عشان خاطر ناس نعزهم من القلب ..!!

[أبو أماني]

[align=center]إلى الأخ/ فتحي مسعــد (خاصة) والجميع (عامة)..[/align]

العزيز الغالي .. أبو آلاء ..
نخطئ أحيانا كثيرة في حق من نحب ونقدّر .. وبدون قصد بل بحسن نية .. قد تكون لحظة إنفعال وقتي أعمى البصيرة وأفلح فيها (الملعون)!.. ولكننا نراجع أنفسنا هنيهة ونعض بنان الندم.. ولا يبقى أمامنا سوى الإعتذار .. وسماحة وطيبة قلب الآخر في قبوله .. لك خالص إعتذاري إن أصابك رشاش مني يا عزيزي فتحي مسعد .. فهذه حتما كما تعلم إفرازات الجوء البغيض الذي عايشناه مكرهين هذه الأيام ونتمنى أن تزول عن سماء سودانيات هذه الغشاوة البغيضة..أكرر.. لك صادق إعتذاري وأتمنى أن تكون صافية لبن ..كذلك الإعتذار موجه صادقا لكل من تأذى مما بدر مني من غليظ القول في لحظة غضب .. والله وحده أعلم إن نيتي صافيه تجاه الجميع بلا إستثناء .. ولا أضمر للجميع سوى الخير و تشششاااووو
* * *

[فتحي مسعد حنفي]

المشاركة الأصلية كتبت بواسطة أبو أماني

[align=center]إلى الأخ/ فتحي مسعــد (خاصة) والجميع (عامة)..[/align]

العزيز الغالي .. أبو آلاء ..
نخطئ أحيانا كثيرة في حق من نحب ونقدّر .. وبدون قصد بل بحسن نية .. قد تكون لحظة إنفعال وقتي أعمى البصيرة وأفلح فيها (الملعون)!.. ولكننا نراجع أنفسنا هنيهة ونعض بنان الندم.. ولا يبقى أمامنا سوى الإعتذار .. وسماحة وطيبة قلب الآخر في قبوله .. لك خالص إعتذاري إن أصابك رشاش مني يا عزيزي فتحي مسعد .. فهذه حتما كما تعلم إفرازات الجوء البغيض الذي عايشناه مكرهين هذه الأيام ونتمنى أن تزول عن سماء سودانيات هذه الغشاوة البغيضة..أكرر.. لك صادق إعتذاري وأتمنى أن تكون صافية لبن ..كذلك الإعتذار موجه صادقا لكل من تأذى مما بدر مني من غليظ القول في لحظة غضب .. والله وحده أعلم إن نيتي صافيه تجاه الجميع بلا إستثناء .. ولا أضمر للجميع سوى الخير و تشششاااووو
* * *

والله يابو أماني أنا ما كنت قايلك زول مطرطش للدرجة دي..
اعتذار شنو يالزين اذا أنا أمس ضربت ليك تلفون وابتدرت كلامي معاك بقولي: انت أمبارح ما جيت ليه يامعفن..طبعا ياجماعة أنا قاصد لمة أخونا جعفر..
تفتكر في زول ماخد في خاطرو بيسأل ليه الزول التاني ما جا؟ دا طبعا عشان تعرف انك زول فرغان ساكت عقلو قدر عقل بت أحمد ولدي الولدوها قبال شهرين..
يازول نوم قفا أنا الموضوع بالنسبة لي انتهي بعد ما قريت مداخلتك طوالي واتعمدت اني ما أرد عليك عشان كان رديت كنت ممكن أطمبجا..
عموما اعتذارك بينم عن أصلك الما ليهو علاقة بي شكلك ياقبيح المحيا..أها كدا أنا أخدت حقي وما حأعتذر ليك

[منال]

كدى ختونى بيناتكم

فى شان اتعلم منكم

أحمدو أبهاتى كتار فى سودانيات
فى كل المواقف بورونا ما بتشترو كبير

والطلعت بيهو المعنى الكبير ... الخوة هى
كيف نتحمل بعض
و نمتص الغضب

و ما نقيف فى الصغائر
شان دربنا اخضر

جمعتكم مباركة
وصلو صلاتكم

[فتحي مسعد حنفي]

المشاركة الأصلية كتبت بواسطة منال

كدى ختونى بيناتكم

فى شان اتعلم منكم

أحمدو أبهاتى كتار فى سودانيات
فى كل المواقف بورونا ما بتشترو كبير

والطلعت بيهو المعنى الكبير ... الخوة هى
كيف نتحمل بعض
و نمتص الغضب

و ما نقيف فى الصغائر
شان دربنا اخضر

جمعتكم مباركة
وصلو صلاتكم

نختك وين يامنال وانتي بيناتنا وجوانا وعمك أبو أماني دا أنا خلصت حقي منو قطيعة فيهو ونبز قدامكم..يعني ما طالبو اعتذار وبعدين ليس علي المجنون حرج وبندعي ليهو بي سرعة الشفاء

[سمراء]

بالله شوف ذى ديل !!!انتو على كيفكم تتشاكلو وتتصالحو !!

