إلى كل من بارح صفحات سودانيات أو تكاسل

[عكــود]

المشاركة الأصلية كتبت بواسطة الوليد عمر

[align=center]...................[/align]





[align=right]


يا سلام عليك يا كبير القوم

قرقار مراقد الفيل عكود أبوى

تعرف كيف تمرق الفكك من الرويحة و تدفق حنَّك الطاعم دا وتذكِّر الناس بالذى ما دايرنو يكون مضى ، مبادراتك الدغرية الدافية دى البتخلى الزول يخش فوق ضوافرينو ، ياخى أنا بس خجلت ساى ما أخش عليكم بى جاى ، حتى إن بِقى بعد الصفحة الخامسة المهم الواحد يبادر بالتصالح مع نفسو ويطاوعها فى أحاسيسها ويحاول قدر ما يمكن أنو يكون ذات نفيستو دون ملاواة أو مجابدة ، ليه ياخى و أنا بحب المكان دا و ناسو الفيهو ، ليه ما أندفِق و أتحتحت و ليه ما أوفِّر للرويحة ملاذاتها و نفاجاتها للقلوب الصافية بالعشرة الطويلة ؟ ليه ياخى حالة التضاد النفسية الجوانا دى ونحن الكلام فى الخاطر و نتحاوم فى المكان زى ود أبرك حايد الشرك ، نرفرف جاى و جاى دون أن ننبهِل بالبُهار المخبأ فى القراطيس ، مرَّات يطقشك ليك بوست فى الصميم لامن تحفِّظوا لى محرِّك بحثك ، وتخش تتاوق زى الحرامى تقرأ وتعيد ، تقرأ وتعيد و الرأى ماهو بعيد ، فوق طرف لسانك ، طيب ما ترشُّوا و خلى الباقية التبقى و محل الرهيفة التنرتق .

ياخ أنا شدة ما خجلان ، لامن الوسيعة ضايقابى

ما عندى عذرا أقولو ولا إستيضاح أقدمو

قاعد حايم بى جاى بقرأ و بقرأ وبقرأ لكل الناس

و المدهش مرّات أنسى حتى أعمل (ساين إن) كأنو التداخل بقى ما أولوية ، طيب ياخى ما أمش أشوف لى رواية مكسيكية أحتل فيها ولا أكوِّن أيتها رأى ، خلى النكمِّل بيها باقى الحاكوكة و الشره الذهنى الحاصلة على دى ، سودانيات ليست كتاب فى تقديرى ، رغم أنها أجمل ما تكون الكتابة ، سودانيات عالم من التواصل و المحبة ، أها ما أظن فى زول عندو أدنى شك فى المحبة ، طيب و الشق الأول ، أحى أنا من الشق الأول ، التواصل دا ياهو ذاتو الجنًّن عبد القادر إقتباسا من قتيل ظبية المسالمة فى بوست مجاور عبأنى بالكثير جدا مما توجَّبت على كتابته و لم أفعل و جايى لى عكود أتشكى و أتعذَّر !

ياخ أنا زعلان من نفسى شديد ، و بقدر ما أتوق إلى التواصل مع الأحباب فى سودانيات بقدر ما تخمنى الدنيا فى دوكتها المشكنبة وحينما تفرغ من بشتنة أحوالى و دردرة محتالى ، ترمينى على قارعة رويحتى التعيبانة دون أقل إعتذار


الذى يربطنا بهذا الإسفير هو أن للناس هنا نكهة غير و بهاء مختلف و قلوب نقية لا تشوبها الشوائب ،يجمعهم عشقهم للنور و كرههم للظلام و يهيمون شغفا بتراب الوطن ويتفقون حول ثوابت الخير والجمال


ياخى أنا عايز أتواصل زى زمان و أكتر مع الناس الرايعين ديل
سنين طويلة وما بهتت صورهم فى البال
ولا نسى القلب طعم الحروف البهية
تتقاذنا الأنواء والأهوال ولا ننفك نحن إليهم فردا فردا
و نشتاق نشتاق ونخرم نخرم كما قال عكود لحروفهم السمحة

شن نسو يا كبير القوم ؟

الغياب شيطانو شاطر



و الذين تكاسلو و ما أدراك من هم ، حالتى من بعضهم و حالتهم من بعضى و الباقى علينا دا عين حاسدة و قاصدة عديل كى . الراى كيفنهو يا الحبان؟







النجيضة :


و جبت الإشادة بمداخلة مليانة للطيبان و بمتاوقة الباش




[/align]

















[align=center]...................[/align]

[align=justify]سلااام يا الوليد،
وحبابك ما غريب الدار (مع الإعتذار لمعارضي مايو!)

