اقتباس:
المشاركة الأصلية كتبت بواسطة مها عبدالمنعم
النسوان ديل امرهن عجب عجاب اي نعم
بيت البكا اولا
تبدا علاقة المراه ببيت البكي من لحظة الصرخه الاولي وووب طوالي تجدع الفي يدها وتقول لا حولا راجل فلانه مات كان تعبااااااااااااان
والدموع تبدا تكب من لحظة تاكيد الموت ويبكن الميت دا كانه اخوهن او ابوهن والا راجلن وتلقاها تحوم بعيونه وسط النسوان عاوزه تلم في اهل الميت اها تقوم تسال والراجل لسه مامرق مرقتو الاخره مالو يادي كان شدييييد
لا والله ماكان شدييد الدكتور قنعن منو من اول امس ظنيتو كان مستحضر
الله يرحمه وتمرق الجنازه بكاء مر حتي كان كانت مشاكلاه ومطلعه زيتو المهم مرقت الجنازه والراجل الميت دا بقي شنو
المرحوم راجل فلانه
البكي بقي اكل وشراب وقطيعه
ناس بتصدقو في اليوم التاني اشان ماتبقي عليهم حكاية المقاله ميته وخراب ديار
وناس اليوم التالت
وصدقة الخامسه
وصدقة الاربعين
واليوم الكبير يوم مروق المره الحابسه من الحزن
ياربي من وين جات حكاية الصدقات دي
قاصده صدقات البكي ماصدقات المرحوم
قد اواصل
|
تحياتي مها
والله الانسان مرات بيبكي على بكا الآخرين وماهو نفاق
مرات تشوفي مصيبة اهل البكا وبكا بنات المرحوم ولا المرحومة بيقطع
قلبك وبتبكي حتى لو ما بتعرفي المرحوم/ة
ويقولوا عظم الله ساعة الفراق
ساعة شيل الجنازة دا كذاب الما يبكي الا قلبو حجر
وابدا ما نفاق
مع مودتي
