راكوبة المجادعات.. النمة والدوباي

[مواهب عبد العزيز نقد الله]

المشاركة الأصلية كتبت بواسطة مي هاشم

في رمضان ده؟



البارح انا وفرع الجريد الخدّر
في ونسة وبسط لامن جسيمي اتخدّر
وقتين حاكى اللّريل نظر واتحدّر
ما مُتّ وبقيت قفاهو محدّر

البارح انا شايالهو ليلى قصيبة ...
شارد فكرى ليهو يوصلا ويجيبا...
وقتين المنام لعينى مابى نصيبا ...
صليت للكريم لجروحى القى طبيبا ...


* يا مى ياخى البارح ما ضرورى الأمس القريب بس , علشان ما تقولى لينا فى رمضان دا

[علاء ابو حريرة]

المشاركة الأصلية كتبت بواسطة مي هاشم

في رمضان ده؟



البارح انا وفرع الجريد الخدّر
في ونسة وبسط لامن جسيمي اتخدّر
وقتين حاكى اللّريل نظر واتحدّر
ما مُتّ وبقيت قفاهو محدّر

البارح انا وصيد الارايل في حكاوي وغي
ضامينا النضم عشق الكلا م الحي
يرعاك الكريم ما تشوفوي شيتا سي
مو غلطان عمي هاشم ان سماك مي

هامش : لست شاعر لكني اتزوقه ..

[طارق صديق كانديك]

المشاركة الأصلية كتبت بواسطة الجيلى أحمد

أهلنا ناس النمة والدوباى,
أبشرو بالخير ...

عندى ياجماعة كلمة محيرانى معناها,
ولقيتا فى أغلب رميات وجدعات أهلنا ناس الجزيرة
والبادية السودانية النيلية..

كلمة (الديس)

المشاركة الأصلية كتبت بواسطة مواهب

مسا الخيرات اخى الجيلى ...
حبيت ادلى بدلوى هنا مع اننى لست من اهل اللغات الذين عنيت
فى الشمال دارجة وهى تعنى الشعر ...
وتردد فى أغانى البنات
الكابى ديسا حلاتا .....
وطبعا اسم العروس مكان الفراغ
ولا أدرى ان كانت تحمل ذات المعنى فى بقية المناطق
تحياتى

المشاركة الأصلية كتبت بواسطة الجيلى أحمد

لكن السؤال لسه قايم

صباح الخير يا حبيبنا

سؤالك بعد افادة اختنا مواهب ماعندو سبب يقوم كلو كلو

ولعل أنه من قبيل الاستطراد أن أقول أن كلمة (ديس) في الأصل هي نبات يشبه النجيلة وفي اخضراره الداكن يميل الى السواد؛ وهو ينمو دائما بغزارة؛ فشُبّه الشعر الكثيف به لجهة غزارته وجماله. وقد تبارى الكثيرون في استخدامه على هذا المعنى.

أو هكذا أظن

[طارق صديق كانديك]

المشاركة الأصلية كتبت بواسطة اشرف السر

اعجبني سؤال الجيلي عن الديس.. واللي هو شعر الرأس..

وبما انو ظهر في ناس بتعرف معاني الكلمات الموغلة في القدم...

في كلمة واردة في شعر واغنيات الحقيبة وجننتني وما عرفت ليها معنى..

وهي كلمة الخنتيلة...

ما معنى الخنتيلة؟

يا أشرف كيف حالك ياخي

تناول عزيزنا ( شبارقة) في مفترعه الجميل لمحة عن بعض شعراء الأغنية السودانية معنى الخنتيلة التي تعنى الحسناء اللينة المتكسرة

http://www.sudanyat.org/vb/showthrea...=20732&page=10

اديهو طلة بوست في غاية الروعة

[قيس شحاتة]

المشاركة الأصلية كتبت بواسطة علاء ابو حريرة

البارح انا وقصبة مدالق السيل
في ونسة وبسط لامن قسمنا الليل
وقت النعام اتشقلبنبو الخيل
لا جادت ؟؟ ولا بخلت علي بلحيل

كلام عجيب والله. شكراً ليك علاء.. وشكراً لشاعرنا الكبير الراحل الحردلو.

