المروسين اونلاين..والبطانية club ...عام سعيد

[فيصل سعد]

المشاركة الأصلية كتبت بواسطة هاشم طـه

ده بيستاهل .. أحسـن قشاش

يقشوا منك البلاء يا هاشم قول آمين .. بعدين الحبوب ود عسوم دا ما تباريه كتير لانو بلاوز بشغلك الجديد
و بسرح بيك و بفكك عكس الهواء في اول ملف رقة و حنية و يبقى عليك قول بت مسيمس " لا هما ختيناو لا مالا جمعناو"
و يشهد الله نحن ما دايرين ليك كدة ، فاحسن تفك دربوا و خليو لي انا دايرو راس كيبورد لكيبورد

الود و الاعزاز لكم جميعا و
نهديكم اغنية من الحفلة :

[rams]http://sudaniyat.net/up/uploading/Faisal)NY09.ram[/rams]

[أشتر]

المشاركة الأصلية كتبت بواسطة فيصل سعد

D و يبقى عليك قول بت مسيمس " لا هما ختيناو لا مالا جمعناو"

هيييييييييييييييييييع صباحاتو يا اللخو ...

[فيصل سعد]

المشاركة الأصلية كتبت بواسطة رشا حاتم

كل سنة وانتو احلى.. وانا نحلة

[align=center]رشا حاتم يا زميلة القلم و الحرف، و رفيقة المودة و الخير و الجمال:

كل سنة و انت ابهى و اشرق و تتحقق الاماني الطيبة ..

لا تخلي الحزن ياخد
من لياليك الكثير
لا تخلي الوجعة تكبر
تحرق الغصن النضير[/align]

[align=center][rams]http://sudaniyat.net/up/uploading/sgeed-almshauer.ram[/rams][/align]

[فيصل سعد]

المشاركة الأصلية كتبت بواسطة محمد أبوعاقلة

هيييييييييييييييييييع صباحاتو يا اللخو ...

وين يا استوبر الهم
كل يوم و انت شديد و طيب
و كل يوم زي دا

[عادل عسوم]

[QUOTE=فيصل سعد;124952]يقشوا منك البلاء يا هاشم قول آمين .. بعدين الحبوب ود عسوم دا ما تباريه كتير لانو بلاوز بشغلك الجديد
و بسرح بيك و بفكك عكس الهواء في اول ملف رقة و حنية و يبقى عليك قول بت مسيمس " لا هما ختيناو لا مالا جمعناو"
و يشهد الله نحن ما دايرين ليك كدة ، فاحسن تفك دربوا و خليو لي انا دايرو راس كيبورد لكيبورد
الود و الاعزاز لكم جميعا و
:
سيوبر موديترنا وحبيبنا
كل سنة (هجرية وميلادية) وانت طيب
الرقة والحنية ياعمك نحنا بنكوسا عند أستاذنا هاشم طه
وبالمناسبة من الأسبوع الجاي حنبدأ نلم الشمل في الشرقية ونعمل (لوبي) كاااارب بزعامة السيد النائب هاشم وعضوية الأقلام (الوضيئة) ناس طارق كانديق والأحباب الآخرين
ومادام بديت بي أقوال (بت مسيمس) دي أنا وأنتا يانا المتفارقين (فراق الطريفي لي جملو) الطريفي عز الدين
وبعدين (لا تجعلوا الله عرضة لأيمانكم)
وتاني البوست الستو (خلتو) دة أنا (لو يعترلي) ...شفتا بتفنقل وبتلملم وأواصل دربي طوالي
على كل حال أنا لسة راجيك لي موضوع الارض وكدة

[wadosman]

[align=center]من بعيد...لبعيد
لو سمحت ظروفك
اسمح لى اشوفك...!!!
ما يكون منى خوفك
انا عاشق الفضيلة
و المثل النبيلة...

كلااااااااااااام

يا ناس كل سنه و انت طيبين و عاام سعيد
و طبعا نحن ناس البطانيه اون لاين... و قطن كمان

تحايا لست البوست الجميلة امال و ربنا يديها الصحة و العاافية..

