المراة قبل الزواج انثى, وبعد الزواج انسى !! العزابا يقيفو بعييييييد !

[حسين يوسف مكى]

المشاركة الأصلية كتبت بواسطة Dr. Mohammed Hassan

في اخر لقاء تلفزيوني له
سئل الشاعر ابو آمنة حامد رحمه الله ان كان قد كتب في زوجته اي شعر
اجاب نعم لقد كتبت فيها وشوشني العبير

اما ان
فاقول
وشوشني العوير

دكتور محمد يا صباحات شايلة الفرح!!

كويس انو فى شيتن اخضر حرك كوامنك
فى ناس لا بتوشوشو ولا بوشوشو
معناها لا عبير ولا بسمة غرير..
شى من لاشى كفاية

[حسين يوسف مكى]

المشاركة الأصلية كتبت بواسطة همس الشوق

جيت قلته احصل الموضوع لقيت النقاش قلب لي رومانسيه وكداا يعني


لكن يا جماعه خلونا نكون واقعيين ... اساسا اي شي التربيه والمجتمع المحيط بيك ... يعني بس نحن شفنا الرومانسيه وين .... ايوه شفنا الاحترام والتقدير للزوج من امهاتنا .... لكن الرومانسيه البتتكلمو عنها دي ... ما شفناها ..... كيف نقدر نعيشها .... مدام نحن البت لو إتكلمت بي مياعه بنهروها ...... وكلمة يا حبيبي دي من المحرمات تقولها الزوجه لزوجها وكان قالتها ليهو في غرفه النور وبصوت هاااااااااامس عشان البره ما يسمعو...... رومانسيه وين ونحن عندنا الاسرة الممتده ... يعني الحوش بتكون ساكنه فيهو العائله كلها ... بي جاي اخوك وبي جاي اختك .... وين الخصوصية ..... وين حريه التعبير....... وين الملايين

قال رومانسيه

همس يا شوووق !!

كلامك صح.. وح تظل التربية هى
فيصل الاشياء مابين الاشياء المكتسبة طواعية
والاشياء المغروسة بمفاهيم تربوية.
اغلب الاسر تفتقد الرومانسية ..بالضرورة
يجب ان يكون هناك همس حتى ولو مبحوح النبرة.
يعنى المرا,ة السودانية كعادتها الحبكانات والحنك
والكلام الناعم الراجل بسمعو ايام الخطوبة
وايام الزواج الاولى وتانى يقابلوهو بالشعر المكنوش
وطلبات يوم بكرة وقروش الجمعية وناس فلانة جو
من سودانيات نمشى نزورهم هكذا الحال بعد
الزواج..

[تاتاي]

المشاركة الأصلية كتبت بواسطة همس الشوق

[align=right]
ولد داا...

أحب هكذا حياة
وكلام زي دا بكون دافع كبير لينا

أنه لسه الحياة الزوجيه بخير

تاتاي ..
سعيدة بقراءة هذه الجزئيه وإن دل إنما يدل على التفاهم والوئام والعطاء من كليكما ... فالحياة الزوجيه هي عطاء من غير إنتظار للمقابل ... حينها يكون الناتج ..كما تفضلت

قلته لي يعني حتمشي تااااااااااااااني ليها هي
مافي طريقه يعني [/align]

الاخت همس الشوق
لك التقدير على جميل التناول

بالجد الحياة الزوجية بألف خير ياهمس
والحاجات السالبة البنسمعها حاصلة دي
صدقيني لا تسوي شيء امام الايجابيات
الايجابيات المعاشة في الواقع
امكن نحن كسودانييييييين صعبين شوية
في اظهار العواطف لكنها متوفرة بصورة
تفوق الخيال .....
اقول ليك حاجة في حتة الاظهار دي
والله العظيم لحدي ما ابوي وامي ماتوا
ماحصل اني شفت ابوي بيسلم على امي
في يدها... او قاعدين على انفراد بيتونسوا
رغم انهم عاشوا مع بعض بعمر اخوي الكبير (65)
سنة .... واعلم تماما كمية المحبة والاحترام
الكانت سائدة بينهما الى ان توفت الوادة (رحمها الله )
بعد عام من وفاتها سألت والدي في خطوة اردت ان
ابره فيها ....
ابوي رأيك شنو لو ازوجك واحدة تونسك خاصة ونحن
كتب لينا ان نكون بعيدين منك شوية ؟؟؟؟
اول مرة في حياتي اشوف دمعة ابوي اليوم داك
قال لي : ياولدي كتر خيرك وجميلتك ثابتة وأنك حاسي
بي قدر ده دي كفاية علي ...
امك ياولدي ماااااافي مرة بتملأ مكانها .. كان في البيت
ولا كان في القلب ....
أخذني في حضنة وبكينا طويلا ثم استغفرنا ربنا ودعونا لها
بالرحمة ....

