ظلاميون في مدن النور ... الي بابكر عباس - الصفحة 2

imported_كيشو · 30-01-2013, 08:42 PM

اقتباس:

المشاركة الأصلية كتبت بواسطة عبدالمنعم الطيب حسن

خفت اولا
ورجعت اطمانيت تاني لمن لقيت النماذج ،
ود الخير كوز وما ناكر ولم يدعو للديمقراطية او الحرية يوما
فالرجل انقاذي بامتياز ،
اما اخونا البديري ، لا اعتقد ان له تاريخا مع الحياة المدنية بشكل عام ،
فالرجل كان بديريا في السودان ، والان بديري في امريكا ،
خلعتنا يارجل ....
تحياتي لبابكر ولاشارته الذكية ،

ازيك يا عبد المنعم
تحية لي بابكر؟ وما واحدة كمان؟
وشنو شنو شنو؟ إشارتو ذكية؟
أكان كدي أدني باقي العلبة، وبشوف لي مساعدين

imported_علاءالدين عبدالله الاحمر · 01-02-2013, 12:10 PM

نعم استاذ حافظ نحن ضد المتأسلمين والمتاجرين بالدين ، لكن استاذ حافظ إذا نظرت إلي الأمر من زاوية السودانوية فالمشكلة هي التربية الوطنية في المقام الأول ومن ثم استصلاح مفاهيم المجتمع في الحقوق والحريات واسترجاع الاصالة إلي قلب السودانوية ، فمجتمعنا السوداني لا يزال يرزح في قيود القبلية وللأسف هي تربية في النفس لا يزيلها غير توحيد الهوية ، عندما نشأت الأمم المتحضرة بدأت بنيذ العنصرة والدعوة للفضيلة والصدق في التعايش من أجل تقوية الكيان السكاني ، الدين لم يكن مشكلة في أي بلد في يوم من الأيام ولكن الكهان هم المشكلة في اضاعة الموروث الديني داخل المجتمع ، هنا في وطننا الرائع استغلال جهل العامة وجرهم الي الانقياد للكهنة خوف غضب الله عليهم اللذي يتوعدهم به الكهنة علي أساس ان طاعة ولي الحكم هي طاعة الله ، باسم الدين حكمت الانقاذ السودان ربع قرن يعاونها بعض المنتفعين من علماء الدين السودانيين ، الفتاوا اللتي تطلق خادمة لأهداف المؤتمرجية هي اللتي تؤدي إلي هجرات النخبة من أبناء الوطن ، أصل البوست هو ترويج ألبعض وتمجيدهم للاسلاميين كحركات مقاومة لهيمنة الغرب وأنا لست معك في تسمية ذلك بارهاب أستاذ حافظ بل أنا أري فيهم جيش دفاع عن الهوية الاسلامية وليست الاسلاموية فالأولي بنيت علي الأخلاق الفاضلة والثانية بنيت علي الكسب والاسترزاق باسم الدين ، إنما الانقاذ والمؤتمرجية تعاملوا مع القاعدة الجماهرية الجاهلة كسند لها امام خصومها السياسيين ، عندما كانت حرب الجنوب هي حرب أهلية حولها المؤتمرجية لحرب جهادية اثرا بها المؤتمرجية وتاجروا بها بين الغيورين من الاسلاميين الاغنياء في العالم حيث انهم جعلو لها حجم بطولي أكبر من انها مئساة ، كنا ضد تقسيم السودان ولم نقتنع بالانفصال ولكنه كان حق فئة ارادت الخروج من الوحدة والعيش في استقلال تظن انه الاسلم لها ، لن نقول ان من قتلا الجنوب ليسو شهداء ولكنهم ليسو شهداء جهاد بل كانو شهداء خداع الاسلمويين لهم بأنهم سينالون الجنة ويتزوجون الحور العين في العليين ، وفي حماسة خطاب المؤتمرجية خرج الاف الشباب إلي القتال وهم مخدوعين بدرب الشهادة ، نعتبرهم شهداء الوحدة ونسئل الله لهم الجنة ، استاذ حافظ. العودة لجزور الدين هي الحل المجتمعي أما مسألة تدنيث الدين وادخاله في السياسة لكسب التأييد فهذه هي الكارثية اللتي نعيشها

imported_AMAL · 01-02-2013, 01:42 PM

اقتباس:

