سعيد راجل عواطف ....

همس الشوق · 25-02-2010, 10:18 AM

[align=right]كان ذلك فى منتصف ثمانينات القرن الماضى وكنا وقتها نأخذ (نصيبنا) من الإغتراب بإحدى دول (البترول)، فى نفس العمارة التى كنا نقطنها كان يسكن صديقنا (سعيد) فى الطابق الأعلى لشقتى التى أسكن فيها حينها. وسعيد هذا ينتمى إلى إحدى القبائل التى تتكسر فى (الزوجة) كسير شديد وتجعل (طلباتها) مستجابة فى (لمح البصر) بل تجعل الزوج كما (الربوت) يسير وهو مبرمج تماماً ... يمين يمين .. شمال شمال .. كان (سعيد) ينصاع إنصياعا تاما لزوجته (عواطف) التى أسميناها (الحكومة)، فما أن يسمع سعيد صوت (الحكومة) وهى تنده له إلا و(يرمى) ورق (الويست) الذى كنا ندمن لعبه فى العطلات ذاهباً نحو مصدر صوتها ملبياً لأوامرها تماماً.

كان سعيد يهيم حباً بزوجته (عواطف) حتى تخال أنها عشيقته فأنت إذا ما قدر الله وذهبت معه للتبضع فى السوق فاجأك قائلاً:

- والله التوب (المشجر) داك أريتو فى (عواطف)!

- شفت (أحفظ مالك) الفى البترينة داك يجنن أنا ح أشتريهو لى عواطف!

فى أحد الأيام وبينما أنا أصعد درجات السلم نحو (شقتى) مروراً بشقة (سعيد) وجدته أمام باب شقته عائداً من (الشغل) وهو يحمل فى يده (بطيخة) وعدداً من (الأكياس) وبعض الصحف والأوراق ونفسو (طالع ونازل) من الشيل.

- مالك يا سعيد واقف متحير؟

- (وهو يشير بنفس مقطوع نحو شقته): الشقة مقفولة والمفتاح جوه مع (عواطف).

- طيب ما تكورك ليها!

- لا .. لا .. ما أصلو هى قاعدة محننة.

- ويعنى شنو؟ ما تخليها تطلّع الحنة وتجى تفتح ليك.

- كيفن تجى تفتح ليا أكان جات فتحت ليا حنتا ما بتبوظ! قالت ليا إنتظر الحنة لامن تشيل و(اخرتا) حتين أجى أفتح ليك!

- وأنت هسه قاعد راجى حنة عواطف لامن تشيل ليك بعد ساعتين؟

- ساعتين شنو؟ فى أقل من ساعة ح تشيل.. دى أصلو (حنة التاج) جايبا ليها أنا (من السودان) مع الشاف والطلح والمحلبية (نمرة واحد) أصلية (ميسو) ... أنا حاجات (عواطف) دى ما بلعب فيها كلو كلو!

- طيب خلاص وكت ما عايزها (تفرتق) حنتا تعال أطلع معاى فوق فى الشقة لحدت ما (حنتا) تشيل وتطلعا وتفتح ليك الباب !

وطلع معى (سعيد) إلى شقتى وهو يحمل (البطيخة) وكل تلك الأكياس والأوراق والصحف وما أن جلسنا ورأى علامات الإندهاش على وجهى حتى بادرنى قائلاً :

- كل حاجة ولا بشتنة عواطف دى .. أنا عاوزها لمن تمشى عرس ناس سعاد بت بابكر بعد بكر! ة النسوا ن ديل لمن يتضايرن

- هى لاكن .. أنت كده الوقفة البرة دى عليك ما حارة؟

- لا حارة ولا حاجة أنا كل شئ ولا زعل عواطف دى .. لازم حنتا دى تطلع سمحة وزى سواد الليل!

رفض (سعيد) رفضاً قاطعاً مبدأ ان يتناول معى طعام (الغداء) قائلا لى:

- عواطف دى لو أنا ما أكلت معاها ما بتاكل!

