اقتباس:
المشاركة الأصلية كتبت بواسطة عكــود
[align=justify]سلام يا بت الشيخ
سلام يا شباب
ياخوانّا بت الشيخ دي ساعة تقول رايها في زول (كان أعوج كان عديل) بيكون ياهو رايها دون مكياج، وأسألوني أنا . . إشتغلت معاها وخابرها.
أسامة أحمل له كثير من الإحترام وعلى يقين بأنّه إضافة حقيقية لسودانيات وبمثله ترتقي المنتديات وتلعب دور مؤثّر.
أتمنّى وجوده في طاقم الإدارة وبرضو أتمنّى وجود شبارقة وأعلم تماماً بأن وجودهم في الإدارة سيضيف الكثير.
بالمناسبة، أنا لغاية هسّع ما إنتخبت والسبب الحيرة، كلما أخت أربعة في راسي، يبنقروا (دي أسألوا منها شبارقة) الأتنين الباقين. الظاهر آخرتها حأدّي الستّة وأخلص.
سلام ليك يا آمال وللمتداخلين جميعاً.
وكل التقدير لأسامة.
وبالمناسبة دي إزيّك يا كيشو.[/align]
|
حباب العمدة
ازيك ياعكود
والتحتا خط دي وصلتني
ومقبولة منك
اتشرفت جدا يابوذر بالعمل معاك وتجربة المجلس كانت بالفعل مميزة
واتمني ليكم في الدورة القادمة كل التوفيق
ومزيد من التقدم لاجل مشروع سودانيات التواصل والمحبه
لك ماتعلمه من مودة واحترام
وفكرة هذا البوست قائمة علي رؤية اسامة الكاشف
واسهامه في تطوير وكيفية ادارة المنتدي
واعتقد ان هذا حجر زاوية واضافة اكيدة لمجلس الادارة
وسبب مقنع جدا لحث الناس لاختيار المرشح المعني
واضاءة في مصلحة الاختيار الواعي
بالذات لمن تصعبوها علينا كدة
ومانعرف نختار
شكرا عكود
اها بالمناسبة
حاولت الاتصال في العيد
ولم ترد
تحياتي لك ولاسرتك الكريمة
