إلي أشتر ..حديث الشعر..

[رضا]

المشاركة الأصلية كتبت بواسطة سمراء

اتا يارضا رايحه ليك فردة شنو بالظبط

الفي كلامي في ابتسامي في آلامي البشتهيها
في نضاري واخضراري ياربيعي
وازدهاري يا مدلل
يا غرامي
ياحبيبي

[جيجي]

المشاركة الأصلية كتبت بواسطة سمراء

اتا يارضا رايحه ليك فردة شنو بالظبط

هههههههههههه
ياخ انتي لذيذة بشكل خيالي والله

[رضا]

المشاركة الأصلية كتبت بواسطة جيجي

هههههههههههه
ياخ انتي لذيذة بشكل خيالي والله

مش بالله ياعرجونة

[طارق الحسن محمد]

[youtube]http://www.youtube.com/watch?v=gM_F2HuNrJg[/youtube]

[أشتر]

المشاركة الأصلية كتبت بواسطة طارق الحسن محمد

youtube

شوف يا طارق ...
الفيديو دا شاهدت فيهو ثوان معدودات لا تتعدى الصوت الأول ...
قبل كل شي إيرادك ليهو هنا غلط !!!
عشان توصل لي شنو يعني ؟؟؟
الألم والحزن العايش فيهو أساسا من لحظة شفتو ؟؟؟
ثم أقوم بأعلي صوتي اردح مع الرادحات والنايحات روابح ...
هو إتا فاكر أنا بعيد عن مسرح الجريمة أو مسرح الأحداث البايخ دا !!!
أديك نصيحة وارميها البحر ...
تسويقك ليهو بطريقتك دي فشل حقيقي في توصيل الشعور بالغبن وأولهم أنا ...
الناس تقوم تنسي الألم الأساسي وتبقى في رويحتك دي ...
ولّ انت فاكر سكوتنا دا عبارة عن شياطين خرسا ...
يعني لو قلت ليك اتكلمت مع وزير داخليتنا حتقول شنو وحتعرفني كيف !!!
أهو انت اتكلمت لكن فقدت قِيَم ومبادئ بتجمعنا كلنا خصوصا عند الشدائد وما ظهر منها ... التحت تحت داك اسكت خلي ساي ...
لما تجي تتكلم عن ارهاب دولة بتتبنى أسس عقائدية وانت من ضمن المنظومة دي كراعك في رقبتك ..
تقوم تضرب باليوتيوب عقيدتك في عقر روحك وداير غيرك ياخد بنفس النهج المشيت بيهو لتغيير واقع تعيس !!!
هسي احنا نمسك في ياتو غلط فيكم ؟؟؟
عندنا في السودان المصائب لمن تقع ما بتقع براها ...
بتظَر معاها مصائب كتيرة أصلا مهلهلة وراجية تسمع ببردلوب مصيبة عشان هي أساسا مَجهزة بردلوبها قبل تقع !!!
السقوط برمي معاهو حاجات كتيرة آيلة أصلا من ضمنها ردود أفعالنا الشينة والمشينة في نفس الوقت !!! والبتتحكم فيها العاطفة بصورة قد تلغي وجود العقل فينا ... ونقعد مطربقاتية وخلاص ...
إدارة الكوارث إعلاميا دا موضوع يطول شرحو وما بتأتى بالشتائم والألفاظ الخارجة عن قانون كتلة بشرية إرتضت تتقاسم ولو أنصاص الحلول وسقوط أيدولوجية فرد غير مؤهل لإدارة دفة مجموعة تتقاسم نفس الهم يجبرنا ببساطة البحث عن قائد جديد سريع الوصول لمركز القرار درءا لمخاطر قد تحصل في حال فشل أبسط المساعي ...
المسألة ما كواريك ونواح وندب حظ ... هنالك مؤسسات وجمعيات وتنظيمات مؤهلة ما مارقة للربا والتلاف وبتاخد على عاتقها وتقوم وتقع ليل نهار لتتبني ردة فعل الشارع وعلى فكرة عنهدم عربات بركبوها ودزززززز بالباب الواقف فيهو عسكري دا لو ما ركبو ليهم طيارة ولبني ما بعيدة عن الأذهان زي ما عارف ...
العصر دا يا حبيب عصر المعلوماتية الشمشرجية لو داير أعرف إتا بتعمل في شنو بعرف وقاعد وين ... ناهيك عن كامس بتغمز في حتةٍ ما ...
دحين يا طارق ياخوي وطي لينا صوتك خلي غيرك يشوف شغلو مع ناس (الجَلِد والراس) ...
بطريقتكم دي بتعملو شوشرة ساي وربما الكلكات في مواضيعكم دي يا دوبك ما فايتة عدد الأعضاء العشرين آكتيف ديل البشوفو دا قال شنو وداك قال شنو ونقعد نتجاذب أطراف الوجع مغسة ساي وسكلبة محلية الاستخدام !!!
هو الوجع متين كان غريب علينا ... لكن !!! الغرابة في معكسراتو الكل يوم بتزيد ...
فما ترهق روحك وترهقنا معاك ساي وإتا يا حبة عيني غالبك التسوي !!!
والبتسوي فيهو دا هنا ما فايت حلقومك دا ... غير إنك تفوهت بكلام كتير ما صاح يطلع منك كفرد في خانة دفاع عن موقف الأكثرية المكلومة ... دا غير إنك غتستا حجر ظننا المكجوج لى عترة مشينا ...
ما داير أقول ليك الحسانية في شنو لكن بقول ليك إرتقي لمستوى تطلعاتنا عشان ما تمرقنا كيري ساكت مع يدنا الواحدة دي ...
إلتزم بعقيدك واتفاخر بيها حتين تورينا بعداك سخطك العندنا منو الكتير !!! وهنا الأولويات هي البتحدد مسار الزول ..
فقط داير أقول ليك ... العقلاء لا يمسكون العصاية من النص بيد أنهم ما عندهم عصاية كلوكلو (دي نجرة جديدة لنج من بنات أفكاري)
غايتو كان لقوهن مطلوقات ياهن الـ للسوط في ظل السواطة دي ...
ياخ أنا ما قتا ليك ناقص أحزان عشان تجيني بيها في عقر هذا البوست !!!!
يعني عشان شفتو مننا وش أخدر قتا الناس دي طينة والتانية بى عجينة ؟؟؟
كلللللنا كدا من طين لنبني وإتا تهِد ... هداك العيب ياخ ...
أمشي عليك الله !!! وجعي دا بقدر عليو !!!!!!!!!!!!
وتاني مرة ما تصدر الوجع لقلوب بترزح تحت ضغطو ويا دوب مكفيها الاكسجين الحايم دا
اريتك تبقى طيب ...

