يابو محمد أسمع الكلام دا من زول عمرو ما أساء ليك ولا نبزك.. والكلام دا برضو موجه لي الجيلي وعادل:
ياخوانا انتو المنطق انتهيتو منو والنبز العندكم كملتو رغم تفاوت الدرجات من النبذ المهذب الي الاسفاف وانتو طلعوكم متأسلمين بتاجرو بالدين وانتو طلعتوهم كفار فاسدين..أها تاني أكتر من القلتوهو دا حتفتشو تاني نبز جديد وين ولا نقول لي ود عثمان يعمل مسابقة لأحسن نبز سياسي ديني عشان تقتبسو منو.. ياخوانا انتو زي قضيب القطر الخطينو عمرهم ما حيتلاقو فحقو كل زول يمسك خطو ويسيب التاني يمشي في خطو وما ليهو بيهو دعوة..انتو أكتبو يابو محمد ما ترونهو من واجبكم تجاه الاسلام وانت يالجيلي أكتب ما يطالبك به حزبك لتوعية الناس وكل واحد يدافع عن مبادئو وما يسيئ للتانيين عشان في الآخر انتو اختلافاتكم سياسية ما دينية والجيلي مسلم بيأدي فرايضو زيي وزيكم ومن أكبر الكبائر انو الانسان يشكك في ايمان انسان وهو ما شايف في شنو جواهو وانتو كلكم وقعتو في الغلطة دي انتو شككتو في اسلام الجيلي وهو شكك في اسلامكم والاتنين ارتكبتو معصية نهي عنها الله ورسوله الكريم..توقفوا ويادار ما دخلك شر وكفي الله المؤمنين القتال.. أنا شايف انكم توقفو حملاتكم المتبادلة دي وتريحونا وترتاحو..أللهم اني قد بلغت أللهم فاشهد.. |
اقتباس:
الواحد داير يتفسح والناس تسكت .. والله الكيزان ديل عويرين عوارة وماشين إنفكو من الأخلاق .. هسة ما ترد على كلام بابكر عباس يا فرده . |
اقتباس:
|
اقتباس:
ويكبيديا بتعرًف القتل العمد بأنو اقتباس:
يبقى ده كلام إنشائي ..و فاضي وخمج 2*/ وفی وضح النهار إختلف توقيت كتابتي ( في الصباح ، ووضح النهار ، والغسق – في بعض الأحايين -) يعني ما كان في داعي تورط كيبوردك بالظرفية الأشرت ليها دي ، وإللي هي مابتعدو جملة إنشائية، ما دقيقة ، بخلاف إنها سماعية ، حاول إبتكر شوية. 3/ ..یازول وظیفتک الدستوریه ماعندها حرمه عندک ....یعنی حالف الا تحصل السوق القاجی ده قدر ما حاولت أربط قصة السوق القاجًي بالهواء الطلق. حلفت بدينا وإيمانا ما تقع لي: ياخ إنت بتبيع قنقر( عيش ريف! )! السوق القاجي ده من الصعوبة الواحد يغيرو لأنو بنية الوعي المتخلف متأصلة فيهو لكن دي محاولة أوصل إسلوب رفض للكتابة المؤلمة الشايفها قدامي.. ------------------------------- = النتيجة : حشو إنشائي ما أضاف حاجة + خطاب عاطفي بيتغزًل في إنو أكتًف يديني قصاد الحاصل ده ، و بيدعوني لإنو أحجم من كتابتي! ( مع الوضع في الإعتبار إنو لو صادفت تجاوز لائحي عندك قنوات كتيره ممكن تلجأ ليها ..عندك 1/ النور يوسف 2/ فيصل سعد ) 3/ شليل ( وإتحداك كان ما إستلمت إشعار يفيد بإنو تم إستلام بلاغك ووو ).. 4// خالد الحاج كمالك ( على أسوأ تقدير). وأجزم بإنك إطلعت على المداخلة الأوضحت فيها كده ، لكنك إتغابيتها .. نكاية بالباندويث العلى العليهو ما ناقص. |
اقتباس:
الناس دي لو بتعرف الله كانو حسبو حساب دي بس ياخالد والله مالك السايب دا يعلم السرقة اولي بيه عيالك |
اقتباس:
|
اقتباس:
ارفعو فوق عشان الناس تصدق وتامن وريهم انك رافض تدخل الاعلانات هنا وغيرك يكسب الدهب منها وانت عايز تخدم امة اشكي لي الله تاني وتالت وياشباب باندويدث سبيل امحقو ماشاء لكم طبزو نبذو اكتبو وامحو مغتغت وفاضي وخمج واحذفو المابعجبكم باندويدث مادافع فيه امحقو زي ماداير ومن هنا تبدا مخافة الله هذا هو الدين كما افهمه |
اقتباس:
أنا متبرع أدفع الدفعية القادمة عشان علي الأقل الواحد يكون بنق نقه مدفوعة.. |
