للهلالاب فقط :التعداد الهلالى الأول لمنتديات سودانيات

[أمير الشعراني]

المشاركة الأصلية كتبت بواسطة حسين عبدالجليل

- فالرجاء التجاهل التجاهل التجاهل

نحنا طبعاً فاتحين ليهم وما شغالين بيهم الشغله ... يا اخ ديل رئيس النادى حقهم معين...!!

[أمير الشعراني]

في اليوم الأول للتسجيلات التكميلية
الهلال يعيد قيد الثلاثي الدولي في تظاهرة جماهيرية

[frame="7 80"]الو ... الوالى ... يا سعادتك مهند سجل للهلال وعمر سجل للهلال ...!!
انت ما قلت لينا الطاهر وبخيت قالوا اولادن ديل غير المريخ ما بلعبو ...
اى يا والى لكن الظاهر الاولاد ديل ما بسمعوا كلام ابواتهم ..
ونقول للجماهير شنو...؟
والله يوالى لو عملنا طابق خامس الجماهير ما فى زول يطرى ليك تانى المعلم والغزال ...
الو الو الو ...
الهالة صابه[/frame]
انطلقت في الحادية عشر من صباح أمس بمقر الاتحاد الرياضي بشارع البلدية حركة تنقلات وتسجيلات اللاعبين التكميلية التي تتواصل حتى الثلاثين من الشهر الجاري وكان هلال الساحل أول من بادر بالتسجيل حيث كسب توقيع ثلاثة لاعبين على رأسهم مهاجم اتحاد مدني السابق زهير زكريا الذي كان مرشحاً للإنتقال الى الهلال ولاعب المريخ السابق حسبو عبد الله ونجم التحرير عز الدين الحمري وأخلى النادي خانة لاعبه راشد حمدون بالتراضي وبعد ذلك قام الهلال بتجديد تعاقده مع الثلاثي الدولي ريتشارد جاستن وحمودة بشير وعمر بخيت بحضور الأمين العام للنادي الأستاذ عماد الطيب وعضو المجلس المهندس التجاني أبوسن ومسؤول المناشط الباقر عبد الرحمن ووقع الثلاثي على عقودات لمدة خمس سنوات وكان مندوب الهلال شاكر علي طاهر قد حضر الى مكاتب الإتحاد وبدأ إجراءات قيد 4 لاعبين وكان اللاعب الرابع هو مهند الطاهر الذي تخلف عن الحضور مما أثار قلق الجماهير التي احتشدت أمام الإتحاد بعد ان سبقت الأنباء حضور الوفد الإداري بأن الهلال سيعيد الثلاثي بجانب مهند الطاهر وقد برر شاكر علي الطاهر عدم حضور اللاعب لأسباب خاصة مؤكداً ان الإتصال مفقود بين اللاعب وإدارة النادي.
هذا وعقب إعادة تسجيل الثلاثي عبرت جماهير الهلال عن فرحتها الكبرى وحملت اللاعبين على الأعناق وهي سعيدة بإعادة قيدهم في الكشوفات وفي دوائر الأندية الأخرى تعاقد الإتحاد مدني مع الثلاثي عبدالعظيم أحمد يوسف من المهدية وفراج الحاج من فريق الزهور وابوبكر محمد الشيخ من بيت المال وبالمقابل شطب الاتحاد خالد حسب الرسول وأيمن محمد مسكين ووقع نادي الشجرة (درجة ثانية) عقداً مبدئياً مع لاعب المريخ السابق المحترف بفريق شعب حضرموت اليمني هيثم الرشيد ليتم تكميل إجراءات تسجيله بعد وصول كرته الدولي من الإتحاد اليمني وتتواصل تسجيلات اللاعبين في الحادية عشر من صباح اليوم وحتى الرابعة عصراً.
يجدر ذكره ان الأستاذ سيستيليو جوبا أشرف على تسجيلات اللاعبين من قبل اتحاد الكرة.

