مبروك روضة الحاج مبروك للسودان

[عبدالمنعم الطيب حسن]

المشاركة الأصلية كتبت بواسطة رأفت ميلاد

شكلك الزعلتى هسة أنتى .. ده شنو الزعل الواقع فينا ده
الخلاصة بتاعتك دى الوضع الطبيعى لامن يكون الوضع طبيعى .. زى ما أستشهد محمود محمد طه رحمة الله عليه من قبل بالمثل الإنجليزى البقول (عندما يكون الوضع غير طبيعى .. تكون كل التصرفات "الغير طبيعية" طبيعية) ده بى حمد

وبى خوجلى سألتينى (ماهى السياسة) .. السياسة عالم ممكن أقرب حاجة ليهو زى (عالم التجارة) فيهو الربح والخسارة .. وليهو روابطو الأخلاقية واللا أخلاقية .. ونستون تشرشر وقف على قبر أحد الساسة مكتوب علي الشاهد (السياسى الصادق فلان الفلانى) .. قال ليهم (ليه دافنين هنا نفرين .. ما ممكن تقنعونى أنو نفر واحد .. عشان مافى سياسى صادق)
دى ترطيبة ومدخل يعنى ما الموضوع .. المعنى: السياسة عالم قائم بى حالو وبيولجوهو (موهوبين) وممكن يكون موروث وممكن يكون بالصدفة ورب صدفة خير من ألف ميعاد .. ورب صدفة تجيب البشير .. يعنى ما كل من درس علوم سياسة يكون سياسى .. وبرضو غير مرتبطة بمهنة ..
الساسة الناجحين بكون ليهم شخصيات قيادية بطبعهم عشان مشوارم مرتبط بأقتناع الناس بيهم .. ده طبعاً عن القادة الكبار .. لكن فى دهاليز كتيرة فى عالم السياسة بتفرخ البرلمانيين والمحافظين وحتى موظفين على هامش السياسة ودورهم ما صغير فى صنع السياسة ..

الطرف التانى المهم هو الشعب .. أنا وأنتى .. وده طرف مرتبط وليس له علاقة متوالية .. فهم طرف فى السياسة ولكنهم غير شركاء .. بمعنى أفرازات السياسة كلها منصبة عليهم .. أهتمام هذا الطرف كما قيل (قديماً) ينصب فى أربعة

1. مأكل
2. ملبس
3. علاج
4. أمن

بالطبع الحاجات تطورت بتطور الزمن .. التكنلوجيا أصبح لا غنى عنها مثلاً .. زى ما بقول عم ميلاد الشاهد .. إذا توفرت حاجات الشعب يختفى أهتمامه بالسياسة .. يعمل على مداعبة الساسة لهم بها كلما أحتاجوا أصواتهم لتمرير شيئ .. فيجب السياسى خلق ثقة بينه وبين الشعب ..

نحاول نجمع بين حمد وخوجلى يمكن يطلعنا فى كترينا من دون ما نتبل فى موية النيل .. بالمناسبة يا مى بتعرفى شارع كترينا .. يا ربى يكونوا سموه بأسم ياتو مجاهد من ضحايا روضة الحاج .. أو كما قال الترابى ياتو فطيسة

باين ما بتلفق من دون ما نتبلبل وما بنعرف العوم .. نرجع لى خوجلى .. الأحتياجات الأربعة الفوق دى .. وسيبك من المستجدة .. هل متوفرة للشعب؟؟

الشعب ما فى وضع الإستجداء من السلطان .. فى وضع المطالبة بحقو .. والحكومة لامن تعجز عن تلبية (الحد الأدنى) للأربعة ديل .. تكون فاشلة من وجهة نظر الشعب (شوفى أنا كريم كيف وأنا بديهم الحد الأدنى) أها الشعب بيغضب موش الساسة .. عرفتى الفرق بين الغضب والسياسة .. الغضب بشمل حبوبتك القاعدة فى البيت وما هماها وزير الأوقاف منو .. لامن واحد من أحفادا يمرض والمستشفى داير الشى الفلانى وبرضو العلاج ما متوفر حتى كان معاهم الشيئ الفلانى .. حبوبة ماشة تقول (عليكم النبى دى بلد دى) .. وكده حبوبة بقت تتكلم فى السياسة ..

