الإخوان وسعار فقدان الكرسي....مصر الجديدة وزلازل متتابعة...حركة تمرد وصناعة النصر

[لنا جعفر]

Samhwny Ala Al-mqat'h Qlylaan....
Fydyw Ll'astadh Mhmd Hsnyn Hykl M' Al-i'lamyh Lmys Al-hdydy
Fyh Mqarbat Wadhh Llmltbsyn
(
سامحوني على المقاطعة قليلاً....
فيديو للأستاذ محمد حسنين هيكل مع الإعلامية لميس الحديدي
فيه مقاربات واضحة للملتبسين
ونواصل الرد على لأحباب بعده
)
http://www.youtube.com/watch?v=LAfuz46qjzc

[كيشو]

المشاركة الأصلية كتبت بواسطة مهند الخطيب

عليك الله البروف وخال فاطنة ماتتفسحو فينا بالباطل ....

الانقلاب العسكري هو استيلاء الجيش او جزء منه على السلطة ...

مجربين 3 انقلابات عسكرية كمان داير تاكلونا حنك في تعريف الانقلاب؟؟

ازيك يا مهند
سؤال: هل يعتبر استيلاء الجيش أو جزء منه على جزء من السلطة انقلابا؟
وهل تعليق العمل بالدستور يعتبر عملا انقلابيا، أم هو عمل عسكري من صميم اختصاص قائد الجيش؟
وسؤال للعصفور طارق: هل تعيين عدلي منصور دستوري؟
علما بأن السيسي علق العمل بالدستور قبل تسليم السلطة لعدلي منصور (شعر مش كدا)

[أمين محمد سليمان]

يا أميننا العام، سلام

المشاركة الأصلية كتبت بواسطة مهند الخطيب

انت كدي احسم لي حتة الانقلاب العسكري بحسب توصيفنا البنعرفو للانقلابات هنا حاصل وللا ماحاصل ؟

ما بتتحسم طالما إنت خاتي في بالك إنو الأزاحوهم من الكرسي ديل كيزان !!
انتو يا مهند - لانكم ما عصافير - لو جئنا بمداد الدنيا كلو و سكبناه حججا و منطقا و واقعا ما ح تقتنعو لانو الشايفنو انتو إنو الكيزان إنزاحو من السلطة، بانقلاب بزلزال بجن أحمر ... لا يهم !!
العصافير يا مهند، و لعلك تعرفهم شخصيا أكتر مني، كلهم ضد الكيزان زيكم و أكتر منكم، لكنهم قادرين يفرزو كويس بين كراهيتهم للكيزان و المبدئية ضد تدخل العسكر في السياسة لانها بتدي شرعية لمن لا شرعية له، و ما ببقى عندنا وش تاني ندين ولا نعارض أي تدخل للعسكر !!

[مهند الخطيب]

المشاركة الأصلية كتبت بواسطة كيشو

ازيك يا مهند
سؤال: هل يعتبر استيلاء الجيش أو جزء منه على جزء من السلطة انقلابا؟
وهل تعليق العمل بالدستور يعتبر عملا انقلابيا، أم هو عمل عسكري من صميم اختصاص قائد الجيش؟
وسؤال للعصفور طارق: هل تعيين عدلي منصور دستوري؟
علما بأن السيسي علق العمل بالدستور قبل تسليم السلطة لعدلي منصور (شعر مش كدا)

سلام ياكيشو ....
انا ماسمعت لي بجيش ليوم الليلة استولى على جزء من سلطة وخلى باقيها ، انت ياكيشو تستولي على حاجة مش معناها تضمها الى ملكيتك؟؟

[خال فاطنة]

المشاركة الأصلية كتبت بواسطة مهند الخطيب

ياأبو باسل والله أسئلتك دي اجاوبا ليك بلا أقوم من تكيتي دي ....