بدء اجراءات سفر الهلال لتونس
بدأ المكتب التنفيذي بنادي الهلال في اجراءات سفر الفريق لتونس في الثاني والعشرين من هذا الشهر وذلك لعقد معسكر اعدادي حتى العاشر من يوليو المقبل استعداداً لمرحلة مجموعات دوري ابطال افريقيا، حيث قام أمس موظفو المكتب بطلب تأشيرات الدخول لاعضاء البعثة التي ستغادر على دفعتين، الدفعة الأولى تضم لاعبي الفريق الحاليين والجهاز الفني والاداري للفريق فيما تضم الدفعة الثانية نجوم الفريق بالمنتخب الوطني الذي سيلحقون بالبعثة في التاسع والعشرين من هذا الشهر حيث منحهم ريكاردو راحة لمدة خمسة أيام بعد ان يعودا من مالي مع بعثة المنتخب الوطني.

ريكاردو: حان الوقت لتحقيق انجاز خارجي مع الهلال

قال مدرب الهلال هيرون ريكاردو ان اختياره لتونس لمعسكر فريقه الاعدادي جاء لوجود اربعة أندية تونسية تشارك في الكونفيدرالية وهذا يتيح لفريقه اداء عدد من التجارب القوية استعداداً لمرحلة مجموعات دوري ابطال افريقيا وأشار الى ان توفر الملاعب وصالات التدريب بتونس ستساعده على تنفيذ برنامج الاعداد بنجاح تام، واصفاً تونس بالمكان المناسب لمعسكر الهلال وقال ريكاردو ان المعسكر فرصة طيبة لتجهيز الفريق على أعلى طراز قبل انطلاقة التنافس، وأكد ان مشاركة عدد كبير من نجومه مع المنتخب الوطني بجانب مشاركة يوسف محمد مع نيجيريا وداريوكان مع موزمبيق ستعطي الفريق قوة دفع اضافية في دوري المجموعات، واضاف البرازيلي ان المرحلة القادمة تحتاج لعمل جاد وتضحية واستقرار وتضافر كل الجهود من أجل تحقيق حلم انصار النادي. وأعلن هيرون استلامه لعدد من اشرطة مباريات منافسيه (القطن، مازيمبي وانيمبا) سيقوم بمشاهدتها ودراستها وعرضها على اللاعبين حتى يتعرفوا على خصومهم، وقال في ختام حديثه انه عازم على تحقيق انجاز كبير مع الهلال وان الوقت قد حان لذلك.

الأمين العام لنادي الهلال يؤكد:
أكملنا اتفاقنا مع مهند الطاهر واللاعب سيجدد تعاقده اليوم
امتدح الأستاذ عماد الطيب الأمين العام لنادي الهلال ثلاثي الفريق عمر بخيت وحمودة بشير وريتشارد جاستن عقب تجديد تعاقدهم بكشوفات الفريق أمس. وقال عماد الطيب في تصريحات لـ(حكايات) ان الثلاثي وافق على تجديد التعاقد دون شرط مؤكدين حبهم وعشقهم للشعار الذي يرتدونه. وقال عماد ان الجهاز الإداري لن يجد صعوبة في التفاوض مع اللاعبين الذين أبدوا مرونة وتجاوباً كبيراً في تحقيق رغبة الجماهير وتنفيذ طلب مجلس الإدارة لتجديد التعاقد وتمنى عماد الطيب للثلاثي تقديم الأفضل خلال المرحلة المقبلة وعلق الأمين العام لنادي الهلال على ما يثار عن تخلف اللاعب مهند الطاهر وقال إن بعض الظروف حالت دون توقيعه كاشفاً ان هنالك اتفاقاً تم على مقابلة مهند مع الثلاثي في مكان محدد لكنه حضر مبكراً وعندما تأخر وفد الهلال في الحضور اليه غادر المكان وبعد ذلك لم يستطيعوا الإتصال به مؤكداً ان مجلس الإدارة أكمل إتفاقه مع اللاعب خلال دقائق معدودة، مشيراً الى ان مهند الطاهر سيجدد تعاقده خلال اليوم. وسخر عماد الطيب من حديث البعض عن انتقال مهند الى المريخ وقال إن مهند أحد أبناء الهلال ولا يمكن ان يفكر في ترك النادي من أجل أي فريق.

[رأفت ميلاد]

المشاركة الأصلية كتبت بواسطة أمير الشعراني

يا جماعة هسع الجاب سيرة (المسالمة) اقصد (الاهلى) لا .. لا.. بسم الله اقصد المريخ منو ...!
نادى عندو تلاتة شهادات ميلاد وثلاثة اسماء وما خفى اعظم ...ما فى زول شغال بيكم الشغله...

