الرسالة الثالثة

[أبوبكر عباس]

كتب الأفندي في مقاله الأخير:
"معروف عن المرشحة السابقة لمنصب نائب الرئيس عن الحزب الجمهوري سارة بالين أنها تتحف الصحفيين وأجهزة الإعلام بدرر الألفاظ ونوادر القول وعجائب الحديث، فتضحك كثيراً وتبكي أحياناً. ولكنها تفوقت على نفسها مؤخراً أثناء مخاطبتها مؤتمراً حول الدين والسياسة الخارجية، حيث رفضت توجه الإدارة الأمريكية إلى تسليح المعارضة. وقالت بالين إنه حينما يلتقي جمعان من المجانين وكلاهما يهتف "الله أكبر" فيما يعتزم ذبح صاحبه، فإننا لا يجب أن نتدخل. وأضافت أنا أقول: "دعوا الله يتولى هذا الأمر!"

[أبوبكر عباس]

الرسالة الثاتية:
حاول الأستاذ محمود محمد طه خلال القرن المنصرف إيجاد مخرج لآيات السيف عبر نسخها بالقرآن المكي. جوهر الفكرة الجمهورية هو إيجاد السلام من داخل الإسلام وتحويل الدين من جماعي إلى فردي.

[أبوبكر عباس]

داير أكون رسول من رسل الرسالة التالتة التي تحاول إكمال جوهر دعوة الأستاذ محمود محمد طه وهي: النأي بالدين عن الحياة العامة وتحويله إلى خيار فردي تتم ممارسته دون المساس بحرية الآخرين.
مشكلتي كرسول للرسالة الجديدة، ما عندي ليكم نقة كثيرة وإنشاد وتربية، لكنني متأكد من شيء واحد وهو:
من المستحيل بعد قفل السماء لأبوابها أن نتفق على حد أدنى من الفهم للدين يمكننا به تسيير أو إدارة دولة.
دحين يا أخوانا، عليكم الله، ما تضيعوا لينا باقي عمرنا دا، ساكت، خلونا نطلع الدين دا، من الحياة العامة وما تخلوا ناس سارة بالين يتمسخروا علينا.

[طارق صديق كانديك]

المشاركة الأصلية كتبت بواسطة بابكر عباس

داير أكون رسول من رسل الرسالة التالتة التي تحاول إكمال جوهر دعوة الأستاذ محمود محمد طه وهي: النأي بالدين عن الحياة العامة وتحويله إلى خيار فردي تتم ممارسته دون المساس بحرية الآخرين.
مشكلتي كرسول للرسالة الجديدة، ما عندي ليكم نقة كثيرة وإنشاد وتربية، لكنني متأكد من شيء واحد وهو:
من المستحيل بعد قفل السماء لأبوابها أن نتفق على حد أدنى من الفهم للدين يمكننا به تسيير أو إدارة دولة.
دحين يا أخوانا، عليكم الله، ما تضيعوا لينا باقي عمرنا دا، ساكت، خلونا نطلع الدين دا، من الحياة العامة وما تخلوا ناس سارة بالين يتمسخروا علينا.

صديقي مولانا فهمي عبدالله مالك قال لي واحد من معارفو، كان بناقش ليهو جماعة نقاش ديني، الجماعة زنقوه زنقة شديدة، لمن جاب ليهو كلام قال ليهم: ده معنى آية في كتاب الله، لمن عصروه عشان يحدد قال ليهم: في النص .. في نص الكتاب القدامكم ده.

ياخ إنت رسول السرور، قلت لي تعب كتير ماعايز؟

[عبدالمنعم الطيب حسن]

المشاركة الأصلية كتبت بواسطة بابكر عباس

داير أكون رسول من رسل الرسالة التالتة التي تحاول إكمال جوهر دعوة الأستاذ محمود محمد طه وهي: النأي بالدين عن الحياة العامة وتحويله إلى خيار فردي تتم ممارسته دون المساس بحرية الآخرين.
مشكلتي كرسول للرسالة الجديدة، ما عندي ليكم نقة كثيرة وإنشاد وتربية، لكنني متأكد من شيء واحد وهو:
من المستحيل بعد قفل السماء لأبوابها أن نتفق على حد أدنى من الفهم للدين يمكننا به تسيير أو إدارة دولة.
دحين يا أخوانا، عليكم الله، ما تضيعوا لينا باقي عمرنا دا، ساكت، خلونا نطلع الدين دا، من الحياة العامة وما تخلوا ناس سارة بالين يتمسخروا علينا.

