اقتباس:
المشاركة الأصلية كتبت بواسطة الرشيد اسماعيل محمود
تخيّل ما فاتت عليّ!!
لكن نحن عندنا، معاملة المبتدئين الهواة، بتختلف عن المحترفين
|
عشان خاطر الأديب كيشو نعيد صياغة الجملة ولو تماضر إعترضت باخد برأيها بشكل نهائي:
إفترقنا سنة تزعين، هاجر لامريكا وتزوج من أمريكية مهاجرة من جزر الكاريبي، فاتنة الجمال،
وكحال أهل الكاريبي، مفعمة بالحياة. أنجب بنت (قنبلة) وولدين وعاش حياة أمريكية أسبانية خالية تماما من (السودانوية).
حدثني بعد الغدا:
- الاتنين وعشرين سنة الفاتن ديل ما عارف أوصف ليك جمالن بشنو؟
- زي حلاوة لكوم؟
- بس، لا لا، زي حلاوة قطن، وشفط ليهو جقمة كبيرة من كاس النبيذ الأحمر.
وأردف:
- حاجة واحدة اليومين ديل مطلعا ميتيني؟
- شنو؟
- العب الإتغدا معانا هسع دا، شفتو؟
- هزيت راسي من وراء الكاس الاحمر
- اليومين ديل طالع ونازل مع بتي علنا، تعرف، مرات أقول أديهو طلقة في نص راسو؟؟ وكمان المعفن نهاية الإسبوع بجي ينوم معانا!