يا أمير أنت من أميز الموثقين المروا بى .. ده كلام شنو دا .. الهلال ده أصلو وفصلو شنو ؟ .. ما ياهو فريق عباس .. الخونة الطلعوا منو وبقوا فريق الجيش الإنجليزى .. دى عاد شهادة ميلاد عاد ..

غايو جنس رشاشات

[أمير الشعراني]

المشاركة الأصلية كتبت بواسطة رأفت ميلاد

يا أمير أنت من أميز الموثقين المروا بى ..

شهادة عظيمة من رجل عظيم ...
امل ان اكون كذلك ...


اه لو تبق هلالابى ...
واه اه اه لو اه تفيد مجروح والمثل القديم قائل ...!

[أمير الشعراني]

[frame="7 80"]بدون حجاب
خالد عز الدين
الكلام مافي الجداد .. الكلام في الكر !!
والجداد ذاتو خشم بيوت .. في جداد وادي وفي جداد بلدي وفي جداد بطري .. وفي جدادة الخلا الطردت جدادة البيت !! ودي بالذات من نوع الجداد العامل مشاكل في المريخ في السنوات الاخيرة .. ناس البيت وبالذات اهل المسالمة وامدرمان شايفين في جداد خلا كتير جا بالسكة حديد وشنط الحديد وقعد في البيت !!
اهلنا ناس العرضة شمال عينهم فاصحة في الجداد .. بحبو جداد (الارتكاز) خصوصا ( الفيومي ) وده جداد قوي وبجيد الدفاع والهجوم ولونو خليط ما بين الاسود والايض ! اهنا الجداد ده بالذات نحن بنحبو شديد خالص خصوصا لما يكون لابس احمر .. طوالي بنمشي نجيبو .. ما في زول بقدر يقول لينا لا .. ما نحنن اسياد الشغل ذاتو !!
في جداد وهباوي بالنسب الي وهبة !! وفي جداد نهضاوي (ادواردي) متمرد !! وفي جداد سناري وهو الذي نظم فيه الشاعر عبدالقادر همد قصيدته الشهيرة ( انا جبتو من سناري .. زاد علي ناري ) وفي جداد في لعبو لمسة وفي قولوا همسة وفي اقراراو ما في بصمة !!
طبعا الجداد المربي صحي ومصروف علي .. ما بسيب المكان .. لكن الجداد المعذبنو اهلو بمشي طوالي !! انتو جدادكم ده ما بقعد معاكم كتير لييه يا ... ؟!
في جداد تصدير .. نحن ممكن نصدر جدادنا بره اصلو نحن معلمين كبار ..
وفي جداد تحمير .. بكون لونو احمر خمسة سنين في حالة انتظار !!
وفي جداد مشوي .. شواي القلوب .. عواج الدروب .. الا تقولوا الروب !! تقولوا الروب بنخليكم .. فرصة في الممتاز بنديكم .. تعملوا فيها عبيد كبار تاني بنبكيكم !!
تبكي بس .. عين قطرة وعين مس !
في واحد .. جدادوي كبير .. زعلان زعل شديد .. قال انا ذاتي ما بحب الجداد .. كراهيتي في الاكل الجداد .. انا ذاتي بخاف من انفلونزا الطيور !! هو ذاتو عمر بخيت ما لعاب .. وباصتو كلها عرضية .. وريتشارد كبر ! وحمودة مصاب ! وعلاء الدين كورتو كلها شلاليت !!
مساكين .. لما خلاص الجداد طار عليهم قالو الجدادة الرابعة وينها .. قلنا ليهم مشت تجيب مستند وجاية !!
ودخلت جدادة شالت مستند وخرجت .. وتاني جدادة شالت مستند وخرجت .. وفي جدادة تالته شالت مستند وماخرجت !! اصلها قرتو في المكتب !!
يعني هسة لو جدادنا ده وقع معاكم واستلم قروشو ممكن بكرة تظهر في مستندات !! يعني ممكن الجدادة يقولو ليها رجعي حافز التسجيل ده اصلو ما مر علي امين الخزينة !!
ولا تجي جدادة تخش القفص يقولو ليها الا تبرزي مستند !!
انتو احسن تركزوا مع المستندات .. وتنسو حكاية الجداد !!
اصلكم فاشلين في القصة دي من زمان .تذكروا حمد كمال .. مش انتو برضو قلتو بنجيب هيثم مصطفي .. انتو شطار بس في الجداد المطرود .. اي جدادة مطرودة بتفتحو ليهو قفصكم .. لكن جداد البلد ده صعب عليكم .. صعب خالص .. في جداد اصلا ما للتصدير .. جداد للاصل .. والاصل ثابت .. هنا الاصل وهنا الاصول ..
مساكين قايلين الجداد براهو بغلب وبجيب الكاسات .. لا ده غلط .. الجداد عامل مساعد واساسي لكن الاصل في ( الكر ) مكان الرباية والسعاية .. البيت قبل الجداد ..
ويا جدادتي كاك كاك !!
وفي جدادة برازيلية .. ابت ترجع .. الحاصل شنو ! ناس يقولو القلب .. وناس يقولوا راح عليها الدرب .. واحدين تحت تحت قالو الجدادة قالت يا الهلال يا المطار !! طارت
في جدادة نيجيرية ..قالت صراحة هي ما جاية تقعد ساكت في قفص الجداد كلو فيهو ضعيف !
وفي جدادة حقتنا جاتكم رايحة نحن عايزنها ..
ما شفتوها لما رجعت لي بيتها عملت شنو ؟ رجعت ليها ايام الشباب والمراوغة وحاسة التهديف .. ما قلنا الكلام مافي الجداد الكلام في ( البيت )
نقلاً عن (حكايات)[/frame]

