لماذا عبرت الدجاجة الطريق ؟

عبدالمنعم الطيب حسن · 25-08-2012, 04:53 PM

قرأت مقالا للأستاذ حسن العمدة امس بجريدة حريات
يطرح ذا التساؤل العميق
لماذا عبرت الدجاجة الطريق ؟
وبرضك قبل فترة قرأت بوست بذات التساؤل في اكتر من منتدي ...
لابد ان هذه ايام العبور العظيم ،

لما كنا طلاب كان ذات السؤال مطروحا ،
تتراوح الاجابات ،
الان ياناس سودانيات لماذا عبرت الدجاجة الطريق ؟

أسعد · 25-08-2012, 05:06 PM

لان ديكا حنفولي كان يقف في الضفة الاخرى من الطريق
باقي كلام الناس كلو تنظييييييييير سااااااااي
مافي شي يخلي يالجداد تجازف بي روحها عشان تقطع الطريق غير حاجتين
يا جعانة عاوز تاكل مع الديك في حبوب العيش العندو
يا كمان دايرة ليها سواسيو ينفعوها في باقي عمرها دا

أسعد · 25-08-2012, 05:07 PM

ثم انو كل سنة وانت طيب
وعقبال ما جدادتي تجازف وتقطع طريقا
لان ديكا ينتظرها في الضفة الاخرى

قيس شحاتة · 25-08-2012, 05:15 PM

اقتباس:

المشاركة الأصلية كتبت بواسطة وجدي الأسعد الأسعد

وعقبال ما جدادتي تجازف وتقطع طريقا
لان ديكا ينتظرها في الضفة الاخرى

لو عندها شك، جدادتك دي، إنو ديكا دا - اللي هو شخصك الضعيف - ديك عدة أو ديك مسلمية، ما ترجاها تعبر الطريق تب.

أسعد · 25-08-2012, 05:17 PM

اقتباس:

المشاركة الأصلية كتبت بواسطة قيس الصديق شحاته

لو عندها شك، جدادتك دي، إنو ديكا دا - اللي هو شخصك الضعيف - ديك عدة أو ديك مسلمية، ما ترجاها تعبر الطريق تب.

اذا لماذا عبرت جدادتكم يا هذا؟! gap

تماضر حمزة · 25-08-2012, 05:26 PM

اقتباس:

المشاركة الأصلية كتبت بواسطة وجدي الأسعد الأسعد

اذا لماذا عبرت جدادتكم يا هذا؟! gap

ماكان عندها شك
كانت متأكككدة

أنا بقول عبرت
هاربة من ديكا ماشة بيت أبوها

أبوبكر عباس · 25-08-2012, 05:27 PM

في محاولة منها لتحل محل اللحوم الحمراء في بلد تُقدر ثروته (الحمراء) ب103 مليون رأس!

ماريل · 25-08-2012, 05:37 PM

يا جماعة فتلتوا البوست

غايتو يا وجدى شقى اليقع فى فتلك

أسعد · 25-08-2012, 05:39 PM

اقتباس:

المشاركة الأصلية كتبت بواسطة تماضر حمزة

ماكان عندها شك
كانت متأكككدة

كل الجداد امونة ^ـــــــ^
الوهمة بتخم جدادة قيس في الصحفي دا
بتخمي جدادتي في شلاقتي ^ـــ^

اقتباس:

هاربة من ديكا ماشة بيت أبوها

اي بتمشي وتتلفت ظننا منها انو الديكا جاي لاحقا عشان يرجعا
بس لمن تقطع الطريق كان تسمع كأكأة جدادة صاحبتها تقول ليها
خومي وصوري ديكك جاب ليهو جدادة تانية وحاضنة في بيضك ^ــــ^

أسعد · 25-08-2012, 06:05 PM

اقتباس:

المشاركة الأصلية كتبت بواسطة ماريل

يا جماعة فتلتوا البوست

غايتو يا وجدى شقى اليقع فى فتلك

غايتو جنس دغالة!!
انتي موش عبرتي الطريق خلاس؟!
طيب المفروض تنتهزي فرصة البوست دا
عشان ترسمي خارطة الطريق لغيرك من الجداد عشان تساعديهم كيف يعبرن الطريق ^ــــ^

زول الله · 25-08-2012, 07:47 PM

تكون سمعت صوت حفلة فنانها زيدان

اقول قولي هذا واستغفر الله لي.............

