أنا فرحان.. يا الله أخيرًا وقف نزيف الدم

[azzam_farah]

اليَوم 9 يوليو تم إعلان قٍيام دَولة "جنوب السودان" بعد ما كلفنا 5ر2 مليون قتيل وقدرهُم شريد وقدرهُم لاجئ.. بِسبب حرب الجنوب، مِن زمن أنانيا1 إلى الحركة الشعبِية لِتحرير جنوب السودان، وقفت التنمِية.. في الحقيقة ما وقفت.. تدَهَورت.. يا الله يا الله أخيرًا، إتْخلصنا من الداء بِدواء "نيفاشا". ده إنْجاز حكومة الإنقاذ الوحيد، الإنجاز البدأ فيهو الميرغني في أسمرا مع جون قرنق بِإعْتِماد حق تقرير المصير.. ماف زول يعمِل فيها مِن الأحزاب العُظامِية (آل المهدي/آل الميرغني) إنو زعلان، حق "تقرير المصير" إنتو أقرِتوهو يا أحزاب قبل الإنقاذ.. ما علينا.. هسِع دايِر أفرح.. أصلو ناسينا الفرح.. أنا فرحان وغَير أسِفْ

[مهند الخطيب]

بختك والله

نرجى التنمية هسي

[معتصم الطاهر]

عزام يا خوى

سلام

هل يتوقف نزيف الدم ؟

هل تبدا التنمية

ما ييقى علينا فقد جزء من الوطن و دم و توقف تنمية ..

زى ما بقولو أهلنا ( ### و ### #####)

[azzam_farah]

مُعْتصِم الطاهِر
كيف حالك؟ علك طَيِب

هل يتوقف نزيف الدم ؟
هل تبدا التنمية

والله ما بقدر أأكِد ده.. ده غيب.. بس البقدر أأكِدو، إنو الدم السال بِموجِب الحرب المُقدسة إنْتهت.. الحرب الحولتا الإنقاذ إلى حرب بين مُسْلِم وكافِر، إنْتهت.. والمفروض تُحَول فاتورة ها الحرب إلى التنمِية، طبعًا ده في حالة يِكون الإنْقاذِيين شِبعو مِن حُر مال البلد

[azzam_farah]

مُهَند الخطيب

بختك والله
نرجى التنمية هسي

المفروض كِده

[معتصم الطاهر]

أفهم يا عزام أنك نبحث عن فرح وسط هذا البتر ..
عل البتر يوقف النزيف
نزيف الدم
نزيف الارواح
نزيف الثروات

لكنها يا عزام .. وأحسبها البحث عن مبررات أو مبردات ..

[احمد ابوزيد]

فرح الغلابه !

[azzam_farah]

لو قدرت تقراهو.. وبعد داك تفهمو وبعد داك تخزنو للإسْتخدام المحلي وكِده، لو قِدرت تعمِل ديل بتكون يادوووووب بقيت في الفصل الأول مِن سنة أولى "فـهـم" هههههه

ده يا أحمد أبو زيد، يعني نِظام بحث وتمحيص عن كِتابات عزام فرح ههههه.. دايِر تلقى فرقه هههههه بتلقاها والله.. بس "غلطة" البقرا وبهضم وبعد داك بمرِق مِن الإتْنين ديل (القراءة+الهضم) كسبو، زي ده بتكون غلطتو مغفورة، أما إنت مثلاً ما قادِر لِيوم الليلة تفرِق بَين حرف [الزال] و[الزاي]

التوقيع
‏"‏ وطن من فوق قبوره تبرم صفقات الكبار، وتحت نعال المتحكمين بمصيره يموت السزج الصغار "

زكرى رحيل الهرم الإذاعي/ علي الحسن مالك

وما قادِر تفرِق بين آية قُرآنِية كريمة وحديث نَبَوي شريف، حقو تَـلْـبِـد كمين سنة كَدي تقرا فيهِنْ وتقرا وتقرا لغاية ما تُكْتب وتُصنف "قراي" وبعد داك تعرِض كسبك، ولو الحال مشى معاك ولِقيت إسْتحسان، تقوم تهابِش برااااااحه الأغيار في كسبهم وفهمُمْ

انت القرآن البتناقش بيه ده ما لاقتك فيه : (لا فرق بين عربي ولا أعجمي إلا بالتقوى) ؟!

http://sudanyat.org/vb/showthread.php?t=21592&page=5

[azzam_farah]

يبدو أن لا مناص لِلسودان مِن إعادة فتح دَولة جنوب السودان

[azzam_farah]

- تكريس القبلِية.
- الإبادة الجماعِية.
- الفساد المالي.
- المؤامرات ضِد السودان.