الروح و الجماال
و السحر الحلاال...
هم احسن خلال
هم اكرم نفيله
بل اعظم خصيلة
فى السودان اصيله...
[/align]

[مواطن]

الناص :فيصل سعد
يقشوا منك البلاء يا هاشم قول آمين .. بعدين الحبوب ود عسوم دا ما تباريه كتير لانو بلاوز بشغلك الجديد ، فاحسن تفك دربوا و خليو لي انا دايرو راس كيبورد لكيبورد

العزيز أبو الفياصل :
هاهـو قد أتاك يسعى بظلفه

[منال]

سلام يا اهلنا

على سيرة اللخبطة سن البيت جاتك الى ان تحضر تومتى


عاد جنس الكلام البتقولو ده .. ضحكت و قلت اريتو يا ناسى ترويستكم كانت تكون برا اللاين و من غير البطانية ... شوية كدى كنتو اتفشيتو و فرفشتى اصلى عارفاكم ناس بهجة


هاشم يا عمنا صباحك زين و مشتاقون

و سنة متجددة و لك الصحة و العافية


امال الناس الفاتتم الترويسة فى الخرتوم نهديهم كرت زهور بس لا ياخى

عمومن حقكم محفوظ لامن تجوا و تهيصوا للصباح

[فيصل سعد]

[QUOTE=عادل عسوم;124961]

المشاركة الأصلية كتبت بواسطة فيصل سعد

[color=#6600CC][B]
سيوبر موديترنا وحبيبنا
وتاني البوست الستو (خلتو) دة أنا (لو يعترلي) ...شفتا بتفنقل وبتلملم وأواصل دربي طوالي
على كل حال أنا لسة راجيك لي موضوع الارض وكدة

حالتك تحنن يا ود عمك، و من هذا المنطلق اناشد صاحبة البوست صديقتي العزيزة
و زميلة عملي انها تجي تشوف ليك حل في بكاء النهار دا الجاب ليو حردان و حرن و وعيد و تهديد كاذب بالمقاطعة ..

بخصوص الارض يا وضيئ انا عند وعدي القديم داك، و شهر ستة في السودان و ممكن نرمي اساس فلتك و دكاكينك، انت بس ساعدنا بفك شهادات شهامة المتلتلة ديك، و خليك جاهز لاي مدد ، و ممكن تحتفظ بالقطعة الثانية لمستقبل اولادك و تخليها احتياطي لك، و انا مكتفي بشقة صغيرة غرفتين في سطوح فيلتك، و انا بس كايس جيرتك كاخ كريم و ابن اخ كريم، و بجهبز ليك الموضوع دا، و بجهبز شقتي بطريقتي و كان اتعصرت بقول ليك عووك .. اتفقنا يا وضيى ، اعمل ليك استخارة و اقرأ الفاتحة، و نم قرير العين ..

[فيصل سعد]

[align=center]خواطر بكاي: [/align]

البكاء الصامت:

من أسباب تقرحات الإمعاء، وهو دليل علي قلة الحيلة، ومن علاماته الإنطواء.
"خالد الحاج و فيصل سعد" نموذجين و معلمين بارزين

المساسقة :

"من ساسق يساسق أي كترة طلتو" هي عنوان للبكاي المعتق (معتصم الطاهر، هاشم طه ، بابكر مخير، و عادل عسوم نماذج ظاهرة لا تخفى على احد) .. وهذا النوع من البكايين خطر وتلعب الخبرة دور هام هنا.

الشتارة :

وهناك نماذج للبكاي السيئ والبكاي السيئ عادة ما (يجيب النبيشة لأعضاء الجمعية) ومن النماذج المعروفة -أبو الحسين- أبوساندرا- شليل - ابو قصي - الزوول - مكي محمد الحسن - ابو ريم و رافت ميلاد فكلهم يغني "لست ريدو" ، وطبعآ لا مانع في ذلك مبدئيا، ولكن هو نوع من البكاء الفطير، خاصة عندما يصير معلن بالإضافة لذلك، فهو يؤلب علينا "ستات ريداتنا" والبكاء في "ست الريد" هو نوع من الإستشراق، وهو دخيل علي ثقافة البكاء في المجتمع السوداني.

