عزيزي المواطن عزيزتي المواطنة : بالنسبة للبيض الإحتفالي ...!

[بدر الطائف]

يا خضر نحن زاتنا كان ماناس بيض بنقعد نقلد فى ناس بيتضاربو بالبيض.
___________________________
غير اننا ناس فقرانيين وحولنا ناس محتاجين للبيض والدقيق عشان يسدو بيهو رمقهم.
شنو هو علاقة الفرحه والاحتفال بالبيض والزفاره دى.

[أمين محمد سليمان]

المشاركة الأصلية كتبت بواسطة خضر حسين خليل

القال ليكم من أساسوا في زول حيحتفل منو ؟ كل الحنعملوا إنو بالكتير نمشي شارع المطار ويرشونا هناك الناس (البيض) ديلاك بالبيض والدقيق ونجي راجعين نتخمد وننوم .

يا زول الكلام ده قولو لزول ما من أبراقا و لا ساكن الكلاكلة !!
البسمع كلامك ده يقول مولود في نمرة اتنين !!

[نغم]

المشاركة الأصلية كتبت بواسطة خضر حسين خليل

وإحتمال نتعشي صير
وصير صير يا بشير

يا خدر
هابى ويك اند ياخ
انت ما عارف اتاريك هههههههههههه
الشباب روس قبيل من الساعة 10 التلفونات مدورة و الخطوط مشغولة
شنو الحفلات نهاريه و القعدات نص اليوم
والكافتيريات مدورة ماف محل تخت رجلك قالو
و الموصلات فاااااضيه
و الحفلات تنتهى الساعة 8 مساء قبل صلاة العشاء اى قبل استعدادهم لمهاجمة شارع النيل
قالو رافعين شعارم
نوم الجداد ولا سهرو



اها الشباب يتحدى الحكومة
حفلاتنا مدورة

كل الامانى الما بيض س ...تتحق
بالمناسبة طلب السمك عمل 52 جنيه مع ارتفاع الدولار

[خضر حسين خليل]

بيد أن إرتفاع الدولار كان واضحاً في إحتفال الناس بالأمس
غاب البيض والدقيق وبالتالي لم يجد (الناس البيض) طريقة
سوي الإستعانة بالماء .



ــــــــــــــ
غايتو رشونا بالموية يا أمين