تأريخ المحنة

[imported_سماح محمد]

المشاركة الأصلية كتبت بواسطة عكــود

سلام سماح،

[IMG][/IMG]

الحسن ود مُحمّد خالاً للوالد وكانت بينهما محبّة راسخة وهو وأخوال الوالد من نواحي الكُري التي تبعد عن حلّتنا حوالي الست كيلومترات، وكان كثير الزيارات لهم.
توفّى الوالد، وتشتّتنا في أصقاع الأرض وعزّ اللقاء بهم. وفي يوم من الأيّام وأنا راجع من مشوار مارّاً بمحاذاة بيوتهم رأيت من بعيد رجلاً ثمانينيّاً يمشي راجعاً من مزرعته. كان الوقت قبل المغيب بقليل وكنت أمشي مواجهاً الشمس قبل أن تختفي وراء هامات النخيل، وبيني وبين الرجل حوالي المائة متر، ورأيته قد توقّف وهو ينظر ناحيتي وكأنه ينتظر وصولي.

عندما أقتربت منه عرفته وسلّمت عليه مصافحاً ومخاطباً باسمه (جدّي الحسن)، فاحتفظ بيدي في راحته وهو محدّقاً بتركيز شديد في وجهي، وسألني، إنت ولد منو؟ فأجبته .. تراخت راحته من على كفّي واحتضني وقبّلني في عنقي وكأنّه يشمّها، وقد سالت دموعه وقال مغالباً العبرات: والله يا ولدي من شفت مشيتك من بعيد قلبي قال لي الجنا ده هول الكامل، فشان كدي وقفت رجيتك أشم ريحة أبوك فيك ..

سالت دمعة حجبت عنّي رؤية بقايا مغيب الشمس!

يالله ياعمدة!
قريباً لينا مشى الحج..حكى انو و في وسط زحمة شديدة جاء عليهو حاج سوداني أول مرة يشوفو..قلدو وقعد يبكي..وهو في دهشة من أمرو..رفع راسو قال ليهو انت "جنى فلان.. ياها عيونو وياهو وشيه الله يرحمه" .. وقد كان..تبينه من بين الألوف..واشتم فيه رائحة قريبه المتوفى..دي مش محنّة تخوّف؟!

[بابكر مخير]

سماح يما
سلام...
قالوا نميري مرة وهو بيكرم ليهو زول قراء الفقرة الخاصة غلط ولخبتها:::
نشكر الأستاذ علي حسن سلوكة بقصد نشكر الأستاذ على حُسن سِلوكه..
آها لمن قريت أول قلتا بنيتي دي جايبا لينا تأريخ البشير دآ ليه..
ما هو قريتها بمعنى محنا
إلا يما المحنة دي شيتن جميل وهو البجسد قيمة الآدمية (من بنات وأبناء آدم)..
عندي.. وليا قمة المحنة كانت لمن أمي بتول (حبوبتي من أبوي، السيدة بتول بت الأمير يعقوب) تقلدني وتشم ريحتي بي تمتع ولحدي حسي والله أكاد أكون جازم بأن ريحة ملابسها ما زالت تعطر خياشيمي...
محنة الجدود والحبوبات تكاد تتعدى محنة الوالدين...
يما ما أكون طشيت عن لب الموضوع
ليك سلام وتحايا

[imported_سماح محمد]

المشاركة الأصلية كتبت بواسطة بابكر مخير

إلا يما المحنة دي شيتن جميل وهو البجسد قيمة الآدمية (من بنات وأبناء آدم)..
عندي.. وليا قمة المحنة كانت لمن أمي بتول (حبوبتي من أبوي، السيدة بتول بت الأمير يعقوب) تقلدني وتشم ريحتي بي تمتع ولحدي حسي والله أكاد أكون جازم بأن ريحة ملابسها ما زالت تعطر خياشيمي...
محنة الجدود والحبوبات تكاد تتعدى محنة الوالدين...
يما ما أكون طشيت عن لب الموضوع
ليك سلام وتحايا

لك عاطر التحايا ياعم بابكر
ياها ذاتا المحنة الفي قولة (يُمّا) دي..محنة لا تخطئها القلوب..

تسلم كتير

الاستاذة سماح
هل اعتذر لك ام اعتذر لنفسى
مثل عمى بابكر مخير ظننتها المحنة بكسر الميم . . وعدت نفسى بالعودة له . . وبوستات اخرى . . لكننى ضعت فى كرش الفيل الخرطوم . .
واليوم مثل صحوات لى تعيدنى للكتاب والقراءة . . فأقرأ ومن ثم اندم على ما ضاع من عمرى . . ما اهدرته منه بدون ان استمتع . . امتع نفسى بكتابات رائعات مثل كتابتك الجميلة الممتعةهذه . . . وان شاء الله اعود لهذه المحنة الراسخة فى وجداننا

[حسين عبدالجليل]

سعيد بعودتك تتأبطين طلتك البهية و قلمك الكتّاب ياسماح !

