لعب العيال الثوري !

[نبراس السيد الدمرداش]

المشاركة الأصلية كتبت بواسطة سمراء

يااااااااااااااااااسلام ياااااااااااخ ......ريحتينى الله يريحك دنيا وآخرة ياسلمى يابت ام حشاى !!
ياخ انا قربته اطرشق من عدم الفهم لى من الناس البتقوم طواااالى تصنفك لو مارددته وراهم ...معناها انت ضدهم ...!
ياسلمى من زمان وده فهمى ...انو اى شى بتم بدون ترتيب وتدبير ..عمرو مابنجح ..
ولمن حاتم قال المحرش مابكاتل الناس شبو ليهو فى حلقو ....ومافهمو انو الحراشة القاصده انو نفس ماذكرتى انت بى ( عزومة سد المال )..!!
بالجد محتاجين فهم مؤسس ...وترتيب لكل شى !

والثورات عمرها ماقادته الدعوات ....

سمرمر القمرمر
لقيتي ليك زول يفشك
غايتو جنس مغسه عليك انتي و الكاشف اخوك

سلمى تحياتي ومتابعه نقاشك

[نهلة عمر الشيخ]

المشاركة الأصلية كتبت بواسطة سلمى الناير

وبعدين من متين بقت المظاهرات بفتحو ليها بوستات عشان يدعو ليها الناس دي اصلو مظاهرة ولا سد مال .. لابد من وجود قنوات سرية واتصالات شديدة ودعم من جهات مؤثرة

الاخت سلمي الناير للاسف كلامك هذا غير صحيح
فثورة تونس وثورة مصر علمتنا ان المظاهرات يمكن لها ان تنطلق من البوستات والفيس بوك وعبر الدعوات الصريحة ايضاً ،، يعني زيها وزي سد المال
بعدين يا اختي الفاضلة كلامك بتاع قنوات سرية واتصالات شديدة ودعم من جهات مؤثرة برضو كلام ساي وغير عملي ،، قولي لي ليه .. لانو ببساطة لا توجد قنوات سرية امنة كما لاتوجد اتصالات امنة فجهاز امن الدولة قام باختراق كل القنوات وقام ايضا بالتلصص علي كل الاتصالات
اما الحديث عن جهات مؤثرة فلا اعتقد ان هنالك جهة مؤثرة اكثر من الجوع والكبت والاطهاد وسخافة الكيزان

[عبدالمنعم الطيب حسن]

المشاركة الأصلية كتبت بواسطة سلمى الناير

عبدالمنعم ازيك
الدوائر الانا اتكلمت عنها دي دوائر بحري الكبرى وبحري شمالا حدها ما الكباشي حدها الجيلي ودائرة الجيلي فاز بيه ابو حريرة اما الدوائر ال3 الشككت فيهم فهم كالاتي الدائرة 31 الاملاك حدها المزاد و فاز بيها مهدي ابراهيم و32 الصافية وشمبات والعزبة فاز بيها محمد الفاتح كوز والدائرة 33 الحلفايا والدروشاب والكدرو فاز بيها حسن نورالدين 34 و35 فازوا بيها اتحاديين و بالمناسبة حسن نورالدين ومحمد الفاتح معلمين لغة عربية درسوني في المرحلة المتوسطة والثانوي على التوالي .. ولو قريت كلامي كويس انا قلت مركز للكيزان والختمية .. وتوقفي عند الكباشي او قبل الكباشي لانو دي منطقة وعي او مفترض تكون كذلك ولا رايك شنو ؟

