اغاني .. واغاني

[قيقراوي]

قصة وشوشني العبير فانتشيتُ .. وساقني الهوى فما ابيتُ

تواتر عن ابو آمنة حامد همسلف، انها قيلت في محبوبته، ولاحقاً زوجته..
في حلقة مع هلاوي قال: لو قُدر لي اعادة كتابتها لكتبتها:
وشوشني العويرُ .. وياريتني لو كان ابيت!!













-----

اعتقد انو للحلقة بقية ..
ما ممكن يكروتنا عمك قدور كدا بدون سال من شعرها الذهب!
ودي كتبت في زولة بحبها كل الشعب السوداني .. والعهدة على الراوي

عرفتو ليه اتنبأت بحضور ممتاز لمعاذ؟

[الرشيد اسماعيل محمود]

أحمد مأمون بيمتلك إمكانيات صوتية مميّزة، إتمنيت يغني الليلة براهو من غير تحلية
ثمّ:
يا خالد غالي:
عندي معلومة السنة الفاتت إنو الأزياء الفي البرامج قاعدة تتكفّل بيها بيوتات للأزياء مقابل الاعلان، يعني لو نسرين ظهرت بتوب شديد، محل الازياء حيكسب دعاية وإعلان، لو ما عن طريق القناة، حيكون عن طريق نسرين ذاتها (توبك الأصفر داك اشتريتيهو من وين؟)، ومن سؤال لسؤال، الحكاية حتبقي إعلان شبه مجّاني.
القنوات الكبيرة، الأزياء بالنسبة ليها جزء أساسي من الديكور، مكمِّل ليهو بشكل كبير، فما ممكن تخلِّي أيّ زول يجي بالعايز يجي بيهو، المسائل دي بتكون محسوبة بدِّقة.
وحتي رصّة الضيوف في برنامج معين، ما قاعدة تكون ساي، نظام أنا داير أقعد في الفجّة دي، أو داير أكون جمب فلان وعلانة، فنيين الديكور هم البيحدِّدوا الحاجة دي.

[اشرف السر]

المشاركة الأصلية كتبت بواسطة الرشيد اسماعيل محمود

أ
وحتي رصّة الضيوف في برنامج معين، ما قاعدة تكون ساي، نظام أنا داير أقعد في الفجّة دي، أو داير أكون جمب فلان وعلانة، فنيين الديكور هم البيحدِّدوا الحاجة دي.

بعتقد انو دا سبب غياب محمد ديكور عن سودانيات

[زول الله]

المشاركة الأصلية كتبت بواسطة الرشيد اسماعيل محمود

ما ممكن تخلِّي أيّ زول يجي بالعايز يجي بيهو، المسائل دي بتكون محسوبة بدِّقة.
وحتي رصّة الضيوف في برنامج معين، ما قاعدة تكون ساي، نظام أنا داير أقعد في الفجّة دي، أو داير أكون جمب فلان وعلانة، فنيين الديكور هم البيحدِّدوا الحاجة دي.

استانا على الكلام دا -اذا كانت النيل الازرق تبع الكبار ديل- هل لبس معتز الافغاني دا اختاروه ليهو؟؟

تكون دي عوجة والله





اقول قولي هذا واستغفر الله لي..............

[قيقراوي]

ان شاء الله عمك قدور ما يخذلني الليلة ..

اولاً يواصل مع الشاعر العظيم ابو آمنة حامد ..
شاعراً .. دبلوماسياً .. وسياسياً









------

شخصياً افضلو عاشقاً ..

الامنية التانية انو "سال من شعرها الذهب“ تغنيها نسرين .. عاوز اشوف الاداء الهندي بطلع كيف

ياخ الزولة شو كتيرة مهضومة!!
خصوصاً لمن تقلد ابو داؤد ذو الصوت والاداء الرجولي!

[احمد زين]

طبعا وشوشني العبير دي انا بعتبرها من اجمل الاغاني
لانو ابو آمن حامد جدع فيها كلام بسيط ورقيق ومليان فرح
جاء المعلم الكبير بتاع الالحان صلاح بن البادية
خت فيها لحن بايقاع راقص ومختلف عن كل الاغاني الموجوده في الساحة

يا اخوانا عندي راي في صلاح بن البادية ده لو توافقوني فيهو

الراجل ده من اعظم الملحنين في البلد

[احمد زين]

حلقة اليوم برضو ابوآمنة حامد

الاغاني المتوقعة:

ما نسيناك : الجابري
بهجة : محمد الامين (جانا الخبر شايلو النسيم)
جاري وانا جارو : سيد خليفة
بنحب من بلدنا : محمد وردي
سال من شعرها الذهب: ابن البادية

[خالد غالي]

يا الرشيد

اظن بيوت الازياء ممكن تعمل دعاية في ملابس مقدم البرنامج, موش الضيوف !!
طيب الباقين ديل يعني مالهم شماعتهم ماسمحة ولا شنو

كما احيلك الى سؤال زول الله اعلاه

[خالد غالي]

هههههههههههه

عضعض ليكم الغنية

[اشرف السر]

المشاركة الأصلية كتبت بواسطة خالد غالي

هههههههههههه

عضعض ليكم الغنية

عضعضها وانتهى منها....

اليوم عملت عمليتك وقفلت الصوت واتفرجت على الحركات بس....

مسكين المايك ياخ.. تلقى لي اسه راسو لافي

[قيقراوي]

اه!!!

















-------

رجعوا لينا قروشنا
ما دايرين فرفور ... فرررررررر!!

[قيقراوي]

حوالااااا!!

الشباب ديل كوللللهم مافيهم زول بفرق بين (عبست) و (عبثت)!؟
والذهب بقت (زهب) زي المافي حاجة!!











------

100 جلدة لكل من شارك في الجريمة دي

[خالد غالي]

المشاركة الأصلية كتبت بواسطة اشرف السر

عضعضها وانتهى منها....

اليوم عملت عمليتك وقفلت الصوت واتفرجت على الحركات بس....

مسكين المايك ياخ.. تلقى لي اسه راسو لافي

لمن الصوت يكون مقفول لو قالو ليك الزول ده بسوي في شنو؟
حاتقول بياكل ليهو في عصبة موش؟

[مها عبدالمنعم]

البت فهيمه دي ما هينه تب
جاري وانا جارو

[أسعد]

الليلة اول مرة احضر اغاني اغاني
معتز صباحي تعدى مرحلة ارضاء المستمعين
واصبح الغناء متنفس لمشاعره، وارضاء وتطريبا لنفسه