[أشتر]

طيب انا هلالابي ... مطلوب مني اعمل شنو؟

[أمير الشعراني]

المشاركة الأصلية كتبت بواسطة محمد أبوعاقلة

طيب انا هلالابي ... مطلوب مني اعمل شنو؟

معقول يا محمد ... انت ما عارف ..أنا بحبك ... وللا ما عارف بالمره ...!

شوف يا عزيزى نحنا خلاص حسبناك وجمعنا معلومات عنك يعنى لزوم الاتصال وكده ...
الخطوة القادمة تقسيم الهلالاب لمجموعات كالاتى :
*- رشاشات (ارضى جو) ديل مدفعجيه لاى متطاول على الزعيم وسيد البلد ..
*- المخبرين : ديل يا سعادتك ناس الاخبار والمتابعة والرصد
*- المجموعة الثالثة والاهم (كيف ندعم الهلال) .. وديل ناس افكار وبرامج وانتخابات وكده

[مهند بشير]

المشاركة الأصلية كتبت بواسطة نعمات حمود

[اخي امير ...مرحبا بك ..
التقيك اولا عبر سودانيات الحب
ونلتقي في الحب الاكبر ...زعيم الامة ..ابو الهل العظيم
(بت الهلال )كما لقبني البعض سابقا ..
نعمات حمود

نعمات حمود
طلعت هلالابية
ورق و فرق
من الليله لا ترسل لي ولا ارسل ليك
وال e- mailبتاعك بكرة بمسحو من الماسنجر حقي
وشوفي تاني البقّبل عليك

فوق فوق مريخنا فوق

[diya_altahir]

تسجيل حضور عن رابطة ابناء الهلال بهولندا
ضياء ميرغنى

[أمير الشعراني]

المشاركة الأصلية كتبت بواسطة مهند بشير

من الليله لا ترسل لي ولا ارسل ليك
وال e- mailبتاعك بكرة بمسحو من الماسنجر حقي
وشوفي تاني البقّبل عليك

فوق فوق مريخنا فوق

ما قلتوا صفوة واخلاقكم رياضية ... هسع عليك الله يا عزيزى زوله سمحة الروح والوجه ذى نعمات دى دائره تبقه مريخابية ...!!