سلمى هلا
اولا بي التبادي دائرة الجيلي فاز بها محمد الحسن عثمان احمد اتحادي ديمقراطي
لا ابوحريرة الذي فاز بدائرة الحاج يوسف عد بابكر
بنبغي تحري صدق المعلومة قبل كتابتها
وتلك ابجديات الحوار
بعدين مرة تانية بحري ليست حكرا للكيزان ولا الختمية
ومن يقل ذلك يظلم بحري وسكانها ويلوي عنق حقيقة الاشياء
هنالك مياه كثيرة مرت تحت الجسر
وتحركات ديمغرافية ضخمة
وتمددت بحري وكل العاصمة
والان الان لو تمت انتخابات حرة لكان لبحري شان عظيم في الانحياز لقيم الديمقراطية
التي سوف تاتي غدا
وسيعرف الذين ظلموا الشعب موقعهم لحظتئذن
حكاية الوعي دي برضو كلام فيهو قولان الوعي سيدتي يتحرك مع التعليم وتطور تقنيات الاتصال
لافرق في ذلك
لو كنت تسكن الصافية او حوش بانقا
بعدين البوستات لاتشارك في المظاهرة ولكنها تنقل مادار
صورة وصوت وهذا ماحصل في تونس وما يحصل الان في ميدان التحرير
وتسجل ارقام العربات التي تدهس المتظاهرين واسماء وارقام جوالات المعتدين
وتوثق للمعتدين لمعاقبتهم بعد انتصار الثوار
هذا تطور يخدم التغيير
سنقوم به عن قناعة رغم تشكيك المثبطين المتخاذلين
غايتو بوست يخذل الثوار والثورة
يخدم للاسف قتلة شعبنا
وطبت سيدتي

[مبر محمود]

تحياتي يا سلمى الناير وبابكر عباس
عليكم الله صلحوا ليّ كلمة (تبخيثة) في الإقتباس، فالصحيح (تبخيسه)

شكراً كانديك علي المراجعة والتنبيه الراقي

[سلمى الناير]

المشاركة الأصلية كتبت بواسطة عبدالمنعم الطيب حسن

سلمى هلا
اولا بي التبادي دائرة الجيلي فاز بها محمد الحسن عثمان احمد اتحادي ديمقراطي
لا ابوحريرة الذي فاز بدائرة الحاج يوسف عد بابكر
بنبغي تحري صدق المعلومة قبل كتابتها
وتلك ابجديات الحوار
بعدين مرة تانية بحري ليست حكرا للكيزان ولا الختمية
ومن يقل ذلك يظلم بحري وسكانها ويلوي عنق حقيقة الاشياء
هنالك مياه كثيرة مرت تحت الجسر
وتحركات ديمغرافية ضخمة
وتمددت بحري وكل العاصمة
والان الان لو تمت انتخابات حرة لكان لبحري شان عظيم في الانحياز لقيم الديمقراطية
التي سوف تاتي غدا
وسيعرف الذين ظلموا الشعب موقعهم لحظتئذن
حكاية الوعي دي برضو كلام فيهو قولان الوعي سيدتي يتحرك مع التعليم وتطور تقنيات الاتصال
لافرق في ذلك
لو كنت تسكن الصافية او حوش بانقا
بعدين البوستات لاتشارك في المظاهرة ولكنها تنقل مادار
صورة وصوت وهذا ماحصل في تونس وما يحصل الان في ميدان التحرير
وتسجل ارقام العربات التي تدهس المتظاهرين واسماء وارقام جوالات المعتدين
وتوثق للمعتدين لمعاقبتهم بعد انتصار الثوار
هذا تطور يخدم التغيير
سنقوم به عن قناعة رغم تشكيك المثبطين المتخاذلين
غايتو بوست يخذل الثوار والثورة
يخدم للاسف قتلة شعبنا
وطبت سيدتي

مرحب عبدالمنعم
بخصوص دائرة الجيلي لا تعنيني الاسماء كثيرا مثل التنظيم الذي ينتمي له المرشح ولو ملاحظ انا قلت اتحادي ودا المهم انا ما كنت ضابطة انتخابات دا اولا ً .. ثانيا ايه حكاية المياه التي مرت تحت الجسر دي ؟ يا اخوي المياه دي 64 لحدي 85 ولمدة 21 سنة مالها ما مرت والجد شنو على بحري هل بحري منطقة للعرب الرحل ؟
طيب نفترض ياخ ان المياه مرت واي حاجة .. هسي لما دعيت لمظاهرة ميدان عقرب الجوك كم ؟ حقو تعملوا قياس للحضور وتشوفوا المرة التانية ح يجوك كم ؟ واعمل graph عشان ما تبني شغلك على اوهام ويضيع مجهودك ويفتر حماسك في الفاضي .. الخرطوم او وسط الخرطوم هو المكان الانسب فيهو 4 او 5 جامعات + كل الوزارات والمصالح الحكومية .. كدي وريني بحري فيها منو ؟ وفيها شنو ؟ وانتو لو ما سوء التخطيط بتعلنوها بعد نهاية اليوم الدراسي ... كلامي حار ولكن اسمع كلام البكيك وما تسمع ... الخ .. واشتغلوا بطريقة علمية واستفيدوا من التاريخ القريب وخليك من حكاية الموية والجسر وشنو شنو دي ..
ارقدوا عافية