المشاركة الأصلية كتبت بواسطة الجيلى أحمد

لكن السؤال لسه قايم

⇊⇊⇊⇊

المشاركة الأصلية كتبت بواسطة طارق صديق كانديك

سؤالك بعد افادة اختنا مواهب ماعندو سبب يقوم كلو كلو

وضحِكت السُرّة - صديقة حليمة بائعة اللبن - حتى ظننتُ أنّها ستورّثها

[طارق صديق كانديك]

(امـبارح بعد نـاس الفريق ماهجعـوا)*
خاويت الأنين لاويت اذاهو ووجعوا
السبب القبيل منو المغايس نبعـوا
باسم ثغرو ناير خدو آح من فدعوا



* البيت للشاعر الكبير ابراهيم ود الفراش ان لم اكن مخطئا

[ماريل]

الليلة وامس انا بالحبيب مشغولة
بى ونسه وهمس وانا فى هواو مكتولة
لو عرف النفس وكيفن عليو مشغولة
هوما سبب البعاد وظروفنا لعبت دورا

[مي هاشم]

المشاركة الأصلية كتبت بواسطة طارق صديق كانديك

(امـبارح بعد نـاس الفريق ماهجعـوا)
خاويت الأنين لاويت اذاهو ووجعوا
السبب القبيل منو المغايس نبعـوا
باسم ثغرو ناير خدو آح من فدعوا

رمضان كريم ياح..اقصد ياخ

والله عجيب يا طارق..الكلام ده داير زول فاطر..وكان ما فاطر ما تخاطرgap

[مي هاشم]

المشاركة الأصلية كتبت بواسطة مواهب

البارح انا شايالهو ليلى قصيبة ...
شارد فكرى ليهو يوصلا ويجيبا...
وقتين المنام لعينى مابى نصيبا ...
صليت للكريم لجروحى القى طبيبا ...


* يا مى ياخى البارح ما ضرورى الأمس القريب بس , علشان ما تقولى لينا فى رمضان دا

البركة في صلاتك دي ياختي gap

ما شاء الله يا مواهب..ماك هيني تب

المشاركة الأصلية كتبت بواسطة علاء ابو حريرة

البارح انا وصيد الارايل في حكاوي وغي
ضامينا النضم عشق الكلا م الحي
يرعاك الكريم ما تشوفوي شيتا سي
مو غلطان عمي هاشم ان سماك مي

هامش : لست شاعر لكني اتزوقه ..

يا ابو حريرة والشاعر منو؟؟
أنجُر ساي..بتجي

المشاركة الأصلية كتبت بواسطة ماريل

الليلة وامس انا بالحبيب مشغولة
بى ونسه وهمس وانا فى هواو مكتولة
لو عرف النفس وكيفن عليو مشغولة
ما كاس البعاد دى الاقدار بتلعب دورا

حننتيني
الله كريم علينا ..

[طارق صديق كانديك]

المشاركة الأصلية كتبت بواسطة مي هاشم

رمضان كريم ياح..اقصد ياخ

والله عجيب يا طارق..الكلام ده داير زول فاطر..وكان ما فاطر ما تخاطرgap

شايفك عاصرة على الكلام ؛ يازولة جرِ النم

------

تضحك بلاهن السُّرة

[قيس شحاتة]

المشاركة الأصلية كتبت بواسطة ماريل

الليلة وامس انا بالحبيب مشغولة
بى ونسه وهمس وانا فى هواو مكتولة
لو عرف النفس وكيفن عليو مشغولة
ما كاس البعاد دى الاقدار بتلعب دورا

غايتو يا ماريل المربوع دا جازفتيو ساي لاكين ما بطّال بحسبان رمضان دخل العضم وكداgap

[ماريل]

المشاركة الأصلية كتبت بواسطة قيس الصديق شحاته

غايتو يا ماريل المربوع دا جازفتيو ساي لاكين ما بطّال بحسبان رمضان دخل العضم وكداgap

طيب طالما انو ما بطال نواصل ساكت
احتمال يعنى نصل مرحلة جميلتا ميوية

[ماريل]

المشاركة الأصلية كتبت بواسطة طارق صديق كانديك

(امـبارح بعد نـاس الفريق ماهجعـوا)
خاويت الأنين لاويت اذاهو ووجعوا
السبب القبيل منو المغايس نبعـوا
باسم ثغرو ناير خدو آح من فدعوا

امبارح خيالو مشى للحبيبة وشافا
تاه فى بحر جمالا ابدع عديل فى اوصافا
الديس الغزير وسواد وطولو مساااااااااااافة
ووووووب ووبيين عليهو من العيون الشافا
كتلنو اللمى ..ودواهو يوت فى سلافا

[ماريل]

المشاركة الأصلية كتبت بواسطة مي هاشم

حننتيني
الله كريم علينا ..

انا ذاتى حننتنى الزولة دى صدقى؟؟
كيفك يا رفيقة الوجعة

[ماريل]

قت ليو يا الحبيب رغم انو بينا مسافة
حتاك فى القليب اياك اوع تخافا
اياك من تظن انو البعاد يتلافا
ريدتى يوهدبا او انى يوم اتجافا
ياك زولى الوسيم وكاتلانى فيك رهافة
وانا قمرات سماك ويوت فى مدارك
لالالالالالالالالالالالالالالالالالافا
*************
غايتو يا قيس كان جيت فطست لى المقطع ده برضو
بشرط ليك صفحتك ديك فى اخلاقك