روسيات بالإمارات.. دعوة مجانية للتلاقي بهن

[بابكر عباس]

المشاركة الأصلية كتبت بواسطة عكــود

طيّب أبوك إسمو منو؟

محمّد أحمد

عليك الله يا عكود شفت إسم أبوي مناضل كيف؟

[imported_مبر محمود]

سلام أ بابكر ..
ياخوي الروسيات الجد جد لا يخرجن من خدورهن الي بإتجاه الغرب حيث شركات المودرن والإغراء العملاقة أو بإتجاه قصور شيوخ وأُمراء النفط.
البلاقوهن بالمجاني في شوارع دبي ديل، "قوقازيات" "وأذريات" ينحدرن من أقاليم ودول متفرقة في ما كان يعرف سابقاً بالإتحاد السوفيتي
وما خرجن من ديارهن إلّا هرباً من الفاقة والفقر والتخلف، بعد أن قضين سنوات طفولتهن عاملات كادحات في حقول التفاح ومزارع البطاطس الموزّعه على إمتداد بحر قزوين
زحفن ناحية دبي وغيرها من بلاد بني عرب، وإتشحن بالجنز ومنتجات ماكس، ودخلن سوق الله وأكبر الراسمالي من أوسع أبوابه..
والحكمة الإقتصادية الأقدم على الإطلاق تقول: رزق المساكين على المجانيين.

قديماً قلنا: التاريخ تكتبه الجغرافيا.
ولكننا الأن توصلنا الي أن الجغرافيا تكتبُ كل شئ

[imported_احمد عبد الرافع]

المشاركة الأصلية كتبت بواسطة بابكر مخير

يكون خلاص لاقوهم وإنصرفوا

[imported_الوليد عمر]

.....








يعلم الله قريت العنيوين قلتا اليلة بابكر جابو بى شدرو ، عللا خشيت لا داخل بس من شان أكضب الشينة


أها مسعول من الخير:

يعنى أجتهد فى الونسة معاك فى خيتك السمح داك ، فتقوم تهملنى كدى،
ليهى ياخى ؟ يعنى صرف النظر عن المسيكين رحومية* وللا كيفن ؟





* الحق الأدبى محفوظ لسيد اللبن





على سبيل التحية






.....

[imported_الزوول]

المشاركة الأصلية كتبت بواسطة مبر محمود

سلام أ بابكر ..
ياخوي الروسيات الجد جد لا يخرجن من خدورهن الي بإتجاه الغرب حيث شركات المودرن والإغراء العملاقة أو بإتجاه قصور شيوخ وأُمراء النفط.
البلاقوهن بالمجاني في شوارع دبي ديل، "قوقازيات" "وأذريات" ينحدرن من أقاليم ودول متفرغة في ما كان يعرف سابقاً بالإتحاد السوفيتي
وما خرجن من ديارهن إلّا هرباً من الفاقة والفقر والتخلف، بعد أن قضين سنوات طفولتهن عاملات كادحات في حقول التفاح ومزارع البطاطس الموزّعه على إمتداد بحر قزوين
زحفن ناحية دبي وغيرها من بلاد بني عرب، وإتشحن بالجنز ومنتجات ماكس، ودخلن سوق الله وأكبر الراسمالي من أوسع أبوابه..
والحكمة الإقتصادية الأقدم على الإطلاق تقول: رزق المساكين على المجانيين.

قديماً قلنا: التاريخ تكتبه الجغرافيا.
ولكننا الأن توصلنا الي أن الجغرافيا تكتبُ كل شئ

...

حباب الفِقّير
يا مبر يا خوي ..نصيحة الأخوان ماب يابوها
دحين
باقي لي
فُقوريتك ( من الفقرا اهل السبحة ، وليست الفقارة)
ومعلوماتك المفصلة البتشتت فيها هني دي
.....
...
..
آب يتلمن
...

[imported_مبر محمود]

المشاركة الأصلية كتبت بواسطة الزوول

...آب يتلمن
...

سلام يا الزوول..
قلت لي آب يتلمن؟ أضحك الله سنّك ياخ
ياخوي الفقرنه عاصرننا بيها إنتو ساي، وفقيركم في السفاهه زعيم
غايتو بقت علينا حالة الذي قال:
تجارة الإجرام فيها متفنن .. متّهم بالدين حالتو تحنن!

المهم ياخوي، الروس بعرفهم زين، والقوقازيين ديل أهلي تب، اقمت في ديارهم وبين ظهرانيهم سنتين إلا بضع شهور

[بابكر عباس]

عليك الله يا وليد لمان إنت سألتني سؤال ساهل، أنا قصرت معاك؟
موش زي العجب رشيتك بالشفافة؟!
تقوم ترجع تسألني سؤال صعب ليه؟

لكن يا زول ما دام القصة جابت ليها لوم، برد ليك هنا..
موش البوست دا برضو حقي كيتا في عبد المنعم...