[سلمى الناير]

المشاركة الأصلية كتبت بواسطة بابكر عباس

انتي يا سلمى فاكرا كلمة هتافية دي طوالي [OVERLINE]إساءة[/OVERLINE]؟،

حباب بابكر
انا لا اسيئ انا هنا اناقش واطرح وجهة نظر
شكرا على المرور

[سلمى الناير]

المشاركة الأصلية كتبت بواسطة أحمد طه

سلمى سلامات ،
الشي الأكيد إنو النظام مابيدي أي تجمع فرصة عشان يتظاهر ، قبل الناس تتجمع كويس تكون العِصي نزلت فوق روسينهم و رفعوهم في عربات الأمن ،،
كنت بتمنى يخلو الشباب ديل يعبروا عن رايهم و يراقبوهم من بعيد و ما يتدخلوا إلا عند الضرورة (تخريب و ما شابه )
على الأقل كده بيعرفو الحجم الحقيقي لمعارضي نظامهم ، و يكونوا كمان احترموا الدستور البيكفل حق المواطن في التعبير السلمي

الكبت يؤدي للانفجار

شكرا احمد طه وحبابك اخوي
عشان كدا انا بقول التنسيق مهم والتخطيط اهم والعدد كلما كبر ممكن يشكل عقبة امام الامن في السيطرة لكن ما ممكن تبدوا مظاهرة وانتو 40 او 50 وتقدروا تسيطروا على الوضع ...
تحياتي

[سلمى الناير]

المشاركة الأصلية كتبت بواسطة الجيلى أحمد

سلمى سلام
يابت يانار

تعرفى ياسلمى الشباب الثائر دا عشان يقنعك بى أهدافو محتاج يتراجع عن كل شئ و ويبدأ من الصفر , وفى الحالة دى أخير ليك بدر الدين الكوز حمار الشيل
؛دا..


حبابك ألف

______________________
؛ حزفناها عشان نقَصر النقَة

شكرا الجيلي على الترحيب
لكن ما فهمت ايه المقصود من كلامك ياريت توضح
وارقد عافية

[سلمى الناير]

المشاركة الأصلية كتبت بواسطة فيصل سعد

اطلقوا سراح الاحرار ايها السفلة .. يا حثالة البشر
و احقر خلق الله .. يا كلاب و عسس السلطة الغاشمة
لعنة الله تغشاكم الى يوم الدين .. يا عديمي الضمير و
الاخلاق و يا سدنة الظلم و الاستبداد ..

حباب فيصل
سينتصر الحق لا محالة بس انتو اعقدوا العزم
وشدوا الحيل وارقدوا مفتحين الحبة ما بتجيكم
والحرية للمعتقلين وربي يغطي عليهم

[عبدالمنعم الطيب حسن]

المشاركة الأصلية كتبت بواسطة سلمى الناير

مرحب عبدالمنعم
بخصوص دائرة الجيلي لا تعنيني الاسماء كثيرا مثل التنظيم الذي ينتمي له المرشح ولو ملاحظ انا قلت اتحادي ودا المهم انا ما كنت ضابطة انتخابات دا اولا ً .. ثانيا ايه حكاية المياه التي مرت تحت الجسر دي ؟ يا اخوي المياه دي 64 لحدي 85 ولمدة 21 سنة مالها ما مرت والجد شنو على بحري هل بحري منطقة للعرب الرحل ؟
طيب نفترض ياخ ان المياه مرت واي حاجة .. هسي لما دعيت لمظاهرة ميدان عقرب الجوك كم ؟ حقو تعملوا قياس للحضور وتشوفوا المرة التانية ح يجوك كم ؟ واعمل graph عشان ما تبني شغلك على اوهام ويضيع مجهودك ويفتر حماسك في الفاضي .. الخرطوم او وسط الخرطوم هو المكان الانسب فيهو 4 او 5 جامعات + كل الوزارات والمصالح الحكومية .. كدي وريني بحري فيها منو ؟ وفيها شنو ؟ وانتو لو ما سوء التخطيط بتعلنوها بعد نهاية اليوم الدراسي ... كلامي حار ولكن اسمع كلام البكيك وما تسمع ... الخ .. واشتغلوا بطريقة علمية واستفيدوا من التاريخ القريب وخليك من حكاية الموية والجسر وشنو شنو دي ..
ارقدوا عافية

