نقد الخطاب المغتغت ، وفاضي ، وخمج ( توجد نماذج )
الكلام الفاضي وخمج : أبو محمد إنموذجاً
الكلام المغتغت : عادل عسوم ، وفاضي في بعض الأحايين ونماذج قد تأتي لاحقاً.. الجودية يمتنعون كويس! |
الإنموذجين بيتحسبوا للتيار الإسلامي ، اللي بناصب العداء تاريخياً لليسار ككل والحزب الشيوعي على وجه الخصوص..
ما داير أخش في قصة سياسي لأنو الإتنين ديل مرات بيقعدوا في طاولة واحده ومرات بيتناقروا لكن الداير إتناولوا الخطاب الإيماني.. خطاب المسلًمات.. الخطاب الدوغمائي الجامد البينفي التاني وبيضفي صبغة قداسه على نفسو.. |
بتكمن الإشكالية في الكتابة السايبرية إنو بمقدور أي زول بطلق الكلام على عواهنو ، و بعد داك بيتمترس ورا ظل كيبوردو
في تقديري الزول البيلجأ للحاجة دي بالإضافة لإنو بيعاني من إشكالية معرفية إلا إنو المشكلة الأكبر بيغطي عجزو المعرفي بشتايم تعزز من دفاعاتو النفسية بإنو ما زول ساهل ، وإن شاء الله ربنا حيحتسب أعمالو ، ويسجلو مع الصديقين والشهداء.. أبداً والله.. ربنا حيطلع عينك لو بتفكر بالطريقة دي لأنو كل الشرائع السماويه دي بتنادي بضرورة إنك تحسن خطابك مع الحواليك ، ما حسنتو إنت عاجز ومافي حاجه تاني بتفرزك من الحيوانات البتدافع عن نفسها بالرفس والعض ، مثلك (كَمَثَلِ الْكَلْبِ إِن تَحْمِلْ عَلَيْهِ يَلْهَثْ أَوْ تَتْرُكْهُ يَلْهَث ) – سورة الأعراف ( شفت إقحام النص الديني ده ساهل كيف؟ الكلام ده موجه لأبو محمد لحدي ما أجي أفكك خطابك البائس داك) |
:eek::eek:
على باليمين ما ح أفتح خشمى لكن ساكن سكنه .. |
تسـلم يا شليل على الجراحـة الدقيقــة ..
وبدون تخدير لو سمحـت .. حتى وإن كنت أنا أول المشرحين على طاولتك .. لا تغادر منا أحداً |
اقتباس:
راجي الدور لمن يجيني:eek: وأشيل من شليل؛ شيلتي:(:( |
متابعة لصيقة يابنج
يادغري ودخري حوبة اخوي انا عارفاك لافراجي ولا بتسكت عن الحق فرسك ماهو بارك ولا بتستني في الاخر تبارك الجودية يمتنعون كويس! ليك علي امسك ليك سارة واحظر تلفونا |
اقتباس:
الفرق بين منهاج الخطاب العلمي ومنهاج الخطاب الديني كبير جداً.. الأول بيعني بالإدوات العلمية : القياس ، التجريب ،التحليل ، المقارنة و التاني : 1/ بيلغي المسافة بين الذاتي والموضوعي.. بيشوت ضفًاري .. وبيوظف أي نص ديني يلاقيهو قصادو في سبيل إنو يتفوق على الزول البيحاورو ، بدون أي إعتبار لسبب نزول الآية وهدر البعد التاريخي للنص. وبيلقى بحشو كلامو بوعظ وثبور وعظائم إمور دعامات بتعزز دفاعاتو النفسية المختلة.. بإنو هو خليفة الله في الأرض ولو لقى ليهو إتنين تلاته معاهو خلاص الله قال بقولك.. يطبقوا مبدأ الحاكمية فيك ويختوها ليك زي الترتيب.. عشان تآمن وتقتنع.. إلغاء المسافة بين الذاتي والموضوعي في خطاب أبومحمد : بيتضح من تسجيلو في الموقع ده ، بادر بهجوم عنيف على البوست الإبتدرو الجيلي (حول محمود عبد العزيز ) إللي في ناس كتار ما إتفقوا مع الجيلي وإختلفوا إختلاف صحي معاهو.. الهجوم ده مردًو : إنو الزول ده معبأ بشحنة عالية تجاهو.. بل إنو هبش الحوالينو ( حاتم علي ؟ ورأفت ميلاد على ما أذكر ).. قد تكون مردها إنها لامست حاجات دينية مقدسه عندك ، لكن أخوانك الإتداخلو ديل كلهم ما عندهم دين ؟ عندهم دين .. لكن بيختلفوا عنك إنهم حافظين ( وجادلهم بالتي هي أحسن ) وصولاً لخطاب معافى.. يبقى غلًبت الذاتي على الموضوعي في تبني حوار معافى نجم عنو إنو لغمًت المنتدى وخليت الناس محتقنين في حين إنو مافي حاجه جابراك على كده.. رهانك على شنو ؟ على كلمتك؟ كلمتك دي مجهجهه : كلام إنشائي ماعندو نهاية ، ركلته الإنسانيه وو والقرون الوسطى طيب إنت زاتك دعوتك الإسلامية دي مش أقدم من القرون الوسطى وللا القصة حشو كلام ساي؟ إلغاء الذاتي والموضوعي مع شوية ويل وثبور + عدم الموضوعية والعلمية ظهر في : عن نضلکم فی الجامعات هذا الذی یرعی الفساد والمفسدین .ویدمر الشباب ...هم أسوأ الطلاب أخلاقا ..وأشرهم علی الاطلاق بخلاف الخطأ القد يكون طباعي في نضلكم إلا إنو تركيب الجملة دي ما سليم وما علمي : تعريف النضال شنو ؟ الواحد بيناضل من أجل شنو ؟ يرعى الفساد والمفسدين؟ لا حولتن.. تاني برجع ليك للعملية لمفروض تتبناها في طرحك.. الفساد كظاهره : أي ظاهره عندها مردها في الديالكتيك لطرفي السبب والنتيجة .. أدرس الفساد بشقو الأخلاقي وإللي ليكم نصيب الأسد فيهو كمفسدين بعد داك تعال شيل الفاتحة في النتيجة : الناس الأفسدتهم -- آخد فاصل وأواصل---- رجاء الجودية يمتنعوا.. لحدي ما نشوف الناس ديل بيفكروا كيف |
اقتباس:
يابنج ماتنسي المعروضات دي بالله بتهمني شديد |
اقتباس:
سلام من الله عليك وعلى ضيوفك من الزملاء لا بأس بأن تهدي اليّ عيوبا تراها في خطابي سأستصحب مظنة الصدق فيك ومحبة الخير لي... أقول ذلك باستصحاب صورة المرحوم التي تعتمرها صورة رمزية اللهم ارحمه واجعله رفيقا لصفيّك محمد صلى الله عليه وسلم في الفردوس الأعلى انك ياربي وليُّ ذلك والقادر عليه |
عليك الله يا شليل الأمثلة الحابي تنقدها جيبها باللنك بتاعها عشان الزول يرجع ليها بسرعة و يشوف سبب (النزول) و سياق الحوار ...
و نقدر نمشي معاك في النقد دا خارج ردود الافعال و الأغراض الشخصية... |
اقتباس:
وما تنسي تقول ليهو يورينا مكية ولا مدنية..أها شليل حيخللي دا كلو ويمسك في كلامي دا ويختو مثال حي للبقولو... |
1 مرفق
[align=justify]سير سير يا شرير (اقصد شليل ) نحن جنودك للتغيير [/align]
|
اقتباس:
اقتباس:
أشوف فيكم يوم غلبنى وده خشمى |
قبل ما أواصل.. بحب أشير للآتي : الآراء الوارده في البوست ده بتعبر عني (الفاتح سعيد ) وما عندها علاقة بمنصب نائب الأمين العام ، وإذا حصل أي تجاوز مني للائحة بتعرفوا القنوات البتوصلوا فيها رسائلكم ، وأنا واحد من القنوات دي ومن مهامي/ دواعي سروري إنو الحق ياخد مجراهو. 2/ إتأذيت جداً جداً من عبارات كتيره وردت في البوست ده ، وما أنا الزول البيضاري كلامو.. دي بضاعتي الحأدافع عنها للدين، ودي بضاعتكم.. عشان كل واحد يتحمل تبعات خطابو ونشوف القصة دي نهايتها شنو .
