***مقيل عند قارسيا و أسرته....بوب مارلي..بنقُز و أشياء أخرى...فيديو و صور****

[haneena]

ماذا أقول عن قارسيا ؟
لا أدري
تشرفت بزيارتهم قبل يومين و أنا راجعة من وداع قريبتي في المطار و قلبي كله حسرة
لأجد الخوة الحقيقية و المحبة و الترحاب عند أسرة قارسيا

أترك لكم الفيديو و الصور تتكلم عني فهنا تصمت اللغة
عذرآ الكليب مضغوط شديد لذا به بعض التقطيعات






[media]http://sudaniyat.net/haneena/garcia.wmv[/media]

[سارة]

غارسيا الجميل واسرته الحلوة تحيات كميات

حنون العسل يا اخى ما تجينا انتى ما بتجيش ليه؟؟

والله شكلها لمة حلوة ربنا يديم عليكم الفرحة والمسرة وتحياتى لام الحلوين

وربنا يكرمنا بشوفتكم

[haneena]

قارسيا ضابط الإيقاع في عزف مع الفرقة التي كان منضمآ إليها( قالوا كان إسمها فرقة جاز العقارب..من سنة دو )
طبعآ اول مرة أعرف هذه المواهب المدفونة
[align=center][/align]


صورة بوب مارلي على التي شيرت( الصورة مأخوذة من صورة)
[align=center][/align]


قارسيا مع السيد الصادق المهدي
[align=center][/align]

مع الدكتور حيدر إبراهيم علي
[align=center][/align]

[haneena]

عازف إيقاع مع الفنان محمد الأمين( بي ذات نفسو)

[align=center][/align]


فأر الكتب (قارسيا في شهر العسل غارقآ في كتبه)
[align=center][/align]

[haneena]

العزيزة سرورة
يا ريتك كنتِ معنا
رسلي التذكرة تلقيني معاك هوا

أتمني لقياك و الله


نواصل بعد الويك إند للمذيد

[بارعة]

المشاركة الأصلية كتبت بواسطة haneena

العزيزة سرورة
يا ريتك كنتِ معنا
رسلي التذكرة تلقيني معاك هوا

أتمني لقياك و الله


نواصل بعد الويك إند للمذيد

ديل اطفال لذيذين وحلويين ولمحت امهم بالجنبة يا حنينة......... شدييييييييدة

لكن يا قارسيا بخخخختك..... ما شاءالله ..الله اكبر ..وربنا يحفظكم ويخليكم

ويا حنينة ....ازيك مشتاقين

[نبيل عبد الرحيم]

الأخت حنينة
حاجة جميلة عرفتينا بقارسيا وأسرتة سمعت أن الكاميرا فى شنطتك دائما لتسجل لنا الأشياء الخفية عن شخصية كنت لاأعرف عنها شيىء وهذ هو الشيىء الذى طرحتة وأتمنى أن يكون منهج وهو خلق تعارف بين الأعضاء وأشكرك.
الأخ قارسيا
تشرفنا بأسرتك الكريمة وأطفالك ربنا يخليم لكم كنت شخصية مجهولة لى ولا أين تقيم لوقت قريب وكنت أعرفك فقط عن طريق مداخلاتك الراقية.
طيب ياأخونا أنت وحنينة مش من الأولى تشجعوا الأنجليز .
التحية لك ولأسرتك
نبيل

[3mk-Tango]

Is this love that i'm feelin


تحياتي لغارسيا وللاسرة الجميلة ..

كل الشكر لحنينة التي اصطحبتنا معها في هذه الزيارة الجميلة

[قمر الزمان]

قارسيا ..

ما شاء الله.. أطفالك سكّرين شديد
كلهم حيوية و شقاوة حلوة ..

ربنا يحفظهم ليك يارب ..

وسعيدين لمعرفة جوانب اخرى من شخصيتك الثرة..


شكرا حنينة ..لقد أمتعتينا ..

[منعم ابراهيم]

العزيز قارسيا


ابداع والله ...واسرة جميلة ...وشقاوة اطفال ...والابو ذاتو ياحنينة ...

شايفة كيف...والله لكن ...اتغديتي ....


لك التحية ياحنينة علي هذه الزيارة واللفتة البارعة ..منك


تتخيلي في رحلتنا من بنسلفانيا الي أريزونا ما لاقينا ولا فريد زول
من سودانيات ...التقول ماسكين درب الاربعين...ودة ذاتو لو مسكناهو

كان لقينا ...المدعو جقجق

تسلو

[Garcia]

العزيزة حنينة
بى زيارتك بيتنا نور كلو زينة ... وما اجملها من لحظات جميلة ..
والشباب شافو البوست واخر انبساط وفرفشة ..

( قالوا كان إسمها فرقة جاز العقارب..من سنة دو )

- حلوة والله ياحنينة ونكتى الاسم دة من وين

[Garcia]

الغالية سرورة
ليك كل الود والتحية , وتقبلى سلام الصغار وامهم ...
وتكتمل اللمة روعة وجمال بلقياك ..

[Garcia]

العزيزة بارعة ( ام لقاء )
مرحب بيك وكيف الامورة لقاء , والاخ طارق ابوعبيدة ..
لك سلام الاولاد وامهم , وتسلمى لكلماتك الطيبة والرقيقة ..
خالص معزتى وتقديرى ...

[Garcia]

الاخ / نبيل
تسلم لمرورك وطلتك الرائعة , ونتمنى ان نلتقيك قريبا ..
اقترح ان نقوم بزيارة للاستاذ / محجوب شريف ..
بأسم سودانيات فى الفترة المقبلة , وتكون فرصة للتلاقى بالمرة ..
اقترحوا وحددوا يوم وانا معاكم طوالى ...........

خارج النص : حزنت اليوم لخروج الارجنتين بركلات الجزاء ..
لقد عشت فى هولندة قرابة تسع سنوات ولم اشجعهم يوما واحدا ...
اشجع البرازيل منذ زمن طويل ( من سنة دو ) على قول حنينة
وتقبل سلامى وسلام الاسرة ..

[Garcia]

الصديق الجميل تنقو
كيفك يازول يارائع وعساك طيب ...
تقبل سلامى وسلام الاسرة ..
ودم بخير وعافية ...

خارج النص :
صاحبك وحيد مازال مختفيا منذ مدة , نفتقده بشدة والله ..
اغريه تحياتى وسلامى ...