لم اقل لك انك ضابطة انتخابات ولكنك ذكرت نواب الكيزان التلاتة بالسم كاملا ولم تكتفي بالجبهة الاسلامية
وعند الجيلي ذكرت ابوحريرة ولم تذكري اتحاي ومداخلتك موجودة انا صححت لك معلومة وهي الصحيحة فلماذا المكابرة
المظاهرة تنطلق في الخرطوم وبحري وواوسي وكل مكان فلا زمان ولا مكان للمظاهرات الهتافات فقط ظروف موضوعية وتنطلق الشرارة يندلع اللهيب
ولكل وجهة نظر بعدين كلامك لا حار لا حاجة وجهة نظر عادية لو اختلفنا معاها ما معناها حارة
انا من الشعب المسكين المظلوم دا لم يفتر حماسي يوما ولن يفتر
وسينتصر الشعب رغم المخذلين المتخاذلين
ولك العافية

[فتحي مسعد حنفي]

المشاركة الأصلية كتبت بواسطة عبدالمنعم الطيب حسن

لم اقل لك انك ضابطة انتخابات ولكنك ذكرت نواب الكيزان التلاتة بالسم كاملا ولم تكتفي بالجبهة الاسلامية
وعند الجيلي ذكرت ابوحريرة ولم تذكري اتحاي ومداخلتك موجودة انا صححت لك معلومة وهي الصحيحة فلماذا المكابرة
المظاهرة تنطلق في الخرطوم وبحري وواوسي وكل مكان فلا زمان ولا مكان للمظاهرات الهتافات فقط ظروف موضوعية وتنطلق الشرارة يندلع اللهيب
ولكل وجهة نظر بعدين كلامك لا حار لا حاجة وجهة نظر عادية لو اختلفنا معاها ما معناها حارة
انا من الشعب المسكين المظلوم دا لم يفتر حماسي يوما ولن يفتر
وسينتصر الشعب رغم المخذلين المتخاذلين
ولك العافية

تعرف يامنعم انت قلت كلام منطقي ومحسوب بدقة حسب المعطيات الأدتنا ليها سلمي.
تعرف أنا في النهاية وصلت لي انو سلمي الناير دا اسم وهمي وربما كان برضو محمد فرح بمكنة جديدة..وبقول ليها خلينا نفترض انك صح وأنا غلط فهميني بتتهربي ليه من انك تقولي انتي من وين من بحري..مع اني وصفت ليك بيتنا بي خرطة وقلت ليك أمشي أسألي عني هناك ولكنك تصرفتي تصرف الشخص الذي يعلم تماما مقدرتي علي كشف ملفك خلال ساعة واحدة بمكالمة تلفونية واحدة..
الحاجة التانية أنا ما فاهم سر الاحترام الغير مبرر لي وعدم ردودك علي رغم مهاجمتي لك وكأن الأوامر قد جائتك بعدم التعرض لي لسبب لا أعلمه وأتمني أن أجد له اجابة حتي لا أستمر في مهاجمتك والتشكيك فيك بلا سبب منطقي وأقول لك كما قلت لحاتم شتم الكيزان ليس دليلا علي عدم انتمائك لهم..
كدي خلينا نعمل نقطة ونبتدي سطر جديد وساعديني بالشرح وأثبتي لي اني غلطان عشان أعتذر ليك هنا مرة تانية وأجي السودان مخصوص أعتذر لك في بيتكم..
الغريبة أنا أعرف معظم عوائل الخرطوم بحري واسم الناير دا ما صادفني وحسب كتاباتك بتحاولي توري انك انسانة متقدمة في السن لكن الواضح هنا هو العكس والواضح كمان انك بتنزلي هنا الردود البتجيك جاهزة من من جهة مجهولة ولكنها معلومة.ودي ما غلوتية
استمري ياماما فأيامك هنا قد أصبحت معدودة الا اذا أثبتي لنا خطأنا في حقك.

