اقتباس:
المشاركة الأصلية كتبت بواسطة طارق صديق كانديك
غايتو بابكر عباس تِعب معاي بعد ده |
يا دوك ... بكة الذي لم يبارك حوله أحد already تعبان معاك و مع سائر السودانياتاب .... الراجل ده انتو ما مقدرنو حق قدره ... بكة حسب مقياس العماقة لا يقل عن محسن سوى ببونط واحد لا أكثر !!!
اقتباس:
المشاركة الأصلية كتبت بواسطة طارق صديق كانديك
هذا الحديث على أهميته يقف في مؤخرة أسانيد كثيرة تقوم شاهداً على مسئولية الرئيس عمر البشير الجنائية فيما يتعلق بمذابح دارفور وغيرها.
الشيطان يَكمُنُ في التفاصيل-كمايقولون-، وإثبات المسئولية الجنائية يحتاج الى الكثير من التفاصيل لم أجد لها أثراً في الفيديو المرفق، بل حاول البشير أن يجعل الجميع مسئولون مما جرى في دارفور في محاولة بائسة للتنصل من مسئوليته الفردية كرئيس للبلاد. وإلا ما ذنب الذي يقف في مؤخرة الصف الذي وصفه(آخر جندي ماسك بندقيتو) ؟ وهو يتلقى أوامره من الذي يقوده؟
إن تسفيه أسباب الإقتتال في درافور،والبكاء اللاحق على الدم المسفوك، لن يجعل من الرئيس البشير بريئاً ولو حَرِص.
|
كيف يا دوك لم تجد أثراً للمسئولية الجنائية في الفيديو المرفق و الراجل بعضمة لسانو قال نحن مسؤلين من قتل أهل دارفور وسفك دماء المؤمنين وقتل النفس التي حرم الله، و قال الله ما ح ياخذ منو كتابو بيمينو إلا يغفر لانو ما لقى كفارات لقتل النفس !!
صحيح هو حاول يعمم المسؤلية على الجميع لكن أدان نفسو في الأول و ده البهم المحكمة !!
بعدين يا دوك، أخوك ما عندو علاقة بالقانون، لكن طبعا إنت عارف إنو الناس البتشوف بنور الله الزينا ديل بعرفو أي شي في أي شي، و لو جاك زول قال ليك أنا و ناس حلتنا مسؤلين من كتيل ناس الحلة الوراء أول حاجة بتعملها انك بتمسك الزول ده و توديه التمنة بعداك بتشوف قصص ناس الحلة الباقيين، خاصة لو الزول الاعترف ده كان شيخ الحلة ... خليه رئيس البلد !!!
الأنا سمعتو و فهمتو من الفيديو ... إعتراف صريح مافيهو أي شخشخة ... و الأعتراف كما تعلم سيد شباب الأدلة و شاباتها !!!