الهضربة:

وهي عدم التركيز والقفز بالزانة من "بلومة "لأخري وبلومة هي كلمة جميلة لوصف ملهمة البكاي ومنابع دموعه. محمد ابو عاقلة و شبارقة و اسامة الكاشف و امير الشعراني و الرباطابي و مهند بشير و همس الشوق و منال و نعمات حمود و سمية آدم و ياسمين و نسائم و كل مجموعة حوش النسوان نماذج لهذا النوع.

الدروشة:

وهنا المقصود المعني الصوفي للكلمة، وهو أن يكرس البكاي حياته ونشاطه
للبكاء، وهي مرحلة متأخرة جدآ يجوز فيها الرثاء (عصمت العالم و عكود و ابو مناهل و طارق الحسن و ناصر يوسف و خضر حسين) نماذج.

الشمشرة :

وهذه مرحلة وسيطة نحو الدروشة والبكاي/ة هنا يصرح بمكنونه دون مخافة العواقب ويكون عرضة للنقد والنقد الهدام (ود عتمان ، رشا حاتم، الجيلي، قوت القلوب، لنا جعفر، آمال و الشريف الراقي و زول الله و سفيان ابو قصيصة ) نماذج.

الخلخلة : دي ماركة مسجلة باسم خالد الحاج وخلخلة من "خال" وهذه الحالة لا تشرح
ولا تنفع فيها الجراحة.

ثقافة البكاء:

"علم البكاء "البكالوجيا"

البكاء ثقافة وفن، وليس كل باك "بكاي" وهو لا يمكن ربطه كثقافة بكلمات مثل -الخيانة- طيارة العين-المراهقة المتأخرة- إلي آخر المسميات التحبيطية التي ينشرها "الكافرون" بعلم البكالوجيا.

البكاء كثقافة لا يتعلق باالفئة العمرية.

البكاء لا يرتبط بفلسفة دينية.

البكاء رديف للحرية.

وهو غير مرتبط علي الإطلاق بالجندر إذ أننا نجد الكثير من مشاهير البكايين نساء ، وأسألوا .....

أما المسألة الدينية فيتجسد عدم إرتباطها بثقافة وعلم البكاء في أسلوب "الكيزان" في البكاء
والكوز "حريف البكاء" يعلق علي إمرأة جميلة كمثال بالقول (والله زولة أخلاقها عالية) وهذا المعني يعني "إنها شديدة شدة الحرامي ..

البكاء قديم قدم الإنسان فقد إقتتل هابيل و قابيل نتيجة لبكية "مرة" !! مرورآ بالبكايين العذريين (قيس ليلي وجميل بثينة) وغيرهم في الثقافات الأخري مثل شمسون ودليلة وروميو وجوليت حتي بوف دادي وجنفر لوبيز ..

البكاء غير مشروط بالحالة المدنية للبكاي فأشهر البكايين والبكايات متزوجين (كلنتون وعمر البشير والأمير شارلز وعثمان لبط و علي المكسر) ..

البكاي والبكاية عادة ما يكونون مصابين بآلام الغضروف (لزوم التلفت وكدا) ومن علامات البكاء الخفية تمرير اليد علي شعر الرأس في حركة لا أرادية توحي بقرب نزول الدموع(الدموع هنا مجاز) ، مع ترميش في العيون ينتقل إلي ترميش بعين واحدة عند البكاي الخبيث.
...



"منقول بتعديل و تصرف من ارشيف سودانيات"

ونواصل ..