سلامات يابكور، كل عام وانت بالف فكرة...
تتصور القلوب شواهد كتبت مداخلة، واجلتها حتى تتضح فكرتك،
ولم تخذلني البته،
اعتبرني صحابي معاك،

[أبوبكر عباس]

عليكم الله يا طارق ونعوم، أُختنا سارة بالين موش ليها حق تسخر مننا؟
لاحظ لما يجري في سوريا في جزء منه، حزب الله بقاتل في قاعدة الله والاتنين مقتنعين قناعدة لا يأتيها شك بأنهم يقاتلون في سبيل الله.
جزء كبير مما يدور في مصر وتونس وليبيا والسودان وإيران مرتبط بالفهم الديني لما يجب أن تكون عليه الحياة!

لو عندكم حل للورطة دي، أنا مستعد أتنازل عن الرسالة دي.

والله يا نعوم قربت أباركك زي مباركة محسن خالد لمحمد علي المؤمن الأول بمحسن

[خال فاطنة]

المشاركة الأصلية كتبت بواسطة بابكر عباس

الرسالة الثاتية:
حاول الأستاذ محمود محمد طه خلال القرن المنصرف إيجاد مخرج لآيات السيف عبر نسخها بالقرآن المكي. جوهر الفكرة الجمهورية هو إيجاد السلام من داخل الإسلام وتحويل الدين من جماعي إلى فردي.

سلام يا بيكو...
الأستاذ جوهر دعوته هو السلام من الداخل عبر العمل بروح الدين من خلال الكشف عن مقاصده العليا، و وسيلته هي التحول من الناسخ للمنسوخ...
قبل ما ندخل معاك في دعوتك وندعو الأهل و الأصحاب للإلتفاف حولك كرسول رسالة تالتة ورينا الوسيلة شنو...

مشكلتي كرسول للرسالة الجديدة، ما عندي ليكم نقة كثيرة وإنشاد وتربية، لكنني متأكد من شيء واحد وهو:

ممكن نعفاك من الأناشيد، لكن حكاية ما عندك نقة دي ما مقبولة، يعني داير تمرر مشروع قدُر دا أم قُمتي ساي، و زندية؟

[طارق صديق كانديك]

المشاركة الأصلية كتبت بواسطة بابكر عباس

لو عندكم حل للورطة دي، أنا مستعد أتنازل عن الرسالة دي.

مافي حل والله، كلُ حزب منهم عاجبو الصاريهو. فما تتنازل أصلك.

[Muhib]

المشاركة الأصلية كتبت بواسطة بابكر عباس

داير أكون رسول من رسل الرسالة التالتة التي تحاول إكمال جوهر دعوة الأستاذ محمود محمد طه وهي: النأي بالدين عن الحياة العامة وتحويله إلى خيار فردي تتم ممارسته دون المساس بحرية الآخرين.
مشكلتي كرسول للرسالة الجديدة، ما عندي ليكم نقة كثيرة وإنشاد وتربية، لكنني متأكد من شيء واحد وهو:
من المستحيل بعد قفل السماء لأبوابها أن نتفق على حد أدنى من الفهم للدين يمكننا به تسيير أو إدارة دولة.
دحين يا أخوانا، عليكم الله، ما تضيعوا لينا باقي عمرنا دا، ساكت، خلونا نطلع الدين دا، من الحياة العامة وما تخلوا ناس سارة بالين يتمسخروا علينا.

الرسول الانساني بكه ..
انا مع فصل الدين الاسلامي (لاننا سودانين وهو الدين الاغلب ) عن الحياه السياسيه
..
الانسان مدنيا مؤهل لحكم نفسه ..

علاقه الله بالانسان اكبر من شؤن حكمه لنفسه وسياسيه والخ ..في شئ اعمق في عقل الله للانسان ..المسيح رفض تقسيم الميراث بين اثنين لان هدف المسيح اشياء عميقه ..
الانسان باحث عن الكمال في الحياه حاليا في هذه الدنيا ..ولكن الله له قول اخر ..