المشاركة الأصلية كتبت بواسطة بابكر عباس

أنا حاجز كتابات ناس أمال، أقصد كتابات ناس أوربا

بابكر ياعباس
بدون اي لف ودوران وبمنتهي الجدية
جيب لي اي كوت هنا بوري انو حافظ قاصدني شخصيا بكلامو
او يلزمك توضيح واعتذار والقصة ماهظار ابدا

imported_باسط المكي · 01-02-2013, 02:40 PM

اقتباس:

المشاركة الأصلية كتبت بواسطة بابكر عباس

المشكلة هي: عقدة البحث عن هوية متميزة!
إياكم والهوية فإن العرق دساس

وهنا المشكلة

بابكر عباس · 01-02-2013, 03:03 PM

اقتباس:

المشاركة الأصلية كتبت بواسطة باسط المكي

وهنا المشكلة

سلام يا باسط
يا أخي والله ظلامي مدن النور لو ختوا الرحمن في قلبهم وجوا شرحوا لينا تعقيدات الغربة الغربية دي، بنصل معاهم لفهم وبنعذرهم.
بروف أمين وآمال الشيخ، لا يشك احد في رجاحة تفكيرهم وإستنارتهم، لكن هناك نقطة سوداء نلمحها في بعض مداخلاتهم هي ما أعتقد الخلت حافظ يفتح البوست دا، وهو دعوة لإستيضاح ما أشكل علينا في الفهم

طبعا ما محتاج أقول انو البروف وآمال بالرغم من ظلاميتهم فهم حبايب ألبي، موش زي تماضر، لكن حبايب ألب!

imported_AMAL · 01-02-2013, 03:10 PM

اقتباس:

المشاركة الأصلية كتبت بواسطة AMAL

بابكر ياعباس
بدون اي لف ودوران وبمنتهي الجدية
جيب لي اي كوت هنا بوري انو حافظ قاصدني شخصيا بكلامو
او يلزمك توضيح واعتذار والقصة ماهظار ابدا

انا في انتظارك يابابكر عباس
واذا كان حافظ متفق معاك في فهمك دا مطلوب منكم الاتنين
تجيبوا كوت بثبت اني بدعم الدولة الدينية "الهربت من جحيما"
اما موضوع ظلامية ونور دا اذا كان المقصود بيه الدفاع عن المعتقد الشخصي فراجع فهمك يابابكر عباس رجاء وحاظل وراك

imported_AMAL · 01-02-2013, 03:15 PM

اقتباس:

المشاركة الأصلية كتبت بواسطة بابكر عباس

سلام يا باسط
يا أخي والله ظلامي مدن النور لو ختوا الرحمن في قلبهم وجوا شرحوا لينا تعقيدات الغربة الغربية دي، بنصل معاهم لفهم وبنعذرهم.
بروف أمين وآمال الشيخ، لا يشك احد في رجاحة تفكيرهم وإستنارتهم، لكن هناك نقطة سوداء نلمحها في بعض مداخلاتهم هي ما أعتقد الخلت حافظ يفتح البوست دا، وهو دعوة لإستيضاح ما أشكل علينا في الفهم

طبعا ما محتاج أقول انو البروف وآمال بالرغم من ظلاميتهم فهم حبايب ألبي، موش زي تماضر، لكن حبايب ألب!

اوكي يعني حافظ فتح البوست وانا واحدة من الذكرهم بانهم ظلاميين في مدن النور يلا مطلوب منكم الاتنين تثبتوا الورد في مقدمة حافظ ودا اتهام خطير جدا يابابكر ومابقبل اي تمييع او كلام مافي محلو

imported_AMAL · 01-02-2013, 03:33 PM

اقتباس:

