تعالو نعيش بعض الفرح مع سمراء

[سمراء]

المشاركة الأصلية كتبت بواسطة رأفت ميلاد

غايتو (إبن سمراء) دى خلعة عديل كدة .. مجموعه ما مشكلة فبديهى الجينات اللماحة متوفرة ..

ألف مبروك يا سمورة وعقبال النجاحات والنجاحات .. وطلعتى يا أنتيم قصة ووراها حصة ..

مفاجأة مفرحة .. لكن التكتيكات أختلفت .. عمو تانى مافى الكتوف إتلاحقت .. بس ما زى بتاعة ناس أميرى

ألف مبروك يا قلب ..

هوووى ياروفو دقيقه هنا ده بلاى ...كتوف شنو الاتلاحقت
ياخ انا دايرة لى جقلمية سنه عشان احصل صرتك ...قال كتوف
بعدين القصه الوراها الحصة دى خليها كوووووم براهو ..ينفع حدوته ماقبل النوم
اهى اصلو الدنيا دى كتشينه
بس اليومين ديل عاوزين نعيد التوزيع تانى يمكن ننزل فتووووح
خت الطوبة بس

[أبوبكر عباس]

و الله يا غسان مبسوطين منك
كونك أهديتنا الفرحة الكبيرة دي
مبروك ليك و لسمرا...

و قعود الكرامة لو فشلنا نرسلوا،
بنفكو دجتال، و البطل يختار...

[mekke abunora]

المشاركة الأصلية كتبت بواسطة سمراء

هوووى ياروفو دقيقه هنا ده بلاى ...كتوف شنو الاتلاحقت
ياخ انا دايرة لى جقلمية سنه عشان احصل صرتك ...قال كتوف
بعدين القصه الوراها الحصة دى خليها كوووووم براهو ..ينفع حدوته ماقبل النوم
اهى اصلو الدنيا دى كتشينه
بس اليومين ديل عاوزين نعيد التوزيع تانى يمكن ننزل فتووووح
خت الطوبة بس

نهاية الحفلةْ دلوكهْ
نهاية الحفلةْ مبروكهْ

.............
رأفـت أقيف
أهي الأمواج
وداك القيف....


...و يـاسمارة مـا بـالغتــى فيــنــا..ســمارة نـحن أنتـهيـنــا...

..أنـا من زمان بـقول رأفـت بـى طريـقتـو دى بلحـس ليهو زول؟؟؟

وحسـى قـولى كمان. دى كتـوف و ضـرب كـفـوف... والما مصـدقنـى يشــوف كـدارات غســان....

.. دى سمارة مـعاهـا القـوات المشــلخـة بــى كـدايـس كدرات بـومـا الحمتنـا النـومة...

.... يـاســمارة دى مـفاجـعة ...وبــقت عليـنـا خـجـة و فـجـعـة.... وتلاحق كتـوف......

... و مـبــروك لـى غســان و لـى ســمـارة الأمـارة... و الحفـلة علينـا و العــضة على رأفـت...

[سمراء]

المشاركة الأصلية كتبت بواسطة آيات

ده القبيل راجنو نحن يوم تبشر بيه غيمة
الف مبروك ياسمراء .. وربنا ينور ليه طريقه ويجعله في مصاف الناجحين دائماً

آمييييييييييين الغالية آيات
وعقبال نجاحاتك وكل من يليك يارب
وتسلمى كتير

[سمراء]

المشاركة الأصلية كتبت بواسطة هاشم

[align=right]
نجاح لأجله يكون الفرح

إن شاء الله يكبر وينجح

ويكون من المحسودين

ويارب سمراء تفرح بكل

خطوة يخطوها وتتهنا بيهو

نبراس .. تستاهلي البشارة [/align]

والله ياهاشم نيبو دى تستاهل الف بشارة وربنا يقدرنى على رد الجميل
وانت ربنا يفرحك بنجاح اولادك يارب
ولو مامتزوج تتزوج وتجيب زرية ناااجحه وتستبشر بيهم والله
مشكور ياراقى

[سمراء]

المشاركة الأصلية كتبت بواسطة زول الله

مليوووووووون مبروك نجاحك انتي
وفقه الله وجعل النور دربه وممشاهـ
وان شاءالله من نجاح لي نجاح دائم دنيا وآخرة
ربنا يحفظو ويخليهو ويخليك ليهو ويجعلو سندك ان شاءالله
اقول قولي هذا واستغفر الله لي ............

