لشفتيها المشّاءتين بنميمة القبلات..!!!

[imported_أمير الأمين]

مرحب بعودتك يا صديق
(لا قراية للنص و لا يحزنون
حتى تكتمل دهشة حضورك)

[imported_زول الله]

المشاركة الأصلية كتبت بواسطة الرشيد اسماعيل محمود

أخذت إبرة كانت بالمنضدة، وخزته بلطف، فبدا عليه الارتياح كشخصٍ تجشأ للتو.

هسه في ذمتك الـ بدأ عليه الإرتياح دا إنت وللا الدِرِب
ياخ والله لمن تجشأنا نحن ذاتنا

المشاركة الأصلية كتبت بواسطة الرشيد اسماعيل محمود

دخل الجانب الأيمن من الصدر المبارك في خسوف لحظيٍّ،
ما حدا بالجانب الآخر منه بانتهاز السانحة لإظهار عناده الناهض.

الصدير الطامح زي خليج الروم
انا لله ياخ

المشاركة الأصلية كتبت بواسطة الرشيد اسماعيل محمود

وأنا –لوحتئذ- أتوه في تلافيف الرغبة، في لؤم اللحظة وشبق الحنين الغادر. تقطرت مني حُبيبات عرق مالح، مسحتها بحركة يدي المضطربة. انتِ الآن بمنتصف السرير، تدورين بوهن، يتحوّل وجهك للجهة الأخري. كنتِ جمالئذٍ علي مرمي لهاث من ظمئي، علي بعد حرف من لثغتي، علي مسافة تثاؤب أخير قبل دخول الحلم. الآن ثمّة رجلٌ كاذبٌ مضطرب يعاني من جذب اللحظة، صوفية الليل ونشوة الانفراد.

إنت بعد دا كلو قاعد تتوه ياخ؟
أها قعدت تتوه كدا لحدما اخوها جا قال ليك سعيكم مشكور مش؟
الرشيد اقول ليك شيء؟؟؟
دي خليها لمن نتلاقى لو الله مد في العمر بس إنت ذكرني ليها

غايتو مبدئياً كدا ماعافي ليك كلو كلو




ياخ نسيت
والله عودتك بالدنيا والمنتدى يرقص طرباً ومن حقو


اقول قولي هذا واستغفر الله لي..............

[imported_wadosman]

الف حمد لله بالسلامه يا زول يا جميل..

نقرأ و نرجع ليك...اكيد

[imported_نغم]

المشاركة الأصلية كتبت بواسطة الرشيد اسماعيل محمود

يا نغم، وصباحك برضو.؟
يعني من الشمال لليمين برضو ظابط.

قلم رصّاص مبري بالجيهتين أظنو


شاكر ليك

ماهو قلم ياخ
البى جنبتين

اوريك
برغمو ما عرفت ناسك ديل بحمدو ليك شنو
لكن قت اوع تكون --- هههههههههه فى مواجهة الحياة طبعا
اقوم معاهم

اقول

شوف عيني يتباكا الشجر بس فضلو يتبع خطاك
جفت الفراشات الزهر منبرنا دخلتنا في عراك
لكن بس ربك ستر قالونا راجع ياهو داك
وبعدين معاك

يا الرشيد بى تصرف
عشان الجهجه كاااااااااك

[imported_أسعد]

غايتو قرررررررربت اتخاسس عليك واتوغدن واجي اكتب مداخلة محتواها
(الحمد لله ان عوضنا عن غياب بابكر بعودتك المجيدة يا صديقي)
لكن بالجد دي لقيتها خساسة ووغدنة حامضة
ياخ انا حرقتني
كوني اساوي قدرك بقدر بابكر عباس
ثم انو يعلم الله بقت تجيني اكولة كل يوم جمعة
كنت مستغرب الاكولة دي من شنو
وبعد تفكير وتمحيص تبين انو يوم الجمعة كان موعد التقاء هواء الدمازين الساخن مع رياح النرويج الباردة فيتكون جو لطيف في ذلك اليوم مع وجود بعض السحب العالقة من الخرطوم (سحابة من اركويت , والسحابة التانية ما عارف مكانها وين لكن هي في الخرطوم مرة مرة بتكون في الجامعة ومرة مرة في دكان ابوها)



لكن بالجد احبطت فرحتنا باحباطك القديم ^ـــــــ^

[imported_عبد القادر جاويش]

الرشيد حبابك

النص عيديه مباركه

التحيه ليك على هذا الجمال والالق .