96لِكُلِّ كَمَالٍ رَأَيْتُ حَدّاً أَمَّا وَصِيَّتُكَ فَوَاسِعَةٌ جِدّاً

حتي الكمال نفسه له حد ولكن وصيه او ناموس المحبه الرباني واسع ..هذه ليس ناموس لحكم الانسان ولكن لتعليم الانسان من هو الله..
..سياسيا ممكن نكون واقعيا ونقول ..ليس هنالك نظام سياسي (كامل) لان لائ كمال في نظر الانسان (حدا) لان ليس كل انسان سوف يتفق مع الاخر (في الانتخابات في غالب ومنتصر) لان الذين راؤو الكمال في باراك حسين ,انا لم اراه وهكذا ..اذن الواقعيه مفروض تكون الحل لنا كسودانين ..دعونا نفصل الدين عن الحكم والسياسه
ودعونا نجرب نظام بشري مناسب لنا (كسودانين) وعلينا الاعتراف مقدما بان بعض السودانين لن يوافقوا علي هذا النظام ..

[أبوبكر عباس]

المشاركة الأصلية كتبت بواسطة خال فاطنة

سلام يا بيكو...
الأستاذ جوهر دعوته هو السلام من الداخل عبر العمل بروح الدين من خلال الكشف عن مقاصده العليا، و وسيلته هي التحول من الناسخ للمنسوخ...
قبل ما ندخل معاك في دعوتك وندعو الأهل و الأصحاب للإلتفاف حولك كرسول رسالة تالتة ورينا الوسيلة شنو...

ممكن نعفاك من الأناشيد، لكن حكاية ما عندك نقة دي ما مقبولة، يعني داير تمرر مشروع قدُر دا أم قُمتي ساي، و زندية؟

سلام يا خال،
مشكلة الأستاذ كانت في كيفية إضفاء شرعية التحول من الناسخ للمنسوخ وعشان يلقى مخرج قام وصف رسول الرسالة بانو رجل آتاهو الله علم من الكتاب وأذن له بالكلام. أها قصة الإذن من الله دي، هي البقت حجر عثرة في طريق الرسالة الثانية.
أها يا خال، نحن دايرين نقول لأي زول دينك دا حسب فهمك جيد وما عندنا معاك شغلة، بس خليهو على مستواك ونقول ليهو: لو عندك لينا طرح ممكن يحقق حد أدنى للفهم ممكن نجمع بيهو بابكر عباس ومٌحب وبدر الدين إسحق؛ قولو لينا ينوبك ثواب.

الوسيلة هي إستفزاز عقول الناس وإخراجها من الرمال وجعلهم يواجهون الإجابة على السؤال البديهي: كيف لنا أن نحقق حد أدنى من الإتفاق العقدي دون التعدي على الآخر أو وصاية
الناس كلها يا خال داخل نفوسها مقتنعة بأنو العدل هو أساس التعايش السلمي في المجتمعات، علينا التركيز على هذه النقطة وإحراج العقول.

أتمنى ان تكون بمنزلة هارون مني

[قيقراوي]

المشاركة الأصلية كتبت بواسطة بابكر عباس

الرسالة الثاتية:
حاول الأستاذ محمود محمد طه خلال القرن المنصرف إيجاد مخرج لآيات السيف عبر نسخها بالقرآن المكي. جوهر الفكرة الجمهورية هو إيجاد السلام من داخل الإسلام وتحويل الدين من جماعي إلى فردي.

