حاجات حلوة !!

[محمد علي الجراح]

المشاركة الأصلية كتبت بواسطة ماريل

بعدين يا اخ محمد على البروف ده لمان يندهش

شعرو قاعد يتحت فشنو خاف الله فيهو ياخ....

الوشوش ما شغالة لكن(يصدق لكم بعدد معتبر)

غايتو ياماريل البروف دا في ذاكرتي القريبه (اصلع )
يعني ولاشعرايه عندو تتحت..
وبعدين هو قاعد في حته الدهشه فيها (ترف)

[محمد علي الجراح]

المشاركة الأصلية كتبت بواسطة الجيلى أحمد

يامحمد على,

فى شنو ياأخى.
ولييه, ومن متين...
الطفا النور منو؟

ياجيلي ....
ههههههه
ضحكه (رنانه )...

[أسعد]

شكرا ليك انت دا يا اميننا
على قراية النوايا
ياخ الواحد كان ناوي يناكفك ساااااي ياخ

غايتو نشارك معاك

http://m.youtube.com/watch?v=XpaOjMXyJGk

[أمين محمد سليمان]

يا اخوانا مارق لي مشوار و ما عارف بجي بتين ... بالله زول يمسك محمد علي ده !!
و يا ماريل ياخي أنا كان عندي شعر و وقع نصو ما عندي مشكلة، المشكلة أخوك معلم الله !!

[أمين محمد سليمان]

المشاركة الأصلية كتبت بواسطة بابكر عباس

أمين الحلو، صباح الخير
كلما جابو سيرة الحلو؛ بجيب قصتي الفرمالة ديك، وبجي دون أي إعتبار للتكرار.
القصة:
عزموني غدا، بعد اللهط، مشيت أغسل يديني من زيت الضلع، في اللحظة دي، جات البت شايلة الكستر (الحلو) ونادت لي: بابكر، الحلو
بدون ما ألتفت رديت: شكرا يا مٌعجبة
ــــــــــــــــــــ
القصة محورة من نكتة مدناوية قديمة جدا جدا

يا بكة ياخي اعفي لي ... ما شفت نكتك دي !!
يا زول كان كده جيب فيديوهات البكاستانيين أخير لينا !!

[أمين محمد سليمان]

المشاركة الأصلية كتبت بواسطة طارق صديق كانديك

ياروف كيف حالك، صالح عبدالسيد أبو صلاح صاحب مفردة متفردة في الغناء وشعر الدوبيت السوداني، ولقد نظم (مربوع) احتوى على تكرار حرف (العين) تسعة عشر مرة ، دون أن يخل بالمعنى:


وكلما لقينا فرصة، طلقنا يدنا وجيناك

يا دكتور كانديك، هل الرقم 19 عندو أي معنى أو دالة في اللغة العربية عشان ابوصلاح يعمل العينات 19, ولا المسألة رقم و خلاص ؟!!

[أمين محمد سليمان]

المشاركة الأصلية كتبت بواسطة علاءالدين عبدالله الاحمر

الفوق دي يعني صورة المهاتما غاندي وبعدين حدد لينا موقفك من السعودية بنين وناس سارة ديل يعني انت أحلي منهن

يا علاء ياخي ما تحكها كده الله يرضى عليك، اخدني علي قدر عقلي و مشي لي قصة اني وجيه دي !!

[أمين محمد سليمان]

المشاركة الأصلية كتبت بواسطة سماح محمد

سلامات ياعمو أمين
والجميع

شكرا على الحاجات الحلوة


ودي عشان ما تهرشني يابروف

سماح السمحة .. سلام يا أخية
ياخي دا إبداع مرق بهناك !!
كمية الخيال الفي العرض و خاصة قصة أحجام الأشكال البعملوها و تناسبها فاقت حد الممكن و المعقول !!

[أمين محمد سليمان]

المشاركة الأصلية كتبت بواسطة أحمد طه

عندي تعليق على المقطع دا خايف اكتبو ناس فلان يزعلو مني
شكرا دكتور على البوست خفيف الظل

أحمد يا طه ... يا زول علق ساي الحبة ما بتجيك !!

[أمين محمد سليمان]

المشاركة الأصلية كتبت بواسطة فيصل سعد

سلامات يا بروف و لك التحايا الباذخة ..
و نهدي "بكة الذي" صورة حديثة لمحمود درويش
ليزداد انبهارا و كدا ..

[bIMG]http://www.sudanyat.org/upload/uploads/calg2.jpg[/bIMG]

يا وجيه، عصرت علي الجكس بصورك دي ياخي !!

[أمين محمد سليمان]

المشاركة الأصلية كتبت بواسطة مهند الخطيب

طيب وكت قلت كده نخجل ونبدأ بالعاجبنا :

الزول التحت ده بستمع لصوتو بانصات متقن :

http://www.youtube.com/watch?v=nHNLLmoMOAU

وطبعا بهدي الأغنية لست النبض الجواني ...

يا أميننا العام، قبل سنين عددا شفت لي لقاء في Larry King Live مع Aaron
Neville ده واحد علق إنو : if angels have voices it would be Aaron Neville's !!
بعدين يا مهند بالله إنت عندك نبض جواني ؟!
الغريبة الوقت ده كلو قايلك ما بتحس !!

[أحمد طه]

http://www.youtube.com/watch?v=-WqVCgsKHOU

هههههههههههههههههههه ،،، إبداااع لكن

كسرة/ الأعضاء صغار السن مابكونوا سمعوا النشيد الأصلي عشان كده دا ما حيقع ليهم
زينا (الضمير هنا للكباارgap)

[أحمد طه]

http://www.youtube.com/watch?v=wEiE1bB00AE

و دا الشغل الأصلي طبعاً
عشان ناس جيجي و ماريل ما يسطحن في الأولاني

[أمين محمد سليمان]

حسن يا فرح، سلام يا حبيبنا

المشاركة الأصلية كتبت بواسطة Hassan Farah

حوش يا بروف.... دعنا نتواصل.....حبش مجانين.....Crazy Habush !!!!

ياخي والله ده جمال ما طبيعي،
عندي قناعة تولدت من معرفة كتير من الحبش في غربتنا أم تلج دي، إنو الناس دي من أجمل - إن لم يكونو الأجمل - الشعوب إطلاقا، و أجمل دي خلقة و أخلاق. الناس ديل لو تعرفت عليهم عن قرب ما أظن تاني تقدر تصاحب غيرهم .

[أمين محمد سليمان]

المشاركة الأصلية كتبت بواسطة ماريل

الاخ الفاضل محمد على السلام عليكم وبعد

البوست بعنوان حاجة حلوة وليس (حاجة دسمة)

ارجو ان تخاف الله فى اعمامك الهنا ديل حتى

لا تتسبب لهم فى ارتفاع الكلوسترول...

وبارك البروف سعيك واتبعه الاخرون...

المشاركة الأصلية كتبت بواسطة ماريل

بعدين يا اخ محمد على البروف ده لمان يندهش

شعرو قاعد يتحت فشنو خاف الله فيهو ياخ....

الوشوش ما شغالة لكن(يصدق لكم بعدد معتبر)

شكرا يا ماريل ياخي علي مناشدة محمد علي دي .
الزول ده فعلا ما خاف الله فينا كلو كلو، لكن كمان قصة شعري البقع دي سويتيها واسعة !!
البقع ده مش مفروض يوجد في الأول ؟!!