[عكــود]

لا يستحون من دموعهم ولا تخجلهم الا (الشينة) في عرضهم وكفاية ضيفهم..

تعبير يلخّص كتاب في مكارم الأخلاق.

يا سلام علي الكتابة السمحة المقعّدة!


سلام يا سماح.

[imported_سماح محمد]

المشاركة الأصلية كتبت بواسطة عايد عبد الحفيظ

الاستاذة سماح
هل اعتذر لك ام اعتذر لنفسى
مثل عمى بابكر مخير ظننتها المحنة بكسر الميم . . وعدت نفسى بالعودة له . . وبوستات اخرى . . لكننى ضعت فى كرش الفيل الخرطوم . .
واليوم مثل صحوات لى تعيدنى للكتاب والقراءة . . فأقرأ ومن ثم اندم على ما ضاع من عمرى . . ما اهدرته منه بدون ان استمتع . . امتع نفسى بكتابات رائعات مثل كتابتك الجميلة الممتعةهذه . . . وان شاء الله اعود لهذه المحنة الراسخة فى وجداننا

تحياتي أ.عايد..وشكرا لاستحسانك
نحنا قصرنا مع المحنة بأن حرمناها من الحركات "المحنّة" فحرمنا البوست من قراءتكم الطازجة

في انتظار جرعات محنّة اخرى .. وعودتكم..

[imported_سماح محمد]

المشاركة الأصلية كتبت بواسطة حسين عبدالجليل

سعيد بعودتك تتأبطين طلتك البهية و قلمك الكتّاب ياسماح !

وأنا سعيدة بعودتي وبهذا الحبر الرقمي الأزرق..والذي يخبرني أن أ.حسين عبدالجليل هنا..ويقرأ لي!
شكرا جميلا
تحياتي واحترامي

كان اصغر اعمامى . . اصغر اشقاء والدى قد اشتهر بالسهر
وجلسات الانس والسمر . . وقد دارت بينه وجدى سجالات
مستمرة من الاخذ والرد . . الكر والفر . . العنف والحنية . .
لكن جدى غالبا كان يأخذه بالعنف . . وعندما كان يضبط
عمى وهو يعود بعد انصاص الليالى . . كان يربطه على
جذع شجرة النيم فى حوش الرجال . . امام الصالون . .
ولا ينسى ان يحذر اهل البيت بان لا يطعموه ولا يسقوه
وبديهى ان لا يطلقوا سراحه . .
كانت الاخبار تصل لوالدى فى مستشفى امدرمان . . فيمر
على حوش جدى بالبوستة ويطلق سراح عمى ويطعمه
ويسقيه . . ويعود لبيته ولا يخبر احدا . .
وقبيل المغرب يفتح جدى باب بيتنا برجله . . وينهال
على والدى ضربا بعصاه التى اشتهر بها واقترنت باسمه
. . ومع صوت صراخنا يهرول مسرعين جيراننا . . عبد
المتعال . . واسماعيل النوباوى . . ويقوم عبد المتعال
بتهدئة جدى . . يقول له ان هذا لا يصح . . كيف تضرب
ابنك وامام ابنائه . .
ويضبط عمى مرات ومرات وفى كل مرة كان والدى يطلق
سراحه من اسره على شجرة النيم . . وفى كل مرة كان يتلقى ضربات من
عصا جدى . .
وتوقفت ضربات العصا بعد ان توقف عمى عن الشراب . .

[بابكر مخير]

المشاركة الأصلية كتبت بواسطة عايد عبد الحفيظ

وتوقفت ضربات العصا بعد ان توقف عمى عن الشراب . .

عايد
خالي اللا (ما) كان بيدخن ولا بيجغم
برجع ديمة وش الصباح (الله أعلم كان بيكون وين )
مرة جآي برآآآآآآآآآآآآآآآحة داخل لبيت "العم" وهو لقب جدنا الثاني وشقيق "بابكر" وكان "العم" وهو إمام مسجد مارق للصلاة والتقى الإثنان قبل باب الشارع، بسرعة الخال حول الإتجاه خارجا للجامع وليس داخل للبيت..
أكييييييييييييييد لم تنطلي هذه على "العم" ولكنه مشاها...
أتذكر كان خالي التاني بيشرب وتاني يوم يتعب، إلا جدي العم كان يحب هذا الخال ويعلق"المر دآ مدام بيمرضكم ما تسيبوهو"..
كان لمن يلقى أعقاب سجاير في حوش البيت، يدفر "السبارسة" برجله ويقول:
ضياع قروش...
كان العم أب وجد وعم للكل..
وحتى بناتهو وأولادهو كانوا بيقولوا ليهو "العم"

المحنة هى التى تبقى عمنا بابكر مخير . .
كان والدى يحب العم ويقول انه غير . .
د محمد مالك ود زينب العم كان على
بعد مربوع من بيتنا . . وسعاد العم . .
ود ابراهيم كان فيه من العم الكثير
كانت محنة برجالة

[النور يوسف محمد]

بسم الله الرحمن الرحيم


سماح الغالية
زمن منك ومن حرفك الباهى

ثم إنا مشتاقووووووووون

[اشرف السر]

UP
كبيييرة

[imported_سماح محمد]

وفي تأريخ المحنة.. أُناس يربطهم حب يجري في العروق
إحساسهم بالعدالة فطري .. ومدهش!...

