصرية دفعتنى لان اواجه الامدرمانيين وغرورهم واعتبرهم اضينات ساكت---

فتحي مسعد حنفي · 29-11-2007, 01:35 PM

[QUOTE=Hassan Farah;81948]فى البداية ارحب بالاخ فتحى سعد فى هذه الدار-- شرفت ونورت يا استاذ- واضم صوتى اليك-- بعض ناس امدرمان عنصريين--اها يا ود اخوى الرباطابى-- عمك جابو للقراية فى الاحفاد من الرباطاب د وعمره 6 سنين--واول جملة سمعها- ها العربى دا-- هذه العنصرية دفعتنى لان اواجه الامدرمانيين وغرورهم واعتبرهم اضينات ساكت---[/QUO

العزيز حسن فرح شكرا ليك علي الترحيب والدعم اللوجستي مع اولاد امدرمان وخلينا نعمل هدنة شوية ونقول يعشقون امدرمان الي درجة العنصرية ضد كل من هو ليس امدرماني0والرباطابي دا راجل طيب وبعدين ديل ناس عندهم ضهر بي جاي شوقي وبي جاي ود مخير 0غايتو أخير نلزم الصبر ونبقي احنا عنصريين وناس امدرمان ما يقطعوا الكبري وكل زول بي عزو يرتاح0

26-11-2007, 07:28 PM	#[1]
فتحي مسعد حنفي :: كــاتب نشــط::	ياناس أمدرمان لماذا كل هذه العنصرية؟ الكلمات التالية كانت ردا على الأستاذ المرحوم عبد الله محمد زين في الفترة التي كنا نتحاور فيها على صفحات جريدة الخرطوم عندما ادعى بأن كلمات أغنيتي الحقيبة وجه القمر سافر والناعسات عيونن من نظم الشاعر العظيم المرحوم صالح عبد السيد أبو صلاح وليستا من كلمات والدي المرحوم مسعد حنفي. والأستاذ عبد الله محمد زين هو شاعر أغنية أنا امدرمان وهو من عشاق امدرمان المتعصبين لها. فكتبت هذه الكلمات رافضا عنصريته وتعصبه لمدينة أمدرمان.فقلت: وزي ما قال عادل امام ماحنا كمان جدعان أوي ================= يا عبدا لله ود الزين زمان سويت أنا امدرمان نسيت باقي الوطن كله والخرطوم نسيتا كمان نسيت بحري ونسيت شمبات كأن البقعة هي السودان دحين أسمع كلامي الجاي كلام أخوان و كلو حنان أنا البعشق تراب بلدي أنا الخلوة أنا الحيشان أنا الحلفاية والجيلى أنا سواكن وبور سودان أنا الفاشر أنا نيالا وجزور الغابة في شيكان أنا توريد وأنا ملكال أن نيمولى وكمان جيزان أنا خرطة وطن كامل أنا العزة أنا السودان تغيب عنى وترجع لي تلاقيني ديمه بيك فرحان تلاقى صغاري في الخلوة بيقروا ويحفظوا القرآن كفاك البركة في ترابي و قراية الفقرا في أم ضبان أنا خير الأرض كله بلد ما فيها زول جيعان وكان جنياتي ضلوا سبيل بيرجعوا تانى يبقوا حنان (فتحي)
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..

26-11-2007, 07:49 PM	#[2]
فتحي مسعد حنفي :: كــاتب نشــط::	ياحبايب ما تزعلو الكلام دا مقصود بيهو ناس معينين هسع بجوني ناطين سالين لسناتم دايرين يشاكلو لكن انا طبعا حأزوغ واسيبهم يتهروا بي غيظم بالمناسبة انا من بحري لكين 90% من اصحابي من أم در وأهل أمي من بيت المال ونسايبي ناس موللة الصياغ من حي العرب يعني نص انتماء لكن المشكلة ناس بحري وامدرمان مكجنين بعض بدون سبب وأنا ما معاهم في دي لكن العنصرية الزايدة مرفوضة وأنا ردودي حتكون بس علي الناس الما قاصدم بي كلامي الفات لكين القاصدم احسن من هسع ما يتعبوا روحم ويريحوا الكيبوردات
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..