مى أصبرى لى ياخ .. خلينى أنقنق وما تعتر لى قشة أو كما قيل .. ما تنتظرى أجابة محددة .. لأنو مافى حاجة فى الدنيا محددة .. عشان كدة الناس بتمشى جماعى بمنهجية 1,2.3,4,5 وبكرة يبقوا ستة وسبعة حسب المستجدات وحسب المطلوبات .. الأعداد ديل زى حزمة الحطب الأداها الأب لى أولادو بعددم قبال يموت .. أدى واحد عصاية وقال ليهو أكسرا .. قام كل واحد كش كسرا .. (كش دى صوت الكسر) بس ما الكسر بتاع ناس الأمن .. المهم .. جاب عصايات تانى بى عددم وعملا حزمة وقال ليهم بالدور أكسروها .. وما قدروا

سألتينى روضة الحاج عملت شنو .. بالمناسبة روضة الحاج ما شاعرة بس .. مرأة كلامة وصوتا جميل شديد .. ما خطابة .. نوع الكلام البتسلل للقلب داك .. حاجة كدة زى ليلى المغربى الله يرحما .. وشتان فى التشبيه .. ليلى المغربى كانت تنساب فى القلب وتخلى الفؤاد ندى .. أما روضة تخصصت فى أولاد ناس وزينت طريقم للجنة .. عملت الرصاص كحبات الؤلؤ فى عيونهم وشموا نسيم الجنة يفوح من الجثث المحترقة .. طافت فى المعسكرات تحرض الموت وتزين القتل ..
كانت تفتتح المؤتمرات بكلمات عصية يفيق هارون الرشيد فى جلباب البشير ويظن عبد الرحيم العوير أنه وزير أمير المؤمنين .. تتلوا آيات الجهاد من فم عذب يقطر دم

سيبك منها نرجع لى حمد .. ويمكن هى برضو من الناس الرسخو الما طبيعى طبيعى .. يعنى لامن يجى كانديك ولد خالى يقول العضو غير الكوز .. طبيعى .. ولامن تجى سارة .. كدى دى خليها

كاكى كان فاز يا مى .. كان تبع الشايقى والنوباوى والشيوعى و المسيحى (دى عشان خاطرى) وبقية الكبير داك (تعرفى الكلام الكتبتى كبير داك بدل الكوراك .. عارف النسوان ومصايبم .. عندى صاحبى معرس ليهو مرة بيتم قطعت الشارع .. لامن تحصل بيناتم أى حاجة يطلع صوتا يقطعن خالاتا الشارع وعينك ما تشوف إلا النور .. أمها ميتة وأبوها فى حالو .. يوم قالت ليهو (يابا أنت ما جايب خبرى والكلب ده بعزب فينى) .. قال ليها (أيوا أنتى جبتى المفيد .. الراجل زى الكلب .. لامن تكوركى فيه بجرى بخليك .. الكلب داير طبطبة ومسيح عشان يهز ضنبو ويقعد تحت كرعيك)

معليش كترينا نطت علينا .. أصلو عمك فتحى مقددا بى غادى .. عارف ليك كترينا للمايقوما .. الشاهد

الما طبيعى وبقى طبيعى .. لامن روضة الحاج تركب فى سرج واحد مع كاكاكى .. يا ناس أصحو

شكرا رافت ميلاد
ياخ كلي امتنان ان يجمعني مكان واحد مع عبقري مثلك شكرا لكل من جعل هذا ممكنا ،
دي اعظم مداخلة قراتها في حياتي ...
ياربي بس الناس دي بتجيب الكلام الزي دا منين ؟
سنة ....
يوم ميد ماي دي كما يقول صديقنا حافظ حسين عليه سلام ...
نحن بنحب السودان دا ليه ؟ عرفتوا ليه ؟
اكيد عرفتوا وللماعارف نقول
عشان فيهو ناس عظيمين زي رافت دا
سنة تاني

[رأفت ميلاد]