[سلمى الناير]

المشاركة الأصلية كتبت بواسطة عبدالمنعم الطيب حسن

لم اقل لك انك ضابطة انتخابات ولكنك ذكرت نواب الكيزان التلاتة بالسم كاملا ولم تكتفي بالجبهة الاسلامية
وعند الجيلي ذكرت ابوحريرة ولم تذكري اتحاي ومداخلتك موجودة انا صححت لك معلومة وهي الصحيحة فلماذا المكابرة
المظاهرة تنطلق في الخرطوم وبحري وواوسي وكل مكان فلا زمان ولا مكان للمظاهرات الهتافات فقط ظروف موضوعية وتنطلق الشرارة يندلع اللهيب
ولكل وجهة نظر بعدين كلامك لا حار لا حاجة وجهة نظر عادية لو اختلفنا معاها ما معناها حارة
انا من الشعب المسكين المظلوم دا لم يفتر حماسي يوما ولن يفتر
وسينتصر الشعب رغم المخذلين المتخاذلين
ولك العافية

يامنعم يا اخوي
ياخ عشان اشوف غيرك شايفة عمك فتحي دا مستعجل انا لما ذكرت ليك اسم نواب الكيزان التلاتة لانو مهدي ابراهيم نائب دائرتنا والاتنين التانيين قلت ليك درسوني واحد منهم في الاميرية بنات والتاني بحري الثانوية بنات ومتذكراهم كويس ..
اها ابو حريرة دا اتحادي وكان وزير في الحكومة ولو اني ماذكرت الكلام في المداخلة اكون سهيت ... تاني بعرف عزالدين علي عامر فاز في الخرطوم وعارفة برضو الترابي سقط في الصحافة والصادق فاز في الجزيرة ابا يعني متذكرة اخبار النجوم والناس العندي بيهم علاقة زي استاذي الفاضلين ... لكن وكتها كنت متابعة بس الزمن طول والمشغوليات ...
اقعد عافية

[Hassan Farah]

يا اخوانا اختنا سلمى براحة عليها... بالرغم من ان عنوان بوستها مثير للغضب لكن دى حالة الكتيرين فى السودان بعد تعدد الفشل والاحباطات التى عشناها خلال 55 عاما... الناس تعبت ياخ... كرهوا كل شئ.. كرهوا التحليل العلمى للتحرك الاجتماعى وما التفتوا حتى لتجارب الجيران... اخوانا المصريين كنا بنصفهم بأخيب شعب... وهم حبة حبة ومحاولة بعد محاولة يلمملموا فيها... يقوموا ويقعوا لما اخيرا تمكنوا من حنجرة الطاغية وخنقوهوا...
الاخت سلمى كالكثير من الناس تعبت وضربت الزهج... انا كنت رشحتها للرئاسة...
نعيد التفكير...

[فتحي مسعد حنفي]

المشاركة الأصلية كتبت بواسطة Hassan Farah

يا اخوانا اختنا سلمى براحة عليها... بالرغم من ان عنوان بوستها مثير للغضب لكن دى حالة الكتيرين فى السودان بعد تعدد الفشل والاحباطات التى عشناها خلال 55 عاما... الناس تعبت ياخ... كرهوا كل شئ.. كرهوا التحليل العلمى للتحرك الاجتماعى وما التفتوا حتى لتجارب الجيران... اخوانا المصريين كنا بنصفهم بأخيب شعب... وهم حبة حبة ومحاولة بعد محاولة يلمملموا فيها... يقوموا ويقعوا لما اخيرا تمكنوا من حنجرة الطاغية وخنقوهوا...
الاخت سلمى كالكثير من الناس تعبت وضربت الزهج... انا كنت رشحتها للرئاسة...
نعيد التفكير...

طيب ياحسن ما تتم جميلك وتورينا مرشحتك للرئاسة دي منو وتاني مافي زول حيغلط عليها ودا اعتراف مني اني بغلط عليها لكن لغاية هسة شايف عندي عذر للغلط الي أن يثبت العكس..