اقتباس:
هم أسوأ الطلاب أخلاقا ..وأشرهم علی الاطلاق ...وفتیاتهم کاسیات عاریات متبرجات ...لا علاقه لهم بمسجد ..لا علاقه لهم بحلقه ذکر ..لا علاقه لهم بقرآن ....ولا هم لهم غیر المیوعه والایقاع بالبریئات الغافلات ...هذا هو واقعکم هناک لو بتفهم شويه في الدين : الحاجه البتعمل فيها دي إسمها قذف ، وربنا الغافل عنو بيقول (إن الذين يرمون المحصنات الغافلات المؤمنات لعنوا في الدنيا والآخرة ولهم عذاب عظيم يوم تشهد عليهم ألسنتهم وأيديهم وأرجلهم بما كانوا يعملون وقال الله تعالى والذين يرمون المحصنات ثم لم يأتوا بأربعة شهداء فاجلدوهم ثمانين جلدة ولا تقبلوا لهم شهادة أبدا وأولئك هم الفاسقون) ومبدئياً سجًل عدد واحد لعنة في الدنيا والآخرة بالإضافة للعذاب العظيم الراجيك.. لكن دي بنية الوعي التناسلي الموجودة في خطابكم البيقزم كينونة المرأة وبينظر ليها نظرة دونية لو إنت أساساً ما عاجبك الموضوع ده ليه ما فندت التاريخ الأموي والعباسي البيذخر بإنو في ملوك إمتلكوا مئات الإماء والجواري .. المئات ديل كانوا بيلعبوا معاهم كوتشينه وللا سكوكيه ؟ ليه ما إنتقدت إعارة الفرج عند الشيعة ؟ رايك شنو في فتوى الرضاعة؟ القضايا البتشئ ( من تصريف شيئ) المرأة دي رايك فيها شنو؟ (...لا علاقه لهم بمسجد ..لا علاقه لهم بحلقه ذکر ..لا علاقه لهم بقرآن) كدي قبل ما أجيك لقصة الأحكام المطلقة الحأضيفها كآلية للخطاب المغتغت وفاضي وخمج(2) كدي النسألك : البوديك شنو حتت النسوان في الجامع ، والبقعدك شنو وسط حلقات ذكرن؟ عشان تتبنى قيمة أو فهم أو إعتقاد أياً كان نوعو وبالضرورة إنك لو إتوصلت للفهم عبرعمليات ذهنية دارت في مخيلتك من النفي ونفي النفي والقياس والمقاربة والتحليل ، لكن الإشكال في العقلية الإقصائية إنو ما بتكون متكيفة عقلياً مع البيئة العايشه فيها ، بل بتكون متكيفة نفسياً ، العقلية البتجدد حياتها بالإسقاط والتبرير والدفاعات النفسية .. البتسقط فشلها وخيباتها على الحوالينها.. العقلية البتلجأ للإجابات المعلبة كأنتي بايوتيك يخدًر آلامها العقلية ووساوسها.. الإجابات المعلبة النجرتها من مخيلتها المريضة ومررتها على نفسها نكاية بالعقلية المنتجة والمنفتحة على كل الإحتمالات.. |
الخطاب المغتغت وفاضي وخمج هو خطاب المسلًمات والإجابات الجاهزة الما بتحتمل راي تاني ..