فمن حكاوي قريتنا أن شيخاً تزوج ابنه من احدى بنات المنطقة، فتاة طيبة ومن أسرة طيبة..انجب منها البنين والبنات .. واذاقها ويل طبعه الحاد فرمى عليها يمين الطلاق مرة ومرتان وثلاث حتى حُرمّت عليه..
أتى أهلها لأخذها فتوسّل ذلك الجد للإحتفاظ بأحفاده وتعهد بإبقاء أمهم معهم والتكفل بها في داره بعيدا عن بيت الزوجية ذاك.. وقد كان..
اهتم بأحفاده وأمهم..وكان مهتماً بأن يسليها ويسري عنها.. فاشتهرا سويّاً بلعب الطاب تحت النيمة التي تظلل باب بيته..يجتمع بعض الجيران ويلعبون الطاب مع الشيخ وأم أحفاده.. حتى اذا تفوقت مطلقة ابنه عليه رقصت الرقبة وأعطته شبالاً وهي تغني لنفسها ((باكر ياخدوك يا بت ....وتجيبي الوِّلاد تيمان يا بت....)) وتضحك في طيبة .. ويصرخ الجد صاباً عليها لعنة هزيمته وتفكيرها بأن تترك داره..اظنه أحبها كابنه يريد الإحتفاظ بها للأبد...
أولئك الناس بنفوسهم الصافية كانوا يحصلون دائماً على توليفة سهلة للحياة

تلك محنتهم وهكذا كانت حياتهم..

[ناصر يوسف]

المشاركة الأصلية كتبت بواسطة سماح محمد

وفي تأريخ المحنة.. أُناس يربطهم حب يجري في العروق
إحساسهم بالعدالة فطري .. ومدهش!...

فمن حكاوي قريتنا أن شيخاً تزوج ابنه من احدى بنات المنطقة، فتاة طيبة ومن أسرة طيبة..انجب منها البنين والبنات .. واذاقها ويل طبعه الحاد فرمى عليها يمين الطلاق مرة ومرتان وثلاث حتى حُرمّت عليه..
أتى أهلها لأخذها فتوسّل ذلك الجد للإحتفاظ بأحفاده وتعهد بإبقاء أمهم معهم والتكفل بها في داره بعيدا عن بيت الزوجية ذاك.. وقد كان..
اهتم بأحفاده وأمهم..وكان مهتماً بأن يسليها ويسري عنها.. فاشتهرا سويّاً بلعب الطاب تحت النيمة التي تظلل باب بيته..يجتمع بعض الجيران ويلعبون الطاب مع الشيخ وأم أحفاده.. حتى اذا تفوقت مطلقة ابنه عليه رقصت الرقبة وأعطته شبالاً وهي تغني لنفسها ((باكر ياخدوك يا بت ....وتجيبي الوِّلاد تيمان يا بت....)) وتضحك في طيبة .. ويصرخ الجد صاباً عليها لعنة هزيمته وتفكيرها بأن تترك داره..اظنه أحبها كابنه يريد الإحتفاظ بها للأبد...
أولئك الناس بنفوسهم الصافية كانوا يحصلون دائماً على توليفة سهلة للحياة

تلك محنتهم وهكذا كانت حياتهم..

سماح بتي الجميلة

سلام مشحون بالشوق يصلك فوق بكانك

الإشارات ،،، الرسائل ،،

في بعض من المرات ،،، ممكن تصلك رسالة أو إشارة ما أثناء تجوالك في القراءة ،، أو أثناء تجوالك اليومي ،،،

عينك تلتقط رسالة أو إشارة ما

أنفك ،،
أذنك
لسانك

حاسة واحدة أو أكتر علي الأقل ممكن يلتقطوا الإشارة أو الرسالة دي ،،، وغالباً الإشارة الرسالة بتوديك لحتات تانية قد تكون قريبة من الإشارة وقد تكون بعيدة جداً

وأنا بقرأ في المداخلة المليانة محبَة دي ،،،

وصلتني إشارة ورسالة داخلية ،،،

هذه المداخلة مدخل لفلم درامي مليان بالشجن والأنين والحنين والمحبة

ما عارف السيناريو حيكون شكلو شنو ،،، لكن يعلم الله تقدري تقولي إني شايف أجزاء من الفلم قدامي الآن

أشرف السر ،،، يا ريتك لو تجمع هنا سرييييييييييع إستلم معاي الإشارة دي ياخ

شكراً يا سماح ،، شكراً ليك كتير والله