اقتباس:
المشاركة الأصلية كتبت بواسطة أشتر
.. عيوني أدمنت النحيب وطواااالي ليّن مَدمعِن ...
إحتجتَ أصبعك الكبير براااااااحة يمسح دمعتِـن ..
لو شفتهن ؟؟!!!!!!
شوفِن طشاش ... أضحى نص اللون غباش ..
يا وحدتن !!!
ويا وحشتك ... كيف يفرحن في حتة كانت فِجّتك ..
وما فَجّتِـن غير هجعتك ...
و
الله في ...
|
والله ...فى
ياااااااااااااااااااااااااااااااااااااااااااه يامحمد !!
كنت خائفه عليك من ضغط الحزن الكابس على نفسك ...
اتمنيتك تبكى باعلى صوتك عشان ترتاح ...
اتمنيتك لو كنت معانا فى بيت خالد ونحن بنقالد بعض ونبكى الخال فى بعضنا
كنت حاسة بيك وانت بتحاول تتكلم ..وتقفل راجع !!
بقدر ما أتأزمته برحيل الخال ...بقدر ما أزمنى حزنك المكبوت على روحك يا اشتر
الحزن كبير يامحمد
والفقد اعظم مما كنت اتخيلو ...
بس البريحنى انو الخال جوانا اتزرع واتروى بدم الحب الاخوى الصادق
والكل يوم بتجدد عبر حروفو وفكرتو التركة لينا عشان نواصل فيها
ومن هنا بكرر ليك واذكرك " الوصية " القاله لى الخال والربنا بسألنى منها
وهو فى مرضو المارجع منو ...قال لى قولى لى محمد " ابقى عشرة " وماتقصر
وقال لى والله محمد ده انسان ماساهل وانا بثق فيهو ثقة كبيرة ...
اها يامحمد ....الشيلة والامانة تقلة عليك
وابقى عشرة
انت وعكود قدرها
اللهم تقبل خالد الحاج واكرمة برحمتك
وانزله فى اعلى الجنان يارب
