[سلمى الناير]

المشاركة الأصلية كتبت بواسطة عبدالمنعم الطيب حسن

بحري زيها وزي باقي الوطن تعرضت لعسف الانقلابيين الظلمى
مثلها مثل نيالا والفاشر وشندي ومدني وسنار
والقضارف وكوستي وبوحمد
بحري ليست استثناء
وحكاية تلاتة من نواب الجبهة الاسلامية فازوا بدوائر فيها
تحتاج لمراجعة هل بها فعلا تلاتة دوائر فقط
بعدين الدوائر التلتة دي كم مرشح كان بها للاتحادين
بعدين مالك توقفت في الكباشي التي نفسها لم تكن للجبهة الاسلامية الحالية
وهل بحري حدودها الكباشي
شمالا
وكويس انك لم تذكري ما سمي بانتخابات 2010الاخيرة
فقد اكتسح الكيزان كل السودان
انها انتخابات خج شديد
كويس انك تجاوزتيها
بعدين اطفال الانتفاضة الان رجالا ونساء ومتعلمين
وبعرفوا انترنت
وعارف الظلم وما برضوا عنه
مياه كثيره مرت تحت الجسر سيدتي
وميعادنا في وش الفجر
وبحري في الطليعة
ولو كره الكيزان

عبدالمنعم ازيك
الدوائر الانا اتكلمت عنها دي دوائر بحري الكبرى وبحري شمالا حدها ما الكباشي حدها الجيلي ودائرة الجيلي فاز بيه ابو حريرة اما الدوائر ال3 الشككت فيهم فهم كالاتي الدائرة 31 الاملاك حدها المزاد و فاز بيها مهدي ابراهيم و32 الصافية وشمبات والعزبة فاز بيها محمد الفاتح كوز والدائرة 33 الحلفايا والدروشاب والكدرو فاز بيها حسن نورالدين 34 و35 فازوا بيها اتحاديين و بالمناسبة حسن نورالدين ومحمد الفاتح معلمين لغة عربية درسوني في المرحلة المتوسطة والثانوي على التوالي .. ولو قريت كلامي كويس انا قلت مركز للكيزان والختمية .. وتوقفي عند الكباشي او قبل الكباشي لانو دي منطقة وعي او مفترض تكون كذلك ولا رايك شنو ؟