[فيصل سعد]

[align=center]نادي المريخ
زعيم الكرة السودانية[/align]

بطولات المناسبات التاريخية:

افتتاح إستاد الخرطوم
افتتاح استاد الموردة
افتتاح إضاءة استاد الخرطوم
كأس الإمبراطور هيلاسي لاسي
كأس الملك فيصل
كأس الرئيس ديوري هاماني
كأس الرئيس شارماركي
كأس الرئيس بوكاسا
كأس الصداقة الكورية
كأس الاستفتاء
كأس الرئيس العراقي
كأس المجهود الحربي
كأس الدوق هرر
كأس الرئيس عبد الناصر
كأس الرئيس كنيث كاوندا

متواليات الدريبي السوداني بين المريخ والهلال

الجمعة 26 مارس 1962 المريخ 1 الهلال صفر أحرزه إبراهيم جلك

الاحد 8 ابريل 1962 افتتاح اضاءة استاد الخرطوم المريخ 3 الهلال 1
(اهداف المريخ 1 برعي و 2 ماجد و هدف الهلال حبشي )

السبت 19 مايو 1962 المريخ 1 الهلال صفر افتتاح استاد الموردة
(هدف المريخ احرزه خوجلي الصغير (خوجلي مصطفى)

الخميس 31 مايو 1962 كأس الدوق هرر المريخ 2 الهلال صفر أحرزهم ماجد

الخميس 21 يونيو 1962 الدوري العاصمي المريخ 1 الهلال صفر احرزه ماجد

الأحد 9 سبتمبر 1962 المريخ 2 الهلال 1 احرزهم برعي و ماجد و هدف الهلال حمد النيل و يفوز المريخ بالدوري العاصمي

الجمعة 28 سبتمبر 1962 المريخ 3 الهلال صفر اهداف المريخ زيدان هدف و هدفين لماجد و يفوز المريخ بكأس البلدية

الخميس 12 فبراير 1963 كأس رمضان الذي فاز به المريخ المريخ 2 الهلال صفر
أهداف المريخ أحرزهم ماجد

بطولة الدوري المحلي:

حقق المريخ بطولة الدوري المحلي (دوري اندية الدرجة الاولى بالخرطوم) سبعة عشر مرة تفاصيلها كالاتي:

1953 - 1954
1955 - 1956
1961 - 1962 هذا العام حقق المريخ الدوري بدون هزيمة وبتعادلين فقط.
1965 - 1966
1967 - 1968 هذا العام حقق المريخ انجاز غير مسبوق بفوزه بالدوري بدون هزيمة او تعادل
1971 - 1972 هذا العام حقق المريخ انجاز غير مسبوق بفوزه بالدوري بدون هزيمة وبتعادل واحد
1972 - 1973 هذا العام حقق المريخ الدوري بدون هزيمة وبعدة تعادلات
1978 - 1979 هذا العام حقق المريخ الدوري بدون هزيمة وبعدة تعادلات
1980 - 1981
1982 - 1983
1984 - 1985 هذا العام حقق المريخ الدوري بدون هزيمة وبعدة تعادلات
1985 - 1986
1990 - 1991 هذا العام حقق المريخ الدوري بدون هزيمة وبعدة تعادلات
1991 - 1992 هذا العام حقق المريخ إنجاز آخر حيث لم تستقبل مرماه اي هدف طيلة سته عشر مباراة متوالية
1992 - 1993
1995 - 1996أنسحب الهلال من مباراته الآخيرة آمام المريخ نسبة لحسم المريخ البطولة قبل موعدها با اسبوعين
1996 - 1997

المريخ آكثر الانديه فوزاً بهذه البطولة 17 مرة.

بطولة دوري السودان:

حقق المريخ بطولة دوري السودان ثمانية مرات تفاصيلها كالاتي:

1970 - 1971
1971 - 1972
1973 - 1974
1977 - 1978
1981 - 1982
1984 - 1985
1989 - 1990
1992 - 1993


بطولة كاس السودان في نسخته القديمة:

حقق المريخ كاس السودان عشر مرات علماُ بأن البطولة انطلقت في الخمسينات تفاصيلها كالأتي

1963
1970
1971
1972
1974
1983
1984
1985
1986
1988

المريخ اكثر الاندية فوزاً بهذاه البطولة 10 مرات

بطولة كاس السودان في نسخته الجديدة:

حقق المريخ كاس السودان خمسة مرات علماً بأن البطولة انطلقت في عام 1990 تفاصيلها كالاتي.

