*** مصطلحات عامّية سودانية ***

[كيشو]

المشاركة الأصلية كتبت بواسطة شبارقة

[align=justify]لا يا كيشو الإنقيب هو الشخص (وغالبا ً يكون صبي) المسئول عن رعاية وسقاية ونظافة الإبل [/align]

الحركة الدؤوبة التي لا تهدا هي اللنقبة
الإنقيب شفت برنامج عنو في تلفزيون السودان، وقمت معسم بعد نهاية البرنامج من حركة الولد وشقاهو

[كيشو]

المشاركة الأصلية كتبت بواسطة سفيان ابوقصيصة

اللنقيب

(قال اللنقيب-اي الشاعر-وهو لقب ظل ملازما لهذا الشعر القومي في السودان الي اخريات عهد المهديه)

اعلاه اقتباس من كتاب, نفثات اليراع في الادب والتاريخ والاجتماع
للاستاذ/محمد عبدالرحيم

الشكر للأخ سفيان على الإضافة القيمة

[شبارقة]

المشاركة الأصلية كتبت بواسطة شبارقة

[align=justify] أهلنا قالوا في المثل : علوق الشدَّة ما بنفع .. أها ما هو العلوق؟ وما هي الشدَّة ؟ ومتى يضرب هذا المثل .... ونتلاقى في الرملة الدقاقة [/align]

[align=justify]صاحب الإجابات الصحيحة يختار إحدى الجائزتين : بردعة أو ضنـّاب [/align]

[align=justify]زمااان في ثمانينيات القرن الماضي وفي أيام إمتحاناتنا للشهادة السودانية وقبل الإمتحان بحوالي ساعة كده فتحت كتاب الكيمياء عشان أقرأ لي حاجة كنت ناسيها (إختبار الحلقة السمراء) فقامت الوالدة قالت لي : يا ولد كفاك قراية...علوق الشدة ما بنفع ... وفعلا ً كان كلامها صحيح لأني ما فهمت ولا حاجة من القريتو ساعتها لقلة التركيز وضيق الوقت ودخول زمن الإمتحان .

العلوق والعليقة هي علف البهائم كما أورد محمد أبو عاقلة والشدُّة هي وضع السرج في مكانه الصحيح مع عدم نسيان الضنـّاب مع ربط الحزام (الكرّاب) ومن ثم توضع البردعة والفروة وباقي الإكسسوارات ... وإذا حاولت تقديم أي نوع من العليقة للحمار(مثلاً ) بعد ما تشدوا فأنه لايأكل إلا قليلا ً وقد لا يأكل منها شئياً حتى ولو كان في غاية الجوع (يصبح كل تفكيروا وهموا في الشدة الشديتا ليهو دي ووين ماشي بيهو) [/align]

[فيصل سعد]

المشاركة الأصلية كتبت بواسطة شبارقة

[align=justify]يا فيصل سعد .... بوستك ده لقيتو غاطس في آخر الصفحة التانية ولعمري هذه ما حصلت منذ إفتتاحو ...شنو إنت نائم ولا ّ صاحي ولا ّ طرفك من طبعو سرحان ... غايتو الخيل تجقلب ومجبورة خادم الفكي على الصلاة

هاكم :

1- السيداب 2- الإنقيب 3- البعيميشة[/align]

سلام يا ود عمك و خليك مصحصح و نجيض
البوست ما يطش منك و اقرعو كان جفل
اخوك الايام دي على سفر محلي و اقليمي

[شبارقة]

المشاركة الأصلية كتبت بواسطة شبارقة

[align=justify]
هاكم :
1- السيداب 2- الإنقيب 3- البعيميشة[/align]

[align=justify]
1- السيداب: هو عنقريب كبير جداً عند البدو والعرب الرُحََّل معمول من الحطب (وليس الخشب) سهل التربيط والتفكيك ... الكراع الواحدة منه مكونة من 3 حطبات مربوطات مع بعض والمُلة بتاعتو برضو من الحطب يوضع عليها برش كبير وترقد عليه كل العائلة.