أنت من الناس البيكتبوا، عن أي موضوع، بمزااااج وتسيّح مخّو،
رغم إنّك مُقِل في مواضيعك وتكتفي، في كثير من الأحيان، بالمداخلات في المواضيع المطروحة.
بس برضو قبلانييين وراضيييين، لأنّو مداخلاتك دي، بتسوى موضوع/مواضيع بحالها.
هسّع عليك الله زي الكتابة الحبّرتها فوق دي، في زول عاقل بيجي يقدر يقول أزيد لي فيها حرِف؟
والله إلاّ زولاً مجنون وللاّ واحداً عاضّيهو كلِب!

دحين أنا ياخوي ما زلت بكامل قواي العقليّة . .
وكنت، وما زلت، أبعد من درب الكِلاب قدر المستطاع.
فــ . .
شوف غيري.

على جنب:
والله ما تتخيّل فرحتي كيف برجعتك دي،
لو عرفت مقدارا يا الوليد، ما بتغيب تاني . .
يا مؤمِن "في كل كبدٍ رطبةٍ أجرُ". [/align]

[ناصر يوسف]

[align=right]وما زلنا في إننتظار أقلام أحببناها

وما زلنا نحبها

ونحلم بعودتها إلي هُنا



فهلا ؟؟ [/align]

[مي هاشم]

dear members

back to my home with love

[عكــود]

المشاركة الأصلية كتبت بواسطة ناصر يوسف

[align=right]وما زلنا في إننتظار أقلام أحببناها

وما زلنا نحبها

ونحلم بعودتها إلي هُنا



فهلا ؟؟ [/align]

حلمك ده ساعدو بجكّة تلفونات يا ناصر.

سلام يا حبيب.

[عكــود]

المشاركة الأصلية كتبت بواسطة مي هاشم

dear members

back to my home with love

البوست جاب . .
والله جاب!

مي هاشم لمن لا يعرفونها . .
الفنّانة التشكيلية (من تصميماتها، غلاف ديوان شبّاك الحنين - معتصم الطاهر)
الشاعرة المتمكنّة في علم العروض
الصوفية المتبتّلة
صاحبة القلم الرشيق
البديهة الحاضرة
خفيفة الظل والروح

حبااابك يا مي . .
حتى ولو بالإنجليزي لامِن الله يفرجها عليك بكي بورد عربي . .
فتطربينا.

[نزار حسن علي]

الرجل البهئ
عكود
سلام من الله لك وللاسرة الكريمة
يا سيدي والله في السودان صادفت كثيرين من اعضاء سودانيات وبالنت وبالتلفون وعن سر انقطاعهم تجد الاجابه بانه ليس لديهم رد على هذا الانقطاع واغلبهم يدخلوا ويخرجوا والغالبية قالت مانعن الشديد القوى يعني انا اقتنعته بمبرراتهم لما تكون عايش معاهم وقريب منهم تعذرهم انا تقريبا برسل كل شهر حوالي اربعين رسالة للناس القدامى الغريبة بردوا لية في الايميل وليس في الخاص والله تحترم سر انقطاعهم
مودتى بلا حدود

[ناصر يوسف]

المشاركة الأصلية كتبت بواسطة مي هاشم

dear members

back to my home with love

[align=right]أيوي يوي يوي يوي

يوووووووووووووووووووووووووووووي



بركه الجيتي عسل إنتي نان وبسكويتي {بالشايقي لزوم القافية وكدي}


حوووووووووووووووووولا


بت عمنا هاشم ، إنتي جيتي ؟؟؟


حباااااااااااااااااااااااااب عودة قلمك المشتاقين ليه لينا سنين


هو بالله التأهل داك بيسويي كدي ؟؟



حبابك تب يا بت العم

والجابك يجيب باقينا من أهل وأحباب [/align]

[ناصر يوسف]

المشاركة الأصلية كتبت بواسطة نزار حسن علي

الرجل البهئ
عكود
سلام من الله لك وللاسرة الكريمة
يا سيدي والله في السودان صادفت كثيرين من اعضاء سودانيات وبالنت وبالتلفون وعن سر انقطاعهم تجد الاجابه بانه ليس لديهم رد على هذا الانقطاع واغلبهم يدخلوا ويخرجوا والغالبية قالت مانعن الشديد القوى يعني انا اقتنعته بمبرراتهم لما تكون عايش معاهم وقريب منهم تعذرهم انا تقريبا برسل كل شهر حوالي اربعين رسالة للناس القدامى الغريبة بردوا لية في الايميل وليس في الخاص والله تحترم سر انقطاعهم
مودتى بلا حدود