اقتباس:
http://sudaniyat.net/up/uploading/scanvisa.jpg ملاحظة هنالك عدد 2 (أكاونت) هوست لسودانيات وواحد للبركل . مسحت بعض البيانات النت ما مضمون أنا براي مفلس :( |
اقتباس:
مش قلت ليك يا آمال ... مشكور يا صاحب عارفك والله قدرها لكن مستورة . بس قننوا النقة وبطلوا شتيمة ;) |
اقتباس:
- أعمل كوبي للحاجة الداير تقتبسا - أمشي للصندوق الماس - في السطر التاني أضغط على الأيقونة نمرة 5 وأعمل بيست 2/ اقتباس:
إتفتقت عقليتك بإنو لو ختيت إقتباسو ( كمالك للموقع ) على أسنة رماح مداخلتك يمكن تفرمل وجهة البوست ده.. بكل أسف : وضعيتك دي مأزقية .. زي الشايل ليك بلي ديناري في 7 ومقرَض بإنك ما حتتسيك أبداً والله : - بالرغم من إنو خالد الحاج أتداخل معاك ووضح ليك إنو حيثيات المداخلة دي بتقرا في سياق... ووو وسلمت بمداخلتو ، وما حكيتا معاهو شديد.. إلا إنو وجب أضيف ليك عدد إتنين سابقة ( بصاق ) أبتدرتها إنت والجيلي وتكون المحصلة 3 بصقات.. كميات بتاعة إنزيمات ما كان في داعي تلجأوا ليها لو أساساً في حوار معافى.. وبالرغم من إنو الأولى وقعها أخف - على تأريخ مغضوب عليه- إلا إنو البصقات اللي جات بعديها كانت كريهة ولزجة.. - طالما إستشهدت بمداخلة خالد ، أسمح لي أضيف مداخلة( السيد/شليل الكيدية) وأقراهم مع بعضيهم من كم زاوية: لجأ خالد لإستعمال المفردة دي ، لأنو حس ب ( لوبي ) بيحكم قبضتو داخل الحزب وبالتالي بيضيق الخناق عليهو ، وضع طبيعي إنو يتمرد على الوضعية دي ودي وضعية مأزقية ما بتنسحب على خالد براهو بل على الواقع السياسي ، الإجتماعي ، الفكري.. والبيتجلى بوضوح إنو واقع متخلف ساهم عدم الإستقرار السياسي في إنو ما نرتقى بوعينا زينا زي أي دولة نامية -على ودانا- مما شلنا إستقلالنا حصيلتنا في الكم وخمسين سنة دي كم وتلاتين سنة حكم عسكري ديكتاتوري فوضع طبيعي إنو تكون العلاقة كالآتي : السلطة = المتسلط الشعب= المقهور ودي بمجملها علاقة سادومازوشية.. طرف بيتلذذ بإنو يطلًع عينك وطرف بيتقبل الوضعية دي.. وبينجر في التبريرات البتطيب على خاطرو ويفتش في الAdaptability عشان يتقبل الواقع المحتوم ده.. والتكيف ده بيكون كالآتي : السلطة تطلع عينك = تطلع عين مرتك في البيت = مرتك تطلع عين ولادك وترضعهم الخوف والجهل = ولادك يطلعوا عين الناس الفي الشارع = تتفتق مخيلتم إنو يبقوا بواليس ويطلعوا عين الناس الطلعوا عينم.. وهكذا دواليك : في دائرة جهنمية ما عادلة.. وبمقدار ما تتضخم ( أنا ) المستبد وينهار الرباط الإنساني بينو وبين ( الزول المقهور ) بيبقى الأول أسير ذاتو ، والتاني في أدنى درك الإنسانية.. الدائرة الجهنمية دي بتمر بالآتي : *القهر والرضوخ : قهر السلطة والرضوخ لإنو ده واقعنا السياسي ودي قدرتنا قدر لحافنا لمن تختل العلاقة دي وتصادف (بروتوس ) داخل الجسم اليفترض يوفر ليك الحماية دي بتنتقل لمرحلة تانية : يتتنامى جواك مشاعر العدائية وبتغلي جواك متبوعه بمشاعر تبخيسية لنفسك وعشان تتحل من الوضعية دي بالضرورة تلقى ليك منفذ المنفذ ده بيتمثل في : التمرد والمجابهه والتمرد ده ما بتقدر تكبح جماحو لأنك بتفرز الجواك دفعة واحده خالد إتمرد على واقعو( النتن) ومالقى قدامو غير (بصقة ) وأنا إنفجرت في الزول (عادل عسوم )البيداهن للسلطة وبيلمع فيها.. 3/ التحليل النفسإجتماعي ده ما بينفي إنو للسياسي أكبر الأثر في إنو الخطاب يكون بشكلو ده.. ---- أجيك لباقي خطابك ده بكره |
ســـــــــــــــــلام ..
