الحلاق،،،،،،
*بي 📝 الحنين*
*د. علي الشيخ،، ،،،،*
*الحلاق ،،،،،*
كان بتم اتفاق،،،،
ابوك بجي غاشي الحلاق و بديهو تعليمات،،،،
الحلاق بقبض قروشوه ،،، مقدما،،،، و بنفذ التعليمات،،،،
ابوك يجي،،، داخل البيت،،،، يكورك ليك،،، ياولد امشي الحلاق خلي يحلق ليك،،،،
الطنطنه ،،، و النقنقه ،،،، مابتحلك ،،،، *لكن المليونيات بتحلنا،، ،،،،،*
ماعليك الا تمشي،،،، المشوار كان قريب،،،، ببقي ليك،،،، زي الماشي السماء،،،،
هنا راسك يؤدي و يجيب ياربي أبوي قال للحلاق يحلق لي شنو🤔،،،، *صلعه*😡 ،،،، *نمره ٢* ،،،، *كاريه* ،،،، *قطعيه* ،،،،، *تخفيف،،،،*
و انت بتفكر و تسأل،،،، فجأة كده تلقى روحك جنب خشم باب الحلاق،،، قربت العتبه تعتر ليك،،،، بتقيف و بتهتف،،، و بتواصل،،،، المشوار،،،،
الحلاق بكون منتظرك،،،
يلا يا ولد،،،، اقعد في الكرسي🪑،،، ما اصلو زول موصنو،،، و قابض ،،،،
*١٠٠ الف سؤال* ،،،، بكونوا حاموا في رأسك،،،، *أهم سؤال دم الشهيد،،،،*
و في سؤال و حوار ،،،، كيف تواصل مشوار التضحيات و بناء الوطن،،،، ده مشوار طويل،،،، بس ،،،، لابد منه،،،
عيونك 👀،،،👀 بتكون مركزه على يد الحلاق،،، كان شال المكنه و قعد *طظظظظظظظ* ماشي و جاي،،،، في نص راسك،،،، زي إزالة التروس،،، أمرك واضح،،،، يا ها دي *الصلعه،،،*
و كان *جرررررا المكنه*،،،،، بالجنبات ممكن نقول *كاريه*،،،، اصلوا في ناس اتكروا و اتنكروا،،، واتغابوا العرفه ،،،، اجي،،، يا كده،،،،
و كان الحظ ضرب معاك ممكن يشيل *المقص✂️ و المشط،،،،* في اللحظة دي اشتقت ليك،،،، محمد ميرغني،،، يا سلاااااام،،، هنا تبان نواجذك من الفرحه،،،، دي اسمها تخفيف ،،،، اللهم نسألك التخفيف،،،،
و إذا حظك زي حظ الكيشه و حظ اللقى روحه مقنطر سايق القطر،،،، ممكن الحلاق يشيل *الموس* و يمشي يسنها،،، ويكرشها على الجلد المربوط في الحيطه،،،، زيطك ،،،، زيطك ،،،، طالع،،،، نازل،،،، و دي مناظر للقطعيه ،،،
ما ننسى حلاقة *رضي الوالدين*،،، ،، دي حلاقه خفيفه،،،، ظريفه ،،،، دي بتعملها براك بدون تعليمات،،،،
مابين الاتفاق،،،، الذي حصل،،،،
بين ابوك و الحلاق،،،
في ناس كرهت الحلاقه،،،،
و في ناس زهجت،،،
و في ناس مسخ ليها المسيخ زاتوا،،،،،
و في ناس زي الطقشوها بنيه👊🏻،،،، عملت ليهم ارتجاج،،،،🙄
و في ناس ما مصدقه،،،،
و في ناس صدقت،،،، و اتصدقت على روح الثوره،،،،
هو شعر الرأس ده بكمل،،،، يحلقوا بي جاي،،،، بقوم بي هناك،،،،
الحلاقه دي فن،،،،
و اكل عيش،،،، و لمة ناس،،،، و تهذيب و تجميل،،، و أجمل حاجه فيها الونسه،،، و قراية الجرائد،،،،
ما اي زول مسك ليهو مقص و مشط يعمل لينا فيها حلاق،،،،
هسه الحلاق،،، ممكن يعمل ليك زلطه في نص راسك،،،، و يجرحك بالموس وهو قاصد،،،
زعمطه ،،،،، بي مزاج،،،،
دي زاتها اسمها اتعلم الحلاقه في راسنا،،، وممكن الحلاق يحلق ليك بدون نفس و هو عارف،،،،
و عادي جدا،،، ممكن يبدأ الحلاقه،،، و ينساك،،،،،
زمن ناس لاقيني بالشارع التاني،،،، الحلاق شايل الموس و المكنه جااااااري🏃♂️🏃♂️🏃♂️🏃♂️،،، و الحالقين ليهو خامي المريله و متضاير من الناس،،،،
شايف الناس بطلت تربى الدقون،،،
كده ممكن نقول ماشين خطوه لي قدام،،،،
*نصيحه،،،،*
زول مابعرف يحلق ماتديهو راسك،،،
*و نعيييييييييما،،،،،*
*د. علي الشيخ*
*الحنين*
*امدرمان*
*٦ ديسمبر ٢٠٢١*
|
