تنوير

[فتحي مسعد حنفي]

المشاركة الأصلية كتبت بواسطة زول خرافي

انت بس أقعد لللكلكة دي
للأسف كل الردو علي ما فهمو المغذي الحقيقي لكلامي وحتة انهزامية ولا ما انهزامية دي حاجة نسبية كل واحد بشوفا حسب رؤيتو للأمر..ياجماعة حافظ اتصدي للدفاع عن موقف مبني علي مبدأ معين والناس خلوا المبدأ وركزوا علي الأشخاص مع انو كررها أكتر من مرة انو ما قاصد يدافع عن شخصية بعينها..حافظ لو غلط فهو غلط بفتحو للبيوست دا وانسجابو أنا شايفو ذكاء منو عشان أفتكر انو وصل لاحساس بأن الاستمرار ممكن يوصلو للغلط في حق ناس بيحترمهم لكن الشوو بتاع الباس ويرد دا ما كان ليهو أي داعي وكان ممكن بكل بساطة يقول في أمان الله ويبعد....

[فتحي مسعد حنفي]

حاجة تانية كمان..الناس قبل كدا هاجوا وطالبوا الادارة بنشر الأحكام علي الأعضاء الموقوفين وتبيين الأسباب..طيب هسة الجد شنو وخلا الناس تعتبر دا تشهيرغايتو أنا شايف انو أي زول يوافق يخش المجلس بكون ارتكب جريمة في حق نفسو عشان عمرو ما حيقدر يرضي الجميع...

[فتحي مسعد حنفي]

المشاركة الأصلية كتبت بواسطة همس الشوق

هسه يا عم فتحي دا مدح ولا ذم

دا شرح لتصرف بدون تحيز لأي جهةعشان الناس اتقسموا ما بين مؤيد وبين معارض..

[اشرف السر]

رأيت أنه من حق متابعي هذا المفترع.. الإطلاع على كافة الأخبار المتعلقة بالقضية..


فقد كتب حافظ حسين في الفيس بوك ما يلي :

هذا الصباح لي وحدي


هذا الصباح لي وحدي

و لكم صباح باهيا العظيم أو كما قال جورج أمادو ذات طشمة مع فرسانه في الرملة.....

يا مهند صبحاتك بديعة و من معك.... كما تعلم العادة فوق العبادة, و لذا مع قهوة الصباح تحسست معبودتي السابقة, و لكن بعد الرشفة الأولي أدركت أنها لم تعد لي و لا أنا لها فالطلاق بائن بينونة كبري خاصة بعد حفلة الأمس التي أنتهت بتطاير الكراسي, و اللبن الذي سكب خارج ضرع المحبة و التواصل, الأمر الذي أستدعي تدخل الشرطة كعين ساهره.... عموماً حتي الآن لست بنادم علي القرار في عظمه و إذا كان هنالك من ندم عفواً حرج فهو في طريقة الأخراج فقط لا غير.... انا هنا لست بصدد تبرير لقرار المغادرة الأبدي لكني بصدد التعاطي حول الديمقراطية و حقوق الانسان و أعلان تشرشل.... و خروجي الغير ديمقراطي؟

إمر عجيب يا صاحب و ربما لحد ما محزن؟

عن أي ديمقراطية تتحدث؟

و ما هي الديمقراطية التي لا تكفل للفرد اختيار مكانه هل يعيش في الخرطوم أم سنجة؟....

يصادق مهند أو عيدروس, أم الاثنان معاً و أخرون؟

ينتعل جزم ايطالية أو تموت تخلي؟

يسف من مرسي الفاشر أم الجمري؟ .... و الخ من الجمل المربوطة ب (أو) أو (أم).... أتخيل لي من الابجديات يجب أن يكون للإنسان (أوه و أماه الفرديتين)

حجوة هذه الديمقراطية من عدمها صاحب ذكرتني بقصة الصحفي المصري الحاول يزرزر أحد وزيرات خارجية أمريكا و حد أعتقادي أنها كونداليزا رايس ... حين سألها لماذا أوقفوا الدعم عن السلطة الفلسطينية بعد فوز حماس في الإنتخابات مما يعني عدتم إحترام خيار الشعب الفلسطيني, فما كان منها إلا أن ردت قائلة:

نحن نحترم خيار الشعب الفلسطيني لكن بالمقابل عليهم إحترام خيارنا بعدم الدعم؟!!!!