وبعد: قال خالد القسري (رضي الله عنه)، بعد انتهاء خطبة عيد النحر (الأضحي)، مخاطبا جمع المصلين الذين كان يؤمهم: أيها الناس، ضحوا تقبل الله أضحياتكم، أما أنا فمضح بالجعد بن درهم، لأنه أنكر إن الله لم يكلم موسى تكليما ولم يتخذ إبراهيم خليلا، ونزل من المنبر وذبحة) ..... شليل والجماعة: تحياتي. يختزن الإسلامويون خطاباً مرتقاً، وكفيف. خطابا ملتبسا ومبهم، لأنهم يخضعون في تفسيرهم للحياة بما تحوي من فضاءات علمية ، سياسية، ثقافية، إقتصادية، وخلافها، إلى (نصوص) موازية للأصل (القرآن والسنة النبوية)، تلك النصوص الموازية هي ما يُسمى بمنهج أهل السنة والجماعة، إذ يعتبرون الخروج عليه (كفر بواح)، وهذا ما حدث للجعد بن درهم، وصفوان بن الجهم و ....و ......... والتاريخ الإسلامي ينوء بروايات أقلها قسوة ما فعله القسري (بالجعد). لإختلافه عن التيار السلطوي والسياسي السائد (أهل السنة والجماعة) في مسألة فقهية. () والأسلامويون الحديثون، يختلفون عن أسلافهم أختلاف (أداتي)، إذ يلجأون إلى (النصوص المقدسة) وتفاسيرها يأخذون منها لـ(كل حدث نص)، ويرفعونها في وجوة المختلفين عنهم، تهديدا و وعيدا حال تنآئيهم عن السلطة. وفي حال أمسكوا بالسلطة (السيف والمال) فإنهم لا يتورعون في أحياء صورة (القسري) وهو يخرج (بن درهم) من تحت المنبر ليذبحة في عيد الأضحى، منافحا عن بيضة الإسلام، التي لا شك إنها لو تركت لأمثال بن درهم لإنكسرت وسال محها. هذا دون النظر إلى (نحن نزلنا الذ كر وإنا له لحافظون) ... لو صحت كتابتي للآية. () نعود إلى (شليل) وتفكيكة لخطاب (عسوم وأبو محمد) المغتت وفاضي وخمج، بحسب عنوانه. وأجدني اتفق تماما معه، حيث ينتمي الخطابين إلى مدرسة قائمة على العسف الفكري، والتصنيف الجاهز المُحال إلى ما يعتبرانه نصوصا مقدسة، يشهران منها ما يريدان ويدخران أخرى للكروب. لكني لست بمستغرب في ذلك، لأن البناء العقلي والمعرفي للإسلامويين الحركيين السلفيين قائم على رصد الآخر، وتتبع ما يعتبرونها (زلاته)، ثم الهجوم عليه لو استاطعوا إلى ذلك سبيلا، أو مداهنته بخطاب وسيط يتخذ منحى المناصحة والإرشاد ويسبطن تهديدا بالنار والعذاب، إلى أن يصعدوا أعلى الدرج (سدة الحكم) مثلا، ثم الموت والنحر،على مبدأ (الولاء والبراء) الشهير. ويستندون فيه إلى (بن تيميه) في الغالب، و( بن تيمية) الذي أفتقد أهم شروط الإجتهاد المنصوص عليها عندما كتب أهم كنبة وأفتي بجل فتاويه، وهو شرط (الحرية) إذ كان سجينا بقلعة دمشق. والسجين لا يفتي ولا يأخذ برأية. () على كل .. يـأتي خوف الإسلاميين من العلمانيين والشيوعيين ولحؤهم للعنف (اللفظي منه والبدني) إلى إفتقارهم للعقلية الناقدة التي لها القدرة على (الفك والتركيب) إذ يتسمون بعقليات استسلامية خانعة تركن للنصوص والنصوص الموازية في محاججاتها وجدلها. وما أن تشعر بالوهن حتى تستعير خطابا ملتبسا مداهنا وغامض، وهو ما سماه شليل بالمغتت وفاضي وخمج. .......... ولنا عودة (تفكيكية) لبوستات (عادل عسوم) وابو (محمد) .. ومداخلاتهما لتبيان ما تغتغت منها وما بان، و مُلء منها وما فرغ، و (أندسم) منها وما استخمج. |
اقتباس:
|
اقتباس:
مشكلتك بتشتكي لي الله في الحاجات المابتستحق اها شكيتكم علي الله كان محقتو الباندويث دا تاني بالعملة السعبة ياخ هسي كان اتبرعت بيها لي جيريتي ماكان اخير عبدالجليل قلت لي خالد القسري قال شنو ياخ دا خطاب مفوه مليان لمن مدفق اضحك الله يومك مشتاقين شوق ماخمج |
يا شلليل هاك الجدعة دي
اقتباس:
و التهديد بيوم القيامة لأنه يعلم ضعف حجته و هشاشة منطقه و لكنه لا ينسى الطبيعة المتعدية المجبولة على العنف فهوو يهدد تهديداً غامضاٌ مبتوراٌ ب(سهام الليل) و نلاحظ هنا الآتي: 1. استخدام السهام تحديداً في (التهديد) فهو لم يقل (مسدس او بندقية او طلقة) فهو يعيش بعقلية تاريخية حاق بها الفوات التاريخي فهو يهدد بالسهام و الرماح و هذا يتناسب مع بيئة وعيه 2. لاحظ الغدر و الخيانة في اختيار (الليل) موعداً لسهامه لأن سهام الليل لا يراها من تطلق عليهم فيموتون مغدورين مخدوعين ، و لأنه اجبن من المواجهة فهو يختار الليل وقتاً لسهامه و الغدر شرعةً و منهاجاً له 3. نلاحظ الانتقال من العنف اللفظي الى العنف الفعلي فهو يظن بمحاوريه و محادثيه اعداء له ينبغي تصفيتهم من الحياة و محوهم من الوجود ونواصل |
اقتباس:
|
اقتباس:
|
اقتباس:
كترة الضحك ما صحية بتموت القلب وحاجات تانية...(خطاب مغتغت وخمج:D) عليك بهذا الرأفت يا شليل... فهو يمارس الغتغتة والخمج:p وكامل تضامنى مع ابو محمد فى محنته العسفيرية:D |
اقتباس:
|
اقتباس:
هذا الضحك له تفسيران في علم النفس : 1. الضحك لاجل اظهار اللامبالة: i do not care وهي في الحقيقة محاولة من العقل اللاواعي لتغليف الموقف الذي يعاني منه و الاحراج الذي هو واقع فيه ولان الوشوش هنا خدرا و كدا (:D:D:D) لا يمكننا استجلاء حقيقة ضحكة ابو محمد و لو كان لنا المقدرة على الولوج عبر الشاشة الغشاشة الى حقيقته (الشبحية) المختفية خلف keyboard & nickname لرأينا ضحكته ضحكة عصبية قصيرة يعقبها ابو محمد بمسح فمه بيديه فهو يغطي بضحكته عجزه و يغطي ضحكته بيديه 2. الضحك الساخر حقيقة: وهنا قد يكون ابو محمد يعاني من متلازمة تضخيم الذات Megalomania او داء العظمة فهو لا يرى حقيقته في هذه السطور التي يخطها شليل و رهطه هنا ، فهو اكبر من ذلك و اعظم ، كيف لا ؟ فهو ممثل الاسلام و حامي حماة بيضة الدين ، و القمين الاخير على معرفة الاخلاق و الوصي عليها و بالتالي لا يصح ابتداءً وصفه بهذا الكلام ، و هي ذات الحيلة القديمة المتجددة لمرضى paranoid personality disorder فهي دائماً ما تؤدي بهم الى الضحك الهستيري عند الخوف و محاولة التسامي بالنفس فوق مخاوفها ونواصل.... |
اقتباس:
|
اقتباس:
أولا هل أنت عبدالجليل زميلنا الذي يعمل في صحيفة حكايات أم زميل آخر بذات الاسم؟! ثانيا أرجو (شاكرا) أن لاتطيل غيابك-كما يفعل (استاذنا شليل) الذي حكم (مسبقا) ب(فراغ) كتاباتي (دون كتاباته) ولم يأتني بشئ حتى الآن :) تسلموا يااساتذتي |
اقتباس:
فيما لو كتبت (عادل عسوم) مثلاً، دراسة نقدية عن نص (بركة ساكن) الموسوم بـ (إمرأة ليست من كمبو كديس)، هل يمكن أن ننسب نص (ساكن) إلى (عسوم). أم يعتبر نص عسوم موازيا و (مفسرا) لنص (ساكن)، وهل يتحمل النص الأصل وزر الموازي؟ هذا بالضبط ما يقع فيه الخطاب الإسلاموي من خطل. فالقرآن والسنة هما النص الأصلي (المقدس)، وتفسيرات بن كثير والطبري، و غيرهما هي نصوص موازية انتجها (بشر) ، ولا تكتسب صفة الأصل (القداسة) مطلقا، هنا لا يجب لأحد أن يجبرني على تقديس (منتج) بشري صرف، مثل الفتاوي والتفاسير. آخذ منها ما شئت، ولا آخذ. ولا يحق لأحد أن يرفع من قدر مقولات وكتب من يسمون بالعلماء إلى درجة (القداسة)، لو فعل أحدهم هذا يكون قد وضعهم في منزلة الرب. ........ تلك المقدمة ضرورية .. لتفكيك بعض مداخلات الإسلامويين حتى (الحميمة) منها، مثل مداخلة الأخ عسوم على ما كتبت، حيث تساءل بشكل مغتغت عن هل (أنا) عبد الجليل زميله الذي يعمل بحكايات أم زميل آخر، مع انه خاطبني بالأخ عبد الجليل. وهو أي (عسوم) يعرفني جيدا، زارني في المكتب، ثم قضينا ليلة ساهره معا (تضمنت محاسن). أفهم أن هذا السؤال عمن أكون هو سؤال استنكاري و (تحييدي)، وبعربي الخرطوم كدا (عسوم) عايز يوحي للقارئ أنني لست عبد الجليل الذي يعرف!! لاحظوا الغتغته. وهنا سيدور في ذهن القارئ أنني هنا (لست أنا) هناك عندما كنت مع (عسوم). مع أنني أنا أنا. أمر آخر .. مهم. وهو أن معظم الإسلامويون ليست لديهم القدرة على التفريق بين الشخصي والعام. وهذا ما يجعلهم عنيفين حتى مع بعضهم عندما يختلفون ( راجعوا كتابات الكرنكي عن قتل داوود يحى بولاد) وهو مأسوراً، مصحوبة بتعليق مصطفى عبد العزيز البطل) صحيفة الأحداث. ....... وعسوم أراحة الله من عناء و وعثاء البحث المضني، وهيأ له كرة (مقنطرة) ليشوت، فعل معي هذا في مداخلته هذي. التي تكشف ما وصفه (شليل) بالخطاب المغتغت، حيث أن من أهم سماته (الخطاب)، هي الإنصراف من الموضوعة الرئيسه، والإلتفاف على (الفكره)، بطرح أسئلة من شاكلة.. هل أنت بتاع حكايات/ وهل أنت بتاع سودانيات. ثم تتلو تلك الأسئلة رجاءات بعدم التغيب عن المنبر طويلا. هكذا يلتف الخطاب المغتغت وفاضي وخمج على مركز النص الأصل ويعمل على تشتيته. ...... ولي عودة .. |
اقتباس:
من السلب أن يحكم المرء (منا) حكما ...ثم يستصحبه ليبني عليه أحكاما أخرى!! صدقني ياعزيزي عبدالجليل لقد كانت مداخلتي السابقة من مقهى الشبكة فيه من البطئ بحيث لم تظهر لدي صورتك الرمزية... ثم اني قد اختلط علي الأسم (سليمان)... لذلك فقد تساءلت (صادقا) أأنت هو أم زميل آخر؟! أما (التعميم) المخل الذي تتشاركه وشليل فلا اراه... زميلك (عادل عسوم) شخصية اعتبارية لها سمتها كما لك أنت ايضا كاريزماك... اذ أنت من الذين أقرأ لهم في هذا المنتدى لاعتمارعم للغة راقية وسياق سلس واختيارات ومرادات جيدة... أما الزميل شليل فاصدقك القول بانه قد اذكى في نفسي (يوما) شيئا من سمات نضال أعتدت على اكبارها ...لكن (لغته) و(سياقاته) و(مراداته) من بعد ذلك لم ترُق لي... اقول ذلك بكل الصدق دونما استصحاب لعنوان هذا المتصفح الذي لم أكلف نفسي قراءة كامل محتواه لخوائه (لغة) و (سياقا) و (مرادات)! أما أمر (فضيان) خطابي و(الكلمة الفطير الأخرى) التي دمغني بها شليل فادعه للقارئ الكريم التحية لك ولزملائك آمنة وبت تنقسي الجزيرة :) وليبق خطابك (مليئا)... (مليئا هذه معكوس فارغ التي مافتئ شليل يدمغني بها وتتبعه أنت):D:D مودتي |
اقتباس:
هنا نص مداخلة عسوم التشتيتية مع شليل تحمل نفس مضمون ما ذهبت إليه فى تداخله معك .. تعدى المضمون والتعدى على شخصية صاحب الطرح .. فى ثلاثة .. تأليب القراء والمتداخلين عليه تحييده بمعسول الكلام ليضطرب خطابه تهديد مبطن بإغتيال الشخصية اقتباس:
لذا سأتابع أنا رحلتى مع عادل عسوم (المغتغة) دون إسهاب فى الشرح .. ويسعدنى كثيراً أن أرى الجميع ينعتونه علناً بالكوز .. وعندما قلتها يوماً أنتفض شبارقة فى وجهى ولم يرضاها آخرون .. ولى أيضاً عودة |
اقتباس:
ازيك يارافت اقتباس:
سألتك بالله زول يجيب اسمك (رأفت ميلاد) دة ويقول انو (خطابك) فاضي ومش عارف شنو كدة حتقول ليهو شنو؟!! ياراجل ...حتى قولة اني أنتظر بيان سلبياتي بقت عندك ليها معنى تاني؟! ياخي لو أنت والاّ شليل (موتورين) على كيزان وما أدراك ماتسمياتكم دي قبالله خلو اسمي دة بعيد! أنت بالذات قلنا ليك قبل كدة ياخي أفتينا في (دينك) الذي تدين به زعلت وعملت من الحبة قبة! حسي جاي تحكم على كلامي بانو معسول ووماعارف (اعتيال شخصية) وماالى ذلك؟! هسي الافترع البوستر دة أنا والاّ زول تاني وجاب فيهو أسمي؟! ولمن أجي أرد ابقى حأغتال شخصبة الزول الكتب البوستر وجاب اسماء الناس جهارا نهارا؟! يارأفت كن صادقا مع نفسك وصادقا في حق الآخرين ياخ عادل عسوم ...الما شيوعي ولا كوز مسلم كدة وماشي في درب الله العديييييل دة :D:D |