إنقضت حوالى ساعة من الزمان كان يحدثنى فيها (سعيد) عن علاقته الحميمة مع زوجته (عواطف) وكيف أنه حريص على تجنب (زعلها) ودائم العمل على إرضائها كما عرج على موضوع (حنة عواطف) وكيفية اختيارها (للنقشات) وعدد (الحنانات) اللواتى كن يقمن بعملية رسم الحنة لها فى السودان وإختياره للنوع الجيد من (الطلح) والشاف من شاطئ (أبوروف) وأخذه معه (صحبة راكب) فى الطائرة وبعد أن استمعت له قلت له مندهشاً:

- ياخ معقول فى راجل بيهتم بالحاجات دى كده!

- كيفن ما أهتم ؟ دى (عطوفه) ياخ!

- طيب قوم شوف (عطوفة) بتاعتك دى (حنتا شالت)!؟ عشان تدخل الاوراق والملفات الشايلا ليك ساعتين دى!

خرجت مع (سعيد) إتكأ مرة أخرى على الأنبوبة وقال مخاطبا (عواطف) فى رقة زائدة :

- عواطف .. عواطف .. حنتك ما شالت؟

- (جاءه الرد سريعا فى حدة) : ياخى كرهتنا الحنة ذاتا .. ما قلنا ليك لسه ما شالت !إحمر وجه سعيد وإصفر ثم إحمر مرة أخرى ونظر لى مبتسماً وهو يقول :

- عواطف دى مرات كده عندها عصبية زيادة شوية !!! انتهى .[/align]

ايميل وصلني قلنا يكون موضوع نقاش

همس الشوق · 25-02-2010, 10:21 AM

[align=right]كثيره هي نمازج سعيد وعواطف

كثير من الرجل ينقاد وراء زوجته كالبعير

وكثير من النساء يستغلن ضعف الرجل وفرض هيمتنهن عليه

فهل يا ترى النسوان ديل بكون سعيدات بهذا الرجل ؟؟؟[/align]

ام التيمان · 25-02-2010, 10:35 AM

سلامات همس الشوق
اريتة حنتى
اريتو دلعى يا يمه
اريتو كان راجالى كنت اديتو فد صاطور فى راسو و ارتحتة منو
ان شاء الله رجل المابينى العوير .....

نبراس السيد الدمرداش · 25-02-2010, 10:43 AM

يا همسه صباحك خير

يا بتي دا راجل اليابا و التابا
العوير الدلاهة

الراجل موقف و كلمه
و تصرف واخلاق و حكمه

غايتو هو في كترة سعيدين خمي وصري و ادي البحر

همس الشوق · 25-02-2010, 10:50 AM

اقتباس:

المشاركة الأصلية كتبت بواسطة ام التيمان

سلامات همس الشوق
اريتة حنتى
اريتو دلعى يا يمه
اريتو كان راجالى كنت اديتو فد صاطور فى راسو و ارتحتة منو
ان شاء الله رجل المابينى العوير .....

بعد ما بقيت عامله

رجعتي بردتي لي بطني

لا بجد هو في رجال كدا؟؟؟

همس الشوق · 25-02-2010, 10:53 AM

اقتباس:

المشاركة الأصلية كتبت بواسطة نبراس السيد الدمرداش

يا همسه صباحك خير

يا بتي دا راجل اليابا و التابا
العوير الدلاهة

الراجل موقف و كلمه
و تصرف واخلاق و حكمه

غايتو هو في كترة سعيدين خمي وصري و ادي البحر

[align=right]تسلمي يا نبراس
ما بعرف لكن على حسب تقييمي للرجال

دا زااااااااتو ما ممكن أقول عليهو راجل

بجد انا فهمي للرجل .. الموقف والتصرف والشخصية القويه هي التي تميز ر رجل عن رجل
راجل ما عندو شخصية أعمل بيهو شنو

مع عميق إحترامي للرجل السوداني [/align]

همس الشوق · 25-02-2010, 10:55 AM

[align=right]قال شنو ....

عواطف ...... الحنه شالت ...