المشاركة الأصلية كتبت بواسطة حافظ حسين

و الله رأسي حيطرشق
أصدقاء و صديقات كان نوارة التنوير
هربوا من جحيم الدولة الدينية و أحتموا بدول فيها الانسان محترم كقيمة
و بعد ان طاب بهك المقام, لم ينسوا جحيم الدولة الدينية فقط و إنما من علي البعد دعموها و أججوا نيران حربها .....
أصدقاء و صديقات في الماضي قاتلنا الجبهة سنيناً و أقتتلنا
هردنا لهاتنا بهتاف (الشعب يدين تجار الدين... حرية سلام و عدالة... طق طق حرية), و لكن عندما وصلوا بر الأمان تنكروا للشعب و دعموا تجار الدين.... أنعموا بحرياتهم الممنوحة من بلدان الكفر و حجروها علينا ....
حكمة ربنا لا هم في السعودية لا الخليج و انما في امريكا و أروبا مهد الحريات و مهبط المساواة .... لكن يدعمون بن لادن و يدعون الله ان يحشرهم معه يا خي اقول ليكم يحشركم شنو؟.... يتنكرون للعلمانية العايشين في خيرها و يهللون لمرسي و جايبين لينا نسخة دينية جديدة ....
ازعجونا برسائل علي شاكلة, اسم الجلالة مكتوب في بطاطسية, غابة في النرويج تشكل علامة (لا اله الا الله)

يا أخوانا وين الغلط..... و القاعد يحصل ليكم شنو يا مهاجريننا و يا مهاجرات

طبعاً الكلام دا ليس بهذا التعميم فهنالك من هم محتفظون بعقولهم

طبعا لم يخطر ببالي لحظة اني ممكن اكون مقصودة باي جزئية من كلام حافظ دا الا ان اتي بابكر عباس باسمي صراحة في مداخلته الغير مسئولة والتي ستكون بيني وبينه في هذا المنبر الي يوم الدين ومطلوب من حافظ التوضيح كذلك هل فعلا دعمت الدولة الدينية واججت نيران حربها وين دا حصل وبتين وهل كنت يوما سادنة للهوس الديني والدجل والشعوذة !!
مهم جدا توضيحك ياحافظ

بابكر عباس · 01-02-2013, 08:40 PM

اقتباس:

المشاركة الأصلية كتبت بواسطة AMAL

بابكر ياعباس
بدون اي لف ودوران وبمنتهي الجدية
جيب لي اي كوت هنا بوري انو حافظ قاصدني شخصيا بكلامو
او يلزمك توضيح واعتذار والقصة ماهظار ابدا

سلام يا أمال
يا أخي فعلا مداخلتي فيها تعدي عليك وأعترف بسوء تقديري في مداخلتي وأعتذر عنها والمفروض لو عندي أي نقد لمداخلات سابقة لك، المفروض النقد دا، يكون في مكان المداخلة
صحيح الموضوع لا يحتمل الهظار ولك إعتذار كبير

imported_AMAL · 01-02-2013, 08:50 PM

اقتباس:

المشاركة الأصلية كتبت بواسطة بابكر عباس

سلام يا أمال
يا أخي فعلا مداخلتي فيها تعدي عليك وأعترف بسوء تقديري في مداخلتي وأعتذر عنها والمفروض لو عندي أي نقد لمداخلات سابقة لك، المفروض النقد دا، يكون في مكان المداخلة
صحيح الموضوع لا يحتمل الهظار ولك إعتذار كبير

شكرا يابابكر اعتذارك مقبول

imported_البديري · 01-02-2013, 10:05 PM

شوف يا...(استاذ)/حافظ.....لاحظ ..استاذ ختيتة بين قوسين()..!!

شوف ياوهم!

لاول مرة،(وانا بعترف بجد والله)..افحص واقرأ لوائح وميثاق هذا الصرح الشامخ "سودانيات"(بقيادة حبيبنا عكود)...حرف حرف!...
*مالقيت فقرة تمنع الدُعاء ضد عضو..من عضو آخر!!!
فعلية :

لو انت افتكرتنى ظلامى ..الله يسامحك.. ويرحمك ويبشبش الطوبة التحت نافوخك!(البشبه مكوة الفحم).. حينما تسلم الامانة لخالقه...!!
انا ظلامى; يا..عفيين!؟!

الله يظليم عليك; مكتبك، والتلاجة الفى الشُغل..عشان ماتلقى موية باردة!
الله يظليم عليك; ليلة دُخلتك وزُفافك...عشان ماتفرس العروس من أُمها.
الله يظليم عليك;وتقطع الكهرباء ..والكتاحة تكون ألف احمر فى يوم عرسك ,كدة، كدةالكتاحة جاية فى عرسك; لانك بتاكل فى "الحَلّة"..!!
الله يظليم عليك; مطار الخرطوم وتتلغى كل الرحلات;عشان ماتمشى شهر عسل....يابصل!
انا تبشع بى يا حفوظى؟!...!! وتختنى مع الظلاميين؟!!..!!

