7 فبراير يوم الوفاء لصاحب الدار ــ خالد الحاج فليرحمك الله

[ماريل]

ناصر سلامات يا سيدى
المسألة دى ما بتحتمل تحرد
شد الضراع اختك معاك بالتلفون
خطوة خطوة حتى التنفيذ...
كن بخير وارمى قدام

[ناصر يوسف]

المشاركة الأصلية كتبت بواسطة ماريل

ناصر سلامات يا سيدى
المسألة دى ما بتحتمل تحرد
شد الضراع اختك معاك بالتلفون
خطوة خطوة حتى التنفيذ...
كن بخير وارمى قدام

شكراً ليك يا بت العم
شكراً ليهم

[نبراس السيد الدمرداش]

شوف يا حبيب
زي ما قالت ليك البنيه الفنجريه ماريل دي
ماتحرد وتزعل
خلي اليومين ديل يعدو على خير
ونمرق من الانتخابات دي والتنشن المصاحب ليها
انت ما عارف العمل العام دا كدا
ياخي انا نبراس دي بس قول لي سوي كدا واتركي كدا
تلقاني من يدك اليمين ليدك الشمال

انا ح اسعى اتصل بكل او اغلب اعضاء لجنة التأبين(يمكن في ناس ما وصلهم او ما قروا البوست لا هنا ولا في البركل) ونحدد اجتماع نناقش فيهو مقترحاتك كلها وممكن نضيف ليها جديد
بس طول بالك حبه عليك الله

[ماريل]

المشاركة الأصلية كتبت بواسطة ناصر يوسف

شكراً ليك يا بت العم
شكراً ليهم

ونحن هناك فى البركل شغاليين ما تتخيل اننا واقفيين
ناصر رغم انو بعض الاشياء تدعو للاحباط لكن ليست
الاشياء كما تبدو لك من الوهلة الاولى فى البركل شغاليين
حول علاج انسانة تعرضت لمرض اقعدها عن الحركة
ودى صدقة جارية للخالد(خالد الحاج)ما تحبط يا شاب
وكان ربنا هون والعملية الجراحية نجحت سوف تاتى هذه
الشابة للتابين وده فى تقديرى بكون عمل ايجابى ...
كن بخير وشد الحيل ....

[ماريل]

المشاركة الأصلية كتبت بواسطة نبراس السيد الدمرداش

شوف يا حبيب
زي ما قالت ليك البنيه الفنجريه ماريل دي
ماتحرد وتزعل

يا نبراس ده اسميهو رأب صدع؟؟
لا عليك لن اثقل على قلبك بلومى وعتبى..
كونى بخير ولك المودة صادقة

[ناصر يوسف]

المشاركة الأصلية كتبت بواسطة نبراس السيد الدمرداش

شوف يا حبيب
زي ما قالت ليك البنيه الفنجريه ماريل دي
ماتحرد وتزعل
خلي اليومين ديل يعدو على خير
ونمرق من الانتخابات دي والتنشن المصاحب ليها
انت ما عارف العمل العام دا كدا
ياخي انا نبراس دي بس قول لي سوي كدا واتركي كدا
تلقاني من يدك اليمين ليدك الشمال

انا ح اسعى اتصل بكل او اغلب اعضاء لجنة التأبين(يمكن في ناس ما وصلهم او ما قروا البوست لا هنا ولا في البركل) ونحدد اجتماع نناقش فيهو مقترحاتك كلها وممكن نضيف ليها جديد
بس طول بالك حبه عليك الله

تاااااااني إجتماع ؟؟؟ !!!!
الروح الكانت سَلَبَة ذاتها خلاص مشت وانتهت يا بت العم
سوينا العلينا ولو سميتوها حرَده ،،، سموها
إجتمعوا وسووا البتشوفوه كويس في حق خالد