كيف ليك يا منعم .. لكن دى ما لىناس أنتو .. دايرين للنايمين فى عسل .. نفسى أقدر أفهم حاصل شنو .. فى خدر عجيب ياخ

[حسين عبدالجليل]

[QUOTE=رأفت ميلاد;473990][ نحاول نجمع بين حمد وخوجلى يمكن يطلعنا فى كترينا من دون ما نتبل فى موية النيل .. بالمناسبة يا مى بتعرفى شارع كترينا .. يا ربى يكونوا سموه بأسم ياتو مجاهد من ضحايا روضة الحاج .............معليش كترينا نطت علينا .. أصلو عمك فتحى مقددا بى غادى .. عارف ليك كترينا للمايقوما .. الشاهد[/


لكن مابالغت يارأفت . ياخ لمن قلت كترينا – المايقوما كيفت حناني ذاتو . وانا زيك والله جني وجن تغيير الاسماء التي إرتبطت في وجداننا بذكريات جميلة.

مثلك والله يارفت أحلم ب وطن عاتي, وطن خَيِّر و ديمقراطي , وطن العايز فيه يصوم يصوم والعايز يفطر يفطر العايز يمشي الجامع يمشي و العايز يروح للانادي يمشي . الناس فيه أحرار كما ولدتهم أمهاتهم , ولكني لا أؤيد سياسة الارض المحروقة .

[مي هاشم]

المشاركة الأصلية كتبت بواسطة رأفت ميلاد

شكلك الزعلتى هسة أنتى .. ده شنو الزعل الواقع فينا ده
الخلاصة بتاعتك دى الوضع الطبيعى لامن يكون الوضع طبيعى .. زى ما أستشهد محمود محمد طه رحمة الله عليه من قبل بالمثل الإنجليزى البقول (عندما يكون الوضع غير طبيعى .. تكون كل التصرفات "الغير طبيعية" طبيعية) ده بى حمد

وبى خوجلى سألتينى (ماهى السياسة) .. السياسة عالم ممكن أقرب حاجة ليهو زى (عالم التجارة) فيهو الربح والخسارة .. وليهو روابطو الأخلاقية واللا أخلاقية .. ونستون تشرشر وقف على قبر أحد الساسة مكتوب علي الشاهد (السياسى الصادق فلان الفلانى) .. قال ليهم (ليه دافنين هنا نفرين .. ما ممكن تقنعونى أنو نفر واحد .. عشان مافى سياسى صادق)
دى ترطيبة ومدخل يعنى ما الموضوع .. المعنى: السياسة عالم قائم بى حالو وبيولجوهو (موهوبين) وممكن يكون موروث وممكن يكون بالصدفة ورب صدفة خير من ألف ميعاد .. ورب صدفة تجيب البشير .. يعنى ما كل من درس علوم سياسة يكون سياسى .. وبرضو غير مرتبطة بمهنة ..
الساسة الناجحين بكون ليهم شخصيات قيادية بطبعهم عشان مشوارم مرتبط بأقتناع الناس بيهم .. ده طبعاً عن القادة الكبار .. لكن فى دهاليز كتيرة فى عالم السياسة بتفرخ البرلمانيين والمحافظين وحتى موظفين على هامش السياسة ودورهم ما صغير فى صنع السياسة ..

الطرف التانى المهم هو الشعب .. أنا وأنتى .. وده طرف مرتبط وليس له علاقة متوالية .. فهم طرف فى السياسة ولكنهم غير شركاء .. بمعنى أفرازات السياسة كلها منصبة عليهم .. أهتمام هذا الطرف كما قيل (قديماً) ينصب فى أربعة

1. مأكل
2. ملبس
3. علاج
4. أمن

بالطبع الحاجات تطورت بتطور الزمن .. التكنلوجيا أصبح لا غنى عنها مثلاً .. زى ما بقول عم ميلاد الشاهد .. إذا توفرت حاجات الشعب يختفى أهتمامه بالسياسة .. يعمل على مداعبة الساسة لهم بها كلما أحتاجوا أصواتهم لتمرير شيئ .. فيجب السياسى خلق ثقة بينه وبين الشعب ..