الله يظليم عليك; كل محل فول
الله يظليم عليك;كل محل كوارع
الله يظليم عليك;كل قندهار واسكالا..
الله يظليم عليك;كل بتاع تاكسى وامجاد وركشة، (البطاريات والبلوتينيات تضرب)!
انا ظلامى؟ يامعفن؟
.................. الله يظليم أعداك وينور حياتك وقبرك.....ياارحم الراحمين.

,......................

__
*سلامات ; اخ يحيى
لا..تكرر كتير...لان الله يعلم مافى القلوب!

imported_البديري · 01-02-2013, 10:16 PM

وعلى فكرة،عندى رجعة هنا،ان شاءالله.... يارب اكتع الكهربة من حافظ حسين! وكل الاكل والخضروات والطبيخ والحللّ تبوظ فى التلاجة! يارب يارب يارب. ببركة هذة الجمعة.

imported_البديري · 03-02-2013, 06:39 PM

يارب ..تمشى الحلاق..ويحلق ليك احدى نص نافوخك..والكهربة تكطع!
يارب..تكوى جلابيتك..وموبايلك يرن فى هذة اللحظة..والمكوة تحرق جلابيتك!
يارب..تخش الحمام وبعد ماتصبن كويس ! الموية تكطع!
يارب..كُل ماتمشى بيت عِرس..تلقا العشا كِمل..والفنان جاتو قبضة واعتذر..والهبوب والكتاحة دورت والجكس شَعرن إدكن بالغبار وبقن زى البعاعيت!.. عشان لاتجد عشا ولا حفلة ولا جكساية!
ويارب..عندما يرجع حافظ حوسين من بيت العرس دا..يمسكوهو ناس حظر التجول..ويبيتوهو معاهم فى الخيمة احدى ٦ صباحاَ..البرد الانفخك ان شاءالله!.
يارب..كل ماحافظ حوسين يشك البنطلون والقميص..الزراير تنكطع!
يارب..كل ماحافظ حوسين يشد حله..البصلة تحرق!
يارب..كل ماحافظ حوسين يواعد جكساية ..تشرو!
يارب.. كل ماحافظ حوسين يضرب رقم يكون مشغول!

*حفوظى: والله ستة/ صفر، معاك.. احدى ماتقول الرووب!

انا ظلامى؟!

وتانى بجيك راجع هنا ،باذن الله.. وراجيك فى اسلو او امستردام وحتى فى لندن ونيويورك وجهانسبيرج، هع هع هع، عكازى جاهز، وسكينتى فى ضُراعى مربوطة..بس انت اظهر!

.... انا ظلامى؟!

imported_البديري · 03-02-2013, 06:45 PM

على فكرة يا حفوظى
ماعندى شئ فى سودانيات حالياً إلا إنت..فواحد فينا يشيل (شيلتو)!

قبل التانى وسريع

imported_أسعد · 03-02-2013, 07:04 PM

طبعا يا حافظ
انا اتخيلت انو الدنيا دي بقت كلها علمانية بحتة
ومافي زول بجيب سيرة الدين خير شر

اها في نهاية خيالي انت طلعت في مشهد مشابه لتوفيق الدقن لمن قال (كولكم عاوزين تبقوا فتوات ؟! أومال مين اللي ح ينضرب؟!)
وقلت (كولكم عاوزين تبقوا علمانيين؟! اومال نحن نستهزيء بي منو؟!)
وفي حركة حفوظية مدهشة كدة قمت قلت (أها موش العلمانية دي دا طرفي منها، انا عاوز ابقى اسلامي)
وبديت الرش من طرف (ما هذا الانحلال؟ ما هذا الانحراف؟! يا لكم من كفرة فجرة؟! حي على الجهاد !! وررررووووك جاااااك وااااااك)