يا سيدي أنا فعلا كنت معجب بشيوعي الجامعة، لكن كنت و ما زلت عايب عليهم هروبم من مسألة الدين؟ و القصة دي خلقت بينم و بين الكادحين حاجز كبير
الكادحين ديل كانوا معجبين جدا بالشيوعيين و منبهرين بيهم، و جواهم كانوا مقتنين إنهم بمتلكوا حل واقعي للمشاكل الإقتصادية و الإجتماعية، لكن في نفس الوقت الكيزان و الاسلاميين عموما قدروا يدقوا إسفين بينم و الشيوعيين.
الكيزان المسكوا البلد في 89 هم فعلا من أبناء الكادحين و عارفين كويس مشاكل البلد كانت شنو؟
لكن لغياب التنظير الواقعي في الفكر الإسلامي الناس ديل فشلوا!
لو سألت أي إسلامي سنة 88 عن الحل لمشكلة البلد
بدون ما يتلفت بقول ليك: الإسلام هو الحل
لكن بمجرد إستلامن السلطة إكتشفوا انو السماء لا تمطر ذهبا و القصة ما ها صلاة و دعاء و قيام ليل؟؟؟
قاموا أخدوها من آخرها و أخدوا بفقه التمكين بس!!
أو زي ما قال سيد الصادق:
دخّلوا الناس الجامع و هم طلعوا من الباب التاني مشوا السوق

[imported_جيجي]

المشاركة الأصلية كتبت بواسطة بابكر عباس

يا زول
و الله أنا اللعب الخشن القانوني أنا بريدو جنس ريد
و انت مصنف عندي عدو
زيك و زي جيجي، أمال و فتحي الحردان

استاهل انا والله
تاني لمين ناس السعودية يحردوك
القى ليك زول يحنسك
حننتني والله يا بابكر(4)
ديل كلهم اعداءك

[imported_ابرا]

انتو الروسيات ديل مالن بعضووووووووو وش عامل غمران

[بابكر عباس]

المشاركة الأصلية كتبت بواسطة جيجي

استاهل انا والله
تاني لمين ناس السعودية يحردوك
القى ليك زول يحنسك
حننتني والله يا بابكر(4)
ديل كلهم اعداءك

سعودية شنو؟ يا جيجي
ديل أديناهم بالقاضية
و فضل لي فيها 2 عدو* بس
عبد المنعم و وجدي
الباقين عندنا معاهم حلف إستراتيجي

*2 عدو = دي مثنى عدو، خفت أكتبها بالحروف يجيني شبارقة و لّ الرشيد يقولوا لي مرفوعة و لّ منصوبة، و بعدين تقوم تظهر ليك همزة ما تعرف تعلقها و لّ تنزلها!

[بابكر عباس]

المشاركة الأصلية كتبت بواسطة مبر محمود

سلام أ بابكر ..
ياخوي الروسيات الجد جد لا يخرجن من خدورهن الي بإتجاه الغرب

يا مُبر ناس قوقل، طلعوا، متابعين كلكات السودانيين القاعدين في الإمارات بسودانيزأون لاين، و عارفين ولع الناس السود ديل باللون الأبيض و الأصفر، و مسألة انو ناسنا يفرزوا بينن دايرا ليها زمن..

المهم الزوول طلّع لينا بكري أبوبكر براءة و القصة كلها طلعت مسألة كلكات ساكت!
الله يكفينا شر الكلكلة

[imported_همس الشوق]

المشاركة الأصلية كتبت بواسطة wadosman

هههههههههههههههههههههههههههههههه

قويه يا همس...

طيب بالمناسبه ديل نزل لينا اغنيه

هههههههههههههه

[imported_همس الشوق]

المشاركة الأصلية كتبت بواسطة بابكر عباس

في تأثير واضح لمشية لندن!

من اي جانب ؟

[imported_محمد مصطفي]

المهم الروسيات في ياتو حتة في الامارات
شمار مني بس وكده
بس الملاحظ جداً استقدام كتير من الروسيات في تلك البلاد
والبحرين اشتهرت بيهم اكتر من غيرا من الدول .......
لكن استقدامهن واضحة اهدافو
بس شينة في حق بلد عربي
لما تُباح الاشياء في سبيل دعم السياحة
ابقي السؤال :
ده الموضوع الوحيد اللفت انتباهك هذا الصباح في سودانيزاون لاين ؟

[imported_مبر محمود]

خمسة اشخاص في كوكب الأرض يمتلكون من الثروات ما يفوق ثروات أكثر من نصف سكان الكوكب مجتمعة!
ونفايات فنادق الدرجة الأولى "فايف إستارز"، في الليله الواحدة، وفي أوروبا لوحدها، يمكن لها أن تعالج مسغبة كل أطفال ونساء العالم التالت لمدّة ثلاثة أيام..!

العالم قبيح، ولكل هذا وغيره من تمظهرات قُبح العالم، تجد إن الفلاحيين زُرّاع الأرز والذرة في هضاب القرن الأفريقي حيث بلاد الأحباش، والفلاحين زُرّاع البطاطا والطماطم في شرق أوربا حيث بلاد القوقاز، يكونوا حزينين جداً عندما يهبهم القدر مواليداً ذكور.. ما الفائدة؟ "فلاح كهل أنجب فلاح رضيع" !

لقد زرت أثيوبيا، وأقمت فترة ليست بالقصيرة في بلاد القوقاز، ورأيت كيف أن الناس هناك_ خصوصاً القرويين منهم_ يحتفون بالمواليد الإناث دون الذكور، فالأنثى ثروة، ياخذونها وهي طفلة لتعمل في الحقول معهم، لا مدرسة لا تعليم لا شئ، وما أن تشب عن الطوق حتى يأتي التُجّار الراسماليين من شتّى أنحاء العالم، يشتروا منهم ومنها كل شئ بعد أن باعوا كل شئ ! يسوّقونها مثلها مثل أي سلعة أخرى، وياخذها قدرها اللئيم معهم، وهي فَرِحة، الي بترينات العرض الراسمالي داخل وخارج شبكة الإنترنت، والي أحضان أولئك الرجال الأثريا في فنادق الدرجة الأولى "الفايف إستار" ..

والـ عاهر من ظنّ الأشياء هي الأشياء