كُل هذا فعلتهُ دَولة جنوب السودان في أقل من ثلاثة أعوام مِن عُمْرِها وقبل أن تُفْطم

حكومة الإنقاذ بِرغم مِن أن أغلب صفِها الأول مِن حمله الدكتوراة إلا أن القلم كما جاء في المثل، لا يُزيل بلم، لِذا يجب علينا أن نُشير إلَيها بَين الفنية والأخرى بِالذي يجب أن يُفعل:
- تسليح كُل القبائِل المُسْتضعفة في دَولة جنوب السودان.
- تجنيد كُل الجنوبِيين الذين في السودان ضِد دَولة جنوب السودان.
- عدم الإسراع بِحل الملفات العالِقة مِثل الحدود، فإن هذا الملف خاصةً يستطيع أن يلِج منهُ كُل شئ مِن سِلاح إلى جواسيس.

[azzam_farah]

- عدم الإسراع بِحل الملفات العالِقة مِثل الحدود، فإن هذا الملف خاصةً يستطيع أن يلِج منهُ كُل شئ مِن سِلاح إلى جواسيس.

إن إغراق دَولة جنوب السودان بالأسلِحة مِن قِبل أمريكا وإسْرائيل، مُفيد، ولابُد أن نمِد نحن (السودان) المُنْشقين منهُم والمُتمرِدين والمُناضِلين بالأسلِحة والذخيرة، فإن المنشقون يحتاجون حين إنشِقاقِهم وتمردهم ونِضالِهم، إلى سِلاح.

[احمد ابوزيد]

عزام اولا .. عندما بحثت عن كتاباتك ، هذا لأنني قد لاحظتك إثارتك للكثير من الجدل ، فأنت تختلق المشاكل والنقاش الحاد من اللا شئ !

اما موضوع تتبع لكتاباتي ورصدك للأخطاء،فهذا دليل قاطع علي انك انت من تبحث عن الخطأ ومن خلاله تبدأ في التقليل من شأن خصمك بطرق لا علاقة لها بالنص.
كان ينبغي ان تناقش في اصل ومضمون الموضوع ،فالغلطات التي ترد من جانبنا ليست فاحشة ولا يتغير بها المعنى تماما فإذا كنت معتدل في النقاش لما احضرت لي (توقيعي) !! ما دخل التوقيع ؟؟

انت ببساطة تمارس مهنة إقصاء الآخر ، ولكن بطريقة درامية غير متناسقة وغير مهضومة .. ناقش في مضمون ما جاء في كتاباتي كما شأفعل انا .. دون إظهار للأخطاء الإملائية التي لو بدأت احصائها لما وسعني هذا المكان ولو اخذت في الحسبان (التنوين) القاطعو من راسك .. ولكن لأننا لسنا في محاضرة لغة عربية لن افعل.

[azzam_farah]

أحمد أبو زيد

ينبغي ان تناقش في اصل ومضمون الموضوع

عمود أنا كاتبو من سنة 2011م وإنت جاي الليلة (إكْتوبر 2014م) تناقشو.. طَيِب ده نِقاشك المَوْضوعي:

فرح الغلابه !

ــــــــــــــــــــــ

وين المَوْضوعِية في عمود عِنْوانو:

أنا فرحان.. يا الله أخيرًا وقف نزيف الدم؟

عمود فحَواهو بِدور في إنْفِصال جنوب السودان المُبارك.. ياها دي مَوْضوعِيْتك

فرح الغلابه !

ــــــــــــــــــــــ

وبرضو جيت داخِل في عمود لي آخر مُداخلة كتبها أنا في عام 2011م، عمود إسمو قرأت

http://sudanyat.org/vb/showthread.php?t=21081

وإنت جيت -بالصلاة على النبي- الليلة (2014م) وكتبت:

لا حولا ولا قوة إلا بالله !

دي مَوْضوعيتك يا أحمد أبو زيد؟
وين كلامك الإتْشدقت بيهو عن:

ينبغي ان تناقش في اصل ومضمون الموضوع

ــــــــــــــــــــــ

يا زول نِقاش شنو البجريهو معاك وإنت ما قادِر تفرِق بين قَوْل الله تعالى وبين حديث نَبَوي ههههههه والله ما تزيدني إلا رَهَقًا

انت القرآن البتناقش بيه ده ما لاقتك فيه : (لا فرق بين عربي ولا أعجمي إلا بالتقوى) ؟!

ــــــــــــــــــــــ

أخدت فُرْصتك.. معليش أنا عِنْدي معايير بِموجِبا بتناقش بيها مع الآخرين.. إنت ما مُسْتَوْفي المعايير.. معليش.. خليك عادِل ووزِع وقتك ومُداخلاتك على الكُل.. أنا إكْتفيت، شوف زول ومَوْضوع غيري

[احمد ابوزيد]

اما عن الفهم ، فلست انت من تحدد ذلك ، ولا انتظر منك اصلا ان تثني او تقلل من شأن فهمي .. فقط اناقشك في مضمون ما تكتب، فناثشني بالمثل.

[احمد ابوزيد]

معايير ؟
وما مستوفي ؟
ههههههههههه