يا يمه يشيلك النمل يا راجل يا ناقص [/align]

أبوبكر عباس · 25-02-2010, 10:59 AM

همس الشوق
سلامات،،
دي كتابة ساهلة و حكي بسيط و ممتع
يكون جمبل لو عرفتي كاتبها منو؟
عشان تحفظي ليهو حقو الادبي..
شكرا علي قصة:
عواطف راجل سعيد

ام التيمان · 25-02-2010, 11:02 AM

اقتباس:

المشاركة الأصلية كتبت بواسطة همس الشوق

لا بجد هو في رجال كدا؟؟؟

رجال عورا فى ....
لكن رجال بحبو مافى ...

همس الشوق · 25-02-2010, 11:04 AM

اقتباس:

المشاركة الأصلية كتبت بواسطة بابكر عباس

همس الشوق
سلامات،،
دي كتابة ساهلة و حكي بسيط و ممتع
يكون جمبل لو عرفتي كاتبها منو؟
عشان تحفظي ليهو حقو الادبي..
شكرا علي قصة:
عواطف راجل سعيد

[align=right]بابكر عباس
تحياتي

انا كان نفسي اعرف الرجل واعرف سعيد في رقبتوا
لكن انت تعلم انه الايميل بكون مرا بمليون شخص

فعلا عواطف راجل سعيد

نبرا ونستبرا

لكن أيه رايك يا بابكر
معقول في راجل سوداني زي سعيد دا [/align]

همس الشوق · 25-02-2010, 11:05 AM

اقتباس:

المشاركة الأصلية كتبت بواسطة ام التيمان

رجال عورا فى ....
لكن رجال بحبو مافى ...

[align=right]أم التيمان ... تسلمي

إذن نحن متفقين انه دا ما حب ... وإنما عوار زي ما سميتيها

لانه الحب هو الإحترام أولاً وأخيراً

اذا لم تحترم شخص لا تستطيع ان تحبه [/align]

أشتر · 25-02-2010, 11:23 AM

يا همس الشوق .. عليك الله لو سمحتي قولي لسعيد ما اشوف وشّك هنا تاني !!!
سعيد رجل خيخة ... وعواطف مرا بتيخة ...
هو قالو كدا !!! سجم خشم الدنميت وممحقة الكَبَرَيت ...
ديل ناس ساي ياخ !!!
فولوهم الأدبار ... في العتمة أو .. نصّت نهار ..

عادل عسوم · 25-02-2010, 11:41 AM

همس الشوق ياشوق
...
كدي تعالي
انتي الواجعك شنو؟!

سعيد دا مادام مرتاح كدي مالكم عليهو

وبعدين كدي خلونا من سعيد
الزي دة نقول عليو شنو:

اقتباس:

محمد أبوعاقلة
يا همس الشوق .. عليك الله لو سمحتي قولي لسعيد ما اشوف وشّك هنا تاني !!!
سعيد رجل خيخة ... وعواطف مرا بتيخة ...
هو قالو كدا !!! سجم خشم الدنميت وممحقة الكَبَرَيت ...
ديل ناس ساي ياخ !!!
فولوهم الأدبار ... في العتمة أو .. نصّت نهار ..

ياخي مالك ومالو

مرتو وعاجباهو ...وبي حالتا دي
ياخي كدي عرس انت في اللول وبعدين تعال (خوّخ) لينا المعرسين

