أيام التلاقي .. إلبوم ذكريات ..

[معتصم الطاهر]

انـا بلقاك
محل ما الشمس بتشرق
يطلع مني الحزن الطول

ولما الغيمة الحبلي تنقنق
والايام ترجع ذي اول

ويبداء فراش الريده يحلق
فوق نوار العمر الفضل
انـا بلقاك

ويبقى العالم جنبك اجمل
__________________

[معتصم الطاهر]

دعتني سمرية يوما للكتابة هنا ..
كنت أكتب فى منبر و اغلقه صاحبه و أضاع كل كتاباتي التي كنت أكتبها ( قطع أخضر) ..
قالت لى " هذا الموقع يشبهك .. و ناسو بشبهوك" ..
دخلت و طلبت الانضمام
شهران ولم يرد على المشرف حينها ( الطيب البشير) ..
اتصلت بصاحب الموقع ..
منحني العضوية و كتبت باسم ( الرقراق) ..
قرأ (فتحي ) ما يكتب الرقراق فاتصل بي
قال لي " تعال سودانيات) ..
قلت له أنا هناك
قال لى اذن اكتب باسمك ..
اتصلت بخالد و اعطيته اسمي كاملا ..
كتب بدلا عن ذلك ( معتصم الطاهر) ..
و من يومها .. تعدل اسمي حتى صرت اعرف نفسى فى بطاقة العمل بمعتصم الطاهر

سعيت لألتقى بجميع أعضاء الموقع
زرتهم فى مواقعهم
احتفوا بزياراتي ..

و لا أطيل ..

هاكم اليوم ذكريات ..

[معتصم الطاهر]

أول جلسة كانت تحت رعاية أعضاء سودانيات بالخرطوم ..

كنا قد حضرنا من الخارج ثلة من المحبين .. لنلتقى شلة من الأحباب ..

عبد الرحمن بركات - قطر
المجدلية - الامارات
- بابكر مخير - الامارات
الطيب برير - السعودية
معتصم الطاهر - قطر

و الصور ستظهر آخرين ..

كان حضورا كثيرون من السودان
أشهر الغائبين حاليا هم :

- د. قنات ..
- عالم عباس
- اسماعيل حميم
- ريم
- بنت النيل
- ناجي الملك
- عبير
-و سأواصل

قعدنا .... بنابرنا جم بعض ... ناصر وأنا والنجم والمسا

[معتصم الطاهر]

فى ذلك اليوم

20/01/2007

التقيت بهم و عرفت ان لى أسرة أكبر ..


فى ترحاب و حب .. و تواصل و محبة ..
ابتدر حميم الجلسة ..
و كان حميما ..

العنصر النسائي كان أكثر من الرجال ..
و بالطبع أحلى ..
و بالطبع قاد التواصل ..







الشباب
وقفوا ..
ذكروني مناسبات الأهل ..
دوما تجد هناك من كل همه خدمة الضيوف
و ضيوفهم ( ناس بيت) ..
مجدلية و اختها ..
قررا أنهما ليستا ضيوفا ووقفتا .. تخدمان المضيفين ..


د. قنات
ناصر
عبير

أيادى حركت اللقاء من خلف الكواليس
ثم جلسوا ينصتون ..

[معتصم الطاهر]

المشاركة الأصلية كتبت بواسطة عبد المنعم حضيري

قعدنا .... بنابرنا جم بعض ... ناصر وأنا والنجم والمسا

انت الحبيب و انت الاحب .. والاقرب

[معتصم الطاهر]

هذا الثلاثى كان طعم مركب ..
و ( ما بتفرقوا) ..


كان مكتبهما ( ابو العز الجنوبي + بنت النيل) هو ( سنتر الخرطوم) و ملتقانا
فإن لم تجد ابو العز الجنوبي
فستجد بنت النيل ..
و ربما لم تجدهما فستجد ريم او ندى فكأنهما اسياد بيت .





وهذه البنية السكرية
مثلت البيت الجميل الكبير
و عسل الجلسات ..
ومن شابهت امها ..

[imported_الجيلى أحمد]

معتصم لما يسخى.. يفيض جمال وأقواس قزح

جلوس تجدنا فى حضرة جمال الذكرى نتابع

[imported_يحي عثمان عيسي]

يا سلام علي تجلياتك
اتحفنا .... عطشي لهذه الايام الجميلة
واملا في ان يعود بريقها
تسلم ياباش

[ناصر يوسف]

انا أجيب الإكستيرنال الخاص بأهل سودانيات وأجيك يا باش

وده وعد قد أقدر ألبيهو قريب أو بعيد

[معتصم الطاهر]

المشاركة الأصلية كتبت بواسطة الجيلى أحمد

معتصم لما يسخى.. يفيض جمال وأقواس قزح

جلوس تجدنا فى حضرة جمال الذكرى نتابع

بعض من فيضكم ..

يا جميل ..

[اشرف السر]

بغران
لكني ما حاسد

كل المدة دي وانت مخزن العسل دا يا سيد الرحيق...

بالغت يا باش.....

[عكــود]

سلام يا باش..
ويا سلام!

دي الكتابات البتترجم الشعار..
أعرف عنك موهبة التوثيق..
كاميرا وحرف وذاكرة، ما شاء الله.

فاروي عطش القراء.


تحياتي

[معتصم الطاهر]

المشاركة الأصلية كتبت بواسطة يحي عثمان عيسي

يا سلام علي تجلياتك
اتحفنا .... عطشي لهذه الايام الجميلة
واملا في ان يعود بريقها
تسلم ياباش

تعرف يا يحي ..

في يوم ما ..( 2005 ) تواعدنا
و عندما نتواعد ( خالد عكود معتصم) فإننا نلتقي
تواعدنا أن نلتقى فى الامارات ..

وصلت أولا ..
حتى أتشرف بشوفة خالد و هو طالع من صالة القادمين ( و طبعا شلاقة خالد طلعتوا ببوابة تانية) ..
و كمان اتكرّف عكود و الرويس ..

قضينا زمن جميل و حلو و يومها
التقيت بهوزى .. رحمها الله و الفاتح ..
و مي هاشم .. و خطيبها الفنان حينها ..
و ...



و قعدنا ايام فى حديقة بيت عكود
تعرف لامن نقول حديقة ...
هي (3*6 متر) تقريبا .. وفيها تلات شجرات و سبع شتلات و شالتنا و لمتنا ..
غنينا و رقصنا و أكلنا القراصة الشايقية .. و مصرنا الليمون بتاع الشتيلات فى الشطة قطع أخضر و مباشرة لصحن الشطة ..

[معتصم الطاهر]

المشاركة الأصلية كتبت بواسطة ناصر يوسف

انا أجيب الإكستيرنال الخاص بأهل سودانيات وأجيك يا باش

وده وعد قد أقدر ألبيهو قريب أو بعيد

ياخ الاكستيرنال دا إلا أجي انزل منو ..

فرح مهند الخطيب بضياع معظم صورى عندما ضرب الهارديسك ..

ضاعت معاهو صور جميلة و وواحدات عينة ..


أتذكر منها صور زيارتي لعكود ..

يوم اربعاء اتصل على و قال لى ( ياخ انا براى و الاولاد سافروا و الوحدة كاتلاني) .
قمت طوالي مشيت على الخطوط قطعت تذكرتي و ابو ظبي جاك زول ..
ياخ فى أكتر من ونسة راس مع العمدة ..
اتعلمت فيها عمل القراصة الشايقية
و حب الناس
و معنى الراحة
و شنو يعنى زول قيافة

و اول مرة احس احساس حقيقى بشعار سودانيات ..



فى منزل عكود