1991 - 1992
1992 - 1993
1993 - 1994
1995 - 1996
2000 - 2001
2005 - 2004
2005-2006
2006-2007

المريخ آكثر الاندية فوزاً بهذه البطولة 8 مرات


بطولة الدوري الممتاز:

1996 - 1997

1999 - 2000

2000 - 2001

2001 - 2002

بطولات خارجية:

كأس جوبا:-

أول كاس محمولة جواً
المناسبة: افتتاح جامعة جوبا
المـكان : مدينة جوبا جنوب السودان
التاريخ :1977م

أنتصر المريخ على نده التقليدي الهلال 1/صفر، احرز الهدف سامي عزالدين في الدقيقة 89 (باقي دقيقه سامي يجبيها) وكانت كل التكهنات قبل المباراة تشير الى فوز الهلال نسبة الى سفر حارس مرمي المريخ الدولي الطيب سند المفاجئ الى دولة الامارات العربيه المتحدة ولعب المريخ بحارسه الاحتياطي الهادي سليم وابلى بلاء حسنا وهتفت الجماهير بعد المباراة (مريخنا عظيم بالهادي سليم) وكان وقتها فريق الهلال يضم المع النجوم في خط هجومه الدحيش ، على قاقرين ، متوكل عبدالسلام، ولكن فتية المريخ الاشاوس كانوا عند حسن الظن بهم وقدموا عرضاً رائعاً استحقوا به كأس المباراة وتسلموا الكأس من الرئيس جعفر نميري وعادوا به للخرطوم .


كاس شرق ووسط افريقيا ـ سيكافا

المناسبة: بطولة شرق ووسط أفريقيا
المكان : موانزا تنزانيا
التاريخ : 25 يناير 1986م

حقق فريق المريخ بطولة أندية شرق ووسط افريقيا (سيكافا) بعد ان لعب في مجموعة موانزا وفاز المريخ على ماجي ماجي التنزاني 1 صفر احرز الهدف جمال ابوعنجة ثم تعادل في المباراة الثانية مع مومكيرا الزامبي وفاز في المباراة الثالثة على وقد الصومالي 5/1 واحرز الاهداف عيسى صباح الخير هدفين وهدف لكل من الدحيش وابراهومة ونزار خليفة وفي الدور قبل النهائي فاز على لبيردس الكيني 1 صفر احرز الهدف جمال ابوعنجة وفي نهائي البطولة التقى المريخ بالشباب التنزاني وانتهت المباراه في زمنها الاصلي والاضافي بهدفين لكل فريق احرز اهداف المريخ ابراهومة وعيسى صباح الخير ليحتكم الفريقان لضربات الجزاء الترجيحية والتى كسبها المريخ 4/3 ليحقق المريخ البطولة


كاس دبي الذهبي

المناسبة : بطولة دبي الثانية
المكان : مدينة دبي دولة الامارات العربية المتحدة
التاريخ: 3 ديسمبر 1987م

فاز المريخ بالبطولة بعد تغلبه على فريق الزمالك القاهري بضربات الجزاء الترجيحية بعد انتهاء زمن المباراة الرسمي والاضافي بهدف لكل فريق احرز هدف المريخ عوض الله انور . بريمة شاف الذهب وفعل العجب

كاس الكؤوس الافريقية ـ مانديلا

المناسبة : بطولة كأس الكؤوس الأفريقية
المكان : بنين ـ نيجريا
التاريخ: 9 ديسمبر 1989م


[align=center]نشيد المريخ
الأستاذ/ محمد عبدالقادركرف

عشت يامريخ موفور القيم
ناهض العزة خفاق العلم
خطوك الوثاب في ركب الامم
جناح النسر يجتاح القمم
عشت للنيل على شطآنه
قوة تدفق فى شريانه
سال تاريخك من احضانه
سلسلاً يجري على وديانه
نجمك الخفاق في جو السماء
صنعته من خافقى او دمائي
واذا ناديت الفيت ندائي
باسمك العذب رددت غنائي
يافتى المريخ في عينيك عزم
وبهذا العزم للعليا تسمو
وعلى صدرك في المواكب نجم
و وراء الغد نصر لك ضخم
ثب الى الذروة رفاق الجناح
وتالق في الميادين الفساح
وانطلق اشبه شئ بالرياح
بالكفاح الحق والجد الصراح
خذ طريق المجد في حزم وقوة
واقسم الدهر ولاترهب عنوة
واسق اخوانك من صفو الأخوة
كلما لاقيتهم باسم الأخوة
يافتى المريخ حقق للغد
نهضة تبقى بقاء الابد
واذا صحت فقل هذه يدي
قد بنت صرحى وشادت معهدى


