مجموعتي القصَصِيّة (مُمِلٌ اتّباعُ الشّمْسِ كلَّ يوم) تفوز بجائزة المكتبة العصريّة للنشر بـ(مصر) - الصفحة 4

قيس شحاتة · 01-06-2013, 07:56 PM

اقتباس:

المشاركة الأصلية كتبت بواسطة عادل عسوم

تهنئة من القلب ياقيس
اذ يستحق حصاد يراعك أن يُحتفى به والله

ألف شكر يا عادل، وعُذراً على التأخُّر لظروف.
مُمتن واللهِ للإطراء.

اقتباس:

المشاركة الأصلية كتبت بواسطة عادل عسوم

نسختي (أشترط) أن تكون ممهورة بالتوقيع الجميل

التوقيع بتاع تستغرق مناقشة المسائل التافهة؟

بكل سرور والله. ربّنا بس يوصّلِن بالسّلامة.

قيس شحاتة · 01-06-2013, 08:09 PM

اقتباس:

المشاركة الأصلية كتبت بواسطة أحمد طه

تهانينا الحارة يا قيس ، دا فوز مستحق لا فيهو مجاملة لا واسطات لا معرفة
ألف ألف مبروك
إلى الأمام ... إلى الأمام

أستاذنا أحمد طه، يدّيك العافية ويبارك أيّامك.
بالفعل، أحد دواعي سروري بهذه الجائزة - والأخرى التي سبقتها - أنّهما أتياني من الخارج؛ حيثُ لا واسطة لك إلا مدادُك على الورق وقلمُك على القرطاس، وحيثُ لا يرفعُك اسمٌ ولا يدفعُك صِيت ولا ينفعُك وسيط.

النور يوسف محمد · 01-06-2013, 08:22 PM

بسم الله الرحمن الرحيم

سلام قيس ،،
السعادة والأيام الطيبة ،،

يا سيدى أنت على درب التميز ،،
تكتب بمداد عتيق وحروف مطمئنة ،،
القراءة لك متعة ،

على الهامش
نعتب عليك عدم إشتراكك فى مسابقة سودانيات

ونسختنا ما يبقى فيها كلام ،،

شكرى والى لقاء ،،،

قيس شحاتة · 01-06-2013, 08:22 PM

اقتباس:

المشاركة الأصلية كتبت بواسطة ود الخير

مبروك قيس، ومزيد من التقدم والنجاحات.

الله يبارك فيك يا ود الخير. ألف شكر على التمنّيات الطيبة.

قيس شحاتة · 01-06-2013, 08:39 PM

اقتباس:

المشاركة الأصلية كتبت بواسطة جمال محمدإبراهيم

لاستاذ قيس شحاته..
لك التهنئات ولا تأسي لمردود الجائزة فالمهم أن يحظى العمل باستقبال نقاد ذوي شأن فتنفتح الأبواب أمامك...
نجدد التهنئة والتبريكات..

أستاذنا جمال محمد إبراهيم
سعيد والله لمرورك من هنا، وشاكر للتهنئة.
بالطبع أستاذنا، المُهم هو أنّني حُظِيتُ بفرصة ثمينة لنشْر أعمالي. وأكيد أن الأدبَ ليس تجارة نبحث فيها عن الرّبح وجمع المال، رغم أنّ ذلك لا يمنع إنو الواحد لو لقى ليهو دريهمات يُقمنَ صُلبه، ما بياباهِن

.

قيس شحاتة · 01-06-2013, 08:50 PM

اقتباس:

المشاركة الأصلية كتبت بواسطة نبراس السيد الدمرداش

مبارك يا ولدنا
دائما من نجاح لنجاح وعقبال العالميه
استرعى انتباهي عنوان المجموعه

نبراس، يتباركن أيّامك إن شاء الله
شكراً على الدعوت الطيبات.
العنوان دا، بحِيلك لمداخلة البنج شليل؛ قدّم فيهو تصوُّر

اقتباس:

المشاركة الأصلية كتبت بواسطة نبراس السيد الدمرداش

يا ربي ال 28 نسخه ديل بحوقن

يعني آآ الملكة خصمتي اللتنين اللات كانديك طوالي؟

قيس شحاتة · 01-06-2013, 08:55 PM

اقتباس:

المشاركة الأصلية كتبت بواسطة مها عبدالمنعم

سلامات
الف مبروك وموفق ان شاء الله

أهلين مها
الله يبارك فيك يا ستّي. شكراً على كلماتك ودعواتك. يدّيك العافية.

قيس شحاتة · 01-06-2013, 09:08 PM

اقتباس:

المشاركة الأصلية كتبت بواسطة عكــود

سلام يا قيس،

خبر مفرح بحق ويدعو لأن نفاخر بك.
إلى الأمام دائماً إن شاء الله.

وعليكم السلام يا عمدة،
بل أنا من أفخر والله بوجودي بينكم.
ألف شكر على الكلمات الطيّبة.

