راكوبة المجادعات.. النمة والدوباي

[مي هاشم]

المشاركة الأصلية كتبت بواسطة معتصم الطاهر

الليلى البريق فتّح على جروحي
ذكرنى النبي والروضة أم نعيما فوحي
إن ما زرت بيتو و ابكاى و نوحي
صليت ليتو يسمع نجواى وبوحي

ألف على الحبيب ..

صلاتك واصلة تب والسلام مسموع
الواحده منك بي عشرة في المجموع
أكان قايم أو قاعد ولو مضجوع
اذكرو لا شك ذكرك هناك مرفوع


صلى الله عليه وسلم

[طارق صديق كانديك]

المشاركة الأصلية كتبت بواسطة سارة

تنهيدك الم ..من قلبى ما دايراهو

يا نسل الملوك..طرفى المنام جافاهو

شفتك لى شفى من الكريم راجياهو

لا تطول عليى حقق لقلبى مناهو

قلبك يا ام عفاف أحمد ربنا السواهو
مليان بالمحنة وعقباً يلولي بهاهو
يا بت الكرام .. نورك شلع ضواهو
زهرالأقحوان السال نداك غطاهو

[طارق صديق كانديك]

المشاركة الأصلية كتبت بواسطة مي هاشم

يبرد حشاك ربي وفي الحرم تنجم
ويديك الكريم من جودو فيض وكرم
كل قساي اليهون والنقيص ينتم
لا تتعب دنى لا آخرتك تندم

قول آمين...

آآآآآآمين يا مي ولك مثلها

**

شاحد الله الكريم مي بالحرم تتلم
تقدل في الصحن تشرب من الزمزم
وتقبلي الحجر المن يومو ما اتهدم
بي بركة يس والفاتحة وجزء عم


ما تنسينا من دعواتك بعدين ...

[طارق صديق كانديك]

المشاركة الأصلية كتبت بواسطة مي هاشم

الحاميني المنام وبكّى طرفي سِهِر
والعذب رويحتي وقلبي منو فِتِر
من نفحات رويحتو وطيب شذاه سِكِر
ما بحمل بعادو أكان قريب بشِبِر

السهر المبكي عين الطريف الحائر
الروح والبدن لازمات معاهو دوائر
الشال المنام رقد صبرنا ( فطائر)
ممشوق القوام يسلم خديدو النائر

[احمد زين]

المشاركة الأصلية كتبت بواسطة طارق صديق كانديك

السهر المبكي عين الطريف الحائر
الروح والبدن لازمات معاهو دوائر
الشال المنام رقد صبرنا ( فطائر)
ممشوق القوام يسلم خديدو النائر

شنو يا اخوي نحن مساهرين الليل كله نحاحي في الدوباي لامن رقدنا رز ... وانت نايم ومرطب عشان تجي تغلبنا بالمِنْجَم
اصبر لي الناخد لي نومة واجيك
ولا اقول ليك نوم ذاتو ما عايز الّا اديك واحدة .... هيييييعععععععع انا اخوك يا عادل عسوم

[احمد زين]

كِتِر سهري العلي والنوم زمان جافيتو
حَتْ صاحبي العزيز الليلة تب خليتو
طابق البوخة داك الفي غناي عنيتو
زي تمر المدينة المنسدل في صبيتو


ارح

[طارق صديق كانديك]

المشاركة الأصلية كتبت بواسطة أحمد محمد زين حسين

شنو يا اخوي نحن مساهرين الليل كله نحاحي في الدوباي لامن رقدنا رز ... وانت نايم ومرطب عشان تجي تغلبنا بالمِنْجَم
اصبر لي الناخد لي نومة واجيك
ولا اقول ليك نوم ذاتو ما عايز الّا اديك واحدة .... هيييييعععععععع انا اخوك يا عادل عسوم

ههههههههه

ازيك يا دكتور .. !!

نظام ويكند وكده الراحة واجبة ياخ .. برانا راقدين خل ... !!

أحييك وأحي عبرك عزيزنا ود عسوم ... !!

لبيك ... !!