عليهم رحمة الله جميعا

[حسين يوسف مكى]

المشاركة الأصلية كتبت بواسطة تاتاي

اما بالنسبة لي أنا بخصوص الطرح الرئيسي في البوست
قالحمدلله رب العالمين متزوج من فترة ليست بالقصيرة ومبسوووووووووووووط معاها 24 قبراط وكل يوم بيشكل اضافة موجبة لحياتنا ومن هم حولنا يعلمون ذلك

ولو كان في طريقة كان مشيت تاااااني اتقدمت ليها برضو

تاتاى سيد السماحة!!

ادامها الله عليك بهجة وافراح
وحياة مليئة بالنجاحات على كافة الاصعدة..
ده نبا سار ماشاء الله ربنا يسعدكم.
عللا قول يسا اغلى زول نسيبتك على قيد الحياة؟

[جانيت]

المشاركة الأصلية كتبت بواسطة تاتاي

امك ياولدي ماااااافي مرة بتملأ مكانها .. كان في البيت
ولا كان في القلب ....
أخذني في حضنة وبكينا طويلا ثم استغفرنا ربنا ودعونا لها
بالرحمة ....

عليهم رحمة الله جميعا

ده شنو يا تاتاي من الصباح كده الله يرحمها
بكيتوني معاكم
بس انا حضنت كيبورديني وبكيت

ياخ زي الوفاء ده في
الله يسالني الرجال بقو يعزلو المرة من صيوان بكاء المسكينة الراحت شمار في مرقة

[تاتاي]

المشاركة الأصلية كتبت بواسطة حسين يوسف مكى

تاتاى سيد السماحة!!

ادامها الله عليك بهجة وافراح
وحياة مليئة بالنجاحات على كافة الاصعدة..
ده نبا سار ماشاء الله ربنا يسعدكم.
عللا قول يسا اغلى زول نسيبتك على قيد الحياة؟

تسلم ياذوق على حلو الكلام
وجميل الدعوات وامنياتي لك
بمثل ماقلت ....
نسيبتي أسأل الله ان يمد في ايامها
يا اخي دي حاجة فوق الوصف بمراحل
تقول لبتها ( زوجتي ) انتِ بتعرفي
شنو ؟؟؟؟

شكرا ليك كتيريا حسن ياممتاز

[حسين يوسف مكى]

المشاركة الأصلية كتبت بواسطة تاتاي

الاخت همس الشوق
لك التقدير على جميل التناول

بالجد الحياة الزوجية بألف خير ياهمس
والحاجات السالبة البنسمعها حاصلة دي
صدقيني لا تسوي شيء امام الايجابيات
الايجابيات المعاشة في الواقع
امكن نحن كسودانييييييين صعبين شوية
في اظهار العواطف لكنها متوفرة بصورة
تفوق الخيال .....
اقول ليك حاجة في حتة الاظهار دي
والله العظيم لحدي ما ابوي وامي ماتوا
ماحصل اني شفت ابوي بيسلم على امي
في يدها... او قاعدين على انفراد بيتونسوا
رغم انهم عاشوا مع بعض بعمر اخوي الكبير (65)
سنة .... واعلم تماما كمية المحبة والاحترام
الكانت سائدة بينهما الى ان توفت الوادة (رحمها الله )
بعد عام من وفاتها سألت والدي في خطوة اردت ان
ابره فيها ....
ابوي رأيك شنو لو ازوجك واحدة تونسك خاصة ونحن
كتب لينا ان نكون بعيدين منك شوية ؟؟؟؟
اول مرة في حياتي اشوف دمعة ابوي اليوم داك
قال لي : ياولدي كتر خيرك وجميلتك ثابتة وأنك حاسي
بي قدر ده دي كفاية علي ...
امك ياولدي ماااااافي مرة بتملأ مكانها .. كان في البيت
ولا كان في القلب ....
أخذني في حضنة وبكينا طويلا ثم استغفرنا ربنا ودعونا لها
بالرحمة ....

عليهم رحمة الله جميعا

تاتاى انت اجمل من جميل.. لهما الرحمة .