اقتباس:

المشاركة الأصلية كتبت بواسطة عكــود

هل هناك إمكانية لإنزال المجموعة في نوافذ؟

أعِدتً قراءة العقد بعد مداخلتك هذه، فوجدتُ في فقرته الثالثة، النّص التالي:

اقتباس:

لا يجوز للمؤلف (الطرف الثاني) طبع ونشر وتوزيع العمل داخل أو خارج جمهورية مصر العربية بأي صورة كانت إلا بعد مرور ثلاثة أعوام على نشر هذا المؤلف.

لكن بحاوِل أجازف قصّة قصّتين؛ ما بسَوّنلهُن شِي

قيس شحاتة · 01-06-2013, 09:18 PM

اقتباس:

المشاركة الأصلية كتبت بواسطة بابكر عباس

إتّا يا قيس، المرة الجاية شارك في مسابقات الدول المحترمة زي الإمارات دي، عشان صورك وانت مبتسم وتستلم في الجوائز تكون في "عين العدو"؛ دليل رواية.

الأستاذ الكبير أبوبكر محمد أحمد عباس
صبْرك على الإمارات؛ فهي ستكون آخر فتوحاتنا في بلاد العرب، قبل أن نتخذ إلى عبور المُحيط سبيلا

قيس شحاتة · 02-06-2013, 12:49 PM

اقتباس:

المشاركة الأصلية كتبت بواسطة سارة

شحتة يا ابن عمى والله الف الف الف مبروك

تستاهل كل الخير يا وجه الخير

طبعا اخيتك حقها يجيها لاعندها

اتنين ما دايراهم واسطة بابكر عباس عشان رقد بالكتاب حق بلة
وطارق كانديك لاسباب فى نفسى

أُخيّتنا أم فرح
الله يبارك ليك في فرح وتشوفي جديدو إن شاء الله.
يستاهلك الخير.
نسختك تصلك بإذن الله، بس دحين ما صعّبتيها بدون بابكر عباس وكانديك؟ الجماعة ديل بدونهم ما كنتَ طُلتَ بلح العراق ولا ضقتَ عنب مصر

قيس شحاتة · 02-06-2013, 12:58 PM

اقتباس:

المشاركة الأصلية كتبت بواسطة عبدالمنعم الطيب حسن

التي تصب في ذات اتجاهي

الله إن شا الله بي بركة المشامْلة، والأسرار الكاملة. وشيخي ود حسونة أب حُجّة مدفونة. وشيخنا ود السايح، دا البجيب الرّايح: تصُب فوقك مطرة تخليك تترقِط.

سارة · 02-06-2013, 01:00 PM

اقتباس:

المشاركة الأصلية كتبت بواسطة قيس الصديق شحاته

الله إن شا الله بي بركة المشامْلة، والأسرار الكاملة. وشيخي ود حسونة أب حُجّة مدفونة. وشيخنا ود السايح، دا البجيب الرّايح: تصُب فوقك مطرة تخليك تترقِط.

قيس شحاتة · 02-06-2013, 01:07 PM

اقتباس:

المشاركة الأصلية كتبت بواسطة هيثم علي الشفيع

قيس يا شحاتة

تهنئة خالصة ومزيد من التقدم والنجاحات

حبيبنا الوديع هيثم الشفيع
التحايا والأشواق
ألف شكر على التهنئة والدعوات.
أها، وصلتَ لجدوى وللا كوْ؟

قيس شحاتة · 02-06-2013, 02:04 PM

اقتباس:

المشاركة الأصلية كتبت بواسطة شبارقة

تهانينا وألف مبروك يا قيس

خبر مفرح .. مبروك لك ولنا ولسودانيات .. وإلى الأمام دائماً إن شاء الله.

أوو أستاذ شبارقة، سلامات ياخي
يدّيك العافية ويباركوا ليك جديد وليداتك.
ألف شكر على التمنّيات الطيبة.

تماضر حمزة · 02-06-2013, 02:48 PM

سلامات،
المرة الفاتت كنت غيرانة منك، ف سُطت ليك النص بتاعك، الآن أنا حاسداك عديل

ألف مبروك ياقيس، نجاحاتك أفرحتني جدّاً..

01-06-2013, 08:22 PM	#[48]
النور يوسف محمد :: كــاتب نشــط::	بسم الله الرحمن الرحيم سلام قيس ،، السعادة والأيام الطيبة ،، يا سيدى أنت على درب التميز ،، تكتب بمداد عتيق وحروف مطمئنة ،، القراءة لك متعة ، على الهامش نعتب عليك عدم إشتراكك فى مسابقة سودانيات ونسختنا ما يبقى فيها كلام ،، شكرى والى لقاء ،،،
النور يوسف محمد :: كــاتب نشــط::

02-06-2013, 02:48 PM	#[60]
تماضر حمزة :: كــاتب نشــط::	سلامات، المرة الفاتت كنت غيرانة منك، ف سُطت ليك النص بتاعك، الآن أنا حاسداك عديل ألف مبروك ياقيس، نجاحاتك أفرحتني جدّاً..
تماضر حمزة :: كــاتب نشــط::