فأنا يا صديق الزمن الكعب لم أطرح نفسي يوماً كشخصية عامة منوط بها تغيير الكون, قديماً نعم كان لدي هذا مثل هذا الوهم, علي فكرة من يتبنون هذا الخيار قطع شك غير واهمون و لكن في حالتي انا سوف أكون واهم كبير لاني ببساطة أعرف قدراتي و قوة تحملي في مثل هكذا أمورٌ مصيرية .....

يا صديق هنالك صوت خافت و خجول تحدثني به نفسي الأمارة بالكثير, أن قلقك لم يكن فقط للديمقراطية المطعونه في الضهر لان ما مارسته قمة ديمقراطيتي و قبلها حق أختياري و يزول العجب الذي يقارب اليقين خاصة أنك أكثر الناس علماً بمدي فردانيتي في هذه الحياة .... الأمر يا صديق خوف علي أن حالتي النفسية و المزاجية ليستا علي ما يرام و هذا ما سيجد مني كامل التقدير.... و إذا كان الأمر كذلك فلك أن تطمئن لأن في أحيان كثيرة ظاهر قرارتي التعجل لكنها دوماً ما تتخذ بعد تردد طويل و هذا الأمر يضعني ضمن زمرة الكائنات المتردده في نفس السرج... فقرار الوقوف الأبدي علي الإطلاق لم يكن وليد صدفة أمس أو جرعة كحول زائدة و خاصة أنني توقفت عن الخمر و الميسر ليس لأي بوادر توبة لا سمح الله و إنما تحت دعوي (دعوا الكبد تنتج انزيماتها).... هذا القرار متخذ منذ فترة و ما أمس إلا قشة في ظهر بعيري المنهك و تعلم اني توقفت لمدة 19 يوم قبل العودة العنيفة و طيلة هذه المدة تساءلت بصوت عالي بشهادتك و أسامة, تساءلت بصوت عالي عن جدوي التنادي؟

و جدوي الكتابة في عضمها؟

بس الاخيرة دي ما اظن اني عليها بقادر....

معظم قرارتي يا صاحب عجولة الظاهرة و لكنها لحد ما مدروسة الباطن.... فلذا لا تهتم فرغم مظهري الإشتراكي لكن جواي يقبع رأسمالي متفسخ سريع التكيف مع الأزمات ( و مش دي من أحد نقاط قوي الرأسمالية).... و بدأت رحلة تكيفي في الصبح مع فنجان القهوة اديرت الكمبيوتر حيث كنت و كانت فيروز و شادي الذي لم يزل عا التل.... وأدينا رضاك عزة علي سفر و كل الأقمصة متسخة و لكن رب خير فاطنة أهداني أحد مخلفاته التي لا تضر فقط تنقصها الفنيلة الداخلية و سوف أستخدم هذه المخلفات كجزء من التغيير لهذا اليوم..... في كامل نشوتي أكتب اليك قليلاً و أعود تلميذ قارئ لموقع (ال سي أن أن) و متابعة تداعيات فوز ابن الخالة و تكهنات أن سوزان رايس سوف تكون وزيرة الخارجية و القتله في كل انحاء العالم في حالة رجفيبة .... هذا النهار مشدود بين أمرين أحلامها أحلي, مشدوه بين أمر تنشيط عزومة ايسكريم قديمة من قبل تغريد في دودي أو عزومة نفسي مفروكة عند باولينا.....