نحاول نجمع بين حمد وخوجلى يمكن يطلعنا فى كترينا من دون ما نتبل فى موية النيل .. بالمناسبة يا مى بتعرفى شارع كترينا .. يا ربى يكونوا سموه بأسم ياتو مجاهد من ضحايا روضة الحاج .. أو كما قال الترابى ياتو فطيسة

باين ما بتلفق من دون ما نتبلبل وما بنعرف العوم .. نرجع لى خوجلى .. الأحتياجات الأربعة الفوق دى .. وسيبك من المستجدة .. هل متوفرة للشعب؟؟

الشعب ما فى وضع الإستجداء من السلطان .. فى وضع المطالبة بحقو .. والحكومة لامن تعجز عن تلبية (الحد الأدنى) للأربعة ديل .. تكون فاشلة من وجهة نظر الشعب (شوفى أنا كريم كيف وأنا بديهم الحد الأدنى) أها الشعب بيغضب موش الساسة .. عرفتى الفرق بين الغضب والسياسة .. الغضب بشمل حبوبتك القاعدة فى البيت وما هماها وزير الأوقاف منو .. لامن واحد من أحفادا يمرض والمستشفى داير الشى الفلانى وبرضو العلاج ما متوفر حتى كان معاهم الشيئ الفلانى .. حبوبة ماشة تقول (عليكم النبى دى بلد دى) .. وكده حبوبة بقت تتكلم فى السياسة ..

مى أصبرى لى ياخ .. خلينى أنقنق وما تعتر لى قشة أو كما قيل .. ما تنتظرى أجابة محددة .. لأنو مافى حاجة فى الدنيا محددة .. عشان كدة الناس بتمشى جماعى بمنهجية 1,2.3,4,5 وبكرة يبقوا ستة وسبعة حسب المستجدات وحسب المطلوبات .. الأعداد ديل زى حزمة الحطب الأداها الأب لى أولادو بعددم قبال يموت .. أدى واحد عصاية وقال ليهو أكسرا .. قام كل واحد كش كسرا .. (كش دى صوت الكسر) بس ما الكسر بتاع ناس الأمن .. المهم .. جاب عصايات تانى بى عددم وعملا حزمة وقال ليهم بالدور أكسروها .. وما قدروا

سألتينى روضة الحاج عملت شنو .. بالمناسبة روضة الحاج ما شاعرة بس .. مرأة كلامة وصوتا جميل شديد .. ما خطابة .. نوع الكلام البتسلل للقلب داك .. حاجة كدة زى ليلى المغربى الله يرحما .. وشتان فى التشبيه .. ليلى المغربى كانت تنساب فى القلب وتخلى الفؤاد ندى .. أما روضة تخصصت فى أولاد ناس وزينت طريقم للجنة .. عملت الرصاص كحبات الؤلؤ فى عيونهم وشموا نسيم الجنة يفوح من الجثث المحترقة .. طافت فى المعسكرات تحرض الموت وتزين القتل ..
كانت تفتتح المؤتمرات بكلمات عصية يفيق هارون الرشيد فى جلباب البشير ويظن عبد الرحيم العوير أنه وزير أمير المؤمنين .. تتلوا آيات الجهاد من فم عذب يقطر دم

سيبك منها نرجع لى حمد .. ويمكن هى برضو من الناس الرسخو الما طبيعى طبيعى .. يعنى لامن يجى كانديك ولد خالى يقول العضو غير الكوز .. طبيعى .. ولامن تجى سارة .. كدى دى خليها

كاكى كان فاز يا مى .. كان تبع الشايقى والنوباوى والشيوعى و المسيحى (دى عشان خاطرى) وبقية الكبير داك (تعرفى الكلام الكتبتى كبير داك بدل الكوراك .. عارف النسوان ومصايبم .. عندى صاحبى معرس ليهو مرة بيتم قطعت الشارع .. لامن تحصل بيناتم أى حاجة يطلع صوتا يقطعن خالاتا الشارع وعينك ما تشوف إلا النور .. أمها ميتة وأبوها فى حالو .. يوم قالت ليهو (يابا أنت ما جايب خبرى والكلب ده بعزب فينى) .. قال ليها (أيوا أنتى جبتى المفيد .. الراجل زى الكلب .. لامن تكوركى فيه بجرى بخليك .. الكلب داير طبطبة ومسيح عشان يهز ضنبو ويقعد تحت كرعيك)