احكى ليك يمة عن حالى
لو تقيفى معاى شوية!
عن ماّسى طال مداها
فى قليب مليان اسية
يوم ودعت للناس العوافى
ومسحتى للدمعة السخية
كنت شايف همّى انتى
وشى البنية
زولة ماعاشت مواجع
وعايشة بى نفسا رضية
من زمن قلتيها غنوة
شان وجودا يبقى ليّ
لملمت لى شنطى وحزمت
سفر بلحيل معزب
بى جفاك والحفيّة
لما ختيت رحالى فى بلد
قالوها هىّ
ناس تهاجر لما توصل
والكلام نفس الوصية
عشت فى ساحات وسيعة
ناس مواكب وجد وفية
فى بلد منك مسافة
جذوة الشوق فينى حيّة
بكرة بوصل لى دياركم
وانسى هم الغربة ديّا
اصلى راجع لى صباحك
يمة والمساءات النديّة..



تاتاى تسلم دا نجر لحظى عوضا عن كوامن
اللهفة والشوق السرح بفقدان احب الناس
لكل زول فينا..

وتانى م تجهجهنا كدا.. بحبك جدا

[تاتاي]

المشاركة الأصلية كتبت بواسطة جانيت

ده شنو يا تاتاي من الصباح كده الله يرحمها
بكيتوني معاكم
بس انا حضنت كيبورديني وبكيت

ياخ زي الوفاء ده في
الله يسالني الرجال بقو يعزلو المرة من صيوان بكاء المسكينة الراحت شمار في مرقة

معذرة جانيت ان هبشت فيك كلماتي
عصب المشاعر الدفاقة
واشكر لك المؤازرة والمشاركة
بالدموع

فعلا زي الوفاء ده نااااادر والله

شكرا ليك كتير ياجانيت

[حسين يوسف مكى]

المشاركة الأصلية كتبت بواسطة آيات

[color=#0000FF]إزيكم ياشباب ....
موضوعكم كارب ...
لكن عجبتوني شديد ياتاتاي
تاني ماتكلم زول ..لأنه بطقوكم عين ..[/color]

حبابك ايات

اها جرى بمبرك وصنقرى فى الضل

[تاتاي]

الودود حسن .....

يا اخي أحبك الله الذي احببتني فيه وصلة ان شاء الله لن تنقطع
وشكرا ليك كتير على حلو المشاركة وجمسيل الشعور والمشاعر
كلامك ملياااااااااااان محنة وجاي من دواخل صادقة

خلاص تاني مافي جهجهة تب

تسلم كتير ياغالي

[تاتاي]

المشاركة الأصلية كتبت بواسطة آيات

[color=#0000FF]إزيكم ياشباب ....
موضوعكم كارب ...
لكن عجبتوني شديد ياتاتاي
تاني ماتكلم زول ..لأنه بطقوكم عين ..[/color]

آيات

تحية طيبة ليك

يعجبوك وليداتك ان شاء الله كان هسي وكان لقدام
الحافظ الله يا آيات وبيني وبينك كلما ألاقي فرصة زي
دي في المجتمع بحاول اظهار الحتة دي بالذات عسى ولعل
ان نكون قدوة لآخرين وبالتالي تعم السعادة والهناء بين الناس

شكرا ليك كتير

[هيفاء عبدالستار]

المشاركة الأصلية كتبت بواسطة همس الشوق

[align=center]ويا دكتوره الجنسيات التانيه دي ما عندهن هرمونات
بنلاقي المراة منهم متزوجه احلى من قبل
ولم تظهر عليها أي تضاريس او مرتفعات

بجيكم بي رواااااااااااااااقه
موضوع مسخن [/align]

همس ياختي كيفنك ..

ياخيتي الخواجيات أدوهن مديدة الحلبه يا يمه ..

ولا رقدن شهرين يشيلو منهن ويختو ليهن ..

الواحه تلد في الشّغل ..وفي التاكسي ..

وتقوم طوالي علي شغلتا ولا مديده ولا شوربة حَمَام ..

نحن أهلنا الجعافره كان البت طلعت من النُّفاس ضعفانه شويه ..

النّسوان يشيلن حالا وحال أمها ..

يقولو ليك دي (مرة الما حمد سيدو, حد ما يمد إيدو , العضُم يصيدو )

[همس الشوق]

المشاركة الأصلية كتبت بواسطة حسين يوسف مكى

همس يا شوووق !!

كلامك صح.. وح تظل التربية هى
فيصل الاشياء مابين الاشياء المكتسبة طواعية
والاشياء المغروسة بمفاهيم تربوية.
اغلب الاسر تفتقد الرومانسية ..بالضرورة
يجب ان يكون هناك همس حتى ولو مبحوح النبرة.
يعنى المرا,ة السودانية كعادتها الحبكانات والحنك
والكلام الناعم الراجل بسمعو ايام الخطوبة
وايام الزواج الاولى وتانى يقابلوهو بالشعر المكنوش
وطلبات يوم بكرة وقروش الجمعية وناس فلانة جو
من سودانيات نمشى نزورهم هكذا الحال بعد
الزواج..

