قصص من الدنيا؛ وبعض حكاوي...!!! - الصفحة 37

عبدالمنعم الطيب حسن · 09-07-2026, 03:13 PM

صديق الموج، المنصورة، المنصوراب،
الترحيل، وبالعكس..
..............
وما ان هبطنا الرياض، واستلمنا اقامتنا الماخمج، التي تحصلنا عليها بعد رحلة كفاح مضنية، رحلة جبلية.. رحلة صعبة ...
فيها كشات وزوغات، ورجعات تاني ( للغناوي والحكاوي، والدروب الليك تودي) ومابين الاقواس مستلهمة من صديقنا عمر مصطفى مضوي، وقلمه المليان عافية دا،
بعدين انت ياعمر اول من انقذني من اول كشة، لاني لو اتمسكت في الكشة ديك، ما كنت حا اقدر اجي راجع، منين يا حسرة، كنت واصل لتوي من مصر،
وانت عارف البير وغطاها ... انت رفيق الدروب الوعرة يا عمر، فخد راحتك، ورشنا ما استطعت......
اها كنا ساكنين في غبيرة، صاحبنا اللي اشترى لينا الاقامات، كان ساكن في غبيرة، نزلنا معاهو ...
بعد ان استلمنا الاقامة، وختيناها في جيب القميص الامامي، ومعاها قلم عشان يثبتا وكدة،
مشينا يوم العيد لجماعة عزابة عندهم داك يا الشربوت، كباية واحدة تسري في الدم، وتخليهو يجري سريع يصل المخ، ويفرفشو، ويعمل بهجة،
انها الفوائد، الفوائد يا صاحبي...
(صاحبنا المرحوم نصرالدين مصطفى، من قرية الفوايدة، جمب ناس عنكبة ريفي الحوش،
كريم كرم، ياخ ايام الامتحانات قلت ليهو عاوز سجارتين تلاتة، دخل الغرفة جاب لي علبة سجائر مارلبورو احمر، علبة كاملة...
ياخ اموت في المتعة ياخ،،الله يبشبش الطوبة تحتك راسك، يا صاحبي)
اها الجماعة شاورونا البتاع دا تقيل شوية..
رد صديقي ابو الطيب، يا زول هوي كب ساهي نحن الليلة، ما عندنا مانع من ارتكاب اي معـصية....
بعد شوية ابو الطيب انبسط كتير وسرت الفوائد،
وقد سالته ، وين الاقامة؟
قال : مع ابوعبيدة بي قلما....
ابوعبيدة عندو مصران ما بقدر على الحوامض دي...
وغنينا : في غيهب الليل الحلوك،
وفي تمام الانبساطة غنينا يا شعبا لهبا ثوريتك تلقى مرادك والفي نيتك،
وقبيل مغادرتنا نسمع صوته بعيدا، يردد
بقليبك تقول لي تعال وتعال،
وبي عيونك تقول لي لا مااااااا................
العنبااااااااااااااااااااا
اها لمن وصلنا ترحيل جدة، ياخ والله اصلو ما كان عندنا احساس بتاع مقبوضين في الكشة،
نزلنا في عنبر ياخ كلو سودانيين .. كانك في باخرة بس ... على وشك الرسيان في بورسودان ...
سوداني شباب بجي لعمو الذي هو جارنا الباب بالباب ....
وقابلتو يجي زي خرطومية مرة مع عمو دا وعارف اسمو واسمو ابوهو واسم جدو كمان...واتونسنا يجي بالمئات..
بالصدفة دخلتا شركة لقيتو المحاسب فيها، وانا شغال مندوب ....
سلمتا عليهو سلام معرفة شديدة، وباسمو،
وكان متعادل ، بعد سرحة طويلة قال .. ياخ انا زي الشايفك قبل كدة...ما متاكد غايتو معليش اعذرني....
قلت ليهو: عازرك تب، بكون اتقابلنا، ياخ السودانيين بتلاقوا في المقابر، وفي الاعراس، وفي المطاعم، وفي البواخر،
وفي الترحيل....
اها لمن لقيت السودانيين كتار كدة ياخ اطمأنيت،
استاذنا سعيد اسعد الزبير باشا، والزبيرية بالجيلي قوم طوال القامة، فارعين جدا...
لهم التحية فردا فردا.... يالهم من قوما عُدال، وابطال....
طالعين من المدرسة المتوسطةمعانا استاذ سعيد، شاف اربعة من ابناء عمومته ماشين علينا،
قال لينا : بالله ايه رايكم؟
اهلنا ديل مش يطمنوا....
ولاستاذي سعيد وصلاح الف تحية وتقدير ..
السودانيين ديل في اي مكان يطمنوا ...
الا على الشاطيء،
السوداني ساق اسرتو، وقال ماشي شاطيء ما فيهو اي سوداني،
في اخر حتة في الكرة الارضية، الاسرة اخدت راحتا على البيتش، اها جاهو واحد، وساله مباشرتن: الاخ سوداني؟
ااااي يا ني قشراني...
اها في غبيرة باقاماتنا وبي اقلامنا ... اتغدينا في مطعم صاحبو زول ظريف ولطيف ياخ قرَّب ما يشيل مننا الحساب ...
لمن طلعنا سالنا زولنا المقدد الرياض، عن صاحب المطعم هذا الظريف، وكريم...
قال دا صديق الموج فاكهة الرياض، دا بضحك الرياض كلها...
وكنا نعرف صديقا هذا من مقالات رصينة يكتبها في جريدة الخرطوم - قبل ان تُخْتَطَفْ -
رجعنا تاني وسلمنا عليهو....
ولاستاذي صديق الموج عاطر التحايا، ومن الود كله...
...

