[أسعد]

عمنا حسين
التحايا والاشواق والمحبة والذي منو
أي نعم انا بتفق معاك في قصص الماورائيات ل

المحصلة النهائية الصعبة - طبعا صعبة لهم هم فقط - للمقال , هي أن العلم المادي لا يستطيع تفسير كل حقائق تجاربنا/خبرتنا في الحياة .

لكن ممكن اقول ليك المحصلة النهائية يا عمنا انو لا علم مادي ولا دين ممكن يفسر حقائق تجاربنا وخبرتنا في الحياة
الحياة دي من أين اتيتها بتجيك ظط رط قميص عامر
ودي تاني اعظم آية ربانية
طبعا أعظم آية ربانية هي (العقل)
الحياة دي خُلقت هلامية بشكل عجيب
وخلق العقل البشري لكي يستطيع تشكيلها كيفما ووقتما يشاء
عاوز الحياة دي دين بس ح تلقى الحياة دي اتشكلت ليك في شكل قناة إقرأ
عاوزها صوفية حتلقها انقلبت ليك قناة ساهور
عاوزها علمانية ح تلقاها انقلبت ليك ناشيونال جيوغرافيك
عاوزها هلسية ح تلقها انقلبت ليك قناة ام بي سي واخواتها
مافي شيء ثابت على الاطلاق كل شيء صحيح وكل شيء خطأ

في البداية خليني انخت ليك الجزء الاول من سلسلة (اكتشاف العقل)
وبعدين انت اسرح مع الباقي
http://www.youtube.com/watch?v=Hg89BnJNqmk

اها بعدين خليني النجيك لمقتبسك دا:

التجربة الأولي :
لنفترض أن ميري عالِمة neuroscientist تعيش في المستقبل , حيث عرف البشر كل شيئ عن الألوان , و ميري تخصصها دراسة الألوان , مخ ميري يحتوي علي كل المعلومات في الكون عن الالوان . المشكلة أن ميري مصابة بمرض عمي الألوان منذ مولدها .

أجرت ميري عملية جراحية بموجبها شفيت من مرض عمي الألوان , وعندما فتحت ميري عينيها بعد العملية رأت باقة الزهور الحمراء التي أحضرها لها زوجها . تلك كانت أول مرة تشاهد فيها ميري اللون الأحمر (تذكر أن المعطيات في هذه التجربة العقلية تقول بأن مخ ميري المادي يختزن كل المعلومات الكونية عن الألوان - آي لاتقصه أي معلومة عن الألوان ) .

في تجربة تانية عملوها اخوانا اليابانيين في سلسلتهم اعلاه (اكتشاف العقل) عن ما يسمى بالخوف الغريزي -يمكنك مشاهدتها في الجزء الثالث من الدقيقة 10 الى الدقيقة 15- اها هناك جابوا كم نفر وطلعوهم الدور العاشر وربطوا ليهم (حزام امان) واي واحد قالوا ليهو امشي على الحافة اها اي واحد مشى كبابيه قعدت تطاقش مع العلم انو ولا واحد حصل عاش تجربة السقوط لكن بعد دا الجماعة كلهم خافوا اها دي قالوا عنها انه خوف غريزي ناتج عن الخبرات البشرية منذ زمن طويل فترسخت وانحفرت في جيناتنا وعرفت بما يسمى باللاواعي الجماعي.
يعني ممكن يكون عندك معلومة مسبقة حتى من دون اي سابق تجربة او حتى معرفة
اها شوفت القصة فيري كومبلوكيتيت كيف؟!