[align=right]الزول الحبيب

نزار

كيفنهو حالك



ونحن أيضاً معك

نحترم أسباب غيابهم


بيد أنه قد طاااااااااااااال أمده


فقلنا فلننادي عليهم


لعَلّ وعسي

وهنيئاً لنا بعودتها


مي هاشم


وحتماً سيعود آخرين [/align]

[الجيلى أحمد]

dear members

back to my home with love

عودآ حميدآ يامى

وافتقدناك كثيرآ


ياعكود
بدأنا نجنى ثمرات نداؤك

[أبومناهل]

العمدة / عكود

أين كنت تخبئ هذا الترياق الذي أعاد الحياة إلى سودانيات
فأصبحت تنبض بالحياة هكذا . .

شكراً لك ولفريق الإنعاش ( ناصر ، الجيلي ، الباش )

مراحب : مي ، نزار ، الوليد عمر ، وبقية العقد

ونرفع النداء عالياً

تكه :

ياناصر لاحق الشاب الكسلان ( مايم )

والعريس ( الرباطابي ) وده بالذات مديون لسودانيات بالكثير

[ناصر يوسف]

المشاركة الأصلية كتبت بواسطة أبومناهل

العمدة / عكود

أين كنت تخبئ هذا الترياق الذي أعاد الحياة إلى سودانيات
فأصبحت تنبض بالحياة هكذا . .

شكراً لك ولفريق الإنعاش ( ناصر ، الجيلي ، الباش )

مراحب : مي ، نزار ، الوليد عمر ، وبقية العقد

ونرفع النداء عالياً

تكه :

ياناصر لاحق الشاب الكسلان ( مايم )

والعريس ( الرباطابي ) وده بالذات مديون لسودانيات بالكثير

[align=right]والله يا أبو مناهل

شباب الخرطوم ديل

كرهوني العيشه زاتها



في لحظة كتابة هذه المداخله


أنا بتكلم عبر الماسينج

ر مع أحد الأحباب من الأهل

من بورداب الخرطوم


وفي نقاش حااااااااااااااااااااااار

حول أمر العودة


لأنو جُزء من ناس الخرطوم


عندهم كثير من الآراء حول إمكانية العودة لسودانيات


وما زال النقاش قااااااااائماً



بس صبركم علي شوية


والفيها الخير ربنا بيسويها [/align]

[معتصم الطاهر]

المشاركة الأصلية كتبت بواسطة الوليد عمر

[align=center]...................[/align]





[color=#0000FF][align=right]


[U]
النجيضة :


و جبت الإشادة بمداخلة مليانة للطيبان و بمتاوقة الباش




[/align]



[align=center]...................[/align]

الله يا وليد

افتقدتك

ياخ دى براها سندة بطن المشوار

أحبك ياخ ..

[معتصم الطاهر]

المشاركة الأصلية كتبت بواسطة مي هاشم

dear members

back to my home with love

مى هنا ..

تطل كما يطل الربيع ..

قلمها غصن أخضر ..

و ريشتها فريع سيسبان ..

وقلبها حديقة ..

و لوحتها انفعالاتنا ..

تغيب و نحن المقصرين ..

نحبها و تحبنا .. و يحب يراعها صفحاتنا ..

[خالد الحاج]

العمدة سلام....
مي ، نزار ، الوليد عمر ...
سعيد بيكم والله ..
حبابكم ألف...

[لنا جعفر]

وليد سلاااام ياصاحبي
مي هاشم نورتي الدنيا كلها
طوّلت من الطلة ياوليد وبشكل حقيقي افتقدك
كنت بلقاك هناك وفجأة انقطعنا
كيف اخبارك؟؟
سودانيات بيتك ياوليد زبيتنا كلنا
تعال انا وانت نسيب العقوق
مي مشتاقين لي طلتك والله
سعيدة بيكم ياوليد ومي
انتو نزار ده كان مع المختفين؟؟
مااظن...
كيفنك يانزار....
وكيف الحجة؟؟
اعذرني لكن والله مزنوقة
محبتي ليكم
وياعكود طول عمرك كبير