لكن رجاء في حالة الأخيرة (أوعك تقوم عازم نفسك معاي)

أمر آخر سوف أحلق شعري هذا النهار و هنالك فكرة ساونا و حمام مغربي دون وزارة الجيلي أو دوخان و سوف أسهر هذا المساء مع ميلان كونديرا و كائن لا تحتمل خفته.....و بالتأكيد بكرة بديع.....

بالتأكيد سوف أفتقد سودانيات و لكن قطع شك سوف أكسب جزء و لو يسير من ذاتي.....

[سارة]

ياجماعة حافظ اتصدي للدفاع عن موقف مبني علي مبدأ معين والناس خلوا المبدأ وركزوا علي الأشخاص مع انو كررها أكتر من مرة انو ما قاصد يدافع عن شخصية بعينها..حافظ لو غلط فهو غلط بفتحو للبيوست دا وانسجابو أنا شايفو ذكاء منو عشان أفتكر انو وصل لاحساس بأن الاستمرار ممكن يوصلو للغلط في حق ناس بيحترمهم لكن الشوو بتاع الباس ويرد دا ما كان ليهو أي داعي وكان ممكن بكل بساطة يقول في أمان الله ويبعد

[AMAL]

المشاركة الأصلية كتبت بواسطة كيشو

[justify]يا عمنا الخواجة
حافظ من القليلين جدا الذين يستخدمون ذكاءهم للخروج من المآزق، والإيقاف أو حتى الرفد لن يضطره على الخروج بهذه الطريقة، والقول باستخدام حافظ الذكاء لتفادي المواقف أعتبرها إساءة موجهة للعزيز جداً حافظ يجب علي وعلى من يعرفونه عن قرب الرد عليها (وانت بتعرفو برضو)
وأزيد كمان: لو حافظ اتضح ليهو إنو خروجو دا غلط بيجي راجع تاني ومرفوع الرأس كمان؛ فعهدي به معرفته التامة أنه يمكن أن يخطئ كأي إنسان عادي، وحركات ما عندو، الزول الفقري دا صاحبنا وزميلنا هنا وزي ما قلت نديهو علي راسو ونغلّطو ونزعل منو ولكن لا نصفه بما يقلل من شخصيته
يعني بالواضح كدا حافظ ما حيقلب البوست دا كاميرا خفية[/justify]

ياجمال الدين
يدك ماتوجعك يارب


طيبان
السادن الكاتالني ريدو
صنم العجوة دا خلي لي اسامة منو شوية
وبخصوص دي

WHO CARES

I do انا ومعاي اخرون
واهو هنا في من يمد ليك لسانو
وببراءة الذئب من فعلة الكاميرا الخفية
بنظر ويبرر زي الماحصل شي
ولايحتكم موصوها وماتشربوها
عشان بطنكم ماتوجعكم
ويوم حزين يارميكا

وياصديقي حافظ دمتا
اقعدوا انتو واللائحة والقمر

[أبوبكر عباس]

شكرا أشرف السر، على جعل التواصل مع الأديب حافظ مستمر، والشكر عبرك لوش الكتاب الذي أتاح لنا متابعة حافظ مع قهوة الصباح، فيروز وشاديها، خفة ميلان كونديرا، جورج أمادو والساونا من غير وزارة عريس جديد...

و أعود تلميذ قارئ لموقع (ال سي أن أن) و متابعة تداعيات فوز ابن الخالة و تكهنات أن سوزان رايس سوف تكون وزيرة الخارجية و القتله في كل انحاء العالم في حالة رجفيبة
حافظ حسين بوش الكتاب

- لفت نظري في هذ التداعي، إحتفاء حافظ بسياسة أمريكا الخارجية المستقبلية وتوهمه بنصرتها للمظلومين!
الشئ الغريب الحصل في السودان أخيرا يا رأفت، إفتتان أهل اليسار السوداني بأمريكا والغرب إفتتان يفوق حد التصور؟!
- وصفك يا حافظ، لأوباما "بود الخالة*" جيد ويصب في صالح مشروك بتاع محاربة العنصرية، لكن لو الوصف قاصد بيهو إنتماء أوباما للون الأسود، عليك الله أعفي لي.
ــــــــــــــــــــــــــــــــــــــــــــــ
* حسب حساب العلاقات بالطريقة السودانية، فإن أوباما بهذا الحساب يكون إبن عمو لحافظ، فالمعروف انو أم أوباما امريكية من أصل إنجليزي ووالده كيني.