انت كدي احسم لي حتة الانقلاب العسكري بحسب توصيفنا البنعرفو للانقلابات هنا حاصل وللا ماحاصل ؟

حاصل
و دا كلام قلته و قالو غيري في هذا البوست....
الانقلاب يا عمك هو طريقة لتغيير نظام الحُكم عن طريق الأجهزة العسكرية، و ليس نظام حُكم...عشان ما تمسك في حكاية إن مافي حاكم عسكري...
الجيش شال الرئيس...
يعني لو البشير و أعوانه سلمو السطلة جملة للكادر المدني كان بيكونو ما إنقلابيين؟
ما تجي تقول لي الفرق إن في مصر في ناس في الشارع قبل تحرك الجيش..

[كيشو]

المشاركة الأصلية كتبت بواسطة مهند الخطيب

سلام ياكيشو ....
انا ماسمعت لي بجيش ليوم الليلة استولى على جزء من سلطة وخلى باقيها ، انت ياكيشو تستولي على حاجة مش معناها تضمها الى ملكيتك؟؟

ما ضروري يا مهند
الجيش ممكن يستولي على السلطة ويعين ناس يمارسو السلطة دي
غايتو لو البرادعي عينوه رئيس وزراء حيحرجوكم حرجا شديدا

[خال فاطنة]

بعدين يا مهند عشان الحكاية ما تكون غلاط و تعريفات و نظري غير مجدي...

أنسى حكاية إنقلاب دي

أدينا الاسم المناسب للطريقة التي تم بها عزل مرسي

[مهند الخطيب]

المشاركة الأصلية كتبت بواسطة أمين محمد سليمان

يا أميننا العام، سلام ما بتتحسم طالما إنت خاتي في بالك إنو الأزاحوهم من الكرسي ديل كيزان !!
انتو يا مهند - لانكم ما عصافير - لو جئنا بمداد الدنيا كلو و سكبناه حججا و منطقا و واقعا ما ح تقتنعو لانو الشايفنو انتو إنو الكيزان إنزاحو من السلطة، بانقلاب بزلزال بجن أحمر ... لا يهم !!
العصافير يا مهند، و لعلك تعرفهم شخصيا أكتر مني، كلهم ضد الكيزان زيكم و أكتر منكم، لكنهم قادرين يفرزو كويس بين كراهيتهم للكيزان و المبدئية ضد تدخل العسكر في السياسة لانها بتدي شرعية لمن لا شرعية له، و ما ببقى عندنا وش تاني ندين ولا نعارض أي تدخل للعسكر !!

اها شوفتا يابروف ده الكلام البخلي الزول يصرف ليك عدد واحد حننتني سريع

عسف شديد منك ياخي تخش جواي وتحصل على معلومة اني بدافع عن الموقف ده عشان الاتشلعو ديل كيزان !!

المبدئية البتقولا دي يابروف بترتكز على حقائق ومعرفة مامبدئية (صبّة) ساي ،

كلامك عاطفي ساكت

[كيشو]

المشاركة الأصلية كتبت بواسطة خال فاطنة

حاصل
و دا كلام قلته و قالو غيري في هذا البوست....
الانقلاب يا عمك هو طريقة لتغيير نظام الحُكم عن طريق الأجهزة العسكرية، و ليس نظام حُكم...عشان ما تمسك في حكاية إن مافي حاكم عسكري...
الجيش شال الرئيس...
يعني لو البشير و أعوانه سلمو السطلة جملة للكادر المدني كان بيكونو ما إنقلابيين؟
ما تجي تقول لي الفرق إن في مصر في ناس في الشارع قبل تحرك الجيش..

معذرة يا خال فاطنة
فكرتك دي عبرت عنها في مداخلتي السابقة دون ان أنتبه

[خال فاطنة]

المشاركة الأصلية كتبت بواسطة خالد غالي

سلامات ياخال فاطمة

زي ماقلت للبروف فوق المسألة دي بقى الخيار فيها للجيش اما التدخل او يخلو الناس تطحن بعض .. وهم اختارو خيار التدخل .. ما اظن في اغلى من ارواح الناس .. والسلطة هم ما اخدوها لي نفسهم ولكن رجعوها للشعب ممثل في القاضي ..