نحن في المريخ أخوة
دكتور/ عمر محمود خالد

العصر والتاريخ يشهدان
والأرض والسماء يعرفان
المجد والمريخ توأمان
والنصر فوق صدره الفسيح
والفخر فوق هامت النجوم يستريح
والأمن مستتب والأمان
وأنت يا مريخ تصنع التاريخ
تملأ الزمان والمكان
ونحن عزة ومنعة وصولجان
اسألوا الأيام عن أمجادنا واستنطقوا الزمان
أسالوا الغروب والمشارقا
اسألوا الإفرنج والأعراب والأفارقة
لا تسالوا الأقزام أسالوا العملاقة
أسالوا الهونفيد واسبارتاك والبطارقة
من غيرنا قد لوّن التاريخ بالذهب ؟
من غيرنا قد وهب الأفراح وما وهب
من دوّخ الأبطال أينما ذهب
فنحن منذ البدء كانت البطولة
وكانت الشهامة الشماء والرجولة
وكانت المبادئ السمحاء والفضيلة
فكانت الأشبال والأسود[/align]
[align=center][/align]

[أمير الشعراني]

دا حالتوا المشرف العام ...!
دا شنو يا العزيز فيصل سعد ..!
فى زول سعلك ..؟
ما قلنا البوست دا للهلالاب فقط ...!
كدا ما كويس ..!!
ولو قائل ح تهدم فكرة منتدى اخبار الهلال داخل (سودانيات) بالطريقة دى تكون ما بتعرفنا (نحنا الرشاشة) ح نخلى ليك المنتدى كلو ..
///////////
للاهله داخل سودانيات اقترب موعد انطلاقة دورى المجموعات لأبطال افريقيا وح نبدأ نشر اخبار فريق الكورة بالهلال كل يوم فى (سودانيات) والما عاجبوا من ناس (المسالمة اقصد الاهلى بسم الله اقصد المريخ الرئيسو معين) اقع البحر ...
يللا..

[فيصل سعد]

المشاركة الأصلية كتبت بواسطة أمير الشعراني

دا حالتوا المشرف العام ...!
دا شنو يا العزيز فيصل سعد ..!
فى زول سعلك ..؟
ما قلنا البوست دا للهلالاب فقط ...!
كدا ما كويس ..!!
ولو قائل ح تهدم فكرة منتدى اخبار الهلال داخل (سودانيات) بالطريقة دى تكون ما بتعرفنا (نحنا الرشاشة) ح نخلى ليك المنتدى كلو ..
///////////
للاهله داخل سودانيات اقترب موعد انطلاقة دورى المجموعات لأبطال افريقيا وح نبدأ نشر اخبار فريق الكورة بالهلال كل يوم فى (سودانيات) والما عاجبوا من ناس (المسالمة اقصد الاهلى بسم الله اقصد المريخ الرئيسو معين) اقع البحر ...
يللا..

الجرسة لزومها شنو يا رشاشة مالك شابكني يا مراقب عام،، هسي انا بسلم عليك و احييك يا امير حصل يوم قلت ليك يا صحفي .. البوست عارفنوا للرشاشات لكن بعد تعدادكم كمل قلنا نحلي ليكم بحزء من تاريخ الشياطين الحمر للذكرى و التاريخ و كدة بعدين كان وقعنا البحر تاني تغلبوا منو

[رامي العميري]

والله انا ما عارف المريخ ده حصل قبل انشاء مصنع بركة للبسكويتة الواحدة ولا قبل وروبيرو .. المهم في الامر طبعاً كاسات المريخ كلها كاسات سمايات ما تعرف ليك دبي التاني بتاع سماية وكاس مانديلا كان سماية وابها كان ولادة غنماية .. يعني كده كده المريخ مجرد حاجة بنشتاق ليها في نهاية الممتاذ عشان نطلع في عراضة ميدان الرد كاسل ونقول سمح سيد البلد .. وطبعاً سيد البلد دي المريخاب اخدوا التسمية بعدنا والزعيم برضه .. انتو المريخاب ديل ما لاقين غير اسامينا .. وبعدين لو ما الكام لاعب خردة الفكاهم الهلال كان المريخ لعب في رابطة ابوعنجة .. المجد للهلال .. بالمناسبة المسجد بتاع المريخ ركبو ليه الهلال ولا لسة ما اتفقوا ..

[abuelsora]

*
**