ياخ انا جهزت التسالى وجردل الكركدى وقلت خلاص دورى الابطال حايبداء
بعد ما انتتهى دورى الحسس !!

لالالا ياخ بلاى ماراضيين ولاشى !
وبعدين هو زاتو مافى شكلة بتنتهى من غير ما الناس تستمتع (بالجدعات ) والفاولات

ياخ رجاء انا ماموافقة ولا شيتين على الصلح ده
لسه ما استمتعنا ولا فتحنا البوستات بتاعت التحانيس
ولا رأفت استمتع بالدورى الهجين ده

اطالب الادارة بحزف البوست ده
وابقاء الوضع على ماهو عليه

وسمعنى ياجدعسلام خلى السلاح صاحى

[فتحي مسعد حنفي]

المشاركة الأصلية كتبت بواسطة سمراء

بالله شوف ذى ديل !!!انتو على كيفكم تتشاكلو وتتصالحو !!

ياخ انا جهزت التسالى وجردل الكركدى وقلت خلاص دورى الابطال حايبداء
بعد ما انتتهى دورى الحسس !!

لالالا ياخ بلاى ماراضيين ولاشى !
وبعدين هو زاتو مافى شكلة بتنتهى من غير ما الناس تستمتع (بالجدعات ) والفاولات

ياخ رجاء انا ماموافقة ولا شيتين على الصلح ده
لسه ما استمتعنا ولا فتحنا البوستات بتاعت التحانيس
ولا رأفت استمتع بالدورى الهجين ده

اطالب الادارة بحزف البوست ده
وابقاء الوضع على ماهو عليه

وسمعنى ياجدعسلام خلى السلاح صاحى

انتي بس أقعدي للفتن وحلة المديدة حقتك خليها تجقجق في النار المجوسية عشان نقدر نقول خللي القتال صاحي..ياسمراء أنا أهلي ربوني علي الشفقة والعطف علي الضعفاء وزولكم دا أغلب من الغلب ذاتو بس جاتو صحوة شر قال يجربا فيني أنا عشان عارفني ما بقدر أخسرو خسوسا عشان عندي حاجات عندو مستني أستلما وبعد داك بوريهو الوش التاني اللسة ما شافو ولا سمع بيهو..انتي عمرك سمعتي بي حلبي جعلي وكمان ما تقولي اولاد جعل حاكمين البلد في الدكتاتورية الرابعة..يعني عندي ضهر أول ما أتزنق برفع صباعي اليمين فوق وبقول الله أكبر وعينك ما تشوف الا النور لا بنفعو جعافرة ولا شايقية

[سمراء]

المشاركة الأصلية كتبت بواسطة فتحي مسعد حنفي

انتي بس أقعدي للفتن وحلة المديدة حقتك خليها تجقجق في النار المجوسية عشان نقدر نقول خللي القتال صاحي..ياسمراء أنا أهلي ربوني علي الشفقة والعطف علي الضعفاء وزولكم دا أغلب من الغلب ذاتو بس جاتو صحوة شر قال يجربا فيني أنا عشان عارفني ما بقدر أخسرو خسوسا عشان عندي حاجات عندو مستني أستلما وبعد داك بوريهو الوش التاني اللسة ما شافو ولا سمع بيهو..انتي عمرك سمعتي بي حلبي جعلي وكمان ما تقولي اولاد جعل حاكمين البلد في الدكتاتورية الرابعة..يعني عندي ضهر أول ما أتزنق برفع صباعي اليمين فوق وبقول الله أكبر وعينك ما تشوف الا النور لا بنفعو جعافرة ولا شايقية

ااااى عليك الله ...بعدين هو زاتو يتعلم فيك انت ليه ؟؟
يعنى ماشايف الناس التانين ديل ؟ ولا عشان انت حلبى وناصع البياض وهو اسود ناصع السواد
لالالالا اوعك يغشك بالكلمتين ديل ويقول ليك ورجق ورجق ورجق وتشاااااااااااااااااو
وانت تقوم تصدقو

اضرب بيد من حديد ياخ
اضرب وانا بطفى ليك النور

[فتحي مسعد حنفي]

المشاركة الأصلية كتبت بواسطة سمراء

ااااى عليك الله ...بعدين هو زاتو يتعلم فيك انت ليه ؟؟
يعنى ماشايف الناس التانين ديل ؟ ولا عشان انت حلبى وناصع البياض وهو اسود ناصع السواد
لالالالا اوعك يغشك بالكلمتين ديل ويقول ليك ورجق ورجق ورجق وتشاااااااااااااااااو
وانت تقوم تصدقو