معليش كترينا نطت علينا .. أصلو عمك فتحى مقددا بى غادى .. عارف ليك كترينا للمايقوما .. الشاهد

الما طبيعى وبقى طبيعى .. لامن روضة الحاج تركب فى سرج واحد مع كاكاكى .. يا ناس أصحو

سلام العزيز رأفت..
وحات الله ما زعلت..بس استئت لأنك بكل صراحة - ومعاك ناس تانيين هنا - أي موضوع بتقلبوه الانقاذ فعلت والانقاذ تركت..وكأنو أي زول غيركم لا بفهم لا بحس لا واعي لا عندو ضمير!! قدّيتونا ياخgap

بالنسبة لكاكي أنا ما متابعة الرياضة بالمرّة، وما بفهم فيها (زي السياسة كدهgap)..وإذا صادفني بوست فيه تهنئة ليه أكيد حأكتب..
تاني بقول ليك..أنا مع أي سوداني بمثل البلد وبشرفها..

كدي هسي بعد الكلام الكتير والأمثلة الما عندها علاقة بإنو إسمها منو دي ..
انت داير تصل لشنو بالضبط؟؟

وعموماً برضو شكراً على السياحة بين حمد وخوجلي ..وكاترينا..
على فكرة أنا ما بعرف كتريناgap


كُن بخير

[سارة]

ام هاشم يا جميلة
رافت ميلاد دا عشان يرضى عنك لازم تقولى اى زول عينو وقعت...
فى واحد من ناس الانقاذ ولا المؤتمر الوطنى حرامى وود ستين كلب
حتى يرضى عليك صدقينى.اخديها من قاصرة واشتمى البيشتموهو
وشكرى البشكروهو وخليك من وجع الراس والكواميج خليها لناس
سارة على الاقل رافت لامن يجى عندى باخرنى الى اجل مسمى

انعل ابو الخوف زاتو قلت لى سارة دى خليها...تنخلع من ضلك
شحدت ربى عليك

[مي هاشم]

المشاركة الأصلية كتبت بواسطة سارة

ام هاشم يا جميلة
رافت ميلاد دا عشان يرضى عنك لازم تقولى اى زول عينو وقعت...
فى واحد من ناس الانقاذ ولا المؤتمر الوطنى حرامى وود ستين كلب
حتى يرضى عليك صدقينى.اخديها من قاصرة واشتمى البيشتموهو
وشكرى البشكروهو وخليك من وجع الراس والكواميج خليها لناس
سارة على الاقل رافت لامن يجى عندى باخرنى الى اجل مسمى

انعل ابو الخوف زاتو قلت لى سارة دى خليها...تنخلع من ضلك
شحدت ربى عليك

مشتاقين يا سارة

ياختي لا كواميج ولا غيرو.. بس قلت النّزور في سيدي حمد وسيدي خوجلي

أدعي لي معاك يا أم فرح في الايام السمحة دي

[علاء ابو حريرة]

المشاركة الأصلية كتبت بواسطة رأفت ميلاد

[/I]) غالباً أنتى ما عارفة روضة عملت شنو .. وكان عارفة تبقى مصيبة[/COLOR]

عملت شنو ؟؟

[رأفت ميلاد]

المشاركة الأصلية كتبت بواسطة مي هاشم
سلام العزيز رأفت..
وحات الله ما زعلت..بس استئت لأنك بكل صراحة - ومعاك ناس تانيين هنا - أي موضوع بتقلبوه الانقاذ فعلت والانقاذ تركت..وكأنو أي زول غيركم لا بفهم لا بحس لا واعي لا عندو ضمير!! قدّيتونا ياخgap