[align=right]هي تربيه .. وربما موروث
توارثناه من اهلنا
المراة والرجل رومنسيه في المواقف الصعبه فقط
يعني عايز تعرف زول بعزك كيف .. أمرض .. أو خلي يصيبك اي مكروه لا سمح الله
وقتها بتعرف الناس بتحبك كيف .. ومن ضمنهم زوجتك .. أو الزوج كيف بيقطر حنان لزوجته ...
هي مسأله تعود
لا نبوح بالحب ولكنا نتعامل به
لا نتعاطي الرومانسيه حيه ولكننا نتدقنها في الإحترام والتقدير[/align]

[همس الشوق]

المشاركة الأصلية كتبت بواسطة تاتاي

الاخت همس الشوق
لك التقدير على جميل التناول

بالجد الحياة الزوجية بألف خير ياهمس
والحاجات السالبة البنسمعها حاصلة دي
صدقيني لا تسوي شيء امام الايجابيات
الايجابيات المعاشة في الواقع
امكن نحن كسودانييييييين صعبين شوية
في اظهار العواطف لكنها متوفرة بصورة
تفوق الخيال .....
اقول ليك حاجة في حتة الاظهار دي
والله العظيم لحدي ما ابوي وامي ماتوا
ماحصل اني شفت ابوي بيسلم على امي
في يدها... او قاعدين على انفراد بيتونسوا
رغم انهم عاشوا مع بعض بعمر اخوي الكبير (65)
سنة .... واعلم تماما كمية المحبة والاحترام
الكانت سائدة بينهما الى ان توفت الوادة (رحمها الله )
بعد عام من وفاتها سألت والدي في خطوة اردت ان
ابره فيها ....
ابوي رأيك شنو لو ازوجك واحدة تونسك خاصة ونحن
كتب لينا ان نكون بعيدين منك شوية ؟؟؟؟
اول مرة في حياتي اشوف دمعة ابوي اليوم داك
قال لي : ياولدي كتر خيرك وجميلتك ثابتة وأنك حاسي
بي قدر ده دي كفاية علي ...
امك ياولدي ماااااافي مرة بتملأ مكانها .. كان في البيت
ولا كان في القلب ....
أخذني في حضنة وبكينا طويلا ثم استغفرنا ربنا ودعونا لها
بالرحمة ....

عليهم رحمة الله جميعا

[align=right]
ومن شابه أباه فما ظلم
بجد تعاطفت مع موقف والدك

لانه شبيه بموقف والدتي بعد وفاة الوالد رحمة الله عليه
وفي مزح معها ...
يمه .. أيه رايك نعرس ليك
قالت تاااااااااااني بعد ابوكم
قلنا ليها فيها شنو يعني
قالت خلاص انا موافقه
لو لقيتو راجل زي أبوكم

هنا فاض الدمع .. [/align]

[همس الشوق]

المشاركة الأصلية كتبت بواسطة هيفاء عبدالستار

همس ياختي كيفنك ..

ياخيتي الخواجيات أدوهن مديدة الحلبه يا يمه ..

ولا رقدن شهرين يشيلو منهن ويختو ليهن ..

الواحه تلد في الشّغل ..وفي التاكسي ..

وتقوم طوالي علي شغلتا ولا مديده ولا شوربة حَمَام ..

نحن أهلنا الجعافره كان البت طلعت من النُّفاس ضعفانه شويه ..

النّسوان يشيلن حالا وحال أمها ..

يقولو ليك دي (مرة الما حمد سيدو, حد ما يمد إيدو , العضُم يصيدو )

[align=right]لا انا ما بتكلم عن الخواجيات
بتكلم عن الجنسيات العربيه
يعني الواحد يكون ماشي معاها ولدها طويييييييل
وهي تلقيها أناقة وإستايل
نحن مشكلتنا الإهمال
كدي بيني وبينك
الرجال دي ما يكشفوا حالنا
نحن السودانيات ديل مهملات لدرجه
يعني فعلا النسوان المتزوجات ما بتزينن الا للطلعه
وي الطامه الكبرى
الواحده تلقيها اليوم كله حايمه بالجلابيه الطويله
امات سبعه ونص في السوق
والشعر كعكات ما بفكوهن الا وقت الطلعه
ومافي حته جرة كحل يا كافي البلا [/align]