عمرك.....واقف في كم؟؟؟؟

[imported_هيثم علي الشفيع]

بالأمس
كنت أتحدث مع أحدهم عن ليلة سودانيات الثقافية ، فقلت لمحدثي إن "محسن خالد" (ود صغير)....قدرنا كدة أو أصغر مننا...
وانتبهت لضحكات محدثي -فأنا زولاً داقش الأربعين- والتي نبهتني الى أنني..............
لا صغير ولا حاجة...

فخطر لي أنني أحياناً اتعامل على أنني ذلك الفتى الذي لم يتجاوز ربع قرن من العمر ، والذي يُخاطب غالباً ب(يا شاب ...ويا ولد)


فهل هذا الأمر ينطبق على أحد غيري؟؟؟
وإن كان ذلك كذلك..........ففي أي سن تعتقد أن عمرك قد توقف!!؟؟؟

ملحوظة:
الجكس ....يمتنعن*


___________________________
* عشان الإجابة واااااااااااااضحة .....و ...واااااااااااااااااااااااااااااحدة

[آيات مبارك]

المشاركة الأصلية كتبت بواسطة هيثم علي الشفيع

بالأمس
كنت أتحدث مع أحدهم عن ليلة سودانيات الثقافية ، فقلت لمحدثي إن "محسن خالد" (ود صغير)....قدرنا كدة أو أصغر مننا...
وانتبهت لضحكات محدثي -فأنا زولاً داقش الأربعين- والتي نبهتني الى أنني..............
لا صغير ولا حاجة...

فخطر لي أنني أحياناً اتعامل على أنني ذلك الفتى الذي لم يتجاوز ربع قرن من العمر ، والذي يُخاطب غالباً ب(يا شاب ...ويا ولد)


فهل هذا الأمر ينطبق على أحد غيري؟؟؟
وإن كان ذلك كذلك..........ففي أي سن تعتقد أن عمرك قد توقف!!؟؟؟

ملحوظة:
الجكس ....يمتنعن*


___________________________
* عشان الإجابة واااااااااااااضحة .....و ...واااااااااااااااااااااااااااااحدة

ههههه خلاص طيب ممكن نحكي ؟؟
عندنا زميلنا قد تجاوز الستين (عمك كبيير) شاغلني مغازلاً ، ضحكت دون إجابة.. فرد عليّ بإحباط :شوفتي الواحدة لو ضحكت ليك معناها أنت عجوز .. ولو صرت ليك وشها معناها أنت لسه شاب

خالص التحايا هيثم

[imported_هيثم علي الشفيع]

المشاركة الأصلية كتبت بواسطة آيات

ههههه خلاص طيب ممكن نحكي ؟؟

خالص التحايا هيثم

طوالي ياخ.............أنا لاقيك وين؟؟؟؟؟؟

أحكي.....إتونسي.....شاكلي........بس أوووووووووووعك تجاوبي السؤال.

فائق التقدير لمرورك الكريم
مع عظيم الإحترام

[اسمر]

المشاركة الأصلية كتبت بواسطة هيثم علي الشفيع

بالأمس
كنت أتحدث مع أحدهم عن ليلة سودانيات الثقافية ، فقلت لمحدثي إن "محسن خالد" (ود صغير)....قدرنا كدة أو أصغر مننا...
وانتبهت لضحكات محدثي -فأنا زولاً داقش الأربعين- والتي نبهتني الى أنني..............
لا صغير ولا حاجة...

فخطر لي أنني أحياناً اتعامل على أنني ذلك الفتى الذي لم يتجاوز ربع قرن من العمر ، والذي يُخاطب غالباً ب(يا شاب ...ويا ولد)


فهل هذا الأمر ينطبق على أحد غيري؟؟؟
وإن كان ذلك كذلك..........ففي أي سن تعتقد أن عمرك قد توقف!!؟؟؟

ملحوظة:
الجكس ....يمتنعن*


___________________________
* عشان الإجابة واااااااااااااضحة .....و ...واااااااااااااااااااااااااااااحدة

هيثم سلامات
انا حالياً في سن 20 وبعد شهر من اليوم ساكمل 21 سنة(24\12) واظن ان عمري سيتوقف عند هذه السن.
تحياتي