وصف الحصل ده بأنو انقلاب فيهو ظلم كبير والله

تحياتي

التدخل يا خالد ما عندو علاقة كبيرة بإن الناس ما تطحن بعض لأن الطحن و الموت بدأ بعد التدخل دا....يعني موت الليلة دا سببو الرئيسي تدخل الجيش و عزل الرئيس..يعني لو الحكاية مبررها حقن الدماء كما تفضلت كان الأجدى حراسة الميادين و توفير الحماية فقط للمحتجين...و تشوف عينك يا دوبك ح يبدأ الطحن الجد جد

[مهند الخطيب]

المشاركة الأصلية كتبت بواسطة خال فاطنة

حاصل
و دا كلام قلته و قالو غيري في هذا البوست....
الانقلاب يا عمك هو طريقة لتغيير نظام الحُكم عن طريق الأجهزة العسكرية، و ليس نظام حُكم...عشان ما تمسك في حكاية إن مافي حاكم عسكري...
الجيش شال الرئيس...
يعني لو البشير و أعوانه سلمو السطلة جملة للكادر المدني كان بيكونو ما إنقلابيين؟
ما تجي تقول لي الفرق إن في مصر في ناس في الشارع قبل تحرك الجيش..

لو البشير وزمرته كانو سلمو السلطة لنظام مدني انتقالي مؤقت تسليما مشروطا باقامة انتخابات برلمانية ورئاسية في مده زمنية محددة ، وكونو لجنة مصالحة وطنية ، وأخرى لصياغة دستور جديد يخضع لاستفتاء ، وكان التسليم ده مدعوم بحراك شعبي على أرض الواقع حجمه 22 مليون بني آدم ماكان بكونو انقلابيين ...

ايه جو الافتراضات الواقعين فيهو انت وكانديك الليلة ده ؟؟؟؟!!!

[مهند الخطيب]

المشاركة الأصلية كتبت بواسطة كيشو

ما ضروري يا مهند
الجيش ممكن يستولي على السلطة ويعين ناس يمارسو السلطة دي
غايتو لو البرادعي عينوه رئيس وزراء حيحرجوكم حرجا شديدا

كيف ماضروري؟؟! الجيش لو جاب ناس مدنيين (وما أي ناس) صاحب أعلى سلطة قانونية في البلد ماببقى اسمه استولى ، استولى دي لمن يجي يكون مجلس عسكري ويحكم هو ....



فيما يخص البرادعي ...الغريبة انا بتمنى تعيينو رئيس وزراء بس في النهاية الكلمة للسيد رئيس جمهورية مصر العربية عدلي منصور ...

[خال فاطنة]

المشاركة الأصلية كتبت بواسطة مهند الخطيب

لو البشير وزمرته كانو سلمو السلطة لنظام مدني انتقالي مؤقت تسليما مشروطا باقامة انتخابات برلمانية ورئاسية في مده زمنية محددة ، وكونو لجنة مصالحة وطنية ، وأخرى لصياغة دستور جديد يخضع لاستفتاء ، وكان التسليم ده مدعوم بحراك شعبي على أرض الواقع حجمه 22 مليون بني آدم ماكان بكونو انقلابيين ...

ايه جو الافتراضات الواقعين فيهو انت وكانديك الليلة ده ؟؟؟؟!!!

gapgapgap

بقى كلامك دا فيهو إضافة جديدة كرت مفادها إن الإنقلاب العسكري هو ليست تغيير النظام بواسطة الجيش و لكن هو ما سيحدث بعد هذا التغيير...يعني بعد دا أي عسكري يظهر في التلفزيون و يذيع بيان يعزل فيهو الحاكم بس عليهو التأمين على ما ذكرت و يكون بذلك برئ من تهمة الانقلاب!

[لنا جعفر]

المشاركة الأصلية كتبت بواسطة النور يوسف محمد

وفى المقابل ينبغى ألا نسمع أصواتاً تنوح وتنعى ديمقراطية لم تكن بكتها فى الثلاثين من يونيو 89 ،،

مش كده يا ريس .