حقو امشي أرفع ليك نظامنا العام وقعادك فرادي ... يا تفتح رادي ... عشان تقفل لينا بوزك دا
الزمن داك اتا ذاتك كنت مافي ...
ومن الزمن داك الوجع لسه مسيطر على أوضاعنا !!!!

[سمراء]

غايتو احمد الله على تقل النت عندى ...
والله يا اشتر سبقتنى بى بى كبسة زر على الموضوع ده ..
بس الحمدلله زاتو ماعندنا وشاً بتحمل قباحة زول
الفينا مكاوينا
والليلة اكيد اخير من امس
وامس بقى زكرة مؤلمة ...
واهو مجهزين دموعنا لى وجع قادم ..
وحلوقنا لى جعير اكبر

والصابرات روابح

وياطروقة ماتكترو بالليل ياخ تقوم تلخبط محاثيثنا
ويختلط حابل السوط ....بنابل الفردة

[أشتر]

المشاركة الأصلية كتبت بواسطة عبدالله وداعه الامين

اخخخخخخخخخخخ
ونفثك قايم مالك ياخ؟

الما بقومو شنو عليك الله !!!
متل المطبات دي مش تقومو وبس !!! يبطّل عديل كدا !!!
فـ خليو في قومو دا !!!!
ثم إتا الشماتة ليك شنو ؟؟؟
الواحد يا إما يقول كلام يرفع المعنويات أو
على اليمين قوم لف ...
قومة نفس وبتروح كعب التي بي !!!

[أشتر]

المشاركة الأصلية كتبت بواسطة سمراء

ثم قيل فى الاثر :
كوشة اشتر ...
ولا عمارة الناس*

اريته كوشة الوليدات جت

بالجد كدا ...
المكنة دي قسّمت فيني هذه المرة ... ونادرا ما تقسّم ...
أدتني إحساس إني شي قابل للتدوير (تدوير النفايات)
وفي النهاية احتمال تطلعو مننا بحاجة تشفع ...

[أشتر]

المشاركة الأصلية كتبت بواسطة سمراء

اتا يارضا رايحه ليك فردة شنو بالظبط

فردة جناحو التاني وكت الناس تطير لى عالما ...

اتي يا سمرا ليه بتكون عندك نهمة فتل في أماكن تواجدنا ؟؟؟

[جيجي]

المشاركة الأصلية كتبت بواسطة أشتر

فردة جناحو التاني وكت الناس تطير لى عالما ...

اتي يا سمرا ليه بتكون عندك نهمة فتل في أماكن تواجدنا ؟؟؟

عشان عارفاك طويل التيلة

[أشتر]

المشاركة الأصلية كتبت بواسطة سمراء

وياطروقة ماتكترو بالليل ياخ تقوم تلخبط محاثيثنا
ويختلط حابل السوط ....بنابل الفردة

ياتو فردة بالظبط ؟؟؟
ياخ دا خلط زيت وقبّل على زيتنا ...
أراد أن يطلع الأصلو طالع من زمن !!!
لازم نرفع (سوطنا) يعني أو نبلو بقطران الحروف ... هذا الإنقرش !!!

[أشتر]

المشاركة الأصلية كتبت بواسطة جيجي

عشان عارفاك طويل التيلة

وبالي كمان طويل ... عريض المنكبين ...
في كفي قصبة زيتون ... وعلى كتفي نعشي ...

[جيجي]

المشاركة الأصلية كتبت بواسطة أشتر

وبالي كمان طويل ... عريض المنكبين ...
في كفي قصبة زيتون ... وعلى كتفي نعشي ...

وكلك على بعضك حلو

[سمراء]

اقتباس:
المشاركة الأصلية كتبت بواسطة أشتر

ياتو فردة بالظبط ؟؟؟
ياخ دا خلط زيت وقبّل على زيتنا ...
أراد أن يطلع الأصلو طالع من زمن !!!
لازم نرفع (سوطنا) يعني أو نبلو بقطران الحروف ... هذا الإنقرش !!!

وجبطك
جبطك
جبطك
فوق ضهر خيل المحاثيث الفنجطت من صوت كواريك العشم
واتقرش صوت العشم ...وقرض معاهو كل القرض اللايكو من يوم عرفتك ..
ورينا ياخ ...
نلوك شنو بعد القرض

[أشتر]

المشاركة الأصلية كتبت بواسطة جيجي

وكلك على بعضك حلو

يردو عليك كيف وبياتو منهج في الحالة دي ...
مشكلتي ما بعرف أكسر تلج وحنحاول في المستقبل نتلافى المشكلة دي ...
عيب خُلقي على ما يبدو !!!!