[imported_جعفر بدرى]

نهندس ليك فى الكلام بى غادى ... ميثولوجيا و قرآن
تجى تدخل لينا ( آيات )

[imported_هيثم علي الشفيع]

المشاركة الأصلية كتبت بواسطة اسمر

هيثم سلامات
انا حالياً في سن 20 وبعد شهر من اليوم ساكمل 21 سنة(24\12) واظن ان عمري سيتوقف عند هذه السن.
تحياتي

اسمر يا ولدي

الكلام دة لسة إنت مابقيت ليهو ياخي ، فما تستعجل وتوقف عمرك ساي..

ربنا يديك طولة العمر إن شالله وحتكتشف بنفسك إنو 21 دي ممكن تكون بدري شديد وممكن تكون متأخرة شديييييييييييييييييد.......

تحياتي

[imported_هيثم علي الشفيع]

المشاركة الأصلية كتبت بواسطة جعفر بدرى

نهندس ليك فى الكلام بى غادى ... ميثولوجيا و قرآن
تجى تدخل لينا ( آيات )

عم جعفر حبابك والله

هنا وبي غادي

هسة أنا القلت القصة ولاّ آيات؟؟؟

بعدين إنت شكلو في واحدة ضحكت ليك قريب ، فقمت زعلت مني أنا

[آيات مبارك]

المشاركة الأصلية كتبت بواسطة جعفر بدرى

نهندس ليك فى الكلام بى غادى ... ميثولوجيا و قرآن
تجى تدخل لينا ( آيات )

هههههه آيات ولا (آيات)؟؟

[imported_فطوم]

المشاركة الأصلية كتبت بواسطة هيثم علي الشفيع

بالأمس
كنت أتحدث مع أحدهم عن ليلة سودانيات الثقافية ، فقلت لمحدثي إن "محسن خالد" (ود صغير)....قدرنا كدة أو أصغر مننا...
وانتبهت لضحكات محدثي -فأنا زولاً داقش الأربعين- والتي نبهتني الى أنني..............
لا صغير ولا حاجة...

فخطر لي أنني أحياناً اتعامل على أنني ذلك الفتى الذي لم يتجاوز ربع قرن من العمر ، والذي يُخاطب غالباً ب(يا شاب ...ويا ولد)


فهل هذا الأمر ينطبق على أحد غيري؟؟؟
وإن كان ذلك كذلك..........ففي أي سن تعتقد أن عمرك قد توقف!!؟؟؟

ملحوظة:
الجكس ....يمتنعن*


___________________________
* عشان الإجابة واااااااااااااضحة .....و ...واااااااااااااااااااااااااااااحدة

___________________________________________
هلا ابو الشباب
ياخ الاربعين دا عز الشباب
فشنو ما تسأل في الحاقدين والمغرضين
عارف ..انا لما اتغربت كنت في ال18 تقريبا
وانا في ال20 طلعت بطاقة صحية
يلا بقيت كلما ازور المركز يسالوني عمرك كم ارد واقول ليهم 21
بعد سنتين برضو عمرك كم...
برضو 21
بعد 7 سنوات..عمرك كم...برضو الاجابة 21
فلقيت الاجابة علقت في ال 21 بدونما اقصد( والا اكون قاصداها يا رب ..؟)
اهم حاجة في الموضوع انك ما تسألني اغتربتي سنة كم...
غايتو كان سالتني تكون بالغت معاي

[عبدالمنعم الطيب حسن]

