[QUOTE=زول الله;228565][size=4][color=#0000FF]
كويس انك لقيتني زولك لأنو الزمن دا نادر تلقى زولك البتفتش ليهو
لأ ماكدا .. انت فهمت كلامي بي طريقة تانية لكن مابعيدة شديد
الحكاية ماعدم تاكد من موقع المرأة في الدواخل
فــ تسكن داخل القلب دي حالة
وتسكن قريبة من القلب برضو حالة
وهي في الحالتين تستحق أن نتقاسم معها كل الفهم البجيبو ربنا وعن طيب خاطر كمان
يا زول الله .. اّسف .. يبدو أنني أسأت فهمك بعض الشيء ... لكن في النهاية نحن متفـقـون في الرأي مع بعض الأختلاف في تفنيد أسباب و مضاعفات الظاهرة ...
ود النقر .. مرحب بيك .. و شكراً لمشاركتك الظريفة ..
جانيت .. حبابك مية ..
يا جماعة أنا لاحظت حاجة أنو عدد الذكور المشاركين في الموضوع دة ضعف عدد الأناث ... ما عارف باقي الأناث بيدخلوا يقروا البوست و يكبوا الزوغة و لا عندهم رأي خجلانين منو ..
طيب عشان نكون عمليين و نطلع بي حاجة مفيدة من البوست دة .. لو ممكن كل واحد يكتب أسباب وجود هذه الظاهرة (الأسباب اللتي تدفع الرجل للزواج من أمرأة أخرى و الأسباب اللتي تجذب المرأة لي راجل المرة) ... و أنا حأبدا ليكم :
1- الضغوط الأقتصادية على الفتاة ( عندما يتقدم راجل مرا غني لفتاة من أسرة فقيرة أو متوسطة فأنها غالباً ما توافق و اضعة نصب عينيها أن تساعد أهلها و تحسن من وضعهم).
2- الرجل صاحب العين الطايرة (عجبتو البت الطيارة و مشى لي أبوها و أداهو ما قدر يحرجو .. زي قصة مي).
3- الأحساس المخيف بخطر البورة الأبدية ... (عندما ينتاب الفتاة هذا الأحساس بعد أن وصلت لستة التنازلات لأدنى مستوى .. فغالبا أن لا تتردد في قبول راجل تلاتة نسوان.
4- سوء أختيار الزوجة الأولى .. (عندما يكتشف الزوج أنه دقس دقسة عمره في أختيار المرة الأولى و أنه لا يحبها و كان الزواج كخطوة عملية فقط و بوجود الأولاد ما في طريقة طلاق .. فيبحث عن الحب الحقيقي و يتزوج تاني).
5- عدم الأهتمام و التوافق مع الزوجة الأولى ... (يعني كل ما يجي داخل البيت يلقاها مبشتنة و ريحتها بصل بصل و كواريك مع الشفع و الجيران و نقة شديدة .. بطنو بيتطم منها .. أو كمان في عدم توافق بنهم في الجنس و دي بيتحصل كتير و الناس ما بيتكلوا فيها و يحلوها بشكل واضح).
............ و لسة يوجد المزيد ....
بجيكم تاني ...
