قليل من مراهقه أيها الجسر الحزين..رسائل الى انا

[الدقيقة 30]

حته ملام ..يا حبه فرح
.....
ها انا اعود من جديد للبحث عن خارطة للوصول اليك
اعود ابحث عنك بين متاهات الاستداعاء والمشى
وعفاف يا صديقة الروح
عفاف حسن الامين تتحدث بتلك الكلمات المشحونه بالفرح والشجن
يعنى (متلخبطة) بين السعادة وشجن
..
قالت شنو
قالت عفاف ...
(فى ناس حلوين جواك..
وبكل ارتباك ..تواصل
ممكن يكونو اجمل ناس لاقيتهم
..
بس
ما بتقدر تستبقيهم
..
عندهم ظروفهم...مشاغلهم...عندهم ملابستهم الماخلتهم يقعدوا معااااك
..
وتتجلى ...لما تقول

اكتر ذول بتعرف انك بتريدو كيف....لما يمشى)

وانا المشدود بين مسرح خيال منصوب على اوتاد
استداعائك ..والمشى ليك
...
المهم
احتاجك وبشده والان ...
كلام كتير يا فيقة ...العمر المهجس بالسماح من (شكل) العواطف
...

اعود ابحث عن ملامحك هنا فى كل خد نديان بالضحك
وللاسف
لاخد يشبه نون خدك البيهيج
(الموضوع ده ما غزل)
لا خرائط تهدينى الى بوابه مدينتك السعيدة..
لا شى ..
لذلك تصالحت و (فحمه) سوداء
واتفقنا ان اسود بياض كل المدارس والحوائط
معلنا
اننى ...افتقدك بشده

[الرشيد اسماعيل محمود]

غايتو يا وهيب حكايتك حكاية..
تغيب شهر.. شهرين وتجي طوّالي لمراهقة الجسور دي..
الحنين شكلو سوّاق.. بسوقنا للمكان الأكتر وجعاً.. والأوفر مشقة علي الرّوح..
كيفك..؟

[ود الخير]

المشاركة الأصلية كتبت بواسطة الرشيد اسماعيل محمود

غايتو يا وهيب حكايتك حكاية..
تغيب شهر.. شهرين وتجي طوّالي لمراهقة الجسور دي..
الحنين شكلو سوّاق.. بسوقنا للمكان الأكتر وجعاً.. والأوفر مشقة علي الرّوح..
كيفك..؟

الدقيقة 30؟؟ يا أخ انت العمر كلو!!!
يا رشيدنا تعرف الزول الساعدتو البيئه
والظروف وعاش وضاق لذة المرحله دي وما تكلل
الحب بزواج والله يا حبه تاني المتعه واللذه الأ يفتش
ليها في الإيمان.
عشان كدا يا حبيب الخواجات ديل تلقي قاطر البت
من 12 سنه الي نهاية العمر
ونحن نكاكي في محل ونبيض في محل
عشان كدا تلقي الواحد فينا يفتش العمر
كلو ما عارف الرائح ليه شنو!!
نقوم نجهز للجمعه

[عبد القادر جاويش]

المشاركة الأصلية كتبت بواسطة الدقيقة 30

فيما مضى من رسائل كنت اكتب والامل ان لا تصلك
ولكن هنا. متاكد تماما انك لن تكونى بين الحضور
لذلك اجد نفسى منفتح فيما اكتب اليك دون رقيب
ما اتعس الخطابات الممهورة بتاريخ
وهذا حال من يكتب الى انثى متمردة العواطف مثلك
مشاقين...(كويس)
بعدين (لمى ) عليك (وشك) البيدفق..شمس ده
عميتينا بى ضوء عيونك
زمن لم اكتب اليك مهلمتى زمن
وكانت الرسائل بيننا مساحة فرح تنتزع دواخلنا من هم دنيا (مستبدة)
سؤال...
هل الذى بيننا عشق...
ام انه ذلك الهلام المسمى بالتقارب
سمه ...كيفما اتفق..
ولكنى اسميه تبنى...
كنت مشرد هوى حتى قابلت طوف احتشادك ذلك المساء اللعين...
لولا التسكع تلك الليلة لما حبست نفسى والهوى بداخل (كرنتينا) حياتك الى الان
يا اجمل شجرة دوم فى فريق اولاد..(مانة)
وانا حينما اتسكع بين القلب و الضلوع
ابدا لا اعير ستار الضلوع كثير اهتمام
بس
اليوم دااك (شوفتك)..بتركبى ستائر جديدة بين الضلوع والقلب
(شفتك)
واستغربت اللون البنى العاجبك....
واستغربت جدا...
للبياض القاسم نص قلب الستارة
واتعجبت
ليه بتحاولى تخفى مهرجان قلبك من الضلوع
واتخيلتك قاعدة تدندنى..بى شنو
حتى الطرب الفيك سد الباب الفاتح ....ليك
ومن الليلة ديك...قررت انو لازم اسحب استمارة التبنى
ومليتك خوف ...
عنى....
يا ايها الوجه الملاك.....
ها نحن نعود من جديد....
ها انا وبكل بدويتى وهرجلتى...اعود اكتب إليك
وبذات الطريقة..(البتلخبطك)
......
ووحات عينيك لا سافرت لا جيت...
بداية بيك....
من هنا...
سودانيات...17\10
س 12\27 دقيقة

احتاج هذا الارتباكه
هذه الفوضى ..
وهذا ال..
كثيره هى فانا الان مثل( النفرى )
اتسع المعنى وضاقت العباره
جاييك

[خلاسية]

المشاركة الأصلية كتبت بواسطة الدقيقة 30

العيد كان زحمة...شديد بى حضورك
طبعا اول مرة اشوف شجر المنقة بيطلع مظاهرة

30 ما بالغت مظاهرة شجر المنقة دي
وانا في امس الحوجة للخروج بمظاهرة
ضد الاجراءات العقيمة وجدت مظاهراتك
بشجر المنقة فقررت الانسحاب