عالم عجيبة ياخ

أبوبكر عباس · 25-02-2010, 11:48 AM

رحل لفريقنا* و سكن جنب فسحة الدافوري بتاعتنا، سعادة اللواء م: علي بانقا علي.... رجل ليهو شنبات، فارع الطول تحسدو علي مشيتو.... من اليوم الأول جانا قبل الدافوري يبدا و وقفنا طابور و هرشنا و قال لينا: اسمعوا هنا يا صبيان.... إزعاج قبل الساعة خمسة ما دايرو.... كورة بعد المغرب يأذن ما دايرها... و البلقاهو قبل المواعيد دي أو بعدها بكسر ليهو كرعينو الاتنين...
مفهوم..
سبينا ليهو كلنا.. طبعا بسرنا... و طنطنا و قلنا: هو أهم حاجة في الدافوري، المكاواة بعد المغرب، المعفن دا داير يمنعا ليها، هو رجالتو دي ما بمشي يسويها في الجنوب!! لكن نسوي شنو مجبورة خادم الفكي علي الصلاة... و سعادة اللواء بطلع كرسيهو قدام بيتو الساعة خمسة بالتمام معلنا بداية الدافوري و بدخل بيتو مع أذان المغرب..
عشرة أيام بالتمام و الكمال، ما دقنا للدافوري فيها طعم و فكرنا نحول ميدان الدافوري شرقا، لكن أولاد فريق تكاريمو كانوا مشاكلننا و ما بنقدر نمشي للميدان الجنبهم... لعنة الله علي الديش و الدياشة..
اليوم الحداشر جاب الفرج، اليوم داك اللواء ما طلع كرسيهو برة.... قبل الدافوري يبدا قلنا لعثمان مشكلة: الليلة ما بدقها معانا عشان إنت ما دافع.... عثمان مشكلة ما كدب طوالي شال الكورة و شاتها في بيت اللوا و قام جاري..
إتوكلت علي الحي الدائم و مشيت لبيت اللوا عشان أجيب الكورة و قبل ما أدق الجرس، لقيت ليكم الباب متاكا و الكورة بتاعتنا قاعدة مصنقرة براها في نص الحوش، و براحة إدبيت لجوا البيت، و كانت المفاجأة: لقيت ليك سميرة موقفا ليك سعادة اللوا طابور، في نص البرندة، و بتهرش فيهو و صاحبنا بقول ليها: ما خلاص يا سميرة إنتي ما تزعلي و الاهي (و الله) الحاجات دي بكرة بجيبها، و هي تقول ليهو: بكرة شنو! هسي دي هسي تلبس هدومك و تدرع عمتك و من دربك دا تمشي تجيبها... قال ليها حاضر بس إنتي ما تزعلي عشان الضغط...
ختفت الكورة و جري للجماعة، و أطرش ليهم الشمار... عثمان مشكلة سمع الكلام دا من بعيد و طوالي فللي جري بيتم و جاب ليهو صفيحة و اشتغلنا ليهو شغل عبد العزيز بركة:
دياشا.. دياشا.. ووب عليا أنا،
دياشا.. والديش نقلو فتاشة،
كُّر .. كُّرعلي أنا،
و من اليوم داك بقينا نلعب لحدي صلاة العشاء و ما شغالين ليك بسميرة راجل علي دا!!
يتكلم معانا نجيب الصفيحة و نشغل الغنا...

* رحل جنبنا = قدم إلي حيّنا حسب لغة سحاسيح مدني

همس الشوق · 25-02-2010, 11:49 AM

اقتباس:

المشاركة الأصلية كتبت بواسطة محمد أبوعاقلة

يا همس الشوق .. عليك الله لو سمحتي قولي لسعيد ما اشوف وشّك هنا تاني !!!
سعيد رجل خيخة ... وعواطف مرا بتيخة ...
هو قالو كدا !!! سجم خشم الدنميت وممحقة الكَبَرَيت ...
ديل ناس ساي ياخ !!!
فولوهم الأدبار ... في العتمة أو .. نصّت نهار ..

[align=right]أعصابك يا محمد يا أخوي

سعيد هو زاتو ما قاعد ليك ماشي لي عواطف

تصدق انا زاتي محتاره

هو قالو كدا

سجمنا العايزين نعرس [/align]