هذا الحزب الذی انهار ورکلته الانسانیه الی مزبله التاریخ ..هو ابعد ما یکون عن المؤسسیه ...هم أسوأ الطلاب أخلاقا .. وأشرهم علی الاطلاق ... وفتیاتهم کاسیات عاریات متبرجات ...لا علاقه لهم بمسجد .. لا علاقه لهم بحلقه ذکر .. لا علاقه لهم بقرآن ... والنظریه المارکسیه ..الذی اعرفه عنها انها تأبی التجزئه ولا تقبلها ابدا ..وتجزئتها یعنی وأدها وقتلها ...وهی اول ما تدعو ..تقول ( لا إله)...فحاربت دور العباده من مساجد وکنائس وغیرها .ولا هم لهم غیر المیوعه والایقاع بالبریئات الغافلات ... حامل الخطاب ده بيحمل نواة تطرف قد تكون بداية لطريقو لتكفير أي زول بيعارض رايو.. العقلية البتجمد طاقتها الإنتاجية في التحليل والإستنتاج وبتشتط في رأيها دي عقلية psycho بتعشعش في البيئة المتسلطة ( البيت ، الشغل ، المجتمع الحواليك ) البيئة البتطالك بسياطها لابد أنك تفرغ غضبك ورفضك للبيئة دي في الحواليك - ولو كنت ما بتعرف عنهم أي شئ- العقلية الزي دي .. عقلية عشوائية ما بتقدر تتكهن بتصرفاتها.. ممكن تنفجر من الضحك بدون سبب ، ممكن تتفجر بالبكا بدون سبب برضو، ممكن تنفجر بلغو كتير هي زاتها ما عارفاهو.. لكن ده إشعار بإنها حية وصوتها مسموع ، بس عشان تطيب على ( الأنا ) بتاعها المغلوب على أمرو ليه لأنو سقف معرفتها محدود ، وما مروضه عقلها على إنها تستوعب محيطها العايشه فيهو فوضع طبيعي إنها تلجأ للعنف اللفظي والتكفير |
شليل متابعة شديدة
وتسجيل تحية وجميل ما تصنع يا صديق فنحن هنا في سبيل (المودة) و الطبطبيب والكلام المغتت وفاضي و خمج مثل (السلم العام) و روح (الإخاء و المودة) في سودانيات ..... تركنا البعض ينهش لحمنا تحت ستار من المودة الزائفة كتبت في ذلك البوست: اقتباس:
واصل يا صاحب واصل |
اقتباس:
و انت أقفلت أهم جانب و هو البيئة الاولى و التربية... أديك إفتراض: لو الزول البنحلل فيهو دا نشأ في قرية من الريف البعيد بتاع السودان دا.. الاولاد و البنات بعيشوا حياة منفصلة عن بعض، و بمشوا الخلوة يتعلموا القران من الصغر... في القرية دي الفضيلة مربوطة بالذهاب الي المسجد و عدم شرب الخمر و اللبس المحتشم للمرأة و عدم ممارسة الدعارى بالإضافة الى المشاركة الايجابية في شئون الحياة الاخرى... زول من البيئة دي لو فرضنا إنو دخل جامعة الخرطوم.. لقى أولاد الجبهة الديمقراطية ما بمشوا المسجد البنات لاباس بناطلين و فاكات شعرن الاولاد و البنات ممكن يكونوا جالسين في البنشات يتونسوا زول زي دا لو قال الكلام بتاع الراجل دا ممكن نقول عليهو سايكو؟ |
اقتباس:
الفقرة الأوى حصرية لخلودي:eek: لو ما أخدتا موافقته؟؟ شيل شيلتك;) الفقرة التانية والله إلا تبقى غبي ولا نبي قالوا: البيدهو القلم ما بيكتب نفسه شقي.. بعدين للأسف، بقى ما بيتلحق لأنه شايفهو فات ال،، Magnificent six gooodgooodgoood |
بمناسبة "محلل نفساني" الأشار ليها بابكير (مع العلم أنه بتاع جُّمال)
لو جانا هنا وعمل مسح والتغير للمزاج السودانياتي، بيلقاهو بقى شراني:( غايتو في فيروس، حقهو نشوفهو ونلحقهو قبل ما يتم ستة يوم وبعدها ما بينشال:mad: |
عشان أوفر شوية وكت للحبيب شلو وللقراء،،
مطاعنتي:eek: ليها تأريخ وتم أقرار نهجها من زمااااااااااااااان:( بشهادة خلود وعمدتنا ود الطاهر لغاية ما ود الخال شوقي بدري يوم وصفها بدبيب "ما هو قرا (حبيب) دبيب":rolleyes: القول دآ من منطلق؟؟ الفيك بادربو وما تنساه |
تلغرافات سريعة..