[سلمى الناير]

المشاركة الأصلية كتبت بواسطة فتحي مسعد حنفي

تعرف يامنعم انت قلت كلام منطقي ومحسوب بدقة حسب المعطيات الأدتنا ليها سلمي.
تعرف أنا في النهاية وصلت لي انو سلمي الناير دا اسم وهمي وربما كان برضو محمد فرح بمكنة جديدة..وبقول ليها خلينا نفترض انك صح وأنا غلط فهميني بتتهربي ليه من انك تقولي انتي من وين من بحري..مع اني وصفت ليك بيتنا بي خرطة وقلت ليك أمشي أسألي عني هناك ولكنك تصرفتي تصرف الشخص الذي يعلم تماما مقدرتي علي كشف ملفك خلال ساعة واحدة بمكالمة تلفونية واحدة..
الحاجة التانية أنا ما فاهم سر الاحترام الغير مبرر لي وعدم ردودك علي رغم مهاجمتي لك وكأن الأوامر قد جائتك بعدم التعرض لي لسبب لا أعلمه وأتمني أن أجد له اجابة حتي لا أستمر في مهاجمتك والتشكيك فيك بلا سبب منطقي وأقول لك كما قلت لحاتم شتم الكيزان ليس دليلا علي عدم انتمائك لهم..
كدي خلينا نعمل نقطة ونبتدي سطر جديد وساعديني بالشرح وأثبتي لي اني غلطان عشان أعتذر ليك هنا مرة تانية وأجي السودان مخصوص أعتذر لك في بيتكم..
الغريبة أنا أعرف معظم عوائل الخرطوم بحري واسم الناير دا ما صادفني وحسب كتاباتك بتحاولي توري انك انسانة متقدمة في السن لكن الواضح هنا هو العكس والواضح كمان انك بتنزلي هنا الردود البتجيك جاهزة من من جهة مجهولة ولكنها معلومة.ودي ما غلوتية
استمري ياماما فأيامك هنا قد أصبحت معدودة الا اذا أثبتي لنا خطأنا في حقك.

شوف يا مسعد حنفي
كلامك دا فيهو اساءة وعدم احترام لخصوصيتي ياخ انا من ما جيت هنا كل الناس حذرتني منك وفهمت منهم انك انسان سخيف او حشري وتتدخل فيما لا يعنيك فقررت ما احتك بيك دا اولا ..
تانيا ايه علاقة البكتبو هنا بسكني واسرتي انت زول ما عندك شغلة ولا شنو ؟ وهل خلاص مشاكل السودان دي كلها وقفت على اني شخصية وهمية ولا حقيقية ..
هنا في ناس بكتبوا باسماء ما معروفة زي همسة شوق وسمراء وما شاكل مع الاعتذار ليهم وكان ممكن اسجل باسم (قنبلة) او (فاطنة رشدي) او ممكن انتحل شحصية رجل ا او الخ ..
انت حدك معاي تناقشني في البكتبو هنا تتفق معاهو او تختلف على كيفك لكن تقول لي بيتكم وين وجاي اشرب معاك شاي واشرب لي حجر شيشة مع زوجك ما مسموح ليك ولا مرحب بيك فاهم ولا ما فاهم ؟
ومع ذلك ومين قال ليك الناير من الاسر المعروفة في بحري حامد الناير التقلاوي كان معلم ونقابي ومن المغضوب عليهم كل سنتين في بلد لحدي ما نزل المعاش ومتزوج من بحري ولو ملاحظ انا قلت والدتي هي المن بحري وعلى العموم انا مولودة في حلة حمد نفسها وفي بيت المرحوم علي مرسي وعلى يد الداية زكية ..
واسكن حاليا حلة الدناقلة في منزل مملوك لزوجي ... اكتر من كدا ما من حقك تعرف ولا مفروض تعرف .. اما حكاية ايامي بقت معدودة في المنبر دا دي انا برفعها للادارة ونشوف رايهم شنو فيها اذا لم يتخذوا ضدك اجراء مناسب انا التي ساغادر ..
وتاني ما تجيني تعتذر لاني ما حارد عليك لأنك لا تحترم الاخرين وخصوصياتهم وما بتعرف حدودك وين ..
والسلام