أنا غايتو بسوي بفهمي براي ،،، كويس ؟؟؟
عندي رسالة قاعد أكتب فيها لخالد الحاج ،،، أتمني إنها تصل روحو *

أصلي شايف اليومين ديل هشام آدم رجع يكتب عن ماهية الله وماهية الحياة والموت وما بعد الموت في شنو وكده ،،،
فشنو ،،،
عادي جداً ـــ مُممممممكِن ـــ إنو رسالتي البكتب فيها تصل لأخوي البحبو شديد خالد الحاج ،،،

ويا خالد الحاج ياخ ربنا يرحمك ويغفر ليك ويغفر لي أنا برضو هناتي وأخطائي في حقك ،،،
يعلم الله غلطان في حقك يا أخوي ،،، عليك الله أعفي لي ياخ

[نبراس السيد الدمرداش]

المشاركة الأصلية كتبت بواسطة ماريل

يا نبراس ده اسميهو رأب صدع؟؟
لا عليك لن اثقل على قلبك بلومى وعتبى..
كونى بخير ولك المودة صادقة

يا بتنا يبدو انك ما عرفتيني كويس
نبراس دي عمرها ما نامت مغبونه من زول
هي مره واحده والحمدلله اتجاوزتها زمان ونسيتها
فشنو انا اصلا ما ختيت في بالي
داك كلام انتهى في مكانو وفي وقتو
وحباب اللوم لانو الما دارك ما لامك ولا شنو

[نبراس السيد الدمرداش]

المشاركة الأصلية كتبت بواسطة ناصر يوسف

تاااااااني إجتماع ؟؟؟ !!!!
الروح الكانت سَلَبَة ذاتها خلاص مشت وانتهت يا بت العم
سوينا العلينا ولو سميتوها حرَده ،،، سموها
إجتمعوا وسووا البتشوفوه كويس في حق خالد

أنا غايتو بسوي بفهمي براي ،،، كويس ؟؟؟
عندي رسالة قاعد أكتب فيها لخالد الحاج ،،، أتمني إنها تصل روحو *

أصلي شايف اليومين ديل هشام آدم رجع يكتب عن ماهية الله وماهية الحياة والموت وما بعد الموت في شنو وكده ،،،
فشنو ،،،
عادي جداً ـــ مُممممممكِن ـــ إنو رسالتي البكتب فيها تصل لأخوي البحبو شديد خالد الحاج ،،،

ويا خالد الحاج ياخ ربنا يرحمك ويغفر ليك ويغفر لي أنا برضو هناتي وأخطائي في حقك ،،،
يعلم الله غلطان في حقك يا أخوي ،،، عليك الله أعفي لي ياخ

سمح يا ناصر خلاص انت سوي البتقدر عليهو والباقين يسوو البقدرو عليهو
بس يا ناصر غيري كم زول قال ليك ياخي رأفة بحالك حبه
السوط البتجلد بيهو روحك دا مشتريهو من وين لا بتقطع ولا انت بتفتر
يا ناصر ارحم روحك دي حبه ياخي والله بحن عليها

[ناصر يوسف]

المشاركة الأصلية كتبت بواسطة ماريل

ونحن هناك فى البركل شغاليين ما تتخيل اننا واقفيين
ناصر رغم انو بعض الاشياء تدعو للاحباط لكن ليست
الاشياء كما تبدو لك من الوهلة الاولى فى البركل شغاليين
حول علاج انسانة تعرضت لمرض اقعدها عن الحركة
ودى صدقة جارية للخالد(خالد الحاج)ما تحبط يا شاب
وكان ربنا هون والعملية الجراحية نجحت سوف تاتى هذه
الشابة للتابين وده فى تقديرى بكون عمل ايجابى ...
كن بخير وشد الحيل ....

ربنا يواليها بتمام العافية يا رب ،،،
دخلت علي البوست بهناك ،،، وتوقعي مني إتصال حالما توفر لنا الوقت لأجل فعل الخير