[imported_حسين أحمد حسين]

[justify]الرشيد - المحبة،

حَرْفَكْ "توبْ مَرْقَتْنا"،
حينما نُباهى بسودانيات الأمم.

سامحنا على غيابِك، لِنُسامحُكَ على إرهاقِنا بالأشواق.

يا قَرْيَافْ حبابك.[/justify]

[الرشيد اسماعيل محمود]

عن إذن الجميع، داير استخدم الطريقة "البكّية"* في الرد علي مداخلة مهند قبل الآخرين

المشاركة الأصلية كتبت بواسطة مهند الخطيب

بالجمبة كده:
ريحتني حكاية لمة رحاب سليمان دي على اساس انو عكود ده من بورداب الداخل

دقيقة يا مهند،
هو بالله عكود كان في اللمّة ديك؟؟؟
أتاري كان مسوّينا بلد عِمِي

يمهل ولا يهمل


* عليك الله يا بكّة، زيدنا تاني إن شاءالله (هليلة) ساي

[الرشيد اسماعيل محمود]

المشاركة الأصلية كتبت بواسطة هيثم علي الشفيع

تقول القصة :

يا هيثم،
ياخي ما داير "أحبطك" القصة حقتك دي حكيتها قبل كدة
لكن بنجاملك فيها
المهم:
شاكر يا فردة، ولمّن نتلاقي تاني.

الديوان في الحرص والصون، بس نتلاقي الأوّل

[الرشيد اسماعيل محمود]

المشاركة الأصلية كتبت بواسطة سارة

يا صديقى الجميل
الاحتفاء بك يطغى على جمال ما اتيت به
عودا حميدا ياصاحب

سارة أوسلو "علي غِرار تغريد جبرة"، كيفك؟
شاكر يا أمينة

وخليك طيبة.

[الرشيد اسماعيل محمود]

المشاركة الأصلية كتبت بواسطة نبراس السيد الدمرداش

عافيه ليك انك ما رديت علي امس

نبراس، بت الشوق،
كيفك؟
دارت دورة الايّام يا ستِّي، دارت.
شكراً للإحساس البشبهك دة.

تحياتي

[الرشيد اسماعيل محمود]

المشاركة الأصلية كتبت بواسطة Sana Mursi

انفاسنا زاتها اضطربت وطربت يا الرشيد
عودا حميدا مستطاب

وانا ذاتي طربت بتوقيعك واحساسك العالي يا سناء،
يديك العافية.

شكراً شديد كدة.

[الرشيد اسماعيل محمود]

المشاركة الأصلية كتبت بواسطة أسامة معاوية الطيب

الرشيد !!!
انت شكلك بديت بالخمسة باب مباشرةً

أيوة،
ومفيش حد أحسن من حد.
قال خمسة كيلو مترات قال!!

تعال ساي يا وريف، تعال

[الرشيد اسماعيل محمود]

المشاركة الأصلية كتبت بواسطة آيات

انت زاتك ماقادر تشيل نفسك
معذور

آيات،
مش عليك الله معذور؟
مثقل يعلم الله جدّاً جدّاً

شكراً علي كل شيء.

[الرشيد اسماعيل محمود]

المشاركة الأصلية كتبت بواسطة شبارقة

مرحبا ً بعودة صاحب الحرف الأنيق

شبارقة،
أنيق ترحيبك يا خي

شكراً كتير