[طارق صديق كانديك]

المشاركة الأصلية كتبت بواسطة أحمد محمد زين حسين

كِتِر سهري العلي والنوم زمان جافيتو
حَتْ صاحبي العزيز الليلة تب خليتو
طابق البوخة داك الفي غناي عنيتو
زي تمر المدينة المنسدل في صبيتو


ارح

أبشر بالخير ... !!:D





ود الزين أخوي ليلي انطبق حاحيتو
بت مع النجوم طيف الحبيب ناجيتو
أكرف للمسك ألمي العلي داويتو
لمن ديكي صاح شفتا العذاب خاويتو

[احمد زين]

المشاركة الأصلية كتبت بواسطة طارق صديق كانديك

أبشر بالخير ... !!:D





ود الزين أخوي ليلي انطبق حاحيتو
بت مع النجوم طيف الحبيب ناجيتو
أكرف للمسك ألمي العلي داويتو
لمن ديكي صاح شفتا العذاب خاويتو

ود كانديك اخوي واللهِ كتر خيرك
بتعرف للنظم دايما جميل تعبيرك
الرأي السديد نلقاهو في تفكيرك
والكايس الكعب يمشي ويفتش غيرك

[طارق صديق كانديك]

المشاركة الأصلية كتبت بواسطة أحمد محمد زين حسين

ود كانديك اخوي واللهِ كتر خيرك
بتعرف للنظم دايما جميل تعبيرك
الرأي السديد نلقاهو في تفكيرك
والكايس الكعب يمشي ويفتش غيرك

الزول ان سخى متلك بلاقي نظيرو
في الليل والنهار دايما عفيف تعبيرو
قرآن الفجر تاليهو بي تدبيرو
فيك الحكمة فيك الشكرة فيك تاويلو

[طارق صديق كانديك]

الليلة البريق زحزح فؤادي الهادي
يشلع يرمي في ساعتو انبهل حدادي
غرّق .. والبهم جقلب هناك بي غادي
زي فرح الوليدات يومن يشيل عبادي

[فيصل سعد]

[align=center]

سلام يا اهل الراكوبة و شوق ..

الحال العلي حال العدو المسكين
وحال الكتفوهو وسالين علي السكين
وحال الفي البحر يحايشنو تمساحين
وحال الفي السجن ما قدرولو سنين

اه يا ريت السعادة أن بقت ايدية
كنت اهش هني في الدنيا بالذندية
علي حكمو ناس بالسيئة وطلبو الدية
أموت بالعطش والموية بين ايديا

ريا عليا قاسية وجايرة في التفنين
اه يا ربي ارحم صبري امسى ضنين
إمحق دي السنة ربي الحليم وحنين
وإخصم من حياتي رضيت بعشرة سنين

كيف أنا اعيش وصبري ولى مودع
وسببي الرخرخ القام من صغير متفدع
جنيت وجني جن وحالي اصلو مبدع
اهج شقيش افج فاضل لي تاني اجدع

و مدد يا
طارق صديق مدد [/align]

[بابكر مخير]

المشاركة الأصلية كتبت بواسطة معتصم الطاهر

نست يوم كنا الشعر و هي غلاف أسفارى ..

يا مان
إت كلامك براهو شعر جميل شكل والوان
بالله لا تقول دآ تأريخ ولى وليهو زمان
كل شيتك يابا حلو مرسوم التقول بريشة الفنان

[طارق صديق كانديك]

المشاركة الأصلية كتبت بواسطة فيصل سعد

[align=center]

سلام يا اهل الراكوبة و شوق ..

كيف أنا اعيش وصبري ولى مودع
وسببي الرخرخ القام من صغير متفدع
جنيت وجني جن وحالي اصلو مبدع
اهج شقيش افج فاضل لي تاني اجدع

و مدد يا
طارق صديق مدد [/align]

وعليكم السلام والرحمة ...

فيصل ود سعد كيفك يا جميل ... !!

الحنضل صعب فرتق حشاي أتصدع
من ولهي العلي جرعتو من المنبع
الشال منامي وعين الحسود تتهجع
ضقتا الويل ضقتا الكي فوق اللصبع

[طارق صديق كانديك]

المشاركة الأصلية كتبت بواسطة فيصل سعد

[align=center]

و مدد يا
طارق صديق مدد [/align]

ود سعد الأصيل هيج على آلامي
جزعنا الصبر صعبت معاو احلامي
ماسكين الدرب لامن نصل ما نعاني
والكبسيبة جد فيها البرئ والجاني