مرحبتين :رأفت ، مواطن ، آمال ( تم إستلام المعروضات ) ، عسوم ( جداً.. وشكراً على طولة بالك ) ، بابكر :( الكايس ليها شنو.. العنف اللفظي بيلاقي قبول عندك وللا لأ خليك من سبب النزول والمكية والمدنيه الأشار ليها أبو الفتوح:D ) ، أبو الفتوح ، أبو مشعل ، حاتم علي فردة جناحي التانيه وكت الناس تطير لعالما : المدينة الفاضلة دي من بنات أفكارنا.. أزقتها وشوارعها شئنا أم أبينا مابتخلو من ال Ambush يختوها ليك زي الترتيب ، بابكر عباس مره : (مرحب بيك مره تانية :أرجع لمداخلتي كويس وحتلقاني ما أغفلت جانب البيئة المتخلفة البتشكل الوعي المتخلف ) ، الحبيب بابكر مخير ( بكن ليك إحترام خاص ، والإحترام ده بيملي علي أنبهك لإنو خطابك الأخير مغتغت وملغم بتشكك في نزاهتي بإعتبار إشارتك ل " الفي أيدو قلم ، ما بيكتب لنفسو شقي ) : عموماً وضحت في مداخلة فايته إنو في قنوات كتيره ممكن تلجأ ليها.. رجاء تطرح فيها رؤيتك بشكل واضح).. ______________ أواصل: الآلية التالتة البيعتمدها الخطاب المغتغت وفاضي وخمج هي آلية الإختزال : إنك تختصر الظاهره ، الفكر ، الزول ،... إلخ أي حاجه تختها في بالك في تفصيلة واحده أو حدث واحد ودمغو بشكل حازم وقاطع.. العقلية البتفكر بالشكل ده عقلية ما قادرة على البناء والتوليف وربط ظواهر مع بعضها وتحليلها.. العقلية دي بتتعامل مع الظاهرة في شكلها السطحي وبتحكم عليها العقلية دي بتعتمد على الدمغ.. (هم أسوأ الطلاب أخلاقا ..وأشرهم علی الاطلاق ...وفتیاتهم کاسیات عاریات متبرجات ...لا علاقه لهم بمسجد ..لا علاقه لهم بحلقه ذکر ..لا علاقه لهم بقرآن ....ولا هم لهم غیر المیوعه والایقاع بالبریئات الغافلات ...هذا هو واقعکم هناک) أو الإختصار.. إختصار الظاهرة ، الفكر ، الشخوص في حاجه واحده كإنو الحاجه دي ما عندها صيرورتها ولا بتنتمي بقانون أو صلات مع بعضيها.. العقلية دي بتلغي مبدأ السببية والعلة والمعلول ( اما بيوت الاشباح هذه ..التي يمنون عليها الشعب ..فهذا محصله اعمالهم التخريبيه والكيديه ..) ، ما بتشغل بالا بالتمحيص ، بل بتلقى نفسها في الإجابات السطحية البتطيب على خاطرها.. والعقلية دي بتتناسل في المجتمعات الراكدة البتجتر ( زيها زي الإبل ) علف منتوجها الممطوط والمغلف بوبر ضآلتها الفكرية. |
الآلية الرابعة البيعتمدها الخطاب المغطغط وفاضي وخمج هي آلية الإسقاط..
