و لِـسّــه ..!
ولسه
بنتوسد هدمة بكانا المر
ونصحى. والبلد اتراح
ماك جفير حزن البنات النى
تحت سنابلو الريح
يحصد منجلو الافراح
يا السنبل الفواح
سمعنا حس الملاك من لاك
ما سليت سيف الكلام لى يد
تحنن كف حبيبها التاية
تدس فيهو الدفو و يرتاح ..
ولاك شبه الجداول اليابسة
نلاقى الموية تتهجاك
ترجانا الفصيح والصاح
وكل الجفاف ينبل
يا شايل هموم الناس
وكتفك بالعلل محمول
قربنا ليك بى هم
بشوفتك الهموم تنزاح
طاير بجناح واحد
والتاني كان مشلول
شاركتنا عديل الحل
يا قمر الليالي البيض
ليل الضلام بيطول
الليلة كيف ننحل
من فقد الرفيق والهل ؟
ولو عبرة تزيل غصة
لو ذكرى تهدى حنان
و أنس الحصاد منجل
لو انسان صبح قصة
و كل السطر الحصة
وايامنا ان طالن
وفضل فى العمر لسه
برضو حدودنا لي ميسها
كل الحزن فينا بيقيسها
حين ضم السعادة لحد.
|
