سيــد الكــارو والتسويق السياســي ( يوجد اعجــاب )

[بدر الدين اسحاق احمد]

بوســت افترعــته مــن قبل فى فضاء اسفيرى اخر ..


__________________


بتــاع كــارو يلتحــف بالشجرة شعار المؤتمر الوطنــى ...

ويرفــع صــورة البشير ...


مـن علم هــذا الرجــل تحديــات بلادنــا ؟

مـن وجــه هــذا الرجــل لرفــع الشعار ؟

مــن ومــن ومــن ...

والذى انــا مؤمــن بــه ان لا احــد مـن المؤتمر الوطنــى يعرف هـذا الرجـــل .



الناس دى تعبت معاى ..

[بدر الدين اسحاق احمد]

بتــاع الكــارو ..

قطــع شــك لــم يسمــع بالنضــال والمناضليــن .

قطع شـك لا يعنيــه كل القادة السياسيين فى اى شــئ .

قطع شــك لــم يسمــع بالمقاطعــة للانتخابات .

ومــع كــل ذلــك لا نختلـف ان لــه وعــئ بالمشهــد السودانــى

فهو ابن هــذا الشعــب .



ود ميــلاد هــاك

[بدر الدين اسحاق احمد]

لا ينصــت الا لنفســـه ...

فهو يمتلك كل فضاء الوطــن ...


السؤال ما هو الشئ الــذى يعجبــه فى مطلوب لاهـاى عمر البشير ؟



اميــرى كمــان هــاك

[بدر الدين اسحاق احمد]

هــو يعلــم مــن هــو الرمــز الذى اختارهــو لنفســه ...

لكنـه يمارس فى ارقــى انواع الاتصــال السياسي يسـوق سياسيا فى رمــزهـ ..


لقــد اتعبــت ناس المؤتمر الوطنـى ايها الاغبــش بكل هــذا التجرد

لان فيهم من ليــس بتجردك وصدقـك ...




ده هديـة ليــك يا ريـس خالد ود الحاج ..


شكر ليــك على اتاحــة المعرفــة وشكرليــك على الفضــاء ...

[أميرى]

يابدر هدية الخال دي بالحبر السري ولا شنو

ـــــــ
من الصور يتضح الآتي:
عربية بدر ماشة في الطريق الترابي
الشارع دة اتجاه واحد ولا شنو!!
الكارو بدون لوحات (ما مرخص ولا شنو!!)
قماشة شعار المؤتمر بتجي ليها زي مترين وشوية
بتعمل عراقي وسروال بي تكتو بي مزاااج

ـــــــ
من سرق أحلامهم

[أسامة معاوية الطيب]

وبدرالدين اتعلم ينزل الصور ...
علموهو ينزل الفيديو ينوبكم ثواب
علموهو ...

[زول الله]

المشاركة الأصلية كتبت بواسطة بدر الدين اسحاق احمد

بتــاع الكــارو ..
قطــع شــك لــم يسمــع بالنضــال والمناضليــن .
قطع شـك لا يعنيــه كل القادة السياسيين فى اى شــئ .
قطع شــك لــم يسمــع بالمقاطعــة للانتخابات .
ومــع كــل ذلــك لا نختلـف ان لــه وعــئ بالمشهــد السودانــى
فهو ابن هــذا الشعــب .

بدر الدين سلامات
قطوعات الشك بتاعتك البتشبه قطوعات الكهرباء دي خليها على جمبة
انت القال ليك منو الزول دا لايعنيه القاده السياسيين في أي شيء ؟
لعلمك - وانت عارف - أهلنا الغُبش من أكثر الناس وعياً في الامور السياسية والحياتية عامة
وكونو سيد كارو فـ هذا لايعني ماكتبته أعلاهـ ولا يدل على جهل أو عدم تعليم أو شهادات
قد نجده مهندساً مدنياً لم يفتح الله عليه - بسبب إنقاذكم - أي مجال وظيفي فإمتهن الكارو ستراً للحال
إستأجرتُ ذات يوم أحدهم لترحيل بعض الكرور فوجدته معلماً للمرحلة الثانوية فـ إحترمته وإحتقرتني
هنا أحترم عمله كـ سيد كارو وأحترم جداً تمسكه بإنتمائه السياسي مع تحفظي على الحركة الساويها.









اقول قولي هذا واستغفر الله لي ................

[بابكر مخير]

بدروف الحبيب
أنا شمتااااااااااااااااان
شفتا الشباب هنا
مسخوا ليك نزيل الصور
غايتهو أملك في أنهو
زولك ينزل والعالم ترضآ وتنبسط

[بابكر مخير]

المشاركة الأصلية كتبت بواسطة أميرى

يابدر هدية الخال دي بالحبر السري ولا شنو

ـــــــ
من الصور يتضح الآتي:
عربية بدر ماشة في الطريق الترابي
الشارع دة اتجاه واحد ولا شنو!!
الكارو بدون لوحات (ما مرخص ولا شنو!!)
قماشة شعار المؤتمر بتجي ليها زي مترين وشوية
بتعمل عراقي وسروال بي تكتو بي مزاااج

ـــــــ
من سرق أحلامهم

الإبن الحبيب أميري

أكان "ترابي" ولا غيرهو
ياهو "شارع" الإنقاص
وزلنا الفي الصورة يكونو "كرهوو" (بلصآ يعني)
وبقوهو "كرور" وروحهو مكركرآ
وعمتهو قلعوها خلوا راسهو
شالوا طاستهو وبقوها كورا مكورآ
يضقلوا بيها..
واللعبة؟؟
دايرآ ومدورآ

[رأفت ميلاد]

المشاركة الأصلية كتبت بواسطة بدر الدين اسحاق احمد

بتــاع الكــارو ..