01-02-2013, 12:10 PM	#[17]
imported_علاءالدين عبدالله الاحمر :: كــاتب نشــط::	نعم استاذ حافظ نحن ضد المتأسلمين والمتاجرين بالدين ، لكن استاذ حافظ إذا نظرت إلي الأمر من زاوية السودانوية فالمشكلة هي التربية الوطنية في المقام الأول ومن ثم استصلاح مفاهيم المجتمع في الحقوق والحريات واسترجاع الاصالة إلي قلب السودانوية ، فمجتمعنا السوداني لا يزال يرزح في قيود القبلية وللأسف هي تربية في النفس لا يزيلها غير توحيد الهوية ، عندما نشأت الأمم المتحضرة بدأت بنيذ العنصرة والدعوة للفضيلة والصدق في التعايش من أجل تقوية الكيان السكاني ، الدين لم يكن مشكلة في أي بلد في يوم من الأيام ولكن الكهان هم المشكلة في اضاعة الموروث الديني داخل المجتمع ، هنا في وطننا الرائع استغلال جهل العامة وجرهم الي الانقياد للكهنة خوف غضب الله عليهم اللذي يتوعدهم به الكهنة علي أساس ان طاعة ولي الحكم هي طاعة الله ، باسم الدين حكمت الانقاذ السودان ربع قرن يعاونها بعض المنتفعين من علماء الدين السودانيين ، الفتاوا اللتي تطلق خادمة لأهداف المؤتمرجية هي اللتي تؤدي إلي هجرات النخبة من أبناء الوطن ، أصل البوست هو ترويج ألبعض وتمجيدهم للاسلاميين كحركات مقاومة لهيمنة الغرب وأنا لست معك في تسمية ذلك بارهاب أستاذ حافظ بل أنا أري فيهم جيش دفاع عن الهوية الاسلامية وليست الاسلاموية فالأولي بنيت علي الأخلاق الفاضلة والثانية بنيت علي الكسب والاسترزاق باسم الدين ، إنما الانقاذ والمؤتمرجية تعاملوا مع القاعدة الجماهرية الجاهلة كسند لها امام خصومها السياسيين ، عندما كانت حرب الجنوب هي حرب أهلية حولها المؤتمرجية لحرب جهادية اثرا بها المؤتمرجية وتاجروا بها بين الغيورين من الاسلاميين الاغنياء في العالم حيث انهم جعلو لها حجم بطولي أكبر من انها مئساة ، كنا ضد تقسيم السودان ولم نقتنع بالانفصال ولكنه كان حق فئة ارادت الخروج من الوحدة والعيش في استقلال تظن انه الاسلم لها ، لن نقول ان من قتلا الجنوب ليسو شهداء ولكنهم ليسو شهداء جهاد بل كانو شهداء خداع الاسلمويين لهم بأنهم سينالون الجنة ويتزوجون الحور العين في العليين ، وفي حماسة خطاب المؤتمرجية خرج الاف الشباب إلي القتال وهم مخدوعين بدرب الشهادة ، نعتبرهم شهداء الوحدة ونسئل الله لهم الجنة ، استاذ حافظ. العودة لجزور الدين هي الحل المجتمعي أما مسألة تدنيث الدين وادخاله في السياسة لكسب التأييد فهذه هي الكارثية اللتي نعيشها
imported_علاءالدين عبدالله الاحمر :: كــاتب نشــط::	التوقيع: هل لي غير هذا الوجه لأعرف وجهك من جديد وطنا تقاسمه الحنين غاب في ابد الرحال ولم يعد لنا وطنا جديد

01-02-2013, 10:05 PM	#[26]
imported_البديري :: كــاتب نشــط::	شوف يا...(استاذ)/حافظ.....لاحظ ..استاذ ختيتة بين قوسين()..!! شوف ياوهم! لاول مرة،(وانا بعترف بجد والله)..افحص واقرأ لوائح وميثاق هذا الصرح الشامخ "سودانيات"(بقيادة حبيبنا عكود)...حرف حرف!... مالقيت فقرة تمنع الدُعاء ضد عضو..من عضو آخر!!! فعلية : لو انت افتكرتنى ظلامى ..الله يسامحك.. ويرحمك ويبشبش الطوبة التحت نافوخك!(البشبه مكوة الفحم).. حينما تسلم الامانة لخالقه...!! انا ظلامى; يا..عفيين!؟! الله يظليم عليك; مكتبك، والتلاجة الفى الشُغل..عشان ماتلقى موية باردة! الله يظليم عليك; ليلة دُخلتك وزُفافك...عشان ماتفرس العروس من أُمها. الله يظليم عليك;وتقطع الكهرباء ..والكتاحة تكون ألف احمر فى يوم عرسك ,كدة، كدةالكتاحة جاية فى عرسك; لانك بتاكل فى "الحَلّة"..!! الله يظليم عليك; مطار الخرطوم وتتلغى كل الرحلات;عشان ماتمشى شهر عسل....يابصل! انا تبشع بى يا حفوظى؟!...!! وتختنى مع الظلاميين؟!!..!! الله يظليم عليك; كل محل فول الله يظليم عليك;كل محل كوارع الله يظليم عليك;كل قندهار واسكالا.. الله يظليم عليك;كل بتاع تاكسى وامجاد وركشة، (البطاريات والبلوتينيات تضرب)! انا ظلامى؟ يامعفن؟ .................. الله يظليم أعداك وينور حياتك وقبرك.....ياارحم الراحمين.,...................... __ سلامات ; اخ يحيى لا..تكرر كتير...لان الله يعلم مافى القلوب!
imported_البديري :: كــاتب نشــط::