يامى ما زعلتى لكن إستئتى غايتو قصة قايلين مافى زول غيرنا ما عندو ضمير دى .. شكلها موش ولا بد .. مدام الأنقاذ دخلت فى الرأى الآخر .. نحن مارقننا منو ليه .. لامن أقول روضة الحاج ما بتستحق الجائزة .. تتدخلت فى فهم منو .. ده فهمى .. والشايفو ضعيف يتناساهو ولّ يرسينى .. لكن كونى أكون بتدخل فى إحساسات الناس دى زعلتنى .. الدور علىّ أنا فى الزعل المرة دى
وعشان بريدك وما بدور زعلك .. ماشى أزعلك على خفيف .. أوع يكون الماتو والأتعزبو والأعتقلوهم والأتشردو برضو قدوكم .. ما عارف ليه ما نقلب كل حاجة الأنقاذ .. هم مشوا ولّ شنو .. والله ما عندى حاجة غيرم .. نايم صاحى ولا طرفى من طبعو نعسان

المشاركة الأصلية كتبت بواسطة مي هاشم
بالنسبة لكاكي أنا ما متابعة الرياضة بالمرّة، وما بفهم فيها (زي السياسة كدهgap)..وإذا صادفني بوست فيه تهنئة ليه أكيد حأكتب..
تاني بقول ليك..أنا مع أي سوداني بمثل البلد وبشرفها..

كاكى ما فاز للأسف لا بالذهبية ولا الفضية ولا البرونزية ولا النحاس ولا الحديد الظهر .. لكن توج نفسو بطل فى قلوبنا لا يقدر بدهب الدنيا .. وصورته الجابا زول الله وتعليقو الطلع فيهو من دلاقينو .. كدى ده سيبيهو مع سارة .. رغم ومضاتو القليلة دى

المشاركة الأصلية كتبت بواسطة مي هاشم
كدي هسي بعد الكلام الكتير والأمثلة الما عندها علاقة بإنو إسمها منو دي ..
انت داير تصل لشنو بالضبط؟؟

وعموماً برضو شكراً على السياحة بين حمد وخوجلي ..وكاترينا..
على فكرة أنا ما بعرف كتريناgap


كُن بخير

منين يجى الخير يختى .. لكن الداير أصل ليهو وصلتو والله .. ومنعم أثلج قلبى وفرحت زى جلابية العيد .. أهو كان ما ناس منعم ديل كان طق لى عرق .. معقول يا مى بقيتى تحدرى لىّ فى الضلمة .. النقة دى كلها وأنا أوف بوينت
عملاً لله أقول ليك شارع كترينا وأنتى نازلة من كبرى المسلمية بى كرش كدى بتدخلى كترينة .. ماشى لى نهاية حديقة القرشى .. بس أوع تكونى ما بتعرفى كبرى المسلمية .. ياخ التحتو المطافى ..

يا مى مشتاقين ياخ

المشاركة الأصلية كتبت بواسطة سارة
ام هاشم يا جميلة
رافت ميلاد دا عشان يرضى عنك لازم تقولى اى زول عينو وقعت...
فى واحد من ناس الانقاذ ولا المؤتمر الوطنى حرامى وود ستين كلب
حتى يرضى عليك صدقينى.اخديها من قاصرة واشتمى البيشتموهو
وشكرى البشكروهو وخليك من وجع الراس والكواميج خليها لناس
سارة على الاقل رافت لامن يجى عندى باخرنى الى اجل مسمى

انعل ابو الخوف زاتو قلت لى سارة دى خليها...تنخلع من ضلك
شحدت ربى عليك

ومن ناس ديل وا أسفاى .. ومن زى ديل وا أسفاى
والأغنية مهداة للأخوان فى سجون الأنقاذ ..الأموات الأحياء منهم والأحياء الأموات .. ونحن فى مكة ومتوجهين المدينة .. والبعثة السودانية ما قصروا معانا .. وفى هذه اللحظة سيداتى آنساتى سادتى ..