مساك عافية يانور الكون
دعني أوضح بشكل لايقبل المناورة أني ضد أي إنقلاب عسكري يقضي على حكم ديمقراطي وينصب نفسه بدلاً عنه ويقضي على المؤسسات والآليات الديمقراطية
ويكمم الفواه ويصادر الحقوق والحريات الدستورية .
ثم يانور الرابط شنو بين مايحدث الآن بمصر بما حدث في صبيحة 30 يونيو 89 المشئومة في السودان؟؟
إنقلاب 30يونيو الكيزاني السوداني انقلاب دبل كريم عسكري هوسي مرتبط بالإسلام السياسي إرتباط عضوي
ومايحدث الآن بمصر ثورة شعبية بكل المقاييس أزاحت فريق رفض إعمال الدستور وتغاضى عن حقوق دستورية وانتهكها
وأسمح لي هنا اني ارفض مجرد المقارنة بماحدث في السودان ومايحدث في مصر
البيحدث في مصر ليس إنقلاباً ....الإنقلاب لديه قوالب معلومة وعلمية
لم تتوفر في حماية الجيش لإرادة الشعب المصري
الجيش المصري هنا لم ينصب نفسه حاكماً ولم يقم بعزل مرسي اذ انه ليس صاحب إرادة سياسية هنا....الجيش هنا حارس لحريات الناس وحامي لممارسة تلك الحقوق
التي ثارت لانتزاع حقها الدستوري المتمثل في المطالبة بإنتخابات رئاسية مبكرة...
الاسئلة التي نود الإجابة عنها....
هل مرسي أصيل في الحكم أم وكيل؟؟؟
هل من حق الاصيل إقالة الوكيل أم أن الوكالة ابدية ؟؟؟
هل الشرعية منحة يمنحها الشعب لرئيسه ؟؟؟
هل من حق الشعب الرجوع عن منحته؟؟؟
هل طالب الشعب بانتخابات رئاسية مبكرة؟؟.؟
هل طلب الانتخابات الرئاسية المبكرة حق دستوري وقانوني ومعمول به؟؟
هل وافق مرسي على الإجراء وأيده؟؟؟
هل تابع الشعب حقه وخرج مدافعاً عنه؟؟؟
ماذا كان سينجم عن إصرار الشعب وتعنت الأخوان المتشبثين بالكرسي؟؟
هل الجيوش مهامها فقط حماية حدود الأوطان ؟؟؟
هل للجيوش من مهام تكميلية وطنية تتمثل في صدّ الكوارث ومهددات الأمن الوطني؟؟ أم أن حساسيتنا تجاه العسكرستلغي هذا الدور للجيوش؟؟؟
هل الجيش نصب حاكم؟؟؟ ام عمل بالدستور قبل توقيفه وعيّن مدني
هو رئيس المحكمة الدستورية العليا ؟؟؟
هل أصلاً المبادرة جاءت من القوات المسلحة؟؟
هل يمكن للجيش أن يتخذ إجراءات تقي البلاد الوقوع في حرب أهلية؟؟
اجوبة الاسئلة دي بدون مراوغة بتخدمنا عشان نصل لشي بدل نسوق الجدل
من اجل الجدل ...
تسلم يانور وليك كل تحياتي وكل المحبة

[مهند الخطيب]

المشاركة الأصلية كتبت بواسطة خال فاطنة

gapgapgap

بقى كلامك دا فيهو إضافة جديدة كرت مفادها إن الإنقلاب العسكري هو ليست تغيير النظام بواسطة الجيش و لكن هو ما سيحدث بعد هذا التغيير...يعني بعد دا أي عسكري يظهر في التلفزيون و يذيع بيان يعزل فيهو الحاكم بس عليهو التأمين على ما ذكرت و يكون بذلك برئ من تهمة الانقلاب!

ياآدم عشان الحكاية ماتبقى كوار ....

ردي ده على سؤالك الفطير الفوق ده ، يفترض دام هو فطير انا احصلو باللبن البلقاهو عندي ...

الانقلاب هو استيلاء الجيش على السلطة ، لكن يبدو انو نحن مامحتاجين نعرّف الانقلاب العسكري ، نحن محتاجين نعرّف كلمة (استيلاء) ...