25-02-2010, 10:18 AM	#[1]
همس الشوق :: كــاتب نشــط::	سعيد راجل عواطف .... [align=right]كان ذلك فى منتصف ثمانينات القرن الماضى وكنا وقتها نأخذ (نصيبنا) من الإغتراب بإحدى دول (البترول)، فى نفس العمارة التى كنا نقطنها كان يسكن صديقنا (سعيد) فى الطابق الأعلى لشقتى التى أسكن فيها حينها. وسعيد هذا ينتمى إلى إحدى القبائل التى تتكسر فى (الزوجة) كسير شديد وتجعل (طلباتها) مستجابة فى (لمح البصر) بل تجعل الزوج كما (الربوت) يسير وهو مبرمج تماماً ... يمين يمين .. شمال شمال .. كان (سعيد) ينصاع إنصياعا تاما لزوجته (عواطف) التى أسميناها (الحكومة)، فما أن يسمع سعيد صوت (الحكومة) وهى تنده له إلا و(يرمى) ورق (الويست) الذى كنا ندمن لعبه فى العطلات ذاهباً نحو مصدر صوتها ملبياً لأوامرها تماماً. كان سعيد يهيم حباً بزوجته (عواطف) حتى تخال أنها عشيقته فأنت إذا ما قدر الله وذهبت معه للتبضع فى السوق فاجأك قائلاً: - والله التوب (المشجر) داك أريتو فى (عواطف)! - شفت (أحفظ مالك) الفى البترينة داك يجنن أنا ح أشتريهو لى عواطف! فى أحد الأيام وبينما أنا أصعد درجات السلم نحو (شقتى) مروراً بشقة (سعيد) وجدته أمام باب شقته عائداً من (الشغل) وهو يحمل فى يده (بطيخة) وعدداً من (الأكياس) وبعض الصحف والأوراق ونفسو (طالع ونازل) من الشيل. - مالك يا سعيد واقف متحير؟ - (وهو يشير بنفس مقطوع نحو شقته): الشقة مقفولة والمفتاح جوه مع (عواطف). - طيب ما تكورك ليها! - لا .. لا .. ما أصلو هى قاعدة محننة. - ويعنى شنو؟ ما تخليها تطلّع الحنة وتجى تفتح ليك. - كيفن تجى تفتح ليا أكان جات فتحت ليا حنتا ما بتبوظ! قالت ليا إنتظر الحنة لامن تشيل و(اخرتا) حتين أجى أفتح ليك! - وأنت هسه قاعد راجى حنة عواطف لامن تشيل ليك بعد ساعتين؟ - ساعتين شنو؟ فى أقل من ساعة ح تشيل.. دى أصلو (حنة التاج) جايبا ليها أنا (من السودان) مع الشاف والطلح والمحلبية (نمرة واحد) أصلية (ميسو) ... أنا حاجات (عواطف) دى ما بلعب فيها كلو كلو! - طيب خلاص وكت ما عايزها (تفرتق) حنتا تعال أطلع معاى فوق فى الشقة لحدت ما (حنتا) تشيل وتطلعا وتفتح ليك الباب ! وطلع معى (سعيد) إلى شقتى وهو يحمل (البطيخة) وكل تلك الأكياس والأوراق والصحف وما أن جلسنا ورأى علامات الإندهاش على وجهى حتى بادرنى قائلاً : - كل حاجة ولا بشتنة عواطف دى .. أنا عاوزها لمن تمشى عرس ناس سعاد بت بابكر بعد بكر! ة النسوا ن ديل لمن يتضايرن - هى لاكن .. أنت كده الوقفة البرة دى عليك ما حارة؟ - لا حارة ولا حاجة أنا كل شئ ولا زعل عواطف دى .. لازم حنتا دى تطلع سمحة وزى سواد الليل! رفض (سعيد) رفضاً قاطعاً مبدأ ان يتناول معى طعام (الغداء) قائلا لى: - عواطف دى لو أنا ما أكلت معاها ما بتاكل! إنقضت حوالى ساعة من الزمان كان يحدثنى فيها (سعيد) عن علاقته الحميمة مع زوجته (عواطف) وكيف أنه حريص على تجنب (زعلها) ودائم العمل على إرضائها كما عرج على موضوع (حنة عواطف) وكيفية اختيارها (للنقشات) وعدد (الحنانات) اللواتى كن يقمن بعملية رسم الحنة لها فى السودان وإختياره للنوع الجيد من (الطلح) والشاف من شاطئ (أبوروف) وأخذه معه (صحبة راكب) فى الطائرة وبعد أن استمعت له قلت له مندهشاً: - ياخ معقول فى راجل بيهتم بالحاجات دى كده! - كيفن ما أهتم ؟ دى (عطوفه) ياخ! - طيب قوم شوف (عطوفة) بتاعتك دى (حنتا شالت)!؟ عشان تدخل الاوراق والملفات الشايلا ليك ساعتين دى! خرجت مع (سعيد) إتكأ مرة أخرى على الأنبوبة وقال مخاطبا (عواطف) فى رقة زائدة : - عواطف .. عواطف .. حنتك ما شالت؟ - (جاءه الرد سريعا فى حدة) : ياخى كرهتنا الحنة ذاتا .. ما قلنا ليك لسه ما شالت !إحمر وجه سعيد وإصفر ثم إحمر مرة أخرى ونظر لى مبتسماً وهو يقول : - عواطف دى مرات كده عندها عصبية زيادة شوية !!! انتهى .[/align] ايميل وصلني قلنا يكون موضوع نقاش
همس الشوق :: كــاتب نشــط::	التوقيع: [frame="1 80"]أنا إمراة لا أنحنى لكى ألتقط ماسقط من عينى ابداً[/frame]