[ناصر يوسف]

حافظ حسين ،،،
من حقك تماماً أن تودع المكان والناس هنا
فقط ،،، طريقة الوداع هنا كانت خاطئة
خاطئة جداً ،،،

[أبوبكر عباس]

المشاركة الأصلية كتبت بواسطة ناصر يوسف

خاطئة جداً ،،،

تحياتي ناصر يوسف
فعلا خاطئة، لكنها إنتحت منحى درامي مقصود للفت الإنتباه.
من واقع خبرتك السينمائية، هل نصنف الدراما دي، بانها حزينة ولّ مضحكة؟

[كيشو]

المشاركة الأصلية كتبت بواسطة فتحي مسعد حنفي

انت بس أقعد لللكلكة دي
للأسف كل الردو علي ما فهمو المغذي الحقيقي لكلامي

[justify](كل الردو) دي يا عمنا الخواجا ما دقيقة، وأنا رديت عشان أقول إنو حافظ ما الشخص البيستعمل ذكاءه عشان يتخارج أو يتفادى العقاب، يعني أنا رديت على وجهة نظرك في الحتة دي بس.[/justify]
غايتو "حننتني" وذكرتني تمثيلية المنجم التي قرأناها في الابتدائي
المنجم أول شي قال:
يا من إليَّ جئتمْ
الحق ما سمعتمْ
الحق أني أعرفُ
سر الذي لا يُعرفُ
ولامِنْ الجماعة نطو ليهو في حلقو، وقالو ليهو:
يا شيخ ما تقولْ؟!
أما لنا عقولْ؟!
تراجع المنجم وقال:

لا أدَّعي علمَ الغدِ
وعلمَ ما لمْ يوجدِ
الله وحده انفردْ
به؛ وإني أعتقدْ
وبعدين يا عمنا الخواجة في أسبوع واحد تفِكْ ليك مراقتين؟!، ما عصرت علينا كدا
أها مراقتك دي في النهاية استعملتها برااااك

[الجيلى أحمد]

المشاركة الأصلية كتبت بواسطة بابكر عباس

زمان كلمتكم قلت ليكم لو حافظ دا، طلب أي شئ نفذوهو ليهو من غير أي كلام..
أها المرة دي، حردي بحرق مراكب راسو عديل.
أتمنى من الأديب حافظ، إرسال كتاباته الأدبية على بريد سودانيات حتى يتسنى لمعجبيه (طبعا من الجنسين) متابعة تداعياته العظيمة
والله لا يضيع أجر المحسنين

المشاركة الأصلية كتبت بواسطة بابكر عباس

وطيب بهناك عند ناس وش الكتاب الأمريكان ليش ح تلجأ للقضاء لمان حسسك ينهبش؟ وعندنا هنا في سودانيات تعق* لينا نيك نيمنا وباص وردنا في السهلة ساكت؟
وحات سيدي الحسن، حاسي بحسسك....
يا أخي، نحن أخوانك وأخواتك، كان لمان زنقناك في بوست التنوير الفي الخاص داك، ترسل لينا رسائل في خاص الخاص؛ عشان نرخي ليك شوية ونحفظ ليك شوية مويه في وجه حججك ودفوعاتك المربوطة بتيرمومتر أحاسيك المرهفة، يا ديمقراطي.
أعتقد أنو وش الكتاب مناسب جدا، وبهناك البغالطك أو يشكك في خطورتك، تبلكو** طوالي، وتستمر في هكذا تبليك لحدي ما تبني ليك من البلوكات دي، منزل معزول عزل حراري عن المحيط.
ويظل تيرمومتر أحاسيك مقياس للعزل.
ــــــــــــــــــــــــــــــــــــــــــــــــــ ـــــــــــــــــــــــــــ
* تعق = ترمي أو تجدع
** تبلكو = تحجبو أو تعزلو، وهي مستعربة من الكلمة الإنجليزية (blocking)