قطــع شــك لــم يسمــع بالنضــال والمناضليــن .

قطع شـك لا يعنيــه كل القادة السياسيين فى اى شــئ .

قطع شــك لــم يسمــع بالمقاطعــة للانتخابات .

ومــع كــل ذلــك لا نختلـف ان لــه وعــئ بالمشهــد السودانــى

فهو ابن هــذا الشعــب .



ود ميــلاد هــاك

مع إحترامى لسواق الكارو والسكران .. أنقل ليك نكتة حكاها لى بكور

المشاركة الأصلية كتبت بواسطة بابكر مخير

مر سكران أمام مقر المؤتمر الوطني الخرطوم وهو يترنح ، فتصدى له الحرس ليقودوه لبسط الأمن الشامل القريب ، فما كان من السكران إلا والهتاف بصوت عالي :
سير سير يا بشير
يسقط يسقط أوكامبو
الرد الرد كباري وسـد

طلع واحد من مبني المؤتمر الوطني وبعد أن عرف الحاصل أمر العساكر بإطلاق سراح الرجل ، ومنحه مبلغ مليون
إلتفت السكران لأقرب تاكسي ، وركب في المقعد الخلفي .
سائق التاكسي : علي وين يا أخونا .
السكران : المؤتمر الوطني بحري....

بتاع الكارو بكون ما عنده حق النفايات .. وبى توبه (المجانى) ده بشق أكبر نقطة تفتيش ..

سؤال ؟؟
هسة النسوان اللابسات التوب اللونو أخدر بالشجرة .. بعد الإنتخابات بسون بيه شنو؟ .. والله إلا يمسحن بيه الدوكة ..
قالوا تمنه من جباية النفايات .. يا ربى طرحة سواق الكارو برضو؟ .. ولا دى من تراخيص ستات الشاى

عالم ما تستحى

[بابكر مخير]

بالغتا الحبيب بدروف
قزاز عربتك القدامي دآ
ما تغيرهو..
في الاول كنتا قايلهو قمر إصطناعي بتاع الامريكان لمراقبة سير عملية الانتخابات حسب منفعة المؤتمر..
لكن في الاخير وقع ليا أنه شق في القزاز
وحسب خبرتي كخبير في المختبرات الجنائية وبعد إذن مدير عام الشرطة الحالي "هو أصلن كان خبير الآت" وصلت الي إستنتاجات..
1 يكون سيد الكآرو، إتكرآ بعد أن صُّدم بالسيارة القزازها بنعلق عليهو
2 قزاز السيارة إتعادآ بالسرطان المنشري في البلد "النوع القزازي"
3 العربية أصلها حيكومة وجات مارآ في مظاهرة ستات الشاهي وفلعوها بالحصى
4 العربية فاض بيها لمن قزازها بدآ ينكسر مهزوم
يعني إفتراضات وهاشم محمد عثمان "سعادة الفريق أول" بيكون أدرآ



لكن برضهو العجبني في قزاز العربية
حقيقة أنه بيوري سيد العربية راجل قدر حالهو
مش برضهو بيلبس "صيني"

[جانيت]

المشاركة الأصلية كتبت بواسطة رأفت ميلاد

مع إحترامى لسواق الكارو والسكران .. أنقل ليك نكتة حكاها لى بكور
بتاع الكارو بكون ما عنده حق النفايات .. وبى توبه (المجانى) ده بشق أكبر نقطة تفتيش ..

سؤال ؟؟
هسة النسوان اللابسات التوب اللونو أخدر بالشجرة .. بعد الإنتخابات بسون بيه شنو؟ .. والله إلا يمسحن بيه الدوكة ..
قالوا تمنه من جباية النفايات .. يا ربى طرحة سواق الكارو برضو؟ .. ولا دى من تراخيص ستات الشاى

عالم ما تستحى

اخخخخخخخخخخ مشاركة ما تبع الموضوع!!!!!!!!
بس يا عمو رافت مداخلتك مريحة نفسيا وذهنيا
الله يخليك ويحفظك

[سمراء]

عاد الليلة بختك ياسيد اللبن
اولاً : مافى زول بسعلك من حق المحلية ولا باقى القلوعات
وتانياً : تغطى تمناتك ديل بمزاج القطعه كبيرة ونضيفة
تالتاً : تمشى تعمله عراقى من ابو هبابى داك

رابعاً : كيتاً فى بدر الدين ان شاءالله اللبن يدفق فى الشجرة ويسقيها وتبقى شجرة (روب)

ياناس الزول ده بقول الرووووووووب خلوهو خلاص فرحان بى انو قدر ينزل صور

[جيجي]

تقنعني انكم مامشترنه
تفتكر من وين جاب القماش والصورة ومين وين جاب الوعى السياسي دا
ياخ ماتعلموا الناس الارتزاق المهين دا

تفتكر الفرق بين بتاع الكارو دا وبتاع الكارو داك شنو ؟

[بدر الدين اسحاق احمد]

المشاركة الأصلية كتبت بواسطة أميرى

ـــــــ
من الصور يتضح الآتي:

سودانــى اغبــش يسيــر بفطرتــه لا يحتاج الى بوصــلة خارجيــة لتحدد لــه خياراتــه

فهو مسكون ومهموم بحــب هــذا الوطــن ..


وبعد داك ان شاء الله يسويهــن ( معــراكــة للــدوكــة ) الشجر محل ما بيودوهــا بتنفــع.