هيثم سلام وضيوفك ...
واحد صاحبنا اعترف في لحظه تجلي حليبي
انه طوَّل في السته وتلاتين دي حنس طول لاحولتن ....
زميلنا السعودي قال منذ كان طالبا بالجامعه وحتى الان ابوهو عمرو 55 سنه
واقف هناك ، زميلنا دا شغال معانا ليهو 6 سنوات ابوهو مازال محلك سر في الخامسه والخمسون ...
واحد معرفه نقَّص عمرو 16 سنه فتامل ...
دخل عمي الشيخ حسن وقال لي بتاع الانتخابات عمري 50 سنه مشاها الاستاذ علي عمران ...
وبعده مباشره دخل ابنه البكر الحسن الشيخ حسن وقال عمره 48 سنه .
لم يتماسك الاستاذ علي ومات من الضحك وضحكت اللجنه كلها والبلد ...
قريبي درس معاي من اولى حتى تالته متوسطه لقيتو منقص عمرو سنوات
متشربك في الدفعه الورانا وكمان دخل اولى ابتدائي وعمرو 3 سنوات ...
خالنا عبدالقادر قال انه مواليد 49 ود اخوهو حامد استفسر انت يا عمي قبل كده ما قلت مواليد 42 . يا زول هوي انت كنت معانا انا مواليد 49
خلاص رد حامد عارف ياعمي 49 دي امسك فيها قوي ما تغالطنا بعد كم سنه وتقول مواليد 60 ....
وغايتو كلو زول مخير في عمرو ...
المؤكد في هذا الامرما واقف براك
رغم ان الهم عصف

[imported_هيثم علي الشفيع]

فطوم حلاوة لكوم
إزيييييييييييك؟؟؟؟


إنت آختي الكلام دة ما لاقاك؟؟؟؟؟

المشاركة الأصلية كتبت بواسطة هيثم علي الشفيع

ملحوظة:
الجكس ....يمتنعن*

ووكت لاقاك وطنشتيهو................

المشاركة الأصلية كتبت بواسطة فطوم

___________________________________________
غايتو كان سالتني تكون بالغت معاي

أنا ما حا أسألك إغتربتي متين.......لكن.....

هسة عمرك كم؟؟؟؟؟

[imported_هيثم علي الشفيع]

المشاركة الأصلية كتبت بواسطة عبدالمنعم الطيب حسن

المؤكد في هذا الامرما واقف براك
رغم ان الهم عصف

عبد المنعم يا طيب يا حسن

حبابك والله

حقيقي إضافتك كانت متميزة بالجد للبوست

لكن

إنت مش ملاحظ إنك ....ما وريتنا عمرك -إنت شخصياً- وقف في كم؟؟؟؟؟

[ناصر يوسف]

دي بس زي قصة حبوبة أصحابي لماودوها الدكتور ولما سألها عمرك كم يا حاجه قالت ليه 37 .. عاين ليها وضحك وكتب 73 .. قالت ليه شايفاااااااااك شايفاك .. خُت التلاته بالشمال والسبعة باليمين

تعرف يا هيثم .. أنا إحتمال كنت في نفس الحالة الشعورية بتاعتك دي لغاية قبل 7 أو 8 سنوات كده لي وراء .. لكن وفي يوم من الأيام وأنا ماشي في سوق أمدرمان .. والدنيا خريف ... وقفت لي لي شاب يمكن يكون في زي عمري وأديتو فرقة إنو يمشي قبالي ( الشوارع كانت مليانة بالموية والطين) ... فردَ علي ( شكراً يا خال ) تصدق ؟؟ يا زووووووووول زعلت ليك جِنِس زَعل .. لأنها كانت أووول مره أسمع فيها الكلمة دي بمفهوم إني كِبرتَ وكِدَه ( لوووووووول )
لكن لما سمعتها بعد داك بأيام من شباب ركبوا معاي في العربية وصلتهم في طريقي وقالوا ليك شكراً يا خال .. وتوالت .. شا خالو ويا عمو لغاية ما الزول بقي يرتاح للوصف ده ...

ياخي ربنا يديك طولة العُمُر ويبقي الشباب في الروح (كبارنا هنا أنموزجاً) هسي أنا جبت سيرة جِدو فتحي مسعد ولا جِدو د. بابكر مخير ؟؟؟

[imported_بله محمد الفاضل]

اهتم بتثبيت الروح
ولا انشغل بتسرب العمر

الروح بعد نونو
والعمر مالي به




خليك كويس معانا
وبلاش تعسف

[imported_هيثم علي الشفيع]

المشاركة الأصلية كتبت بواسطة ناصر يوسف

ياخي ربنا يديك طولة العُمُر ويبقي الشباب في الروح

آآآآآمين...............

جميعاً إن شالله

لكن برررررررررضو إنت زي عبد المنعم
ما وريتنا عمرك وقف في كم؟؟؟