الزول الجميل ..تعيش يارب وتشوف نجاح بناتك واولادك يارب
وتسعد بيهم
ونجاحى انا من نجاح وليدى غسونى والله ماتتخيلة حجم الفرحه بكون كيف!
بتحس انك فعلا انجزته
ربنا يوفقو فى حياتو القادمة يارب ومن نجاح لى نجاحات

[سمراء]

المشاركة الأصلية كتبت بواسطة الوسيلة محمد النعيم

الف مبروك سمراء وعقبال نبارك لك تخرجه وزواجه كمان
تحياتي نبراس

الله يبارك فيك الوسيلة
وعقبال عندكم باذن الله من نجاح لى آخر
تشكر كتير

[سمراء]

المشاركة الأصلية كتبت بواسطة ناصر يوسف

[align=right]لنجاحِ الإنسانُ طعمٌ ما

ولنجاح الأبناء طعمٌ بلونٍ آخر وبإحساسٍ عميق

ألف مبروك سمراء لنباهةِ إبنك وتفوقه

ألف مبروك لكي وأنتي تجنينَ عصارةُ التربية في إبنك

شكراً أختي الحبيبه نبراس [/align]

العزيز ناصر تسلم يارب وتشكر كتيييييير
وعقبال نجاح رياحينك وتفرح بيهم يارب
ولحد ماتزفهن لى اولاد الحلال ...

[سمراء]

المشاركة الأصلية كتبت بواسطة قوت القلوب

هذه الامورة من تلك السمورة
مزيدا من التوفيق يابت امورة
عقبال اخبارك الحلوة يا نبراسنا

قوت قلوبنا ياراقية
تشكرى يارب وعقبال نواراتك يارب من نجاح لى نجاح
والنجاح حلو ياخ
عقبال البت اللذيذة نيبو دى نفرح بيها وبى عياله يارب

[سمراء]

المشاركة الأصلية كتبت بواسطة طارق صديق كانديك

ما أجمل الفرح حين يتعلق بالعصافير الندية .. !!
ألف مبروك يا سمراء .. شئ مفرح بحق .. !!
شكرا نبراس
تحياتي

الانيق طارق
الفرح هو احساس لايقبل الا الصدق ....وانا فرحانة
وعقبال اولادك يارب بالنجاحات المتوالية وتفرح بيهم

[سمراء]

المشاركة الأصلية كتبت بواسطة شليل

تهانينا.. وألف مبروك ،
مزيد من النجاح .. وعقبال الجامعه إن شاء الله

شلو الله يبارك فيك وفى وليداتك يارب
وربنا يسعدك بنجاحاتهم
وتشكر كتير

[سمراء]

المشاركة الأصلية كتبت بواسطة عثمان

مبروك لغسان
وموفق إنشاء الله

مشكور عثمان وعقبال عندك يارب
ويفرحك بابنائك

[سمراء]

المشاركة الأصلية كتبت بواسطة عكــود

ألف مبروك يا سمراء
سلسلة من النجاحات المتتالية إن شاء الله

الجميل عكـــود
تشكر على التهنئة وعقبال الوليدات يارب
ومزيد من النجاحات لكافة الابناء

[سمراء]

المشاركة الأصلية كتبت بواسطة عبدالله وداعه الامين

اخخخخخخخخخخخ
وهلالابي كمان

الود اطعم من امو وعثل

الف مبروووك ثمرم وعقبال كل جميل لي الجميل
وموفق يا رب

كل التهاني ليكم وربنا يوفقه في كل امورو ويديهو العافية

عبدوش الود ده لو ماطلع هلالابى كان ابوى طردنا انا وهو من البيت
وبعدين انا زاتى مشركة بيهو بين الكفر والوتر ....بلدنا دى بقت مامضمونة
غايتو بس الله يساعد

وعقبال وليداتك يارب من نجاح لى نجاح ...

[سمراء]

المشاركة الأصلية كتبت بواسطة منال

للنجاح طعم و حلاوة و من الود الكبير و النابه غسونى
مليون مبروك و عقبال الجامعة و تحقق كل امانيك يارب
مزيدا من النجاح و التفوق ولى سمورة
متين تكبر تشيل حملى
يديك العافيه و يخليك ليهم و يفرحوك اولادك

والله يامنال كل ما اعاين ليهم اتزكر دهشتك لمن قلت ليك عندى ولدين
واهو الحمدلله حسيت انى ماشه بيهم كويس لى بر الامان وربنا يقدرنى اواصل معاهم
بس النجاح ده حلووووو بشكل !!
وطعمو مختلف عن اى احساس تانى ممكن تتخيليهو ؟
بخليك ماتفكرى غير فيهم وتقفلى عليهم الدنيا ...ياخ ديل نعمة ورساله جميلة بدوك احساس بانك
بتعمل فى شى ، وعندك قيمة
يارب يارب يامنال ربنا يسعدك ويرزقك ابن الحلال ويديك الذرية الصالحه وتفرحى بيهم وبى نجاحاتهم ياطيبة الدواخل ...