25-02-2010, 10:21 AM	#[2]
همس الشوق :: كــاتب نشــط::	[align=right]كثيره هي نمازج سعيد وعواطف كثير من الرجل ينقاد وراء زوجته كالبعير وكثير من النساء يستغلن ضعف الرجل وفرض هيمتنهن عليه فهل يا ترى النسوان ديل بكون سعيدات بهذا الرجل ؟؟؟[/align] التعديل الأخير تم بواسطة همس الشوق ; 25-02-2010 الساعة 11:00 AM.
همس الشوق :: كــاتب نشــط::	التوقيع: [frame="1 80"]أنا إمراة لا أنحنى لكى ألتقط ماسقط من عينى ابداً[/frame]

25-02-2010, 10:35 AM	#[3]
ام التيمان :: كــاتب نشــط::	سلامات همس الشوق اريتة حنتى اريتو دلعى يا يمه اريتو كان راجالى كنت اديتو فد صاطور فى راسو و ارتحتة منو ان شاء الله رجل المابينى العوير .....
ام التيمان :: كــاتب نشــط::

25-02-2010, 10:43 AM	#[4]
نبراس السيد الدمرداش :: كــاتب نشــط::	يا همسه صباحك خير يا بتي دا راجل اليابا و التابا العوير الدلاهة الراجل موقف و كلمه و تصرف واخلاق و حكمه غايتو هو في كترة سعيدين خمي وصري و ادي البحر
نبراس السيد الدمرداش :: كــاتب نشــط::	التوقيع: اذا جاء نصر الله والحب ورأيت الورد في الطرقات يمنحك الامان فاشرع سفينتك العتيقة وامنح الياقوت وجهك وانتظر فرح الزمان عصام عبدالسلام

25-02-2010, 10:55 AM	#[7]
همس الشوق :: كــاتب نشــط::	[align=right]قال شنو .... عواطف ...... الحنه شالت ... يا يمه يشيلك النمل يا راجل يا ناقص [/align]
همس الشوق :: كــاتب نشــط::	التوقيع: [frame="1 80"]أنا إمراة لا أنحنى لكى ألتقط ماسقط من عينى ابداً[/frame]

25-02-2010, 10:59 AM	#[8]
أبوبكر عباس :: كــاتب نشــط::	همس الشوق سلامات،، دي كتابة ساهلة و حكي بسيط و ممتع يكون جمبل لو عرفتي كاتبها منو؟ عشان تحفظي ليهو حقو الادبي.. شكرا علي قصة: عواطف راجل سعيد
أبوبكر عباس :: كــاتب نشــط::