26-11-2007, 08:12 PM	#[3]
omrashid :: كــاتب نشــط::	والله يا فتحي انت عزيز علينا معزة ناس امدرمان --وتابعت انذاك حوارك مع المرحوم عبدالله محمد زين --ويا خوي امسحا فينا بس حقيقي ناس امدر ما عنصريين بس بنحب بعض شديد واناريو طلع تلاته ارباعك مننا وعشان كدا الظرف دا كلو -- مع الود
omrashid :: كــاتب نشــط::

26-11-2007, 08:37 PM	#[4]
فتحي مسعد حنفي :: كــاتب نشــط::	ما قلت ليكم هسع بجو ناطين لكن انا اتعلمت اني ما احرج الجنس اللطيف ولذلك استثنيت أم راشد من القرار0 فضلوا. الباقيين ومافي استثناءات تاني0
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..

27-11-2007, 01:19 AM	#[6]
فتحي مسعد حنفي :: كــاتب نشــط::	شفتو ما قلت ليكم برضو ما قدر يصبر وعامل فيها شيطان ودخل بي ضحكتين وكلمتين
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..

27-11-2007, 01:22 AM	#[7]
فتحي مسعد حنفي :: كــاتب نشــط::	شفتو ما قلت ليكم برضو ما قدر يصبر وعامل فيها شيطان ودخل بي تلاتة ضحكات وتلاتة كلمات حسبتها في الاول غلط
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..

27-11-2007, 08:23 AM	#[8]
فيصل سعد :: كــاتب نشــط::	اشوف نعيم دنيتى و سعودا إمتى أرجع لى ام در و اعودا أشوف حبيبتي و انظر خدودها عساها ترحم و تكون ودوده إمتى أرجع لى ام در و اعودا نحن نحب السودان كله دون فرز، و نعشق امدر على وجه الخصوص فقط لا غير دون كراهية اي جهة ثانية، فخلوا روحكم رياضية و ما تغيروا من غير ذنب و اسباب. لك كامل الحب يا ود بحري يا خواجة و زي ما قال صاحبك، تلقاها عند القافل جوكر في كرتين التعديل الأخير تم بواسطة فيصل سعد ; 27-11-2007 الساعة 11:38 AM.
فيصل سعد :: كــاتب نشــط::	التوقيع: اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة

27-11-2007, 09:50 AM	#[9]
فتحي مسعد حنفي :: كــاتب نشــط::	يافيصل ياخوي هو في حاجة جابت السودان لا ورا غير الكشاتين دي واحنا ذاتنا بقينا جواكر
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..

27-11-2007, 10:35 AM	#[11]
فتحي مسعد حنفي :: كــاتب نشــط::	يا فيصل ياخوي الله يجيب دعواتك ويودر خوفك قول يامين0كلام ظريف ومرتب ذكرني ميضنة جامع ود نوباوي وما تخاف كل أول وليهو آخر واحنا المقعدنا علي الكي بورد شنو غير قلة الشغلة ولو ما عملنا كدا ببقي حالنا زي الكتبتو ليك في البوست الهديتك ليهو وخايف تخش تعاين
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..

29-11-2007, 01:35 PM	#[15]
فتحي مسعد حنفي :: كــاتب نشــط::	[QUOTE=Hassan Farah;81948]فى البداية ارحب بالاخ فتحى سعد فى هذه الدار-- شرفت ونورت يا استاذ- واضم صوتى اليك-- بعض ناس امدرمان عنصريين--اها يا ود اخوى الرباطابى-- عمك جابو للقراية فى الاحفاد من الرباطاب د وعمره 6 سنين--واول جملة سمعها- ها العربى دا-- هذه العنصرية دفعتنى لان اواجه الامدرمانيين وغرورهم واعتبرهم اضينات ساكت---[/QUO العزيز حسن فرح شكرا ليك علي الترحيب والدعم اللوجستي مع اولاد امدرمان وخلينا نعمل هدنة شوية ونقول يعشقون امدرمان الي درجة العنصرية ضد كل من هو ليس امدرماني0والرباطابي دا راجل طيب وبعدين ديل ناس عندهم ضهر بي جاي شوقي وبي جاي ود مخير 0غايتو أخير نلزم الصبر ونبقي احنا عنصريين وناس امدرمان ما يقطعوا الكبري وكل زول بي عزو يرتاح0
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..