اضرب بيد من حديد ياخ
اضرب وانا بطفى ليك النور

يابت بطلي اللؤم حقك دا عايزة تطفي النور عشان عارفاني في الضلمة بي لونو الحالك السواد ما بشوفو والحكاية تتعكس وحسين ولد حسنين ما يعرف الضربة جاية منين..
عموما لو مصرة تطفي النور يبقي تجيبي لي فيصل سعد

[محمد عبد الرحمن]

المشاركة الأصلية كتبت بواسطة سمراء

ااااى عليك الله ...بعدين هو زاتو يتعلم فيك انت ليه ؟؟
يعنى ماشايف الناس التانين ديل ؟ ولا عشان انت حلبى وناصع البياض وهو اسود ناصع السواد
لالالالا اوعك يغشك بالكلمتين ديل ويقول ليك ورجق ورجق ورجق وتشاااااااااااااااااو
وانت تقوم تصدقو

اضرب بيد من حديد ياخ
اضرب وانا بطفى ليك النور

يا بت خلى شعللة النيران
برانا مشعللين
بعدين يا غبيانة
أو يا دايرة تورطي عمنا الحلبي
يعني تطفي النور الخواجة يشوف كيف؟
نضاراتو ما فيها بطارية

[فتحي مسعد حنفي]

المشاركة الأصلية كتبت بواسطة محمد عبد الرحمن

يا بت خلى شعللة النيران
برانا مشعللين
بعدين يا غبيانة
أو يا دايرة تورطي عمنا الحلبي
يعني تطفي النور الخواجة يشوف كيف؟
نضاراتو ما فيها بطارية

الدم للدم يحن والجنس للجنس رحمة وانت وأبو أماني ماركة واحدة اتحرقتو في الولادة

[مواطن]

المشاركة الأصلية كتبت بواسطة سمراء

بالله شوف ذى ديل !!!انتو على كيفكم تتشاكلو وتتصالحو !!

ولا رأفت استمتع بالدورى الهجين ده

جاك كلامي ... ؟؟؟
س ل ا ما ت يا س م ر ا ء

[مواطن]

[QUOTE=أبو أماني;226892][B][size=5][font=Times New Roman][color=#8B0000]
[align=center]إلى الأخ/ فتحي مسعــد (خاصة) والجميع (عامة)..[/align]

العزيز الغالي .. أبو آلاء ..

ثم ماذا ؟ .. الحقوق مكوزنة لأب شدرة ..

فهذه حتما كما تعلم إفرازات الجوء البغيض الذي عايشناه مكرهين هذه الأيام ونتمنى أن تزول عن سماء سودانيات هذه الغشاوة البغيضة..

من ناحية بغيض .... بغيض ... وقرّط على كدا

لك صادق إعتذاري وأتمنى أن تكون صافية لبن ..

ممكن أستلف منك ياروفي كلمة "قديتـونا" القادينا بيها ديك ... قـديـــتـــــونـــا يا خــــي ..
عليّ الطلاق جبتـو لينا الجلا ... يا أخوانا ما تجو نسمي المنتدى ده " سودانيات للإعتذارات "
يمين بالله فتحي ده أنا لو نشـلت منو ماهيتو .. ما أعتذر ليه .. ياخي هو شايف حاجة ..

والله وحده أعلم إن نيتي صافيه تجاه الجميع بلا إستثناء .. ولا أضمر للجميع سوى الخير و تشششاااوو

كـدا ما حلــو ..

[سمراء]

المشاركة الأصلية كتبت بواسطة فتحي مسعد حنفي

الدم للدم يحن والجنس للجنس رحمة وانت وأبو أماني ماركة واحدة اتحرقتو في الولادة

ياعمو فتحى الجوز ديل اظن مكنتهم الحبر بتاعه رشح

الولاده دى ماذى مكنة التصوير قالو

[سمراء]

المشاركة الأصلية كتبت بواسطة مواطن

جاك كلامي ... ؟؟؟
س ل ا ما ت يا س م ر ا ء

وعليكم السلام يا و ط ن ...(الميم والالف لقيناهم زيادة مضرة بالجملة )

ياخ عندى مزاج اهديك المقطع ده غلبنى انزلو هنا
http://www.youtube.com/watch?v=SSrH_oqnrl0

وادينى رايك بلاى.....شوف التخصص ده كيف !! والتجويد

[نادر السماني]

المشاركة الأصلية كتبت بواسطة سمراء

وعليكم السلام يا و ط ن ...(الميم والالف لقيناهم زيادة مضرة بالجملة )

ياخ عندى مزاج اهديك المقطع ده غلبنى انزلو هنا
http://www.youtube.com/watch?v=SSrH_oqnrl0

وادينى رايك بلاى.....شوف التخصص ده كيف !! والتجويد

في جاه الملوك نلوك
ومن هدايا الوطن نستمتع بياني
والشكر للوطن ولسمرا من تاني