لووووب
كتب حيدر الزين* في سودانيز:
اقتباس:
" النطع " دا اول شئ وقت قريتو قايلو - برش الدخان - باقي زماااان وقت البلد فيها رجال النسوان يشدو ليهم حفرة الدخان كان بيطلقوا اسم " النطع " على برش مخروم الوسط .. قلت حسين خوجلى جاب اخرو وعاوز يقود المعارك من على حفر الدخان والا شنو!!
القاهو ليك بيتنطّع ويقول " معركة ذات نطع نطع وغبار "
اها يا حسين خوجلي العربي " النطع دا ياهو الغبار زاتو " فهل تصدق ذلك انه انت ذات نفسك " مُلحد " في لسانكـ
|
وهو (عربي) اصلي!
--------
من عرب كتور .. في ولاية نهر النيل (ممكن تقرأ مركز دائرة الوجود يا زول .. المافي شنو!؟)
لكن في دي اظنو جلاها ثااابتة خلاني اصرّجا وراو!
قدر ما فتشت في القواميس معنى للنطع ك(غبار) ما لقيت اقرب من (غار) الفم!!
ولا قدرت القى معنى قريب للقصدو (العربي) سيد التعبير "معركة ذات نطع وغبار“
نطعك انت دا على نطع العريبي حيدر الشين دخلهم شنو بالمعارك!؟
وهنا عمك حسين خوجلي جلاها ثااابتة ... حيرني كلو كلو!!
بدعوا لشنو بالضبط هو لو اعتمدنا تعريفك؟
او قول بهدد بي شنو عديييل كدا!؟
شفت كيف بروف محمد أحمد محمود كان محقاً في شرطه للحوار والمنازلة الفكرية!؟
يا ريت ياخي (الاستاذ) بابكر (دا السبت يا عمك اوعك تنسى اللحد)، يا ريت هو والجيلي يبرونا بنسخة من الكتاب .. المافي شنو يا جيلي القوم .. انا ما صاحبك؟
انساك كيف يا فردة .. هو انت انت بتتنسي؟
وبالجد شاكر ليك زيارتك الكريمة .. وياريت الزمن والظروف تسمح بتكرارها .. ويتسهل لينا ردها
كن بخير ومن معك؟