بتتبني العقلية دي أحاكمها على الظواهر والشخوص والفكر بأحكام فيها كتير من التحيز والقطيعة ، لأنو طغيان الإنفعال بيلغي وظيفة النقد العقلي وبيتحول الآخر رمز للسوء والفساد ووو.. وده في حد زاتو مأزق عقلاني ، ومأزق نفسي.. البني آدم مجموعة من الخواص والصفات الوراثية والثقافية والإجتماعية إللي بتكون في تبدل دائم ، ومن المخل إنو تحكم عليهو بناء على صفة أو شخصية ، قل بربك كيف ينظر الشارع السوداني للشيوعي وللحزب الشيوعي ...اقول لك انا ..انهم ينظرون اليه بتوجس كبير ...به انه مكروه جدا وسط مجتمعاتنا خليك من الحكم الجامد على مؤسسه.. بعدين لمن تحاكم حاكم لحظة ، موقف.. حدث ، ما تنفي صيرورة إنو في تبدل وتحول مستمر.. ده بخلاف معيار الحكم البيخليك والأرضية الإنطلقت منها في حكمك. العقلية الإختزالية هي عقلية اللاعقل البتنقصا المحاكمة العقلية القايمة على رؤية الحاجات والأفراد والحوادث والظواهر والأفكار في شكلها الجدلي: أي شي في تحولو وولادتو وتكونو وصيروتو وموتو |
ده شنو ده ..نائب لامین العام شخصیا .ویمارس القتل العمد ..وفی وضح النهار ..وفی الهواء الطلق..یازول وظیفتک الدستوریه ماعندها حرمه عندک ....یعنی حالف الا تحصل السوق القاجی ده ..وتجهز علی الاتنین المزعجنکم دیل ....کضبا کاضب یاخوی
|
اقتباس ..انا أبصق علي كل مدعي نضال وعلي كل مشاي بنميمة وعلي تاريخي في هذا الحزب النتن . تلک اللغه التی تصفها بالسیئه ..هی تعبیر صادق لسان حالکم ..لا توجد مفردات أحسن منها لتوصیف الشأن الشیوعی المهترئ والمزری جدا ...فالمفردات لتی اوردتها فی شأن قاعدتکم فی الجامعات قد فندت حجتی فیها فی ردی علی الاخ معتصم الطاهر ...فالفساد الذی یضرب بأطنابه هناک لا یحتاج منی الی میکروفون لإعلانه ..لکل یعرفه ..والکل موقن به ..والحاله التی وصفتها هنا ..هی بإختصار نظره تسود المجتمع السودانی ..من غیر أی رتوش او إضافات ..وهی لیست ابدا من بنات افکاری .....انزعوا من مجتمعکم المخملی هذا الملئ بالخداع والنفاق والکذب وتذییف الحقائق ..وانزلوا الی الشارع ..وانظروا کیف یراکم الناس هناک؟........ولیس من من ثمه دلیل ابلغ علی هذا ..کلفظه (النتن )التی وصفت بها حزبکم الفاشل ..وهی قطعا لیست من عندی ..ولکنها وردت هنا ..فی هذا المنتدی علی لسان أحد الناجین من رمضائکم (کما هو وارد فی الاقتباس اعلاه )..ولا اراه إلا وقد أحسن وأجاد الوصف ...ولا أخاله أبدا قد أتی بهذه المفرده من فراغ ...وماهی (النتانه) اذا إن لم تکن فسادا وإفسادا فی الأرض ؟....ونحن هنا بالتأکید لا نقول شهد شاهد من أهلها ...ولکن نقول ..شهد شاهد من التاریخ ...والتاریخ لا یرحم أبدا .....وکذا نقول ان جهیزه قد قطعت قول کل خطبائکم الکذابین ..المزورون للحقائق ..والمزینین للباطل الشیوعی الموغل فی الانحطاط ...........والحزب الشیوعی السودانی سیظل ابدا هکذا (کماکنت )..بل متقهقر ..منهزم ..منبوذ ..محاصر فی رکن قصی ..رغما عن هذا النضال الذی تدعون ..والذی من الفترض ان یجد صدی عند الناس وبالتالی قبولا ودعما ومدا جماهیریا ..لأن المجتمع السودانی مجتمع معافی ..سلیم الفطره ..طیب الاصل ..