3- البعيميشة :هناك أغنية لصديق عباس بيقول فيها : يقولوا جافية نقول حنينا ويقولوا جاهلة نعد سنينا يقولوا قاسية نقول رضينا دايرين فراقنا مالكم علينا ... إلى أن يقول ...زي البعيميشة تتمايل وتقدل الملكة فوق جيشا ... أها ما هي البعيميشا ؟؟ قصرنا معاكم ؟؟[/align]

[شبارقة]

[align=center]جـِدَي الريل أبو كزيمة تعال نتمشى في الغيما
غيمة ريد تكب في رهيد شواطيهو الخضُر ديما[/align]
[align=justify]أها ماهي الكزيما ؟[/align]

[شبارقة]

[align=justify]ما الفرق بين الكركاب والكركابة ؟[/align]

[أشتر]

المشاركة الأصلية كتبت بواسطة شبارقة

[align=center]جـِدَي الريل أبو كزيمة تعال نتمشى في الغيما
غيمة ريد تكب في رهيد شواطيهو الخضُر ديما[/align]
[align=justify]أها ماهي الكزيما ؟[/align]

اصل الموضوع عبارة عن زعل ... وانت عارف الزول لم يزعل ببقى كيف ...
صرة وش ... وكرمشة جبهة ... والبوز متر قدام ...
اها التالتة دي ياها الكزيمة ...
زي الحالة الانا فيها دي ... لكن ما شديد

[أشتر]

المشاركة الأصلية كتبت بواسطة شبارقة

[align=justify]ما الفرق بين الكركاب والكركابة ؟[/align]

الاولى ضكر والتانية انتاية
اول مرة اسمع بالمصطلحات دي ...
!
!
!
!
يا جماعة انتو ما عاوزين تتعولمو ؟

[كيشو]

المشاركة الأصلية كتبت بواسطة محمد أبوعاقلة

الاولى ضكر والتانية انتاية
اول مرة اسمع بالمصطلحات دي ...
!
!
!
!
يا جماعة انتو ما عاوزين تتعولمو ؟

ازيك يا ود اب عاقلة
انت يا خوي الكرت الأحمر دا رافعو لـ منو؟

[عادل عسوم]

أنا غايتو لمن أجي بي جاي قاعد يجيني أشمئناط في الخُجلوج
وخمّة نفَس
وقع اقف اقع

[شبارقة]

المشاركة الأصلية كتبت بواسطة adilassoom

أنا غايتو لمن أجي بي جاي قاعد يجيني أشمئناط في الخُجلوج
وخمّة نفَس
وقع اقف اقع

[align=justify]حبابك والجابك يجيب عقابك ... قع أقف أقع بتشبه قعورد (بتعرف الوِرْدَه يا عادل ؟)....لكن يا ريت تفسِّر لينا الإشمئناط والخجلوج [/align]

[شبارقة]

المشاركة الأصلية كتبت بواسطة شبارقة

[align=justify]ما الفرق بين الكركاب والكركابة ؟[/align]

[align=justify]عفوا ً ... المقصود الكركب وليس الكركاب ... ويا ريت برضو تعرفوهو (أسألوا حبوباتكم عن أيام عرسهن الأولى )[/align]

[شبارقة]

المشاركة الأصلية كتبت بواسطة محمد أبوعاقلة

صرة وش ... وكرمشة جبهة ... والبوز متر قدام ...
اها التالتة دي ياها الكزيمة ...
زي الحالة الانا فيها دي ... لكن ما شديد

[align=justify]قرّبت يا ود أبو عاقلة وهي ما التالتة ... الكزيمة أقرب للتانية

الكزيمة يا جماعة هي الطفقة الموجودة أعلى أنف جدي الريل (في بداية الجبهة) وهي تزيده جمال ما عادي وتخليك تأكلوا نئ .... زي الطفقة الفي منتصف حنك الرجال التي تزيدهم وسامة عند الإبتسامة [/align]

[أشتر]

المشاركة الأصلية كتبت بواسطة كيشو

ازيك يا ود اب عاقلة
انت يا خوي الكرت الأحمر دا رافعو لـ منو؟

رافعو في وش الحسكنيت ... الدابو قايم في التقا

شنو يا زول ياخ ...

عندكم كلب ولا نجي بالدرب ...؟

معقول لكن !!!!!!!!!!