[align=center][rams]http://sudaniyat.net/up/uploading/hjrooni.wma[/rams][/align]

[كيشو]

يا آمال
السلام عليكم
بوستك دا أنا فاكرو
المرءوسين أون لاين
وشايف مرة هاشم طه ومرة فيصل سعد قلت الحكاية إدارية بحتة
ــــــــــــــــــــــــــــــــــــــــــــــــــ ـــــــــــــــــــــــــ
المدام اتصلت على أهلها امس
أخوها قال ليها: روستوا وين؟
قالت ليه: شنو روستو دي؟
قال ليها راس السنة يا زولة
ردت عليهو: هو السنة انتهت خلااص؟
ــــــــــــــــــــــــــــــــــــــــــــــــــ ـــــــــــــــــــــــــــ
الحكاية السنة دي المدام ما عندها فيها نفقة وكده
تحياتنا بدون مناسبة أصلكم بتستحقوا التهنئة مرات ومرات وبدون مناسبات نحنا ما قاطعين تذاكرا

[منال]

لووووووووولول على المنقول

حاجة ما تخلص يا وسعد يومك بمبى ... و ناموسيتك كحل


ح تلاقنا هنا مع البكايين .... و هيييييييييييييييييع راكزين حسب التصنيف

كمان نزيد الستا بى ياسمين نواريا و سوزان و سوسن


و ما بنجلى صاحبى طارق ود جبرين ( شيخ البكاين ) عاد هو ما بفتفتت (كالطير المذبوح) بغادى مع ( الخدود الشاربة)

و الابنوسى الجميل دوت ... المندكورات بانين ليك اوضة وبرندة ... و حوش واسسسسسسسسسسسسع تربطع فيو بهواك ... و راجين العرس ... الدلوكه جاهزة و سيرة و عديلة وزين يا بكاااااااااى

و كمان ناس رزينين كدا ..يتاقو بس و مكتفين بالضحك و عارفين درجة بكاهم شديييييييييييدة


ود عثمان زيد الكمنجة وتر و نزل الببكى الناس

بكاى هنا
الروح مشحتفه فى الحبيب

[منال]

علا يا فيصل تعال النسعالك مالك جايب سرتو هنا


ما تخلينا مع مزازيك البترفعا و تودينا البحر ... نغطس
مالك علينا

الدنيى سقط يا فيصل بنكنش و نحنا قاعدين او واقفين على طولنا


يجااااااااازى محنك

[فيصل سعد]

المشاركة الأصلية كتبت بواسطة كيشو

يا آمال
السلام عليكم
بوستك دا أنا فاكرو
المرءوسين أون لاين
وشايف مرة هاشم طه ومرة فيصل سعد قلت الحكاية إدارية بحتة
ــــــــــــــــــــــــــــــــــــــــــــــــــ ـــــــــــــــــــــــــ

تحياتنا بدون مناسبة أصلكم بتستحقوا التهنئة مرات ومرات وبدون مناسبات نحنا ما قاطعين تذاكرا

السلام و الرحمة و البركة اخونا كيشو،، و يا زول اول حاجة حمد الله على السلامة ، و كل سنة و انت طيب، و بركة الشفناك طيب..

و ثانيا انا لجنة رأب الصدع و اخوة و اخوات كرام اتصلوا بي في غيابك، للمساهمة في حملة عودتك للمنبر، و انا قلت ليهم يخلوك تمشي براحتك و تجي براحتك دون وساطة و تحنيس و الذي منو و في ناس زعلانيين مني ، لكن يا حبيب داك كان رأئي و موقفي المقتنع بيهم لدرجة اني صديت اولئك الاحباب، و لكن عودتك المفرحة طوعا و اختيارا ان شاء الله تجبر خاطر الناس الحلوين ديك كلهم و تفشي الحب و الوئام بين الجميع ..

ثالثا انت مساهم اصيل في الميثاق و اللوائح و القوانيين ، فمفروض تكون عارف انه مجلس الادارة لا يرأسني لا من قريب لا من بعيد و دي تفوت عليك كيف يا شفت ، الا تكون بس داير تشبك فيني آمال دي و السلام بعدين منال تجي ناطة تقول لي اعمل لي كباية شاي

اها يا ود عمك تاني كان حنبكت و حرنت ما تطش من المنبر مرة واحدة البد في بوست الاسايطة و اعمل مقاطعة من الداخل و خليك حريف ..

ودي و تقديري ..

[فيصل سعد]

[align=center]
و ختامها مسك

[rams]http://sudaniyat.net/up/uploading/minbadak.ram[/rams][/align]