25-02-2010, 11:23 AM	#[12]
أشتر :: كــاتب نشــط::	يا همس الشوق .. عليك الله لو سمحتي قولي لسعيد ما اشوف وشّك هنا تاني !!! سعيد رجل خيخة ... وعواطف مرا بتيخة ... هو قالو كدا !!! سجم خشم الدنميت وممحقة الكَبَرَيت ... ديل ناس ساي ياخ !!! فولوهم الأدبار ... في العتمة أو .. نصّت نهار ..
أشتر :: كــاتب نشــط::

25-02-2010, 11:48 AM	#[14]
أبوبكر عباس :: كــاتب نشــط::	رحل لفريقنا* و سكن جنب فسحة الدافوري بتاعتنا، سعادة اللواء م: علي بانقا علي.... رجل ليهو شنبات، فارع الطول تحسدو علي مشيتو.... من اليوم الأول جانا قبل الدافوري يبدا و وقفنا طابور و هرشنا و قال لينا: اسمعوا هنا يا صبيان.... إزعاج قبل الساعة خمسة ما دايرو.... كورة بعد المغرب يأذن ما دايرها... و البلقاهو قبل المواعيد دي أو بعدها بكسر ليهو كرعينو الاتنين... مفهوم.. سبينا ليهو كلنا.. طبعا بسرنا... و طنطنا و قلنا: هو أهم حاجة في الدافوري، المكاواة بعد المغرب، المعفن دا داير يمنعا ليها، هو رجالتو دي ما بمشي يسويها في الجنوب!! لكن نسوي شنو مجبورة خادم الفكي علي الصلاة... و سعادة اللواء بطلع كرسيهو قدام بيتو الساعة خمسة بالتمام معلنا بداية الدافوري و بدخل بيتو مع أذان المغرب.. عشرة أيام بالتمام و الكمال، ما دقنا للدافوري فيها طعم و فكرنا نحول ميدان الدافوري شرقا، لكن أولاد فريق تكاريمو كانوا مشاكلننا و ما بنقدر نمشي للميدان الجنبهم... لعنة الله علي الديش و الدياشة.. اليوم الحداشر جاب الفرج، اليوم داك اللواء ما طلع كرسيهو برة.... قبل الدافوري يبدا قلنا لعثمان مشكلة: الليلة ما بدقها معانا عشان إنت ما دافع.... عثمان مشكلة ما كدب طوالي شال الكورة و شاتها في بيت اللوا و قام جاري.. إتوكلت علي الحي الدائم و مشيت لبيت اللوا عشان أجيب الكورة و قبل ما أدق الجرس، لقيت ليكم الباب متاكا و الكورة بتاعتنا قاعدة مصنقرة براها في نص الحوش، و براحة إدبيت لجوا البيت، و كانت المفاجأة: لقيت ليك سميرة موقفا ليك سعادة اللوا طابور، في نص البرندة، و بتهرش فيهو و صاحبنا بقول ليها: ما خلاص يا سميرة إنتي ما تزعلي و الاهي (و الله) الحاجات دي بكرة بجيبها، و هي تقول ليهو: بكرة شنو! هسي دي هسي تلبس هدومك و تدرع عمتك و من دربك دا تمشي تجيبها... قال ليها حاضر بس إنتي ما تزعلي عشان الضغط... ختفت الكورة و جري للجماعة، و أطرش ليهم الشمار... عثمان مشكلة سمع الكلام دا من بعيد و طوالي فللي جري بيتم و جاب ليهو صفيحة و اشتغلنا ليهو شغل عبد العزيز بركة: دياشا.. دياشا.. ووب عليا أنا، دياشا.. والديش نقلو فتاشة، كُّر .. كُّرعلي أنا، و من اليوم داك بقينا نلعب لحدي صلاة العشاء و ما شغالين ليك بسميرة راجل علي دا!! يتكلم معانا نجيب الصفيحة و نشغل الغنا... * رحل جنبنا = قدم إلي حيّنا حسب لغة سحاسيح مدني التعديل الأخير تم بواسطة أبوبكر عباس ; 26-02-2010 الساعة 07:18 AM.
أبوبكر عباس :: كــاتب نشــط::