المشاركة الأصلية كتبت بواسطة بابكر عباس

ضد الحذف
فرصة زي دي، تاني بنلقاها وين؟
داعية ديمقراطي ورجل مجتمع مدني كبير إنهزم وترجل، ورمى بكل أسلحتو الديمقراطية (ما عدا اللجوء للقضاء السوداني في حالة تضرر وش كتابو)، نخليهو كدا ساكت؟
نرفع ليهو الهستامين بتاعو ويظل إحترامنا للقضاء السوداني ولوائح سودانيات قائم.

ــــــــــــــــــــــــــــــــــــــــــــــــــ ــــــــــــــــــــــــــــــــــــــ
أرجو من الأخ كاتب البوست عدم الرد على مداخلاتي في مكان آخر أو بأي وسيلة تواصل أُخرى غير هذا المكان. لكل مقال مكان.

المشاركة الأصلية كتبت بواسطة بابكر عباس

شكرا أشرف السر، على جعل التواصل مع الأديب حافظ مستمر، والشكر عبرك لوش الكتاب الذي أتاح لنا متابعة حافظ مع قهوة الصباح، فيروز وشاديها، خفة ميلان كونديرا، جورج أمادو والساونا من غير وزارة عريس جديد...
- لفت نظري في هذ التداعي، إحتفاء حافظ بسياسة أمريكا الخارجية المستقبلية وتوهمه بنصرتها للمظلومين!
الشئ الغريب الحصل في السودان أخيرا يا رأفت، إفتتان أهل اليسار السوداني بأمريكا والغرب إفتتان يفوق حد التصور؟!
- وصفك يا حافظ، لأوباما "بود الخالة*" جيد ويصب في صالح مشروك بتاع محاربة العنصرية، لكن لو الوصف قاصد بيهو إنتماء أوباما للون الأسود، عليك الله أعفي لي.
ــــــــــــــــــــــــــــــــــــــــــــــ
* حسب حساب العلاقات بالطريقة السودانية، فإن أوباما بهذا الحساب يكون إبن عمو لحافظ، فالمعروف انو أم أوباما امريكية من أصل إنجليزي ووالده كيني.

المشاركة الأصلية كتبت بواسطة بابكر عباس

تحياتي ناصر يوسف
فعلا خاطئة، لكنها إنتحت منحى درامي مقصود للفت الإنتباه.
من واقع خبرتك السينمائية، هل نصنف الدراما دي، بانها حزينة ولّ مضحكة؟

?????



_______________
Hafiz

Take your time brother

[الجيلى أحمد]

المشاركة الأصلية كتبت بواسطة طيبان

بوست مخالف للائحة

well said

[قيس شحاتة]

المشاركة الأصلية كتبت بواسطة حافظ حسين

اسم الحساب: حافظ حسين
كلمة السر: *******

من حق أي عضو في هذا المنبر، تستيف حقائبه وركوب اللوري والمغادرة متى ما شاء، إن كان ذلك بأسباب أو بدونها. لكن لا أفهم من كتابة كلمة الدخول إلى هذا المنتدى، ونشرها على الملأ، إلا أنها دراما القصد منها إثارة انتباه روّاد الأسافير السودانية والعابرين بها.
ما قام به حافظ حسين فيه عدم احترام لهذا المكان.