[رأفت ميلاد]

المشاركة الأصلية كتبت بواسطة مي هاشم
مشتاقين يا سارة

ياختي لا كواميج ولا غيرو.. بس قلت النّزور في سيدي حمد وسيدي خوجلي

أدعي لي معاك يا أم فرح في الايام السمحة دي

قلتى لى ما بتعرفى فى الرياضة زى السياسة طيب أحكى ليك عن الرياضة وليك علىّ أفضل فى بحرى من حمد لى خوجلى .. يا ستى مثلاً فتحى مسعد قال كان بلعب فى التحرير .. طبعاً زى ما بتقول أمى الله يرحما (اللسان خواجة) .. الزمن داك حاضرو منو عشان يغالطو

ياخ خلى روحك رياضية

[رأفت ميلاد]

المشاركة الأصلية كتبت حسين عبدالجليل
لكن مابالغت يارأفت . ياخ لمن قلت كترينا – المايقوما كيفت حناني ذاتو . وانا زيك والله جني وجن تغيير الاسماء التي إرتبطت في وجداننا بذكريات جميلة.

مثلك والله يارفت أحلم ب وطن عاتي, وطن خَيِّر و ديمقراطي , وطن العايز فيه يصوم يصوم والعايز يفطر يفطر العايز يمشي الجامع يمشي و العايز يروح للانادي يمشي . الناس فيه أحرار كما ولدتهم أمهاتهم , ولكني لا أؤيد سياسة الارض المحروقة .

أحييييى أنا لامن دياميتك تطفح كدة وتفتح لى ناس طارق كانديك

[رأفت ميلاد]

المشاركة الأصلية كتبت بواسطة علاء ابو حريرة
عملت شنو ؟؟

هى منو
ود ناس أبو حريرة .. حنى وجن الكلام المتعدد الأوجه ده .. عيد لى السؤال أسود أبيض .. يعنى ياكلوك فى العجور .. تجى تاكلنا نحن

[طارق صديق كانديك]

المشاركة الأصلية كتبت بواسطة رأفت ميلاد

أحييييى أنا لامن دياميتك تطفح كدة وتفتح لى ناس طارق كانديك

ياخي طارق كانديك زاتو متكيّف ومبسوط من مداخلة حسين حتى وددت ألا يسكت

[ابوبكر حسن]

من غير اقتباسات وكده
غايتو تشنفو فى الاستاذه روضة دى ساى
ياخ شوف الكلام البتقول فيهو دا
والله الشعر السمح سمح ان بقت كوزة ولا مؤتمر وطنى زاتو

