وعّاظ سودانيات ..!

[صديق عيدروس]

الوعّاظ ديل مقصود بيهم بعض الناس البيتبرعوا ببعض النصائح في (النص ) وغالبا مقاصدهم حسنة : كالخوف على البوستات من الميلان او الخوف على سودانيات او الخوف على الالفة والمحبة والتوازن الروحي،،، او الخوف على تجاوز السرعة المقررة للبوستات وووووو الى اخره

[صديق عيدروس]

الناس ديل موجودين في كل مجتمع ،،، في القرى والاحياء والمدارس والجامعات ،، وكذلك في المنتديات ،،، ومنها سودانيات

[صديق عيدروس]

حكي لي احد الاصدقاء عن واحدة من (واعظات ) القرية ،، وكانت لجارتها مشكلة مع زوجها ،، واحتد النقاش والخصام بين جارتها وزوجها ،،، وظلت هي واقفة بجانب الحائط تتصنّت عليهم ،، لتستطلع الامر ،،، وبعد مدة سكت الزوج واستلقى على السرير ،،، وانشغلت الزوجة مع طفلها الذي كان يبكي ،،، وهدأت الامور تماما .

عندها تحركت ال(واعظة ) من مخبأها ودخلت عليهم ،، وسألتهم ايه المشكلة يا اولادي ،، سمعت صوتكم عالى ؟؟

فقام الزوج وقال لها : ان زوجتي فعلت وفعلت وهي على خطأ ،،، وطلعت الزوجة من المطبخ وقالت لها هو المخطئي ،، واشتد النزاع والصراع من جديد ،، الى ان طلق الرجل المرأة بالثلاث ،،،

ولمّت اغراضها وذهبت الى بيت والدها

[معتصم الطاهر]

قليل من الوعي ... لا يضر اذا حاولنا ان نقدمه لا يضر


اى بوست لا يضيف .. ومنه خاسر ..


خذو الحكمة ..

[جيجي]

اللهم اجعله خير
وجيب العواقب سليمة يا رب

[عادل عسوم]

المشاركة الأصلية كتبت بواسطة معتصم الطاهر

قليل من الوعي ... لا يضر اذا حاولنا ان نقدمه لا يضر


اى بوست لا يضيف .. ومنه خاسر ..


خذو الحكمة ..

دا كلام جميل
بس أهم منو أن لانرجو الاخرين ان يستعصموا بالحكمة ويحسنوا الظن في كل ايراد يناى عن ذلك و (يحوروا) البوستات و(يتعاموا) عن مراداتها (قبل) أن نقف لأولئك بشجاعة ونقول لهم اخطأتم

[صديق عيدروس]

المشاركة الأصلية كتبت بواسطة جيجي

اللهم اجعله خير
وجيب العواقب سليمة يا رب

امين ،، جزاك الله خيرا

[صديق عيدروس]

المشاركة الأصلية كتبت بواسطة معتصم الطاهر

قليل من الوعي ... لا يضر اذا حاولنا ان نقدمه لا يضر


اى بوست لا يضيف .. ومنه خاسر ..


خذو الحكمة ..

[صديق عيدروس]

قال رسول الله صلّى الله عليه وسلم ( ليس بكذاب من أصلح بين اثنين فقال خيراً أو أنمى خيراً)

[صديق عيدروس]

توقيت الموعظة ومكانها وزمانها ومناسبتها هو المعتبر،، وهو المؤثر فعلا،،، وغالبا يساعد في تحديد لونها ،،، بيضاء رمادية

فنفس المضمون ،، نفس الموعظة ،، نفس المحتوى،،، قد يكون مفيدا وفاضلاً في موضع ،، ومشبوهاً وضاراً في موضع اَخر

[رأفت ميلاد]

المشاركة الأصلية كتبت بواسطة عادل عسوم

دا كلام جميل
بس أهم منو أن لانرجو الاخرين ان يستعصموا بالحكمة ويحسنوا الظن في كل ايراد يناى عن ذلك و (يحوروا) البوستات و(يتعاموا) عن مراداتها (قبل) أن نقف لأولئك بشجاعة ونقول لهم اخطأتم

المشاركة الأصلية كتبت بواسطة صديق عيدروس

قال رسول الله صلّى الله عليه وسلم ( ليس بكذاب من أصلح بين اثنين فقال خيراً أو أنمى خيراً)

الحديث حكمة دامغة يا عيدروس .. لكن نعمل شنو من واعظة القرية الفوق دى

[رأفت ميلاد]

يا عيدروس بوستك ده متفق معاهو ومختلف معاهو فى الوكت نفسو

طبعاً ما محتاج منى تفصيل

[عادل عسوم]

المشاركة الأصلية كتبت بواسطة رأفت ميلاد

الحديث حكمة دامغة يا عيدروس .. لكن نعمل شنو من واعظة القرية الفوق دى

واعظة؟!
يعني انتا راجل وعادل عسوم مرة؟

[رأفت ميلاد]

المشاركة الأصلية كتبت بواسطة عادل عسوم

واعظة؟!
يعني انتا راجل وعادل عسوم مرة؟

لا أنتا راجل وأنا مرة

[عادل عسوم]

معليش يااخ عيدروس
يارافت تقدر تقولي مشكلتك معاي شنو؟
كدي أقعد مع نفسك بي ليلك دا وفكر هل أنا غلطان عليك في حاجة واللا القصة حاجة فيك وبس محتاج ليك لي زول (تمرقا) و ترميمها فوقو؟
قبل كدا (ظنيت) فيني ظن دخلت فيهو كيشو ولمن صححت ليك المعلومة اعتذرت لي...
على كل حال اتأكد من حاجتين مهمتين:
1-أنا والله الذي لايقسم باسمه زورا لا أحمل عليك مثقال ذرة من سوء احتقبه تجاهك...
(ولا تحسبن ردودي عليك -أو على سواك-عندما أجد في الايراد أمرا لايستقيم مع ديني أنها صادرة من قلب يحمل لك كرها بقدر ماهو واجب يحثني عليه ديني ثم انني ارد بحمدالله بكل الاحترام والتقدير).
2 - والأهم أرجو إنك ماتعتبرني حيطة قصيرة عشان مرة تخرجي من الأحداث ومرة تعتبرني ضبانة ينشوها...
فياريت تستعدل وتحترم عشان تحترم
عذرا مرة أخرى أخ صديق فالامر لايحتاج أن افترع له بوست جديد ولا اخاله يحتاج إلى تطويل