تماضر حمزة · 25-08-2012, 08:44 PM

اقتباس:

المشاركة الأصلية كتبت بواسطة وجدي الأسعد الأسعد

كل الجداد امونة ^ـــــــ^
الوهمة بتخم جدادة قيس في الصحفي دا
بتخمي جدادتي في شلاقتي ^ـــ^

اي بتمشي وتتلفت ظننا منها انو الديكا جاي لاحقا عشان يرجعا
بس لمن تقطع الطريق كان تسمع كأكأة جدادة صاحبتها تقول ليها
خومي وصوري ديكك جاب ليهو جدادة تانية وحاضنة في بيضك ^ــــ^

كان كدا ماتلوموها
لو كاكت هنا
وباضت هناك

أسعد · 25-08-2012, 09:03 PM

اقتباس:

المشاركة الأصلية كتبت بواسطة تماضر حمزة

كان كدا ماتلوموها
لو كاكت هنا
وباضت هناك

هو تاني البيض ليها شنو بعد ما قطعت الطريق؟!
المفروض من دربها دا وعلي مصنع المرقة طوالي

حسين عبدالجليل · 26-08-2012, 04:53 PM

اقتباس:

المشاركة الأصلية كتبت بواسطة عبدالمنعم الطيب حسن

قرأت الان ياناس سودانيات لماذا عبرت الدجاجة الطريق ؟

اشاعة مغرضة في حق جداد الناس .
فالتي عبرت الطريق كانت دجاجة خلوية مطلوقة ساكت .
أما الدجاجة المنزلية , جدادة الناس المحترمين فلا تخرج من منزلها أبدا .

رأفت ميلاد · 26-08-2012, 05:30 PM

منعم سلامات

أنت متأكد هى جدادة ولّ غنماية .. يمكن أنت لخبطتا والمقصود غنماية المقرن .. شوف عينى بتقيف فى حافة الظلط وبتكحل الشارع يمين وشمال قبال تقطع .. وكات جه بص بترجع لا ورا

25-08-2012, 04:53 PM	#[1]
عبدالمنعم الطيب حسن :: كــاتب نشــط::	لماذا عبرت الدجاجة الطريق ؟ قرأت مقالا للأستاذ حسن العمدة امس بجريدة حريات يطرح ذا التساؤل العميق لماذا عبرت الدجاجة الطريق ؟ وبرضك قبل فترة قرأت بوست بذات التساؤل في اكتر من منتدي ... لابد ان هذه ايام العبور العظيم ، لما كنا طلاب كان ذات السؤال مطروحا ، تتراوح الاجابات ، الان ياناس سودانيات لماذا عبرت الدجاجة الطريق ؟
عبدالمنعم الطيب حسن :: كــاتب نشــط::	التوقيع: الثورة مستمرة و سننتصر

25-08-2012, 05:06 PM	#[2]
أسعد :: كــاتب نشــط::	لان ديكا حنفولي كان يقف في الضفة الاخرى من الطريق باقي كلام الناس كلو تنظييييييييير سااااااااي مافي شي يخلي يالجداد تجازف بي روحها عشان تقطع الطريق غير حاجتين يا جعانة عاوز تاكل مع الديك في حبوب العيش العندو يا كمان دايرة ليها سواسيو ينفعوها في باقي عمرها دا
أسعد :: كــاتب نشــط::

25-08-2012, 05:07 PM	#[3]
أسعد :: كــاتب نشــط::	ثم انو كل سنة وانت طيب وعقبال ما جدادتي تجازف وتقطع طريقا لان ديكا ينتظرها في الضفة الاخرى
أسعد :: كــاتب نشــط::

25-08-2012, 05:27 PM	#[7]
أبوبكر عباس :: كــاتب نشــط::	في محاولة منها لتحل محل اللحوم الحمراء في بلد تُقدر ثروته (الحمراء) ب103 مليون رأس!
أبوبكر عباس :: كــاتب نشــط::

25-08-2012, 05:37 PM	#[8]
ماريل :: كــاتب نشــط::	يا جماعة فتلتوا البوست غايتو يا وجدى شقى اليقع فى فتلك
ماريل :: كــاتب نشــط::	التوقيع: تبا للذى يملا كفيه بتبر وتراب...... يكشح التبر على حظوته..... والترابيات فى عين الوطن.....

25-08-2012, 07:47 PM	#[11]
زول الله :: كــاتب نشــط::	تكون سمعت صوت حفلة فنانها زيدان اقول قولي هذا واستغفر الله لي.............
زول الله :: كــاتب نشــط::	التوقيع: انا يوماتي أردد إسمِك بعد الحمدو "مكان الآية" لما وحاتِك -من أشواقي- حِفِظ القول خيط المُـصلاية أبــداً ماهُنـتَ ياســـوداننا يـومـاً علـينا

26-08-2012, 05:30 PM	#[15]
رأفت ميلاد :: كــاتب نشــط::	منعم سلامات أنت متأكد هى جدادة ولّ غنماية .. يمكن أنت لخبطتا والمقصود غنماية المقرن .. شوف عينى بتقيف فى حافة الظلط وبتكحل الشارع يمين وشمال قبال تقطع .. وكات جه بص بترجع لا ورا
رأفت ميلاد :: كــاتب نشــط::	التوقيع: رأفت ميلاد سـنمضى فى هذا الدرب مهما كان الثمن الشـهيد سـليمان ميلاد