اقتباس:
|
اقتباس:
لحدي ما أجي. |
اقتباس:
لك ذلك فلتوثق ماشاء لك الله من توثيق ودونك (كل) كتاباتي في سودانيات... أأتني منها ما جعلك تقول للناس بأن خطابي (فاضي)؟! اقتباس:
اثق بأن لاشئ لديك يجعلك تقحم اسمي هنا! اذ أود لاسمي أن يلج سوحا تستصحب لغة سليمة وسياقات جميلة ومرادات بيضاء... ولا أجد من ذلك شيئا هنا ااتني بالأمثلة ياخ... والاّ ...فدع (اسمي) لحاله اذ اني أحسب أن لي قراء كما لك انصار :mad: ولتنشغل ياعزيزي بخطابك الذي تراه (مليان) دون خطابي:confused: ابق طيب |
اقتباس:
سرني جدا وجودك في هذا الخيط، أتمنى أن تكون مساهماتك إضافة للحوار... كتابتك للمقدمات مهمة لوضع النقاط فوق الحروف و التي تساهم في تحديد نقاط الخلاف و الاتفاق... أرجو ان تسعفنا بتعريف: 1/ للاسلامويون القدامى 2/ الأسلامويون الحديثون، مع ذكر أمثلة... ما هو تصنيفك لخطاب الجعد بن درهم قديما (هل هو خطاب اسلامي؟) حديثا هل هناك فرق بين خطاب نافع و عبد الوهاب الأفندي؟ الآية ناقصة للفظ "إنا" و قد قمت بإضافته في الاقتباس أرجو المعذرة.... |
اقتباس:
|
اقتباس:
... لم ينهض (خطاب) عسوم من مأزق التحايل على حيثياته التي إنبني عليها، ولم يصمد في محايثته لما إجترحت من مداخل (إضاءات). لكن ما أدهشني أن يصف عسوماً نفسة (الأمارة بالتضخيم، ربما) كعادة الإسلامويين، انها شخصية اعتبارية، هل أنت (دوله، شركة، مؤسسة)، عادل، بالله عليك ماذا تعني بشخصية اعتبارية. ثم أنني أصلا .. لا (أتشارك)- بهذا المعني للتشاركيات- وشليل في تعميم أو تخصيص، وإنما اتفق معة في كثير مما ذهب إليه، وشخصيا لم أر شليل في حياتي، ولم أراسله لا على الخاص ولا على التلفون، أما أنت فتقابلنا وأكلنا الملح والملاح. هذا كي لا يبدو الأمر مدبرا أو (تشاركيا) أو ... ما إلى ذلك، لكن ما ذهب إليه (شليل) في (مغتغت الخطاب العسومي، وفاضي (الأبو محممدي)- قصدت أن أنسب هكذا – حتى لا أنسب إلى عجز الإسم (ابو محمد) فتصبح (محمدي)، وهنا يأتي (المغتغت وفاضي) وينزل عليا (ضربا). - عسوم يا ريت لو رديت، على أن ما أوردنا من مداخلات. دون الدوران حولها، ومحاولة ضرب عيني بشين شليل. |
اقتباس:
يبدو أنك لم تقرأ جيدا ما كتبت، قلت يا سيدي أن الفرق بين الحداثيون والقدامي هو فرق (أداتي)، من أداة، لأن لكل زمان أدواته. أما الفرق بين نافع والأفندي، أن الأول يستخدم أدواتا آنية أكثر قسوة، والآخر يتحايل بأدوات ذهنية، حتى إذا ما وصل إلى (سدة) الأول ركلها، وأستخدم عدته، ...أها رأيك شنو، يا فتحي يا حنفي!! - يعني الجعد بن درهم كان (بنيوي) !! - وأنت رأيك شنو في ناس بولاد- وخليل- و ....إلى الترابي، شيوعيين. |
جاء علي لسان السراج والعهدة علي الراوي:
بحثت في معاجم اللغة عن أقوي الأشياء علي وجه البسيطة فلم أجد أقوي من الحديد فأسميت ابني حديد وأسميت من سبقه صخر..بعد أن اكتفيت من المخلوقات الحية بميسرة.. هذا مثال حي للغتغتة والغتاتة ياشباب..يللا زروني أنا قاصد شنو...توجد جوائز قيمة...للبنات عرسان وللعزاب عرايس:Dgoood |
اقتباس:
يا عادل حاول خش مرة فى الموضوع المطروح وسيبك من الزول القدامك .. هسى كان كلامى ده بى ضبانتو قالو عبد الستار محمد عبد الفراج كنت حشرت دى كيف .. :) هسة (مسلم كدة وماشي في درب الله العديييييل دة) .. بتقابل كوز وشيوعى ولا ليها دخل بالنصارا شوية .. بالمناسبة كان عندى صحبى فى السعوية هندوسى إسمه (باسيو بوس) .. كان والله أحسن من مسلمين كتار .. ونصارا شوية :D:D |