یصعب علی علی هذا النبت الشیطانی ان ینمو علی تربته الطیبه ...ذکی یعرف حقیقتکم جیدا ..ویصعب غشه وخداعه بهذا الشعارات الخاویه والهتافات الجوفاء.....والحزب الشیوعی العالمی ..انهار ..وتساقطت ألویته فی کل بقاع العالم وفی وقت جیز ..والقلیل الذی لم یفعل ینتظر دوره ..لأنه حزب هش ..ضد الفطره والطبیعه البشریه ..قمعی دموی ..یحارب الدین ..ووسائله الارهاب والکبت وجلد الناس ..وهو أبعد ما یکون عن الشوری والدیمقراطیه والحریه والکرامه الآدمیه ....والتجارب التی اتاحتها له الانسانیه لیعبر عن نفسه ..کشفت سوءاته ..وهذاالتعفن المستتر والمستخبی وراء هذه الأقنعه الکاذبه والنظریات الجوفاء ....انظر الی دوله المنشأ ..الاتحاد السوفیتی ..کیف تقطعت اوصاله ..وانهار وتفکک وسقط ..بهذه الطریقه الدراماتیکیه ..التی لم تکن لترد حتی فی خلد أشد أعدائه تفاؤلا ..لیسجل بذلک أکبر فضیحه وسقطه سیاسیه علی وجه التاریخ .....والتاریخ بحول الله وقوته سیأخذ مجراه حتی تمحی المارکسیه من قلب وفکر اخر فرد فیکم ...والله ولی ذلک والقادر علیه ........أما ما نکتبه هنا ..فوالذی نفسی بیده ..سیکون هذا دیدننا وشأننا معکم ...رضی الناس ام ابوا ..حتی تتقیأوا کل هذا السموم المارکسیه التی تسری فی اجسادکم وتدمر فکرکم وتفسد قلوبکم وتطمس علی بصائرکم ....وسنضرب ید من حدید علی وبکل ما أوتینا من قوه هذا العفن الشیوعی ...وسنظل دوما ندفع ونرمی بهذا المنکر بعیدا عن مجتمعاتنا بکل طاقتنا وبکامل وسائلنا المادیه والمعنویه ....والی ان یقض الله امرا کان مفعولا .....(صوره لبوست السید شلیل الکیدی )
__________________ |
انا ما وجعتنی الجات فیی...لکن والله وجعتنی الجات فی عادل عسوم ..فالرجل غایه فی التسامح والادب ...خطابه معافی ..ولغته سلیمه ...یتحمل لجاجه العلمانیین وخطابهم الغث بکل سماحه وسعه صدر ..ولا یردهم الا بالتی هی احسن ...فکل ذنب الرجل هنا ان له حجه قویه ضاحضه ..لم یستطع الباطل الشیوعی ان یقف امامها ویقارعها ...فکان لا بد ان تحمل له الاحقاد والضغائن ..وان تبیت له النیه بطعنه وقتله فی اقرب الفرص .....ولکن هیهات ان تتحقق مآربهم الخبیثه
|
تنظيف مداخلة :
اقتباس: لأن أحسست بال(هريان) لمجرد ذكر اسم لمن يختلف معك فأنت بعيد (جدا) عن الديمقراطية ياود اخوي إنت منو عشان تتكلم عن الديمقراطية ؟ مجرد بوق للنظام ، بتلمع في زبانية ماعندهم شرعية وأبعد ما يكونوا عن الديمقراطية فما بتستاهل أخاطبك بديمقراطية لأنك ما إحترمتها. * أبديت رايي في إنو اقتباس: البيجعل منو قامة سامقة لو وظف الأوقاف في : 1- إحتواء المشردين والشماسه وتوفير دور رعاية إجتماعية ليهم 2- إحتواء الأطفال اللقطاء الطفحو في زمنكم ده ، وفاضت بيهم المراكز 3- توفير داخليات للطلبة والطالبات البيعانو من عدم إستقرار ، وبالتالي عدم إستقرار أكاديمي أجبت ب اقتباس: وما يدريك بأنه لم يفعل -مايليه-من ذلك؟ أ لك (مكتوبا) ينبينا بحراك الرجل خلال فترتي أستوزاره؟ أطلع الشارع شوف الناس الذكرتهم ديل مكتوب في وشهم شنو و ما أظنك قادر تشوف معاناتم لأنو عيونك عمت من إنها تشوف الحقيقه. (وماتتضارى ورا إنك مافاهم دلالات زمنكم .. وتحور لي كلامي : الزمن القاصدو في مداخلتي : تواجدكم في السلطة ، وظاهر من صياغ الكلام ، وظاهره برضو إنعكاساتو على الواقع الإجتماعي والسياسي والأخلاقي ) وماتحور لي عدم إيماني بتواجدكم بالسلطة لإنك تسأل الهداية لي.. ما بهتدي لطغمتكم الفاشية دي وأحسن لي فردوس معاناتي دي .. لكن ثق ياعادل إنو جماهير الشعب السوداني حتهتدي في يوم من الأيام لإنها تبتكر آلية تزيحكم من الواقع السياسي والإجتماعي. وماضرانا غير أبان دقون فيها الضلالي معشعشي حاكمانا في شنو ولي شنو حيكومة ماخبرالنا شي هذا هو خطاب السید شلیل ..الغیر مغتغت والمافاضی وخمج ....انت قایلنا ما عندنا ذاکره ولا شنو ...علیک الله ما تنسی معاک تشرح لینا خطابک الفوق ده |
اقتباس:
|
اقتباس:
|
اقتباس:
لحدي ما أجيهو بمزاج -أو كما قيل- |
اقتباس:
أخونا أبو محمد المانعك شنو يا شيخنا تبقى زي عادل عسوم دا؟ إنت الجنة مابيها؟! |
اقتباس:
|
اقتباس:
يا أبا محمد مرات أشعر أن دوافعك "مكاواة" لا أكثر. أراك اقتبست جملة من حديثي. وفسرتها يا ابن عمي. هذه الجملة مبنية علي حيثيات تختلف كل الاختلاف من تفسيرك . أتفق معك علي كل حال في أن الإخوة تحاملوا نوعا ما علي عادل عسوم وعادل لو لا كوزنته المعلنة ربما كان حديثه أقل إثارة لحفيظة الآخرين. لكنه ليس نبي بأي حال. خفف حملتك حبتين ربما تجد من يتعاطف معك لكنك بأسلوبك هذا لا تستقطب إلا العداوة . كن بخير يا صاحب. التحية للحبيب شليل ومتابعة لصيقة . |
اقتباس:
|
اقتباس:
أما الجيلي فما بيننا من حوار لا يسعه هذا البوست ولا المنتدي .. نتحاور دوما وأسمع منه الكثير المؤلم واسمعه مثله وأكثر وتظل المودة. أما سؤالك عن (هل هو النكوص) ؟ إن كنت تعني هل رجعت للحزب الشيوعي فأبدا والله. وأزيدك كمان أنا والله زاهد فيهم بأكثر من زهدك لكني لا أريد أن أمارس النقد مدفوعا بالكراهية . قال طيبنا الصالح (أجمل النقد ما كان عن محبة) .. أنا يا ابن عمي أمغت فيهم أشياء كثيرة زهدتني فيهم وللأسف ما تسطره هنا يجعلك أكثر قربا إليهم مني. هم يتطرفون في العداوة ويغتالون الشخوص غيبة وعنوة وأنت تفعل نفس الشيء "تتطرف". كن بخير. |
اقتباس:
:Dgoood:Dقسما بالله العظيم الذي لا اله الا هو انت تجنن طه بعشر ذاتو ومعاهو حسبو كمان..ياخ ما تبطل اللياقة دي الله يهديك..انت ليه شايف الناس كلهم معادينك..الناس يابو محمد ما عاجبم كلامك ..شوف ليك طريقة تقنعم بدل الحرابة دي.وبعدين ياخ عادل دا ما تخليهو بعيد من خط النار لو فعلا صاحبك:D:D:D:D |
اقتباس:
|
اقتباس:
يديك العافية |
اقتباس:
ولتسلخ كالشأه ووتعرى من خطابك الدينى الزائف تعال ياديجانقو... عم فتحی ..یاعزیز ...هذه هی لغه اصحابک الشیوعیین ...ویبقی انا صاحب الجریره ..وهم لا.....کیف تریدنی ان ارد علی مثل حدیث صاحبک الجیلی اعلاه...لماذا لم تنصحه عندما کان یاتی بهذا الغث |
ياااخ سهرتونى الليل كلو منتظر الكوماج يدور:p
تقوموا تقلبوها لى باسطة وحليب بى لبن:D يا ابو محمد بحق محمد لا تحزن ولا تغضب منهم هم اخوة افاضل وانت اخ كريم وكلكم شينين يعلم الله:) |
| الساعة الآن 05:46 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.