حاجات حلوة !!

[أمين محمد سليمان]

جيجي يا ستهم

المشاركة الأصلية كتبت بواسطة جيجي

هاكم حلونا

ياخي تحلى أيامك و تدوم سعادتك

[أمين محمد سليمان]

المشاركة الأصلية كتبت بواسطة علاءالدين عبدالله الاحمر

ماتغشنا يازول اسمح زول في سودانيات زول مافي

يا علاء ما تغشك الصورة، أخوك مكمل الوجاهة تب !!
حاجة كده بين الجيلي و فيصل سعد !!

[أبوبكر عباس]

المشاركة الأصلية كتبت بواسطة أمين محمد سليمان

حاجة كده بين الجيلي و فيصل سعد !!

تصدق يا امين، صورة فيصل سعد كنت قايلها صورة أمل دنقل؟

[أمين محمد سليمان]

المشاركة الأصلية كتبت بواسطة مهند الخطيب

يابروف الزول ممكن يجيب حاجات ماحلوة لكن عاجباهو ؟

يا أميننا العام، الحكومة كمان بتستأذن ؟!!
بالنسبة لي : الحاجتين الوحيدات الما حلوات و عاجبني : بكة و التمباك !!

[أمين محمد سليمان]

المشاركة الأصلية كتبت بواسطة نبراس السيد الدمرداش

لعيون اشرف وعيونك يا بروف

يا زولة تسلم عيونك و عيون أشرف و كتر خيرك علي سلافة الفن .

[أبوبكر عباس]

المفروض يا بروف، ترد علي الناس حسب ترتيب حلاوتم وليس حسب ترتيب المشاركات.
الحلو فالأحلى لحدي ما تصل الجيلي وعلاء الأحمر

[أمين محمد سليمان]

المشاركة الأصلية كتبت بواسطة بابكر عباس

تصدق يا امين، صورة فيصل سعد كنت قايلها صورة أمل دنقل؟

يا بكة ياخي ... هل يخفى (الفيصل) ؟!!
بعدين ياخي للمرة المليون، قلنا ما تجو مدلدلين يدينكم ...تعال مستصحب ولا محتقب أي حاجة، بس الله يرضى عليك اعفينا من فيديوهات باكستان !!

[أمين محمد سليمان]

المشاركة الأصلية كتبت بواسطة بابكر عباس

المفروض يا بروف، ترد علي الناس حسب ترتيب حلاوتم وليس حسب ترتيب المشاركات.

كان كده الدور ما بصلك !!

[طارق صديق كانديك]

ياروف كيف حالك، صالح عبدالسيد أبو صلاح صاحب مفردة متفردة في الغناء وشعر الدوبيت السوداني، ولقد نظم (مربوع) احتوى على تكرار حرف (العين) تسعة عشر مرة ، دون أن يخل بالمعنى:

عملت بالعند عادت علي معلولا
عدت بالاصابع كم تعد عزولا
عضعضت العنب بالمعدنه المعسولة
عجزت عن علاجي وبي عذابي عجولا

وكلما لقينا فرصة، طلقنا يدنا وجيناك

[علاءالدين عبدالله الاحمر]

المشاركة الأصلية كتبت بواسطة أمين محمد سليمان

يا علاء ما تغشك الصورة، أخوك مكمل الوجاهة تب !!
حاجة كده بين الجيلي و فيصل سعد !!

الفوق دي يعني صورة المهاتما غاندي وبعدين حدد لينا موقفك من السعودية بنين وناس سارة ديل يعني انت أحلي منهن

[علاءالدين عبدالله الاحمر]

المشاركة الأصلية كتبت بواسطة أمين محمد سليمان

كان كده الدور ما بصلك !!

هههههههههههههه

[سماح محمد]

سلامات ياعمو أمين
والجميع

شكرا على الحاجات الحلوة


ودي عشان ما تهرشني يابروف


http://www.youtube.com/watch?v=FYftvseVzuI

[سارة]

سموحة يا سمحة ياخ مبالغة والله

[أحمد طه]

http://www.youtube.com/watch?v=TuydSD1_h7Y

عندي تعليق على المقطع دا خايف اكتبو ناس فلان يزعلو مني
شكرا دكتور على البوست خفيف الظل

[أمير الأمين]

المشاركة الأصلية كتبت بواسطة أحمد طه

http://www.youtube.com/watch?v=TuydSD1_h7Y

عندي تعليق على المقطع دا خايف اكتبو ناس فلان يزعلو مني
شكرا دكتور على البوست خفيف الظل

دا فيديو لقطة
الاجمل انصرافهم بعد "تثبيت" المهمة
جنس حسادة جداد هى