اقتباس:
لم أسأل عن الفرق بين الحداثيون و القدامي داير منك تعربف للاسلاموي الأفندي وصل لل(سدة) |
:confused::confused:
اقتباس:
هو ما قاصد انو النصاري الكعبين أقل من المسلمين الكعبين لكن بيقصد انو السعودية النصاري فيها عددم شوية.وأستغفر الله لي وله وما تآخذو بالله .جاهل صغير مغرور لسة وعامل فيها متأسلم..مش ناس رأفت ديل هم المتأسلمين البقولو عليهم ولا أكون أنا من زمان فاهم غلط:confused::confused::confused: |
اقتباس:
اقتباس:
-جدلية أولى.... -نقد عادل بأنه لا يبذل جهدا في سبيل البحث " اقتباس:
تقوم تجيب جدليتك التانية مبنية على مداخلات عادل عسوم الأخيرة دا بيعني إنك برضو شغال برزق اليوم باليوم و لا في جهد مضني و لا يحزنون.... |
اقتباس:
... إذا قال وصف أحدهم (فلان) انه طويل، ذلك يعني بالضرورة أن (الواصف) قصير. هذا منطق (بابكر عباس)، في تداخلة، ولكن هذه نظرية تالفة ومسطحة أيضا، فإذا قلت أن (عسوم) لم يبذل جهدا، هذا لا يعني بالضرورة أنني أبذل جهدا، كما لا ينفي ذلك. أردت هنا أن أشير إلى أن بابكر في مداخلاته يعتمد أيضا على (النظرية العسومية)، وهي نظرية تعتمد على مبدأ (تداخل) ولا تقل شيئا. وفيما لو استخدمت نظريتك البائسة (أنني ايضا اعتمد على رزق اليوم باليوم) – فهذا يعني أنك لا تفعل ذلك. فماذا يا ترى تفعل أنت، فقط توجة الأسئلة، (عرف لنا ....) (وما هو ....)، لكنك لم تقل أبدا شيئا مهما. وهذا بالضبط ما يسمى (الكلام المغتغت وفاضي وخمج). دعك عن الأسئلة، قل رأيك .. حتى نرد عليك (نختلف أم نتفق)، أم أنك لا رأي لك؟؟ وراجع ليك. (بس وريني رزقك في اليوم دا كان شنو) شوية أسئلة بائسة. |
تلغرافات سريعة :
سلام : آمال ، بابكر عباس ، خالد الحاج... جمعية الرفق بالباندويث أميري ، أبو الفتوح عبد الجليل سليمان : صاحب الخطاب المباشر والممنهج.. تسجيل إشادة بمداخلتك ، وحأحاول أحصًلك سريع .. بس أخلص من المعروضات العندي دي.. حاتم علي : التحية ليك وإنت بتقرا تحت السطور أبو محمد : التحية لأيقوناتك الستة. عسوم : جاييك .. شيل الصبر رأفت : قرايتك في محلها ، حأجيك لإسلوب الوضئ وتكتيكاتو المغتغته وفاضيه . -- --------------- اقتباس:
اقتباس:
أواصل : تفكيك الخطاب عالية ما بيحتاج لكبير عناء عشان الواحد يلتقط الخصائص المن قبيل بقول فيها والبتتكاثر في بنية الوعي المتخلف . بنظرة سريعة داخل الخطاب بتلقى : * ما مربط ومتناسق مع بعضيهو ، .. في محاولات مستميته لإقحام (واو) العطف مع جمل بتستحق فعلاً إنو الواحد يعطف عليها. * الجينوم بتاع الدمغ هو سيد الموقف بيتكاثر بشكل ماصحي في الخطاب ده وبالتالي بيلغي فكرة ربط الحاجات ( الفكرة بالتحديد : الشيوعية ) والنظر ليها من ولادتا .. وتطورا.. وتفككا إنتفى المنهاج العلمي الواحد ممكن يستفيد منو وانزلوا الی الشارع ..وانظروا کیف یراکم الناس هناک؟........ولیس من من ثمه دلیل ابلغ علی هذا تلاته جمل معطوفة مع بعضيها غصباً عن سيبويه ، بتوضح ربكة وخمج الخطاب بخلاف إنها دامغة ما بتقبل النقاش.. كان ممكن الواحد يتغاضى عن واو العطف والمعطوف عليه لو دعمًت النتيجة الإتوصلت ليها بإستبيان يثبت دعاويك. )..ولا اراه إلا وقد أحسن وأجاد الوصف ...ولا أخاله أبدا قد أتی بهذه المفرده من فراغ ...وماهی (النتانه) اذا إن لم تکن فسادا وإفسادا فی الأرض ؟....ونحن هنا بالتأکید لا نقول شهد شاهد من أهلها ...