09-07-2026, 03:13 PM	#[541]
عبدالمنعم الطيب حسن :: كــاتب نشــط::	صديق الموج، المنصورة، المنصوراب، الترحيل، وبالعكس.. .............. وما ان هبطنا الرياض، واستلمنا اقامتنا الماخمج، التي تحصلنا عليها بعد رحلة كفاح مضنية، رحلة جبلية.. رحلة صعبة ... فيها كشات وزوغات، ورجعات تاني ( للغناوي والحكاوي، والدروب الليك تودي) ومابين الاقواس مستلهمة من صديقنا عمر مصطفى مضوي، وقلمه المليان عافية دا، بعدين انت ياعمر اول من انقذني من اول كشة، لاني لو اتمسكت في الكشة ديك، ما كنت حا اقدر اجي راجع، منين يا حسرة، كنت واصل لتوي من مصر، وانت عارف البير وغطاها ... انت رفيق الدروب الوعرة يا عمر، فخد راحتك، ورشنا ما استطعت...... اها كنا ساكنين في غبيرة، صاحبنا اللي اشترى لينا الاقامات، كان ساكن في غبيرة، نزلنا معاهو ... بعد ان استلمنا الاقامة، وختيناها في جيب القميص الامامي، ومعاها قلم عشان يثبتا وكدة، مشينا يوم العيد لجماعة عزابة عندهم داك يا الشربوت، كباية واحدة تسري في الدم، وتخليهو يجري سريع يصل المخ، ويفرفشو، ويعمل بهجة، انها الفوائد، الفوائد يا صاحبي... (صاحبنا المرحوم نصرالدين مصطفى، من قرية الفوايدة، جمب ناس عنكبة ريفي الحوش، كريم كرم، ياخ ايام الامتحانات قلت ليهو عاوز سجارتين تلاتة، دخل الغرفة جاب لي علبة سجائر مارلبورو احمر، علبة كاملة... ياخ اموت في المتعة ياخ،،الله يبشبش الطوبة تحتك راسك، يا صاحبي) اها الجماعة شاورونا البتاع دا تقيل شوية.. رد صديقي ابو الطيب، يا زول هوي كب ساهي نحن الليلة، ما عندنا مانع من ارتكاب اي معـصية.... بعد شوية ابو الطيب انبسط كتير وسرت الفوائد، وقد سالته ، وين الاقامة؟ قال : مع ابوعبيدة بي قلما.... ابوعبيدة عندو مصران ما بقدر على الحوامض دي... وغنينا : في غيهب الليل الحلوك، وفي تمام الانبساطة غنينا يا شعبا لهبا ثوريتك تلقى مرادك والفي نيتك، وقبيل مغادرتنا نسمع صوته بعيدا، يردد بقليبك تقول لي تعال وتعال، وبي عيونك تقول لي لا مااااااا................ العنبااااااااااااااااااااا اها لمن وصلنا ترحيل جدة، ياخ والله اصلو ما كان عندنا احساس بتاع مقبوضين في الكشة، نزلنا في عنبر ياخ كلو سودانيين .. كانك في باخرة بس ... على وشك الرسيان في بورسودان ... سوداني شباب بجي لعمو الذي هو جارنا الباب بالباب .... وقابلتو يجي زي خرطومية مرة مع عمو دا وعارف اسمو واسمو ابوهو واسم جدو كمان...واتونسنا يجي بالمئات.. بالصدفة دخلتا شركة لقيتو المحاسب فيها، وانا شغال مندوب .... سلمتا عليهو سلام معرفة شديدة، وباسمو، وكان متعادل ، بعد سرحة طويلة قال .. ياخ انا زي الشايفك قبل كدة...ما متاكد غايتو معليش اعذرني.... قلت ليهو: عازرك تب، بكون اتقابلنا، ياخ السودانيين بتلاقوا في المقابر، وفي الاعراس، وفي المطاعم، وفي البواخر، وفي الترحيل.... اها لمن لقيت السودانيين كتار كدة ياخ اطمأنيت، استاذنا سعيد اسعد الزبير باشا، والزبيرية بالجيلي قوم طوال القامة، فارعين جدا... لهم التحية فردا فردا.... يالهم من قوما عُدال، وابطال.... طالعين من المدرسة المتوسطةمعانا استاذ سعيد، شاف اربعة من ابناء عمومته ماشين علينا، قال لينا : بالله ايه رايكم؟ اهلنا ديل مش يطمنوا.... ولاستاذي سعيد وصلاح الف تحية وتقدير .. السودانيين ديل في اي مكان يطمنوا ... الا على الشاطيء، السوداني ساق اسرتو، وقال ماشي شاطيء ما فيهو اي سوداني، في اخر حتة في الكرة الارضية، الاسرة اخدت راحتا على البيتش، اها جاهو واحد، وساله مباشرتن: الاخ سوداني؟ ااااي يا ني قشراني... اها في غبيرة باقاماتنا وبي اقلامنا ... اتغدينا في مطعم صاحبو زول ظريف ولطيف ياخ قرَّب ما يشيل مننا الحساب ... لمن طلعنا سالنا زولنا المقدد الرياض، عن صاحب المطعم هذا الظريف، وكريم... قال دا صديق الموج فاكهة الرياض، دا بضحك الرياض كلها... وكنا نعرف صديقا هذا من مقالات رصينة يكتبها في جريدة الخرطوم - قبل ان تُخْتَطَفْ - رجعنا تاني وسلمنا عليهو.... ولاستاذي صديق الموج عاطر التحايا، ومن الود كله... ...
عبدالمنعم الطيب حسن :: كــاتب نشــط::	التوقيع: الثورة مستمرة و سننتصر