ظلمت الرسالة التانية ..
الاستاذ كان اصيلاً فيما يقول ولم يحاول اي شي من عنده ..
ودا ما يميزه .. الصدق فيما يقول .. وتصديق القول بالفعل
ودي الحرية في جوهر (الاسلام)

سمبلي كدا؛ الله وين قال ليكم الحساب(الجزاء والثواب) بالكورجة!؟
كل الاسلام جايي على انو دين فردية .. ودا اساس فكري متين لأي دعوة
للاخيرين اعمالاً -خوارج القرن الحادي والعشرين- ان يأتونا ببرهانهم ان كانوا صادقين؟







-----

احسن الله عزاءكم ياخي
وكان رجعتا قول عوووك .. حاولت اناضمك في السودان الشقيق وما جمع تلفونك هناك

في فيلم (مملكة السماء) تقريباً كان مطروح نفس السؤال ..
وهنا (الشناف) بطال سارة بالن المسيحية اليمينية في عبها

يبقى لا تعايرني ولا اعايرك .. الهم طايلني وطايلك!!
المافي شنو!؟

اصلاً ما ممكن يكون الطرفين على حق ..
ولا ممكن نفس الرب يوعد من يقتل اخاه بالجنة .. ونفس العرض يقدموا للتانين!؟

[Hassan Farah]

اقتباس:
المشاركة الأصلية كتبت بواسطة بابكر عباس
عليكم الله يا طارق ونعوم، أُختنا سارة بالين موش ليها حق تسخر مننا؟
لاحظ لما يجري في سوريا في جزء منه، حزب الله بقاتل في قاعدة الله والاتنين مقتنعين قناعدة لا يأتيها شك بأنهم يقاتلون في سبيل الله.
جزء كبير مما يدور في مصر وتونس وليبيا والسودان وإيران مرتبط بالفهم الديني لما يجب أن تكون عليه الحياة!

لو عندكم حل للورطة دي، أنا مستعد أتنازل عن الرسالة دي.

والله يا نعوم قربت أباركك زي مباركة محسن خالد لمحمد علي المؤمن الأول بمحسن
-------------------------------------------------------------------
ما قصرت يا دكتور بابكر....فكيت طلاسم ما يدور فى سوريا.... وقبلها فى العراق ....حرب الطوائف....رجعنا تانى لعهد على ومعاوية... ولها حق ان تشمت سارة فى المتأسلمين....خليهم يقضوا على بعضهم البعض ...ايش فائدتهم لدين او لدنيا

[أبوبكر عباس]

لتحقيق شعار العودة للبيت الكبير؛ أرفع هذا البوست

[فيصل سعد]

المشاركة الأصلية كتبت بواسطة أبوبكر عباس

لتحقيق شعار العودة للبيت الكبير؛ أرفع هذا البوست

و هذا البوست يا ابو الندادة فيه ركائز و بنيات تزيد الفرقة و الشقاق و انا خايف انه يكون خصم على "شعار العودة للبيت الكبير" هذا الشعار السامي العميق العريض المبذول فيه تعب و عزيمة و إصرار، انا برضو خايفك بالطريقة دي تضيع مجهود الناس و تقعد انت في المنبر دا براك على يمينك رسالتك الثالثة و على شمالك الوعي و الاستنارة و هكذا ارهاصات

بالجنبة: غايتوا رسالتك الثالثة دي لو ما كان نبعت و استلهمتها من كلام و هترشة الجهلولة سارة بالين، انا كنت بفكر انضم ليها و اناصرك و لو من باب الريدة و المحبة ليك فقط و زي ما قال المثل "عشان خاطر عين تكرم مليون عين" أو المثل التاني بتاع "خذوا الحكمة" و الباقي صهين منو و جليو و كدا

و قبل ما اتخارج عندي ليك سؤالين مهمين و هما: اولا ما هو الفرق بين نظرية رسالتك التالتة دي و مشروع الدولة المدنية الديمقراطية المرفوع منذ زمن بعيد؟؟؟ و ثانيا: هل أنت زعلان في أي من اجتماعات مجلسكم الموقر؟؟؟

و في أمان الله..

[رأفت ميلاد]

المشاركة الأصلية كتبت بواسطة أبوبكر عباس

الرسالة الثاتية:
حاول الأستاذ محمود محمد طه خلال القرن المنصرف إيجاد مخرج لآيات السيف عبر نسخها بالقرآن المكي. جوهر الفكرة الجمهورية هو إيجاد السلام من داخل الإسلام وتحويل الدين من جماعي إلى فردي.

تعرف محمود محمد طه أقنعنى فى دى .. وإذا رسالتو كانت تمت كانت غيرت كتير من الحاصل

ياخ أسباب النزول فى الآيات المكية كلها أنتفت بعد فتح مكة