[أسامة معاوية الطيب]

المشاركة الأصلية كتبت بواسطة AMAL

ياجمال الدين
يدك ماتوجعك يارب


طيبان
السادن الكاتالني ريدو
صنم العجوة دا خلي لي اسامة منو شوية
وبخصوص دي

I do انا ومعاي اخرون
واهو هنا في من يمد ليك لسانو
وببراءة الذئب من فعلة الكاميرا الخفية
بنظر ويبرر زي الماحصل شي
ولايحتكم موصوها وماتشربوها
عشان بطنكم ماتوجعكم
ويوم حزين يارميكا

وياصديقي حافظ دمتا
اقعدوا انتو واللائحة والقمر

محزن جداً فكرة الاستمرار في الالتفاف يا ستي آمال
محزن جدا
قت لي العالم مدور بيريسترويكا في المبادئ ونحن حاضنين أصنامنا وميتين ؟
شفتينا ونحن ميتين ؟ نجنن ونحن ميتين ؟

[فتحي مسعد حنفي]

المشاركة الأصلية كتبت بواسطة كيشو

[justify](كل الردو) دي يا عمنا الخواجا ما دقيقة، وأنا رديت عشان أقول إنو حافظ ما الشخص البيستعمل ذكاءه عشان يتخارج أو يتفادى العقاب، يعني أنا رديت على وجهة نظرك في الحتة دي بس.[/justify]
غايتو "حننتني" وذكرتني تمثيلية المنجم التي قرأناها في الابتدائي
المنجم أول شي قال:
يا من إليَّ جئتمْ
الحق ما سمعتمْ
الحق أني أعرفُ
سر الذي لا يُعرفُ
ولامِنْ الجماعة نطو ليهو في حلقو، وقالو ليهو:
يا شيخ ما تقولْ؟!
أما لنا عقولْ؟!
تراجع المنجم وقال:

لا أدَّعي علمَ الغدِ
وعلمَ ما لمْ يوجدِ
الله وحده انفردْ
به؛ وإني أعتقدْ
وبعدين يا عمنا الخواجة في أسبوع واحد تفِكْ ليك مراقتين؟!، ما عصرت علينا كدا
أها مراقتك دي في النهاية استعملتها برااااك

المشكلة يامولانا انت بالذات ما بقدر اتقاوح معاك وبالكتير ممكن أختك وسط الجماعة بدون تحديد وأنا كان داير مراقاتي كتييييير وكان غلبتني المراقة بدك الورق نظام زمزغة..لكن صدقني دا فعلا كان قصدي لامن كتبت كلامي الحير الناس والشي الغريب أنا مرتين في حتتين ذكرت ان نشر الأحكام وحيثياتا كان مطلب الجميع تقريبا وأفتكر أنا وانت ناقشنا الحتة دي قبل كدا في أحد البوستات بعد فصل ثلاثي النغم..تصور مافي زول اتطرق للحتة دي لا من الادارة لا من المحتجين والحكاية دي شكلها بتعمل حساسية..في مرة أنا كتبت انو في زميل اتفصل ظلما وبهتانا والادارة عارفة كدا..قام واحد مسئول ما بقدر أرفض ليهو طلب اتصل بي بالتلفون وطلب مني أحزف كلامي الكتبتو وعشان المكالمة جاتني تقريبا بعد دقيقتين من نزول الكلام حزفتها ومافي زول لاحظ..هسة موضوع أثينا بقي واضح وكان مفروض طوالي الادارة تلغي القرار الأولاني وترجع ليها حسابا مع تغيير الباس ويرد,لكن دا ما حصل,ليه ألله والادارة أعلم..أما موضوع ماريل فأنت يامتر تعلم ان الاعتراف سيد الأدلة وهي اعترفت وطلبت السماح واحنا ما طالبنا بالغاء العقوبة بل بتخفيضها..
ياخ في المحكمة الاعتراف بخفف الحكم والانسان بيخاطب ربه ويقول أللهم اني لا أسألك رد القضاء ولكن أسألك اللطف فيه وياهو دا ذاتو الاحنا طالبينو فهل هذا بكثير..أسأل ابن كثير