01-02-2013, 10:16 PM	#[27]
imported_البديري :: كــاتب نشــط::	وعلى فكرة،عندى رجعة هنا،ان شاءالله.... يارب اكتع الكهربة من حافظ حسين! وكل الاكل والخضروات والطبيخ والحللّ تبوظ فى التلاجة! يارب يارب يارب. ببركة هذة الجمعة.
imported_البديري :: كــاتب نشــط::

03-02-2013, 06:39 PM	#[28]
imported_البديري :: كــاتب نشــط::	يارب ..تمشى الحلاق..ويحلق ليك احدى نص نافوخك..والكهربة تكطع! يارب..تكوى جلابيتك..وموبايلك يرن فى هذة اللحظة..والمكوة تحرق جلابيتك! يارب..تخش الحمام وبعد ماتصبن كويس ! الموية تكطع! يارب..كُل ماتمشى بيت عِرس..تلقا العشا كِمل..والفنان جاتو قبضة واعتذر..والهبوب والكتاحة دورت والجكس شَعرن إدكن بالغبار وبقن زى البعاعيت!.. عشان لاتجد عشا ولا حفلة ولا جكساية! ويارب..عندما يرجع حافظ حوسين من بيت العرس دا..يمسكوهو ناس حظر التجول..ويبيتوهو معاهم فى الخيمة احدى ٦ صباحاَ..البرد الانفخك ان شاءالله!. يارب..كل ماحافظ حوسين يشك البنطلون والقميص..الزراير تنكطع! يارب..كل ماحافظ حوسين يشد حله..البصلة تحرق! يارب..كل ماحافظ حوسين يواعد جكساية ..تشرو! يارب.. كل ماحافظ حوسين يضرب رقم يكون مشغول! *حفوظى: والله ستة/ صفر، معاك.. احدى ماتقول الرووب! انا ظلامى؟! وتانى بجيك راجع هنا ،باذن الله.. وراجيك فى اسلو او امستردام وحتى فى لندن ونيويورك وجهانسبيرج، هع هع هع، عكازى جاهز، وسكينتى فى ضُراعى مربوطة..بس انت اظهر! .... انا ظلامى؟!
imported_البديري :: كــاتب نشــط::

03-02-2013, 06:45 PM	#[29]
imported_البديري :: كــاتب نشــط::	على فكرة يا حفوظى ماعندى شئ فى سودانيات حالياً إلا إنت..فواحد فينا يشيل (شيلتو)!قبل التانى وسريع
imported_البديري :: كــاتب نشــط::

03-02-2013, 07:04 PM	#[30]
imported_أسعد :: كــاتب نشــط::	طبعا يا حافظ انا اتخيلت انو الدنيا دي بقت كلها علمانية بحتة ومافي زول بجيب سيرة الدين خير شر اها في نهاية خيالي انت طلعت في مشهد مشابه لتوفيق الدقن لمن قال (كولكم عاوزين تبقوا فتوات ؟! أومال مين اللي ح ينضرب؟!) وقلت (كولكم عاوزين تبقوا علمانيين؟! اومال نحن نستهزيء بي منو؟!) وفي حركة حفوظية مدهشة كدة قمت قلت (أها موش العلمانية دي دا طرفي منها، انا عاوز ابقى اسلامي) وبديت الرش من طرف (ما هذا الانحلال؟ ما هذا الانحراف؟! يا لكم من كفرة فجرة؟! حي على الجهاد !! وررررووووك جاااااك وااااااك)
imported_أسعد :: كــاتب نشــط::