سجن سجن ,, غرامه غرامه


اليوم أوقن أنني لن احتمل !!
اليوم أوقن أن هذا القلب مثقوب .. ومجروح .. ومهزوم
وإن الصبر كل …
وتلوح لجة حزني المقهور .. تكشف سوقها كل الجراح وتستهل
هذا أوان البوح يا كل الجراح تبرجي
ودعي البكاء يجيب كيف ... وما ... وهل ...
زمنا تجنبت التفاؤل خيفة .. فأتيت في زمن الوجل
خبأت نبض القلب
كم قاومت ....
كم كابرت ....
كم قررت ....
ثم نكصت عن عهدي .. أجل
ومنعت وجهك في ربوع مدينتي .. علقته
وكتبت محظورا على كل المشارف .. والموانئ .. والمطارات البعيدة كلها
لكنه رغمي أطل ..
في الدور لاح ... وفى الوجوه .... وفى الحضور .... وفى الغياب وبين إيماض المقل ....
حاصرتني بملامح الوجه الطفولي .. الرجل
أجبرتني حتى اتخذتك معجما فتحولت كل القصائد غير قولك فجة
لا تحتمل ..
صادرتني حتى جعلتك معلما فبغيره لا استدل
والآن يا كل الذين أحبهم عمدا أراك تقودني في القفر والطرق الخواء ....
وترصدا تغتالني .. أنظر لكفك ما جنت
وامسح على ثوبي الدماء ...
أنا كم أخاف عليك من لون الدماء !!
******
لو كنت تعرف كيف ترهقني الجراحات القديمة والجديدة
ربما أشفقت علي من هذا العناء ..
لو كنت تعرف أنني من أوجه الغادين والآتين إسترق التبسم
استعيد توازني قسرا ..
وأضحك حينما ألقاك في زمن البكاء
لو كنت تعرف أنني أحتال للأحزان … أرجئها لديك
واسكت الأشجان حيث تجئ .. أخنق عبرتي بيدي
ما كلفتني هذا الشقاء!!
ولربما استحييت لو أدركت كم أكبو على طول الطريق إليك
كم ألقى من الرهق المذل من العياء ..
ولربما .. ولربما .. ولربما
خطئ أنا ....
أنى نسيت معالم الطرق التي لا إنتهى فيها إليك
خطئ أنا ....
أنى لك استنفرت ما في القلب ... ما في الروح ... منذ طفولتي
وجعلتها وقفا عليك ..
خطئ أنا ...
أنى على لا شئ قد وقعت لك .. فكتبت
أنت طفولتي .. ومعارفي .. وقصائدي
وجميع أيامي لديك
***
واليوم دعنا نتفق
أنا قد تعبت ..
ولم يعد في القلب ما يكفى الجراح
أنفقت كل الصبر عندك .. والتجلد والتجمل والسماح
أنا ما تركت لمقبل الأيام شيئا إذ ظننتك آخر التطواف في الدنيا
فسرحت المراكب كلها .. وقصصت عن قلبي الجناح
أنا لم أعد أقوى وموعدنا الذي قد كان راح
فاردد على بضاعتي ..
بغى انصرافك لم يزل يدمى جبين تكبري زيفا
يجرعني النواح .....
اليوم دعنا نتفق
لا فرق عندك أن بقيت وان مضيت!
لا فرق عندك أن ضحكنا هكذا - كذبا -
وان وحدي بكيت!
فأنا تركت أحبتي ولديك أحباب وبيت
وأنا هجرت مدينتي واليك - يا بعضي - أتيت
وأنا اعتزلت الناس والطرقات والدنيا
فما أنفقت لي من اجل أن نبقى؟!!
وماذا قد جنيت ؟؟!!
وأنا وهبتك مهجتي جهرا
فهل سرا نويت؟؟!!!
اليوم دعنا نتفق
دعني أوقع عنك ميثاق الرحيل
مرني بشيء مستحيل
قل لي شروطك كلها .. إلا التي فيها قضيت
أن قلت وإن لم تقل
أنا قد مضيت … !!!

[علاء ابو حريرة]

المشاركة الأصلية كتبت بواسطة رأفت ميلاد

هى منو
ود ناس أبو حريرة .. حنى وجن الكلام المتعدد الأوجه ده .. عيد لى السؤال أسود أبيض .. يعنى ياكلوك فى العجور .. تجى تاكلنا نحن

رافت ازيك ؟؟ ياخي مافي اي تعدد اوجه انا اتفق معاك تماما( من حيث مبدا تجريم الجبهة الاسلامية في حق الوطن والمواطن ) في كل ما ذهبت في جميع مشاركاتك ومداخلاتك في هذا المنتدى !! انا قصدت ازيد زخيرتي المعلوماتية عن سؤءات الجبهة ؟؟ عشان اتجدع واقول كعبين عشان كده وكدة بس ؟؟ بعدين ياخي ديل سرقوا احلامنا كتير عليهم العجور؟؟

[زول الله]

المشاركة الأصلية كتبت بواسطة بكرى مبلول

والله الشعر السمح سمح ان بقت كوزة ولا مؤتمر وطنى زاتو

خطئي انا أنى نسيت معالم الطرق التي لا انتهى فيها إليك
خطئ أنا ....
أنى لك استنفرت ما في القلب ... ما في الروح ... منذ طفولتي
وجعلتها وقفا عليك ..
خطئ أنا ...
أنى على لا شئ قد وقعت لك ..
فكتبت أنت طفولتي .. ومعارفي .. وقصائدي
وجميع أيامي لديك
!!!

بالله قول ليهم ووريهم يامبلول
ينصر دين ابوأهلك زاتو* ياخ

البي الأحمر داك هدية لرأفت ميلاد عله يهديه لبعض سراط مستقيم




*الحقوق محفوظة للأنيق عبدالله وداعة



اقول قولي هذا واستغفر الله لي..............