ولکن نقول كمية برضو لا بأس بيها من ال (واو/ات ) + شوية ( لا أراه/ لا أخاله ) بتثبت عدم تيقنو من الحاجه الداير يقولا أربكت الخطاب خمجاً أكتر مما هو عليه. * بيتواصل إسلوب الدمغ.. سمة الخطاب الفاضي والخمج في : والمزینین للباطل الشیوعی الموغل فی الانحطاط بل متقهقر .. منهزم .. منبوذ .. محاصر فی رکن قصی العفن الشیوعی * إنتقل خطابو لإستمالة وحشد مناصرين ليهو بالطرق على : لأن المجتمع السودانی مجتمع معافی ..سلیم الفطره ..طیب الاصل ..یصعب علی علی هذا النبت الشیطانی ان ینمو علی تربته الطیبه ...ذکی یعرف حقیقتکم جیدا ..ویصعب غشه وخداعه بهذا الشعارات الخاویه والهتافات الجوفاء بمعنى إذا ما كنت معافى وسليم الفطرة طيب الأصل ذكي أبعد من الناس ديل.. وإذا ما إبتعدت حندمغك بالصفات المعاكسه ليهم.. وده ما بيعدو كونو خطاب عاطفي و فاضي وخمج *.....والحزب الشیوعی العالمی ..انهار ..وتساقطت ألویته فی کل بقاع العالم وفی وقت جیز ..والقلیل الذی لم یفعل ینتظر دوره ..لأنه حزب هش ما سمعت بالحزب الشيوعي العالمي.. لكن لو بتقصد تجربة الإتحاد السوفيتي.. نعم أسفرت عن إنها إتفككت ( وما داير أخوض في الحاجة دي) لكن بنية الخطاب ده ما سليمة كيف تقول في كل بقاع العالم وفي نفس السطر تقول والقليل الذي لم يفعل ينتظر دوره ؟ بعدين يفعل بمعنى شنو ؟ يعلن مواتو بإيدو؟ جملة تضاف لرصيدك الفاضي وخمج. * لمن غلبك التسويهو مالقيت ليك حجة تعضد بيها خطابك غير إنو تنزل شوية خطاب ديني .انظر الی دوله المنشأ ..الاتحاد السوفیتی ..کیف تقطعت اوصاله ..وانهار وتفکک وسقط ..بهذه الطریقه الدراماتیکیه ..التی لم تکن لترد حتی فی خلد أشد أعدائه تفاؤلا ..لیسجل بذلک أکبر فضیحه وسقطه سیاسیه علی وجه التاریخ .....والتاریخ بحول الله وقوته سیأخذ مجراه حتی تمحی المارکسیه من قلب وفکر اخر فرد فیکم ...والله ولی ذلک والقادر علیه وقصتك دي زي قصة بت حمدين : اقتباس:
(والله أراد إنو أرجع لقصة الإتحاد السوفيتي دي ) تفكك الإتحاد السوفيتي ساهمت فيهو عوامل كتيره : العامل الأهم فيها هو العامل الإقتصادي ، وما نجحت كل الخطط الإتبعوها في إنو يعالجو الوضع ده ، فعشان كده إنهارت التجربة ، ده بخلاف الحرب البارده والعداء البتكنو ليهم الرأسمالية.. بإعتبار إنو الشيوعية هي العدو الأول والأخير للرأسمالية. *وضعية المتسلط والمقهور لازالت سمة الخطاب ده ..فوالذی نفسی بیده ..سیکون هذا دیدننا وشأننا معکم ...رضی الناس ام ابوا ..حتی تتقیأوا کل هذا السموم المارکسیه التی تسری فی اجسادکم وتدمر فکرکم وتفسد قلوبکم وتطمس علی بصائرکم ....وسنضرب ید من حدید علی وبکل ما أوتینا من قوه هذا العفن الشیوعی.. المتسلط البعنيهو هنا : البيمتلك الأجهزة التنفيذية ( الأمن ، البوليس ) والتشريعية ( توظيف المنابر الدينية : هيئة علماء السودان / المساجد / أي منبر متاح لتمرير خطاب سياسي ) المقهور : الزول البيتقبل الخطاب البائس ده طبيعة العلاقة الغير تكافؤية هنا هي المسئولة عن إنحدار مستوى الخطاب. ملاحظات : 1/ ورد إستعمال صيغة الجمع في كم موضع : ونحن هنا بالتأکید لا نقول شهد شاهد من أهلها ولکن نقول ..شهد شاهد من التاریخ . وکذا نقول ان جهیزه قد قطعت قول کل خطبائکم الکذابین ........أما ما نکتبه هنا سیکون هذا دیدننا وشأننا معکم الإنسان المتخلف هوالبيعيش في قطيع هوالإنسان الما بيعتد بنفسو هو البيلجأ للركون ل (هُم ) إفتراضيين يدعموا بيهو حجتو 2/ كان الأحرى إنك ترد على البوست ده ، وترسل صورة للبوست البتشوفو مناسباً |
| الساعة الآن 07:10 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.